ايه البلد دى !!! حفيد الريس مات .. عملوا حداد ... شيخ الازهر مات

بسم الله الرحمن الرحيم
السلام عليكم جميعا ...
موضوعى ممكن يكون مش مهم
بس زى ما هو واضح من العنوان
مجرد تنويه على حال البلد الى بقى يفقع المرارة !!!
* من كام شهر توفى حفيد الريس - الله يرحمه - و البلد كلها قلبت محزنه و نفاق و رياق !!!
* دلوقتى .. شيخ الازهر توفى - الله يرحمه - برغم اختلاف اغلبيتنا معه .. بس برضه يظل رمز لمؤسسه عالميه عملاقه
مفيش غير قناتى نجيب ساويرس ( ON TV + OTV ) الى عامله شارة سوداء !!!
شىء غريب جدا .. فين قنوات مودرن .. فين دريم .. فين الحياة ... فين المحور ... الخ !!!!
انا قرفان اوى بجد .. مش عارف ايه الاستخفاف بالعلماء دة ... البلد دى عبارة عن نفاق + رشوة !!!!
===============================
ولا شفنا القنوات اسودت و شغلت قران .. ولا شفنا حتى برامج السفاله توقفت اليوم !!!
حاجه تعر و الله !!

والله انا مستعجب بردو يا حسام
بس بالعكـــــــــــــس خاااااالص
عاملين له موضوع عزاء مخصوص
ولا كأنه كان عالم فاضل فعلا
.........
مش عايز اتكلم عشان
(اذكرو محاسن موتاكو )

بس بكرة التاريخ حيقول الراجل دا
عمل ايه وكان السبب فى ايه
و و و و و و و

فمتجيش انت تزعل عشان
حاجة زى دى
دا أقل عقاب من ربنا ليه
فى الدنيا

والله أعلم لما ربنا يجى يسأله
فى الاخرة عن كل فتوى أفتاه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بصراحة علامة تعجب كبيرة
ع الموضوع دا ياحسام

انا مرضيتش اخش موضوع العزاء دا
بس الموضوع دا استفزنى

كريم انا قلت الراجل عمل حاجات كتيره مش حلوه

بس هل حفيد الريس اهم منه

يا عم دى بلد نفااااااااااااااااااااق

اقتباس:

---

المشاركة الأصلية كتبت بواسطة حسام المصرى

كريم انا قلت الراجل عمل حاجات كتيره مش حلوه

بس هل حفيد الريس اهم منه

يا عم دى بلد نفااااااااااااااااااااق

---

لا والأدهى بقى
الموقف دا فاكرة كويس
عبلة الكحلاوى
اللى هى عبلة الكحلاوى
اللى الناس كلها بتحبها
طبعت ساعتها تعزى الريس
وتقول البقاء لله وربنا يصبرهم
وربنا معاهم .... كل الكلام دا جميل
وجات فى الاخر قالت ايه :
(( هما برضو استحملونا كتير
وشايلين عننا كتييييييييير ))
!!!!!!!!!!
طب حضرتك عزيتى خلاص
ايه لزمته الكلام دا ؟؟؟!!!!

هو على رأيك صحيييييح

بس برضو مش دا اللى يستاهل نعمل عليه موضوع زى دا

لكن لو موضوعك عشان المبدأ نفسه يبقى مفيش اعتراض

لا يا باشا علشان المبدأ

وموضوعى التانى

انا بقول انه مات

زى نشرة الاخبار كده وبقول ده مين مش اكتر

واكيد بقول البقاء لله
لكن مقولتش مصر خسرت رمز من رموزها التى لا تكرر

هو رمز

اينعم رمز مش تمام بس رمز

مهما كان الله يرحمه كان رجل دين
نحسبه كذلك
مش هقول اعلم منكو
لكن كان اعلم منى..
والله اعلم بخاتمته
ونسأل الله له الجنة
اللهم اصلح احوال المسلمين
وربنا رحمته وسعت كل شئ
اللهم تغمدنا برحمتك

اقتباس:

---

المشاركة الأصلية كتبت بواسطة MUHAMED SAMY

مهما كان الله يرحمه كان رجل دين
نحسبه كذلك
مش هقول اعلم منكو
لكن كان اعلم منى..
والله اعلم بخاتمته
ونسأل الله له الجنة
اللهم اصلح احوال المسلمين
وربنا رحمته وسعت كل شئ
اللهم تغمدنا برحمتك

---

انا معاك يا محمد كتكوت بيتكلم عن بعض الحاجات اللى الناس اختلفت معاه فيها

ربنا يرحم موتى المسلمين جميعا

وبعدين مكان دفنه

فى المدينة المنورة ممكن تكون من علامات حسن الخاتمه

والله اعلم

ربنا يرحمه
دعوا الخلق للخالق
والواحد يذكر محاسن موتاه مش سوءاته
وغير كدا دا مسلم زينا
يارب ارحمنا برحمته الواسعة ويدخلنا جناته
وغير كدا مات ف السعودية وهايدفن في المدينة المنورة يعني ما شاء الله حاجة جميلة
وربنا يرحمه ويرحمنا
ااما بقي حكاية حفيد الريس فدا حفيد الريس يعني ايه كلكم عارفينها بقي بلاش نطول ف الحديث
وبشكرك ع الموضوع

اقتباس:

---

ااما بقي حكاية حفيد الريس فدا حفيد الريس يعني ايه كلكم عارفينها بقي بلاش نطول ف الحديث

---

والله يا الاء ايامها من كتر اللى حصل فى التلفزيون

صعب عليا جدا واعتقد بكيت ايامها مش فاكر بس اعتقد

اقتباس:

---

المشاركة الأصلية كتبت بواسطة حسام المصرى

والله يا الاء ايامها من كتر اللى حصل فى التلفزيون

صعب عليا جدا واعتقد بكيت ايامها مش فاكر بس اعتقد

---

ربنا يرحمه يااااااااااارب
ويرحمنا جميعا ويغفر لنا ذنوبنا

وبلاش حكاية رمز مش تمام دى.....
وبالنسبة لحفيد الريس
كان ايه اللى المفروض يتعمل حضراتكووو

هنا (مصر ) يتعبر بـــــح

والله قريت مقالة النهاردة فى الدستور
فى حاجة تتعلق بموضوعنا دا

هو ليه الريس راح اتعالج برا ؟
- لان الراجل دا يهمنا
- لانه عارف مستوى الطب الالمانى أعلى
- لانه لا يثق فى مستوى الطب المصرى
(اللى المفروض انه من ضمن مسئولياته)

طب وابن حفيده اللى مات دا وبسبب مرض
كلنا عارفينه مكنش جدير انه يفوقه او تكون
رسالة من ربنا دا جزء من الى بيحصل فى
شعبك فينك انت بقى ؟؟؟؟
لكن لا حياة لمن تنادى

ما اى حد مشهور ولا معاه فلوس بيتعالج بره
هى جت عليه
واحب أقووووول
ياظالم بكره جيلك يو هنتقابل أمام الله

الله يرحم موتانا جميعا
يا جماعة أنا عن نفسي كنت أختلف معاه في كثيييييييير من الفتاوى وأخيرا الكثير من المواقف
لكن عندما علمت بموته وأنه دفن بالبقيع هذه علمات جيدة أن يدفن بالبقيع والبلد التي لاتتعرض لفتنة المسيح الدجال
ممكن نقول أنه في شئ من الخير حتى لوكان بينة وبين ربنا ومحدش يعرفها
ويكفي أنه بالنسبة للناس اللي في الدولة رمز من رموز كبير ليهم
فمنالتقدير لرتبتة على الأقل أو وظيفته كانوا المفروض أنهم يعملو حداد ولا أي حاجة
دة كلة مش دفاع عنه ولا عن مواقفة أنا قولت أني كنت مش بتفق معاه في حاجات كتير

اقتباس:

---

المشاركة الأصلية كتبت بواسطة smsma

الله يرحم موتانا جميعا
يا جماعة أنا عن نفسي كنت أختلف معاه في كثيييييييير من الفتاوى وأخيرا الكثير من المواقف
لكن عندما علمت بموته وأنه دفن بالبقيع هذه علمات جيدة أن يدفن بالبقيع والبلد التي لاتتعرض لفتنة المسيح الدجال
ممكن نقول أنه في شئ من الخير حتى لوكان بينة وبين ربنا ومحدش يعرفها
ويكفي أنه بالنسبة للناس اللي في الدولة رمز من رموز كبير ليهم
فمنالتقدير لرتبتة على الأقل أو وظيفته كانوا المفروض أنهم يعملو حداد ولا أي حاجة
دة كلة مش دفاع عنه ولا عن مواقفة أنا قولت أني كنت مش بتفق معاه في حاجات كتير

---

بشكرك لمرورك الجميل
ولكن ليا تعليق صغير

ومن قال ان كل من دفن بالبقيع صالح

ابو لهب دفن بالبقيع وهل معنى ذلك انها من اهل الجنة

اكيد ملهاش علاقة

ولا ايه رأيك

الاخوه اللى بيقولو اذكرو محاسن موتاكم
ربنا هو اللى هايحاسب مش احنا وهو مات خلاص
اما كونه يستاهل تكريم ولا لاه دى على حسب كل واحد من وجهة نظره الخاصه وموضوع حفيد الريس فعلا الناس كلها زعلت بجد عليه مش عشان هو حفيد الريس ولكن عشان هو فى الاول والاخر ده كان طفل ولا كمان الدره كان حفيد الريس

[COLOR="DarkRed"]والله أنا ما أقدرش أحكم على حد إذا كان صالح ولا لأ
ده شئ ربنا بس اللي يعلمة وبعدين أنا قولت دي علامة جيدة كويسة يعني
بس أكيد كل واحد فينا يتمنى يتدفن هناك ودة برضة شئ أكيد مش معني أن اللي يتدفن هناك رجل صالح
ربنا برحمة ويغفرلة يارب يكون تاب قبل ما يموت من الفتاوى بتعتة اللي أفتاها قبل ما يموت
لا شماتة في الموت
وبعدين في الأول وفي الأخر دة رجل مسلم وكان بيحتل منصب مش هين يعني
تقدر تقول أحنا في بلد وشك وشك ظهرك ظهرك [/COLOR]
دة لو كان فنان ولا راقصة ولا راقص مات كانت القنوات كلها أتقلبت وتلاقي الجنازة والعزا كل شوية يعيدو يزيدو فيها من القناة دي للقناة دي
ربنا يرزقنا حسن الخاتمة

اقتباس:

---

المشاركة الأصلية كتبت بواسطة elswefey

الاخوه اللى بيقولو اذكرو محاسن موتاكم
ربنا هو اللى هايحاسب مش احنا وهو مات خلاص
اما كونه يستاهل تكريم ولا لاه دى على حسب كل واحد من وجهة نظره الخاصه وموضوع حفيد الريس فعلا الناس كلها زعلت بجد عليه مش عشان هو حفيد الريس ولكن عشان هو فى الاول والاخر ده كان طفل ولا كمان الدره كان حفيد الريس

---

مع أخترامي لكلامك هناك فرق كبير بين الدرة وحفيد الريس
أينعم اللي أتنين أطفال بس في فرق واحد أتقتل والتاني مات
اللي أتنين قضاء وقدر
بس الدرة مات شهيد وأعتقد لو كنت شوفت الصورة بتاعتة وهو بيموت ماكنتش قولت الأتنين زي بعض

بصراحة ياحسام الموضوع دة ميستاهلش كل النقاش والخلافات بين الاخوة الاعضاء كدة احنا ندعى له بالحمة والمغفرة والله اعلم دى علامات خير ليه ولا لأ بس انا نقول لعلها تكون حسن خاتمه له وربنا يرحمه ويغفرله كل خطيئة دة راجل كان بيمثل الازهر قدام العالم كله ومسلم وربنا يرحمنا جميعا ويغفرلنا ذنوبنا وبلاش الخلاف الحاد دة الموضوع ميستاهلش كل دة

الحزن في القلب ندعو الله ان يرحمه ويسكنه فسيح جناته