نقاش جــــــــــــــاد بين الولد والبنت

الموضوع عبارة عن (حوار بين فريقين فريق الشباب وفريق البنات مرة البنات تفتح موضوع وتقول رأيها في الشباب في الموضوع ده والشباب ترد وتبرر موقفها من الموضوع ده والعكس الشباب يفتحوا موضوع ويقولوا رأيهم في البنات في الموقف ده والبنات ترد وتبرر موقفها برضه من الموضوع اللي هيتطرح)

الفكرة شوفتها وعاجبتني حبيت أنقلهالكم ويارب تعجبكم

الأن
سيقوم فريق البنات وطبعا لأني منهم
بطرح موضوع أو تسأل معين لا يعجبهم في الشباب
وسيقوم فريق الشباب بالرد وتبرير موقفهم
وبعد إعطاء الإجابات والمبررات الكافية يصبح فريق البنات في وضع الهجوم
وهكذا حتى يستمر الحوار

هنبدأ بأول موضوع منتشر جداً وشائع
بس حبيت أبدأ بيه وهو

معاكسة الشباب للبنات
هيقولوا أصل البنت هي اللي بتبئى لابسة ضيق ومش عارفة أية وممكن كمان يقول أصل البنات بتمشي مش لابسة نص هدومها

هقولك أن في بنات بتبئى ماشية لابسة عباية أو جلباب وممكن كمان تكون لابسة نقاب وبتتعاكس برضة

فينكم يا بنات فرصتكم
هجووووووووووووووووووووووووم

اولا بشكرك يا سمسه علي موضوعك الجميل

واحب ان اكون اول المشاركين

بالنسبه لمعاكسه الشباب للبنات

انتي رده علي نفسك ومعلقه علي الملابس وده جزء مش لازم يتنكر

لان فعلا لبس البنت وبالذات الخليع بيثير الشاب ان يعاكس

وطبعا مش ده السبب الوحيد

لو حنكلم بجد وواقعيه حنلاقي ان شباب كتير بتعاكس من الكئابه الي عندهم

وده راجع من الي بيشوفوا في التلفيزيون من افلام ومسلسلات وغيره

ده غير ان البنات اصلا بيموتوا ويلاقوا حد بيعكسهم او يقلهم كلمه حلوه

ياااااااااااااه بيبقوا كده في راحه غير عاديه معنها ممكن ترد عليه وتغلط

بس من جواها بتبقي سعيده جدا لاها بتحس بنفسها وده معناه ان البنت

بتساعد الولد ان يعاكسها وبعد متسمع الكلام وتستريح تروح رده عليه

وحرجع واقولك مش معني كده ان الشباب معندهاش اللوم

بالعكس المعاكسه بل النظره بس حرااااام

حقيقي لو تمسكنا بدينا واتبعنا بسنه رسولنا الكريم ونفذنا الشريعه الاسلاميه

اكيد كل المظاهر الي بنشوفها الايام دي حتتمحي

جزاكي الله كل خير

اقتباس:

---

المشاركة الأصلية كتبت بواسطة ALY ELSAYED

اولا بشكرك يا سمسه علي موضوعك الجميل

واحب ان اكون اول المشاركين

بالنسبه لمعاكسه الشباب للبنات

انتي رده علي نفسك ومعلقه علي الملابس وده جزء مش لازم يتنكر

لان فعلا لبس البنت وبالذات الخليع بيثير الشاب ان يعاكس

وطبعا مش ده السبب الوحيد

لو حنكلم بجد وواقعيه حنلاقي ان شباب كتير بتعاكس من الكئابه الي عندهم

وده راجع من الي بيشوفوا في التلفيزيون من افلام ومسلسلات وغيره

ده غير ان البنات اصلا بيموتوا ويلاقوا حد بيعكسهم او يقلهم كلمه حلوه

ياااااااااااااه بيبقوا كده في راحه غير عاديه معنها ممكن ترد عليه وتغلط

بس من جواها بتبقي سعيده جدا لاها بتحس بنفسها وده معناه ان البنت

بتساعد الولد ان يعاكسها وبعد متسمع الكلام وتستريح تروح رده عليه

وحرجع واقولك مش معني كده ان الشباب معندهاش اللوم

بالعكس المعاكسه بل النظره بس حرااااام

حقيقي لو تمسكنا بدينا واتبعنا بسنه رسولنا الكريم ونفذنا الشريعه الاسلاميه

اكيد كل المظاهر الي بنشوفها الايام دي حتتمحي

جزاكي الله كل خير

---

لأ البنات اللي أنت بتتكلم عليهم دول يستاهلو
ده مش معناه أني بأييد اللي بيعاكسوا

لكن
في بنات والله بتكون أخر أحترام ولابسين كمان نقاب ومع ذلك تلاقي شباب بيعاكسوهم طيب أنت شايف منها أية عشان تعاكسها
حاجة غريبة

بالنسبة لبنات البنطلون الرش
والبديهات اللى مبينة البدى
هقولهم منكم لله
أشوف فيكو يوم تكونو محترمين
وبالنسبة للشباب اللى بيعاكسو العينة دى
هقولهم ربنا يهديكو
لكن الشباب الزبالة اللى بيعكسو المحترمين
هقولهم حسبى الله ونعم الوكيل
ومن عمل يعمل ولو بعد حين
بس معتقدش ان فى واحدة منتقبة بتتعاكس

ببقي شايف عنيها

لو حنكلم عن العيووووووون

ده عايز موضوع لوحده هههههههه

لان المنقبه المفروض انها متبصش في عين الولد

واكيد لو جت عنها في عينه وبصت وعكسها الولد اكيد

بيبقي شايف في عينها انهااااااااا وكده

جزاكي الله كل خير

اولا الف شكررررررر على الموضوع الحوارى الجميل

والصراحة انتو عندكو حق فيما يخص بنات البنطلون وغيرهاااا

اما المنقبه انا مش عارف الصراحة هى بتتعاكس لييه

انا الصراحة عن نفسى مبشوف حد بيعاكس منقبه

المفروض كفايه كده عليكو يابنات المفروض الولاد يطرحو

احد المواضيع

اولا بشكرك كتيييييير يا سمسمة ع موضوعك الجميل دا
اولا احب اقول للشباب في ناس منقبين وبيتعاكسوا وحصلت اودامي وغير كدا ايه يخلي الولد يبص عينها
اما بقي بنت البناطيل واللبس الضيق اقول للشباب ماشي دول يستاهلوا اما لما بنت لابسة كويس تتعاكس ليييييه ماعرفش ممكن زي ما بيقول علي الاعلام خلي للشباب حالة من الاكتئاب بس برده الموضوع في جانبين لوم ع البنت ولوم ع الولد وف بنات بيحبوا بتعاكسوا بس والله في بنات لا والمصيبة الكبري ان الواحد بيتعاكس ومعاه اوقات باباه او مامته تلاقيهم الوالد اتشغل ف حااجة دايجي يعاكس حاجة تنرفززززز الله يهدينا ويهديييييييييكم يا شباب وبنات المسلمين

فكرة الموضوع رائعة جدا جدا ياسمسمة واتمنى ان الموضوع يستمر
ويتجدد بالمناقشات والحوار الايجابى
وبالنسبة للمعاكسات مقدرش اقول ميين الغلطان
لان فى بنات بتبقى محترمة جدا جدا وبتتعاكس
بيبقى طبع فى الشباب و99 % من الشباب عينهم زايغة اصلا دا لو مكانش 100% منهم
حسبنا الله ونعم الوكيل
جزاكى الله كل خير للموضوع

لا انا مش معاكى يا امل فيه شباب محترمه جداااااااااااااااااااااا بس الموضوع اللى طرحته هو موضوع جميل وخطير جدااااااااااا يخص كل شاب فينا فالبنات المحترمه لا تعاكس اللى من فئه ضاله اما بنات البناطيل فلا نقول اللى حسبى الله ونعم الوكيل

اقتباس:

---

المشاركة الأصلية كتبت بواسطة Ma7amed Adel

لا انا مش معاكى يا امل فيه شباب محترمه جداااااااااااااااااااااا بس الموضوع اللى طرحته هو موضوع جميل وخطير جدااااااااااا يخص كل شاب فينا فالبنات المحترمه لا تعاكس اللى من فئه ضاله اما بنات البناطيل فلا نقول اللى حسبى الله ونعم الوكيل

---

معلش اصلك انت شاب ولازم تقول كدة
مش هتعترف ان الولاد كلهم عينهم زايغة
ومفيش كتير محترمين جدا زى مانت بتقول
ولو موجود هتبقى قلة قليلة جداااااااااااااااااااااااااااا

لا يا امل النسبه اللى كده نسبه صغيره جدااااااااااااااااااااااااا بس النسبه المحترمه كتيره ودى كلام ثقه

اقتباس:

---

المشاركة الأصلية كتبت بواسطة ALY ELSAYED

ببقي شايف عنيها

لو حنكلم عن العيووووووون

ده عايز موضوع لوحده هههههههه

لان المنقبه المفروض انها متبصش في عين الولد

واكيد لو جت عنها في عينه وبصت وعكسها الولد اكيد

بيبقي شايف في عينها انهااااااااا وكده

جزاكي الله كل خير

---

البنت المنتقبة مش محتاجة أساسا أنها تبص في عين الولد

عشان تعرف أنه بيعاكسها هو مش هيغمزلها ولا يسبلها
هي بتسمع الكلام اللي بيتقال عليها وهي ماشية وده الحال مع بنات كتييييييير حتى لو مش منتقبة
دلوقتي ماحدش بيعاكس بالعين ده كان زمااااااااااااان دلوقتي حسبي الله ونعم الوكيل

اقتباس:

---

المشاركة الأصلية كتبت بواسطة mohamed ali

اولا الف شكررررررر على الموضوع الحوارى الجميل

والصراحة انتو عندكو حق فيما يخص بنات البنطلون وغيرهاااا

اما المنقبه انا مش عارف الصراحة هى بتتعاكس لييه

انا الصراحة عن نفسى مبشوف حد بيعاكس منقبه

المفروض كفايه كده عليكو يابنات المفروض الولاد يطرحو

احد المواضيع

---

لالالالالالا
أحنا أدرى ده بيحصل قدام عنينا
وبعدين أنت مستعجل في الهجوم علينا لية مش تسيبنا ناخد فرصتنا
أدونا الفرصة بئى

شكرا لمشاركتم الفعالة
يالا يابنات فرصتكم أهجمو عليهم وقوالو كل اللي عندكم

معلللللللللش بقي الولاد المحترمين نادرين جداااااا الايام دييييييه

اما غير كداااااا اكتر بكتييييييير

المووضوع دا اصلا هانفضل نحكي فيه ومش هايخصللللص خالص

اقتباس:

---

المشاركة الأصلية كتبت بواسطة alaa eid

معلللللللللش بقي الولاد المحترمين نادرين جداااااا الايام دييييييه

اما غير كداااااا اكتر بكتييييييير

المووضوع دا اصلا هانفضل نحكي فيه ومش هايخصللللص خالص

---

دلوقتي ممكن الشباب اللي شاركونا يطرحوا موضوع ويهاجموا فيه البنات والبنات تدافع عن نفسها وتبرر موقفها

وأول موضوع هيتطرح هو اللي هنناقشة

بالنسبه لموضوع المعكسات يا سمسمه فالولد بقى بيعاكس وبس وهو اصلا مش شايف قدامه .
وانا مستنيه موضوع الشباب لما نشوف هيقولو ايه؟

الف شكرررررررر يابنات على الهجموووووم دورنا بقى

الزززززززززززززززززززن

الواحد يبقى جاى مش الشغل قرفان

ودى يامعلم تستلمك مجبتش ووووووووو مجبتش و مجبتش

ولالالا فى الشغل متنساش ياابو عوضين تجيب

كذه وكذه وكذه والراجل لا حول له ولا قوه

الصراحة عندهم قدره غريبة فى الززززززن على الجاجة

المبدا هو (الزن على الودان امرررر من السحر )

سوال لييييييييييه بتزنو كتير

ع ودان الواحد هااات كذه وكذه لغاية ياعينى الراجل

يجيلة الهتهات لييييييه لم تتبعو سياسة

اطلبى الحاجة مره واحد ان لم تاتى ممكن بكره عاااادى

فى النهاية الحاجة بتيجى ليييه وجع الدماغ دى

مانتو اللى بتطنشو وتعملو فيها مش اخدين بالكم يامحمد
وان محصلش كدة مش بتتحركو
ومش كل واحد يتعامل بالطريقة دى
عندى مثلا اخويا ميتحركش الا لو اتقالة 10 ,15 مرة
ودا كلة اصلا حمل على اعصابنا احنا
وميرسى ليك لطرح المناقشة

اقتباس:

---

المشاركة الأصلية كتبت بواسطة Ma7amed Adel

لا يا امل النسبه اللى كده نسبه صغيره جدااااااااااااااااااااااااا بس النسبه المحترمه كتيره ودى كلام ثقه

---

وانا هاخدة على مسئوليتك يامحمد
بس تكتبلى اقرار وعلية امضتك وامضة 2 شهود من المحكمة :1:
خليها على الله
وانا عن ثقة بقولك ان الناس المحترمة بقت قلة قليلة

اولا يا محمد مش كل الستات كدا وغير كدا انتو اصلا مش بتسمعوا الكلام بسرعة او بتفتكروا اللي ع مزاجكم واللي مش ع مزاجكم بتطنشووووووووووووه وفي رجالة كويسين والله وع طول بيلبوا الطلب وانا اقولك يا امولة ممكن لو الراجل مثلا ماكنش فاضي في يوم ما الواحد ننتظر لغاية ما يفضي واكيد مش بيتأخروا وفي ناس تانية استغفر الله العظيم فربنا يهدددددددي

زي ما الراجل بيطلب وعايز طلبه يتنفذ في وقتها يا ريت هو كمان يعمل كده،لكن نقول ايه بقى لازم نطلب الحاجه اكتر من مره عشان ياخد باله ويعملها .
على فكره ده بيضايق الستات قبل الرجاله

سلامو عليكو
الباشا وصل كله كده يقعد على جنب ويسمع كلامى ومحدش يقاطعنى هه
اولا بدال مالستات مخنوقين من الرجالة كده بيخلفوهم ليه
ثانيا لو الراجل مجاش يخطب واحده هتكون زعلانة ومتضايقة وهتقول تاريخ الانتهاء بتاع الصلاحية
قرب ولازم اتجوز
ثالثا الستات من الاخر لكاكين جدا وانتم لوصبرتم شوية الراجل هيجبلكم كل حاجة انتم عايزنها
مش يمكن مزنوق مزنوق
وكمان انتم مش بتحلى الطلبات غير فى اخر الشهر ازاى طب هيعمل ايه
والله يا رجالة احنا غلابة
ونا من هذا المنتدى اعلن حملة جديدة ضد الستات ونمشى بنظام المقاطعة والمقاطعة لمدة يوم واحد
ونشوف هيعملو ايه

انا معاك يا احمد فكره حلوه وياريت يبقى كام يوم خلي الواحد يريح دماغه شويه من طلباتكو ،بس تبقو قد الكلمه بس

اقتباس:

---

المشاركة الأصلية كتبت بواسطة سهيله

انا معاك يا احمد فكره حلوه وياريت يبقى كام يوم خلي الواحد يريح دماغه شويه من طلباتكو ،بس تبقو قد الكلمه بس

---

على فكرة احنا قد كلامنا بس ...

انتو حتقدروا تعيشو من غيرنا


معتقدش

اقتباس:

---

المشاركة الأصلية كتبت بواسطة alex

على فكرة احنا قد كلامنا بس ...

انتو حتقدروا تعيشو من غيرنا


معتقدش

---

نقدر طبعاااااااااااااااااااااااا
امال انت فاكر اية
بس اعملو اتو المقاطعة واحنا معاكم
ههههههههههههه

ياااااااااااااه ده احنا نقدر وجدا كمان،ابداءو انتو بس المقاطعه واتكلو على الله احنا قدها
ولا نبدا احنا؟؟؟؟؟؟؟؟؟؟؟؟

ههههههههههههههههههههههههههه

انا بقي من رأي ولا الراجل يقدر يستغني عن الست ولا الست تقدر تستغني عنه لانهم بيكملوا بعض
بلاش بقي كلام لان ديه الحقيقة

بالنسبة لموضوع الزن ده مش كل الرجاله بنستخدم معاهم الأسلوب ده في رجاله تستاهل فعلا الزن لأني لو مازنتش مفيش حاجة هتتجاب ولا تتنفذ والأسلوب ده باستخدمه مع أخواتي وفي رجاله بئى بتبئى عارفة اللي عليها من نفسها من غير زن مجرد ما أطلب الحاجة مرة واحدة تيجي ممكن مش في نفس الوقت لكن بتيجي من أغير ما أعيدها تاني

وبالنسبة لموضوع المقاطعة ده أنا موافقة
بس ياريت أنتم تقدرو
الحمد لله دلوقتي الست بتقدر تشتغل وتحتل مناصب كبيرة كمان
وبتقدرتخدم نفسها وتخدم بيتها
أنما أنتم بئى شوفوا نفسكم هتبئوا عاملين إزاي

عشره على عشره يا سمسمه

انا نفسى اعرف انتوا حطنا فى دماغكوا ليه؟؟؟

احنا قلنا قد المقاطعة كل شوية لازم نقول

الظاهر انتوا اللى مش قدها .....

طب حتنكدوا على مين ؟؟؟؟؟

المقاطعة مستمرة

اقتباس:

---

المشاركة الأصلية كتبت بواسطة alex

انا نفسى اعرف انتوا حطنا فى دماغكوا ليه؟؟؟

احنا قلنا قد المقاطعة كل شوية لازم نقول

الظاهر انتوا اللى مش قدها .....

طب حتنكدوا على مين ؟؟؟؟؟

المقاطعة مستمرة

---

يا جماعة الهدف من النقاش ده هو أننا نقرب وجهات النظر ونعرف الأسباب المؤدية لتلك المشاكل ونحاول نتلاشاها ونتجنبها

أحنا مش فاتحين النقاش عشان نعلن فية الإضراب أو المقاطعة
أحنا (حواء) حاولنا نبين أن أحنا لو عملنا إضراب أو مقاطعة في حياتنا مع أدم هتكون الخسارة ليكم

ولينا برضة بس مش خسارة جامدة يعني

لكن في الأول و الأخر عايزين يكون في نقاش هادف

اقتباس:

---

المشاركة الأصلية كتبت بواسطة smsma

يا جماعة الهدف من النقاش ده هو أننا نقرب وجهات النظر ونعرف الأسباب المؤدية لتلك المشاكل ونحاول نتلاشاها ونتجنبها

أحنا مش فاتحين النقاش عشان نعلن فية الإضراب أو المقاطعة
أحنا (حواء) حاولنا نبين أن أحنا لو عملنا إضراب أو مقاطعة في حياتنا مع أدم هتكون الخسارة ليكم

ولينا برضة بس مش خسارة جامدة يعني

لكن في الأول و الأخر عايزين يكون في نقاش هادف

---

عنك حق مينفعش يكون فى مقاطعة بين حواء وادم

لان لو حدث لما عُمرت الارض

بس انا لسه عند سوالى لييييييييييييه بتزنو كتير

على دمااااغ الواحد .

الواحد يبقى جاااى مش الشغل تعبان وهى اعده طول النهار

واما تقول لها انتى ما بتعمليش حاجة طول اليوم تقعد

تقولك اصل كنت بطبخ - بينى وبينك مفيش حد من البنات

يعرف يطبخ الايام دى ولو طبخت لا زم قبلها تكون حاجز

سرير فى مركز السموم بينى وبينك ده متقولش لحد-

وكنت بحمى العيال الخ.........

وهى طول النهارده اعد تفرج على نووووووررر ومهنددد

والمسلسلات التركى دى .

بلا ش الزززن ده

اقتباس:

---

المشاركة الأصلية كتبت بواسطة mohamed ali

عنك حق مينفعش يكون فى مقاطعة بين حواء وادم

لان لو حدث لما عُمرت الارض

بس انا لسه عند سوالى لييييييييييييه بتزنو كتير

على دمااااغ الواحد .

الواحد يبقى جاااى مش الشغل تعبان وهى اعده طول النهار

واما تقول لها انتى ما بتعمليش حاجة طول اليوم تقعد

تقولك اصل كنت بطبخ - بينى وبينك مفيش حد من البنات

يعرف يطبخ الايام دى ولو طبخت لا زم قبلها تكون حاجز

سرير فى مركز السموم بينى وبينك ده متقولش لحد-

وكنت بحمى العيال الخ.........

وهى طول النهارده اعد تفرج على نووووووررر ومهنددد

والمسلسلات التركى دى .

بلا ش الزززن ده

---

طب الراجل بيقول كلام زى الفل

وبعدين حكاية المسلسلات التركى دى اخدت اكتر من حقها

وازاى تتابعوا مسلسل اشخاص بتمثل وناس تانية خالص بترجم

أيه رأيكم فى الكلام دة ومتقلوش انتو اللى بتطرونا لكدااااا

اقتباس:

---

المشاركة الأصلية كتبت بواسطة alex

طب الراجل بيقول كلام زى الفل

وبعدين حكاية المسلسلات التركى دى اخدت اكتر من حقها

وازاى تتابعوا مسلسل اشخاص بتمثل وناس تانية خالص بترجم

أيه رأيكم فى الكلام دة ومتقلوش انتو اللى بتطرونا لكدااااا

---

مش كل الناس بتابع مسلسلات تركى يااليكس
انا عن نفسى عمرى ماتابعت مسلسل
حتى مسلسل نور ومهند اللى كان قالب الدنيا ماتفرجتش منة غير على حلقتين
يعنى مش كلة

عندك حق يا ووردة حكاية المسلسلات التركي دي مش كل البنات بيتفرجوا عليها
أنا عن نفسي مسلسل نور ومش عارفة أية ده من كتر الناس ماهي بتتكلم عليه أنا عمري ما شوفته غير مشهد واحد بصراحة لقيت الناس مركزين أوي فحبيت أشوف أية اللي مركزينله أوي ده

ودلوقتي تقريبا الشباب أخدو فرصتهم
ممكن البنات دلوقتي تطرح اي مشكلة وهسيب أختيار الموضوع لأول بنت ترد

يالا يابنات اللي نفسه في حاجة يطرحها

البنات معندهمش حاجة يقولوها ولالا ايييه

احنا الولاد محدش بيزعل مننا

ليه لما الولد بيحب مش بيقول بصراحه وبجرأه للبيحبها؟
وتعمل ايه لو بنت جت قالت لك انها بتحبك؟