اقولك ايه ملكتيني
ملكتى روحي وسنيني
مهو انتي كل وجداني
وليكي شوقي وحنيني
اقولك شفه ورديه؟
اقولك سنه لوليه؟
اقولك .. .. اية وحشتيني
بحب الشمس لو تطلع
تفكرني برؤياكي
واحب الورده في جمالك
يا احلي ورود بساتيني
بحب القمره ومعاها انا معاكي
سواد الليل اهو في شعرك
بلمسة ايد سحرتيني
يا احلي ضحكه في الدنيا في رقتها
يا عمري.. يا قلبي.. يا حياتي.
. ليكي ايامي وسنيني
يا عود ياسمين
ورود الكون يا حيرتها
في ورود خدك
هموت واقطوفها.
. سامحيني
يا نعمه غاليه من ربي
انا هصونها
يا اطهر قلب في الدنيا
احلامي معاكي هتجيني
طمني قلبك يا حبيبتي وانا معاكي
ومش ممكن هسيبك يوم تفارقيني
اسيب قلبي يغيب عني!
مش هقدر
واسيب الدنيا لو جه يوم وسيبتيني
طمني قلبك يا اميرتي انا اسيرك
طمني قلبك ولحضنك الدافي ضميني
