ياباشا المتهم مات ... ارمية فى صفيحة الزبالة مع زمايلة
السلام عليكم ورحمة الله وبركاتة
اكيد معظمنا سمع عن خالد محمد سعيد واللى حصلة
واكيد فينا اللى ميعرفش او مسمعش
ودا اللى لازم يعرف ويفهم اللى بيحصل
مش لازم نسكت مش هنمشى جنب الحيط
لازم نتكلم .... لازم نفوق من اللى احنا فية
مش لازم نطاطى ونبص فى الارض
ونحط راسنا فى الرمل زى النعام
خلاصة حكاية خالد
انة شاب 28 سنة مدير شركة استيراد وتصدير
كان قاعد فسيبر عادى زية زى اى شاب
دخلت عليهم لجنة تفتيش فى السيبر
الغلط الفاحش اللى ارتكبة خالد انة قال لية؟؟؟؟
بتفتشونا لية؟؟؟؟؟؟؟
نزلوا علية المخبرين ضرب وخبطوا دماغة فرخام السلالم
وفى الباب الحديد بتاع العمارة واخدوة فى عربية الشرطة
وبعد ربع ساعة بالظبط رجعوة جثة هامدة
رموة فبوابة العمارة
ودا كلة حصل لخالد لية بقى؟؟؟؟؟؟؟؟؟؟؟؟؟؟؟؟؟؟؟؟
عارفين لية؟؟؟؟؟؟؟
كانو بيتلككوا لخالد
عشان كان معاة فيديو متسجل علية
عملية بيع مخدرات تبع ظابط فى القسم
بيبيعوا المخدرات فى القسم
وخالد كان معاة الدليل ودا كلام والدتة
واللى اتثبت فى المحضر ان خالد كان معاة مخدرات
وانهم مسكوة اشتباة هو وواحد تانى
ولقوا مع خالد مخدرات واول ماخالد شعر بيهم
حط الحشيش فبقة وكان عايز يبلعة
وتقرير الطبيب الشرعى قال ان خالد مات بسبب ابتلاعة للحشيش
ايا كان خالد لو حشاش ولا حرامى ولا حتى اذا كان قاتل
ازاى يتعرض للتعذيب لدرجة الموت
ازاى دا يحصل داخل قسم شرطة
المفروض ان الشرطة دى موجودة عشان تحمينا
وصورة خالد عندى فى التوقيع
قبل الوقاة وبعد الوفاة واثار التعذيب موجودة
اذا كانت الشرطة هى اللى بتعتدى على الشعب
يبقى نحتمى فمين؟؟؟؟؟؟؟؟
مين يحمينا
مين يوفرلنا الامان
ازاى ننام واحنا مطمنين لبكرة؟؟؟؟؟
عليه العوض ومنة العوض
حسبى الله ونعم الوكيل
حسبى الله ونعم الوكيل
لكن بردو الدنيا لسة بخير
وزى مافيكى يامصر الفاسد فيكى الصالح
اللى يارب يكتر منة
أمر المستشار عبد المجيد محمود، النائب العام، بإحالة ملف التحقيقات الخاصة بواقعة وفاة المواطن خالد محمد سعيد فى منطقة قسم سيدى جابر إلى نيابة استئناف الإسكندرية، لاستكمال التحقيقات، واستعجال التقرير التفصيلى
ربنا يصبر ام القتيل
الرجاء الدعاء لة بالرحمة والمغفرة
واسفة لو كنت اطلت عليكم
السلام عليكم
خالد سعيد ... صفحة من صفحات قانون الطوارىء الفاسد يطل على شباب مصر
خالد سعيد
مجرد شاب مصرى
ممكن كلنا من صورته نعرفه لو ما كناش نعرفه؟
كفاية إنه إنسان
عند كتابتى لهذا الموضوع تذكرت الفيلم الجديد لأحمد حلمى وهو فيلم عسل أسود
وتحديدا عندما قال أنا مصرى وليه حقوق مصرية؟
كان نفسى أشوفه قودامى وأقوله حقوق إيه يا أبوحقوق؟
ده أنت فى مصر ... يعنى كل حاجة تحصلك طبيعية
تتهزىء طبيعى تضرب طبيعى تتبهدل طبيعى
كل ده عااااااااااااااااادى ده أنت فى مصر
ولكن أن تصل المسأله إلى هذه الدرجة العالية من القساد المؤسسى والادارى فى الحكومة
فى قطاع مهم من أهم قطاعات الدولة
أن يكون اللى المفروض إنهم حاميها بقوا هم أكتر من الارهابيين؟
نعم فإرهاب رجل الشرطة أرهاب قوى لأنه يحمل فى باطنة سلطة
وخصوصا فى ظل تطبيق قانون الطوارىء
القانون اللى ذلنا
واللى ما وافقشى عليه إلا المستفيدين منه
اللى هما قاعدين على كراسيهم ومش عايزين يسيبوها
خالد ده اتقتل علشان كان معاه فيديو الظابط وهو بيوزع تقسيمة الحشيش والفلوس على رجال الشرطة المخلصين لأنفسهم عفوا للبلد وقانون الطوارىء
خالد ده شاب عادى
وعلى فكرة خالد ده لو بتاع حشيش وإلا تاجر مخدرات كانوا خافوا يقربوا ناحيته علشان الصيع ما بيسبوش حق حد
لكن علشان هو كويس ومسالم العملية كانت سهلة
وعلشان أهله طيبين والحكومة حتعرف تخوفهم وتخليهم يسكتوا غصب عنهم وعن اللى جابوهم
قامت قواتنا وشرطتنا الباسلة بسحل وجه هذا الشاب والتنكيل به
علشان هو معاه فيديو يأذيهم
وسايبين المخدرات والحشيش والبودرة فى انحاء محافظة إسكندرية
الواحد من دول واقصد الحشاشين بيدخل القسم ومعاه الحشيش وبيطلع براءة
وبيتعامل أحسن معاملة
ما هو بيقول يا باشا ويا بيه وبيرش رشه على المخبرين والعساكر
إنما الغلبان فى البلد دى بيأخد على دماغه
اللى حصل لخالد سعيد حيتكرر مرة واتنين و3 ....
لو استمر الصمت
الدول المتقدمة اللى بنتكلم عليها
يقدر عسكرى يمد إيده على مواطن هناك
لقد هانت علينا أنفسنا
إيه كله خايف على لقمة العيش؟
طوز فى لقمة العيش اللى متغمسة بذل
خالد سعيد هى حالة مصرية متكررة
ومأساة يعيشها شعب كامل
فما كفاهم ما فعلوه
لكنهم باتوا بتشويه سمعته
من الآخر
حتى لو هو قاتل
ومسكوه بأداة الجريمة
يعملوا فيه كده
يجب محاكمة كل من اشترك فى جريمة القتل هذه؟
وخصوصا المسئوليين؟
يجب على الشرفاء التدخل لايقاف هذه المهزلة
مهزلة شاب مصرى حدثت بالفعل
وستحدث غدا إن لم هناك وقفة حقيقية
يا سيادة الرئيس
أوجه نداء خاص جدا لك
وأثق تمام الثقة
أن كلامى وصوتى سيصل
هل برنامجك الانتخابى الجديد سيضمن لى أن ما حدث لخالد لن يحدث لى أو لأى أحد من أقاربى؟
وإن كانت الاجابة نعم
فلم حدث ذلك فى الماضى وحاليا رغم توليك رئاسة مصر
يا سيادة الرئيس
أطلب من فخامتكم التدخل
لإنقاذنا من براثن الارهاب الحكومى الذى يتمتع بسلطة القانون
إنى أتكلم من منطلق حرص مواطن مصرى
ألم تقسم أنك ستحترم القانون والدستور
فبإسم القانون والدستور
أطالب بإقالة وزير الداخلية
وأطالب بتطبيق القانون والدستور
فمصر اليوم ليست فى حاجة إلا للإمان من الداخل
أهدى لقطة الفيديو التنالية لكل مواطن شريف فى مصر
ولا تنسوا
إن الله يمهل ولا يهمل
والدة خالد سعيد شهيد مصر تتحدث لراديو أمواج...
والدة خالد سعيد شهيد مصر تتحدث لراديو أمواج...
الفيديو الآتى لجنازة خالد
والفيديو الثانى لموقف عمرو أديب
الذى لم يتصف بالشفافية
كان مع العايمة
ولم يتصف كلامه سوى بالانحياز
وأنصحه بعد الكلام اللى قاله
يتفرج على فيلم
هى فوضى
