ناااااااااااااااااااائر ونئييييييييييييير .... مع كرييييييم

أحلى اعضاء فى أغلى منتدى

سلام الله عليكم ورحمته وبركاته

ازيكم عاملين ايه ؟؟؟؟
يارب تكونو بخيييييير

النهاردة جايب لكم فكرة جديدة جداااااا
وفى نفس الوقت لذيييييذة جدا واتمنى
انها ان شاء الله تعجبكو

كل واحد فينا ليه فكر وليه اراء
ودايما الواحد لما بيقعد يفكر مع نفسه فى مواضيع
ممكن يحصل جواه صراع افكار لحد ما يوصل لنتيجة
:a27:دا كدا كويس جدااااااااا:a27:
الاحسن بقى لما يبقى النقاش دا مع حد تانى
بمعنى ....:a47:

احنا حنطرح كل مرة موضوع جدير للنقاش
ويكون موضوع حيوى جدا ومهم فى حياتنا
المناقشة حتتم بين اتنين واللى هما
نااااااااااااااااااااااائر
ونئيييييييييييييييييييييير

والاعضاء - اللى هو احنا مطلوب-
مننا نخش نعلق بعد كدا ونقووول
احنا مع نائر ولا مع نئير ؟؟؟؟؟؟
ولا مع الاتنين ؟؟؟؟؟؟؟؟؟؟؟؟؟
متستغربوش ممكن عادى يحصل
وحتشوفو فى اول حلقة ان شاء الله

انتظرونا فى الحلقة الاولى مع
نجومنا الكبااااااااار

:a17: ناااااااااااائر >>> <<< نئييييييييير :a16:

http://www.mlfnt.com/up_6_2010/12778148421.jpg

ههههههههههههههههههههههههه

ماشي يا كيمو

فكره جامده الصراحه وموضوع شكله حيبقي مليان عراك

سبني عليهم انا وانا حولعهالك

اوك فكرة حلوه منتظرييييييييييييييييييييييييييين :a8:

الحلقة الاولى من برنامج
http://www.mlfnt.com/up_6_2010/12778148421.jpg
ناااااااااااااااائر
VS
نئيييييييييييييييير

موضوع الحلقة
نصلح من فوووووق ولا من تحــــــت ؟؟؟؟؟



ناااااااااااااااائر : والله انا اتخنقت من الحال اللى بقينا فيه دا ياعم والله نفسى اعرف الحل فين ؟؟؟؟

نئيييييييييييييير : والله انا شايف الحل بسيط خالص بمجرد ما تحصل انتخابات نضيفة فى رئاسة الجمهورية ويجى بقى رئيس جديد يكون صالح يظبط القوانين والشعب كله حيبقى تمام وميه ميه:a34:

ناااااااااااااااائر ::a45: فكرك كدا ؟؟ انا بقى مش شايف كدا :a45: خالص انا شايف ان المشكلة فينا احنا كشعب احنا بقينا وحشين

نئيييييييييييييير : ايوا ما هو احنا بقينا وحشين ليه عشان اللى ماسكنا من فوق :a8: .. هو برضو مش " اذا صلح الراعى صلحت الرعية "

ناااااااااااااااائر : معاك فى الكلام دا طبعا بس برضو احنا لو كويسين مكنش ربنا سلط علينا حاكم ظالم انت مسمعتش عن الحجاج ابن يوسف الثقفى لما افترى على خلق الله وطلع على قمة جبل وقال للمسلمين يا قوم انا عقاب الله عليكم ؟؟؟

نئيييييييييييييير : اديييييك قولتها بنفسك ياعم ... اذا كان رب البيت بالدف ضارب ، فشيمة اهل البيت الرقص:a36:

ناااااااااااااااائر : طب انا حجيب لك من الاخر .. ربنا قال ايه فى كتابه العزيز " ان الله لا يغير ما بقوم حتى يغيرو ما بأنفسهم " يعنى انت وانا ولو كل واحد بدأ بنفسه حالنا حينصلح وحنبقى احسن من كدا بكتير مش كدا ولا ايه ؟؟؟

نئيييييييييييييير : مممممم تصدق قربت اقتنع بكلامك بس برضو .. يعنى احنا لو بقينا كويسين طب ما حيفضل برضو موجود حاكم ظالم والاحوال مش حتتحسن ابداااا

ناااااااااااااااائر : ازاااااااى بتقول كدا ؟!؟! .. هو الحاكم دا مش واحد مننا ... ولما انا وانت نبقى كويسين وكلنا كويسين اكيد ربنا حيولى علينا حاكم عادل بس احنا ندعى ونقول " اللهم ولى علينا خيارنا ولا تولى علينا شرارنا ، ولا تصلط علينا بذنوبنا من لا يخافك فينا ولا يرحمنا

نئيييييييييييييير : آآآآآآمين يارب العالمين ، اللهم ولى من يصلح




ودلوقتى بعد ما سمعنا الحوار اللى دار بين
انت
مع
مين
فيهم
؟؟؟؟؟؟

ناااااااااااااااائر
ولا
نئيييييييييييييييير

الاصلاح بيجى منين
من فوق ولا من تحت
؟؟؟؟؟؟؟؟

http://www.mlfnt.com/up_6_2010/12778148421.jpg
كل دماغ غير التانية

موضوع جميل ياكيموووووووو و فكره حلوة جدا

وانا مع نائرررررررررررر يابرنس

لالالا بجد فكره جامده يابرنس ربنا معاك

انا بقه مع الاتنين يعنى انا برجح طبعا تعديل الحكم والنظام السائد ان يكون فى عدل ومساواه وان تكون شريعه اسلاميه خالصه
وان يكون الشعب هو عماد وركيزه هذه الدعمه اى يكون هو العمود الفقرى لبناء هذه الحكومه يعنى نصلح من فوق ومن تحت
وبكده انا بجمع الرائين لنائر ونئير وشكرا جدااااااااااااااا على الموضوع يا كركر تحفهههههههههههه :a11:

حلو اوى اوى

وانا بقى مع نااااااااااائر
لان احنا بايدينا نغير من نفسنا لكن
صعب شويه او كتيييير نغير او نفرض التغييير
على الحكم ومع الوقت حيتغير ان شاء الله
:a40::a40:

[QUOTE=mohamed ali;257891]

موضوع جميل ياكيموووووووو و فكره حلوة جدا

وانا مع نائرررررررررررر يابرنس

لالالا بجد فكره جامده يابرنس ربنا معاك

[/QUOTE

تمام يا جنرال
بس انت مقلتش رأيك
ياريت توضح رأيك اكتر
انا عامل السيناريو دا مخصوص
عشان يفتح لنا نقاشات اكتر

تسلم لمرورك يا جميل

اقتباس:

---

المشاركة الأصلية كتبت بواسطة munchi

انا بقه مع الاتنين يعنى انا برجح طبعا تعديل الحكم والنظام السائد ان يكون فى عدل ومساواه وان تكون شريعه اسلاميه خالصه
وان يكون الشعب هو عماد وركيزه هذه الدعمه اى يكون هو العمود الفقرى لبناء هذه الحكومه يعنى نصلح من فوق ومن تحت
وبكده انا بجمع الرائين لنائر ونئير وشكرا جدااااااااااااااا على الموضوع يا كركر تحفهههههههههههه :a11:

---

نفس رأيى يا فاروق والله
ياسلام ع التواااااااافق
انا طول عمرى اقول ان انت
انتييييييييمى اللدود وحاجة تانية
حقوللك عليها بكرة اما اشوفك
ان شاء الله

انا شايف ان الاصلاح يبدأ من داخل الواحد
وفى ظروف زى الى احنا فيها دلوقتى
فساد منتشر وفوضى وعشوائية وى وى
الحل الوحيد ان الواحد يبدأ بنفسه
ساعتها بس ممكن يبقى فى امل يزيد
لان كل واحد بيتغير بيغير من الواقع اللى حواليه
وبيأثر فى الناس اللى حواليه
وفى نفس الوقت انا شايف ان احنا محتاجين واحد
زى صلاح الدين وزى سيدنا عمرو
شخصية قيادية تلم المسلمين حواليها

فى مسلسل اسمه باب الحارة هدفه انه يقول
ان احنا كان زمان فى كبير حارة الكل بيعمل له
حساب وبيرجعو له فى وجود اى مشكلة
وهو دا اللى حانا محتاجينه دلوقتى
محتاجين كبير عيلة وكبير اسرة وكبير فى كل حتة
لما يكون فى كبير فى العيلة حيتلم الشمل ويرجع دوره زى الاول
والمل طبعا مبيقفش ع العيلة بس لكن على كل المستويات


شكرا لمرورك ومشاركتك الفعالة
يا روووووووووووووووءا

اقتباس:

---

المشاركة الأصلية كتبت بواسطة white heart

حلو اوى اوى

وانا بقى مع نااااااااااائر
لان احنا بايدينا نغير من نفسنا لكن
صعب شويه او كتيييير نغير او نفرض التغييير
على الحكم ومع الوقت حيتغير ان شاء الله
:a40::a40:

---

جميييييل جدا انك مقتنعة بفكرة
ان التغير يبدأ من الذات بالداخل

نووووووورتى الموضوع
يا زينب

ربنا يخليك يا كركر فعلا انا بعشق المسلسل ده بكل اجزائه بيحسسك برجوله الناس بتاعه زمان ويا ريت الوقت ده يرجع تانى يبقى كله الناس قلوبها على بعض واكيد يا كيمو احنا اخوات وخوات واكتر كمان ربنا يجمعنا تحت ظله يوم لا ظل الا ظله نحن وكل المسلمين اجمعين
امينننننننننننننننننننننننننننننننننننننننننننن
واكيد يا كيكو ان اى واحد لو ادى نفسه احساس انه اللى هيغير الكون للاحسن هتبقى دفعه كويسه جدا وكله هيحس انه القائد للخير

اقتباس:

---

المشاركة الأصلية كتبت بواسطة حفيد سيف الله المسلول

ربنا يخليك يا كركر فعلا انا بعشق المسلسل ده بكل اجزائه بيحسسك برجوله الناس بتاعه زمان ويا ريت الوقت ده يرجع تانى يبقى كله الناس قلوبها على بعض واكيد يا كيمو احنا اخوات وخوات واكتر كمان ربنا يجمعنا تحت ظله يوم لا ظل الا ظله نحن وكل المسلمين اجمعين
امينننننننننننننننننننننننننننننننننننننننننننن
واكيد يا كيكو ان اى واحد لو ادى نفسه احساس انه اللى هيغير الكون للاحسن هتبقى دفعه كويسه جدا وكله هيحس انه القائد للخير

---

مش بقوللك توااااااافق توافق يعنى
حبيبى ابو فاروووووق والله
ومبروك ع الاسم الجديد
يا حفيد سيف الله المسلول
خالد ابن الوليد
اى خدعععععة هااااااا
:a20::a20:

ويلا يا جماعة عايزين نعرف
باقى الاراء الموضوع مفتوح للنقاش
لحد ما نوصل لنتيجة
وباذن الله فى حلقة تانية قرييييبا
فانتظروووووونا مع موضوع اقوووى

ربنا يخليك يا كريم الله يبارك فيك الفضل يرجع لله ثم للدكتور سيد الزغبى ثم انته
بس يا رب اكون جزء من المليون فى استحقاقيه الاسم ده

الحلقة الثانية
من برنامجكم
نااااااااائر ونئيييييييييير
مع كرييييييييييم :a32:

نائر: والله اللى بيحصل من الحكومة ده حرام ، كل شوية يموتوا واحد فى القسم ، هو أحنا فراخ.

نئير : صلى على النبى فى قلبك كده وأهدى شوية الموضوع مش مستاهل .

نائر : مش مستاهل أزاى أنت مسمعتش عن خالد سعيد واللى قبله واللى قبله.

نئير : ياعم سمعت بس الموضوع مش مستاهل ده كلها حالات فردية ، شوية مخبرين أشتبهوا فى الواد ، صحيح الأسلوب كان غلط بس ده مش مستاهل كل المظاهرات واللى بيحصل ، المخبرين ح يتحسبوا وخلصنا.

نائر : أيه حالات فردية ، كام واحد أتعذب فى الأقسام فى الكام سنة اللى فاتوا ، ياحبيبى ده سياسة دولة وحكومة عايزة تخرسنا وتكتم نفسنا علشان يعملوا اللى هما عايزينه ، وكل مرة نلاقى مخبر أو ضابط يتحبسوا كام شهر وشكرا على كده .

نئير : أمال أنت عايز أيه الضابط أو المخبر هو اللى غلط يتحاسب وخلاص .

نائر : لأ طبعا سلوك الضابط أو المخبر مسؤلية مدير الأمن ووزير الداخلية ورئيس الجمهورية كمان ، لو الضابط أتعلم فى الكلية أزاى يمشى وراء الحقيقة والدليل مكنش ده حالنا ، لكن بيتعلموا فى الكلية أزاى يعذب اللى قدامه لحد مايلبسه القضية وخلاص .

نئير : متنساش أن قوة الأمن حمتنا من الإرهاب والخطر وعايشين فى أمان.

نائر : أمااااان!!!! فبن الأمان يمكن الأرهاب قليل ، ولكن كل يوم كام حادثة قتل وسرقة واغتصاب وتحرش ، فين الأمان ، ولنفترض أن فى أمان من الحرامية والنحرفين ، لكن بقى فى أرهاب الشرطة فى أى لحظة ممكن ضابط أو مخبر يخش بيتك أو يمسكك فى الشارع يضربك ويبهدلك ويحبسك كمان وملكش دية ، المشكلة فى أرهاب الدولة.

نئير : أرهاب دولة ... ياعم الكلام ده كبير أوى ، زى ماقولت أى مكان فى أخطاء وتجاوزات والشرطة يعنى مش ملائكة ، فى أخطاء وتجاوزات زى أى مكان فى الدنيا.

نائر : بس التجاوزات لما تمس حياة الناس وأمنهم وكرامتهم مينفعش نسكت ، لازم نصعد الموقف والشعب كله يقوم ، ونطالب بمحاكمة وزير الداخلية كمسؤول مباشر عن كل حوادث التعذيب والأعتقال والتجاوزات.

نئير : أنا شايف أن ده أحلام ، وكمان الوزير مش مسؤول أحنا نطلب محاكمة الضابط والمخبرين وخلاص.





هااااااا انتوا النهاردة مع نائر ولا نئير ؟؟؟؟؟

بصى يا كرك يا اخويا
انا والله بايد فكره نائر ان فعلا الدوله الى حد ما متسيطر عليها ولاكن مع الاسف بدكتاتوريه بحته ظلم واضطهاد
اى نعم
هما لازم يبقوا اشداء علشان بتوع المخدرات والحراميه لكن لازم يبقى فى نظره يعرفوا يميزوا الوحش من الحلو ميستخدموش سلطتهم فى الظلم والتسلط
وانا شايف ان المحاكمه تكون للمخطئين وانذار الوزير للتدخل فى توجيه اللى تحت سلطته
والا يحاكم هو بشر مش ملاك يعنى لو اخطا ولم يكون قد مسؤليه مكان منصبه فيحاكم بكل شده هو ومن اخطا
ويا ريت بجد البلد دى حالها يتصلح يكفى اننا نرجع نفتخر تانى اننا مصريين

مناقشه حلوه بين نائر ونئير

واكيد كل الناس حتئيد نائر

لان احنا فعلا نعيش في ظل حاكم ظالم وشعب جبان

ويمكن موقف خالد سعيد والحداثه دي كانت سبب ان ناس كتيره

ضمائرها ابتدت تصحي من تاني

المشكله ان الحكومه متجيش غير علي الغلبان الي ملوش في حاجه

انا مش حقول ولا حضرب مثل ولاحقارن خالد سعيد بابن وزير

لا

انا حقارنه بواحد منحرف سوابق مسجل خطر ورد سجون

تفتكرو الشخصيه دب لو مكان خالد كانوا حيعملوا معاه كده

لا طبعا

لانهم عارفين انه متهور وممكن يطلع مطوه ويعورهم علي الاقل

غير انه مهما كانت جريمته اخره شهرين تلاته وتلاقيه خارج من السجن عادي جدا

لدرجه ان قواضي القتل لو المتهم الي فيها منحرف ورد سجون

اخره بيتحبث تلت سنين ويطلع عادي جدا

مقارنه غريبه شويه بس والله حقيقيه وواقعيه 100%

لان المجرمين بيبقوا عارفين القوانين احسن من الظباط

ولو اتعرض لضرب او تعذيب يعرف كويس ياخد حقه من الظابط الي عذبه

وده طبعا عن طريق معرفتهم للوصول للنائب العائم وتقديم الشكاوي

وده الي ميعرفهوش المواطن الغلبان

شكرا يا كيموا علي الموضوع

شكرا لمشاركتكم الفعالة جداااااا
يا محمد فاروق وكارموووو

جزاكما الله خير على المرور والتفاعل

وننتظر اراء باقى الاعضاء
حول الحلقة الانية
والقضية الجديدة

أنا شايفة أن الموضوع ده بيرجعنا للموضوع اللي قبليه
يعني لازم تكون السيطرة من فوق مش هينفع نعاقب مخبر ولا عسكري وهو اللي فوق منه هما الي بيقولوا يعمل كده يعني هيروح المخبر هيجي مكانه عشرة
يعني لازم التغيير يكون من فوووووووووووووووق
يعني الشعب لو عايز يغير ولا يشتكي يشتكي اللي فوق مش اللي تحت
يعني بالظبط شبه مسرح العرايس يعني مش هينفع نحاسب العروسة كدة هنبئى بنظلمها لأن مش هي اللي بتحرك نفسها لكن نحاسب اللي بيحركهم

كلاااااام سليييييييم جدا يا سمسمة
ووجهة نظر تحترم وان كنت مختلف معاكى بعض الشىء

بشكرك جدا على مشاركتك الفعالة والقيمة دى
وفعلا انا حرصت ان الموضوع يكون متعلق باللى قبله
بس انتظرو حلقة جديدة قرييبا ان شاء الله
مع موضوع قووووى جدا وجدير بالنقاش

ايه المواضيع الجامده ديه بجد الله يفتح عليك:a11::a34:...انا مع نائرعشان لو في دوله قويه متمسكه بتعاليم الدين والشريعه هيبقي موجود حكومه قويه وهيبقي في امن وعدل ومفيش حد هيتظلم ومحدش هيموت عشان قال للظلم والاضطهاد لاوهيبقي في ديموقراطيه ومحدش هيخاف انه يقول رأيه بصراحه وكمان الناس هيحبواالي متولين عليهم وهيدعولهم كمان ولا ايه رأيك؟وكمان مش هيبقي موجود بتوع المخدرات والسفاحين ولا القضايا الي بنسمع عليها الايام ديه....

الأجازة للراحة ولا لتنمية المهارات والشغل؟؟

http://gam3aonline.com/uploads/holid...5346714312.jpg

نائر: الواحد مش عارف يعمل أية فى الأجازة

نئير: لالالا عندك ... الأجازة دى عملنها للراحة وبس

نائر: لابجد .. يعنى تعلب وتخرج وتتفسح بس

نئير: طبعا

نائر: الأجازة دى ممكن تعمل فيها حاجات كتير كتير من الشباب يظن انها للراحة من المذاكرة ودة صحيح ولكن لازم أنك تاخد كورسات فيها أوتشتغل.

نئير: كورساااااات وأشتغل كمان أنت راجل طيب أوى

نائر: طيب تعالى كدة نحسبها مع بعض لو الواحد أخد أجازة 3 شهور كل سنة فى أربع سنين يعنى 12 شهر ضايع كدة ويتخرج بقى يقول يلا بقى أخد كورسات لا حيكون عنده الوقت ولا الفلوس لأن أهله حيكون خلاص صرفوا عليه ومنتظرينه يشتغل والضغط النفسي فى المرحلة دي انه يدور على شغل كبير جدا ... فالأجازة للكورسات والشغل يا باشا

نئير: بص أنا ممكن أخد الكورسات دة فى الدراسة بعد الكلية فى الايام اللى مبتأخرش فيها فى الكلية أما الأجازة يعنى بحر يعنى روشنة يعنى خروج يعنى مصيف.

نائر: أنا مبقولش أنك مترفهش عن نفسك بس برضه أعمل حساب لبكرة

نئير: يعنى أنت عايزينى أذاكر ليل نهار فى الدراسة وكمان فى الصيف عايزيني أذاكر مش ممكن طبعا.

أنتو رأيكم إيه في الموضوع ده؟؟

الموضوع جميل ونائر ونئير كل واحد بيتكلم ع وجهه نظره بس انا مع نائر لان بسم الله الرحمن الرحيم ( ان الله لا يغير ما بقوم حتى يغيروا ما بانفسهم ) صدق الله العظيم ........... شكرا كتيييييييييييييير منتظرين باقى الحلقات

طبعا مع نااااااااااااااااااائر
والحمد لله بدات فى انى اخد كورس
واستغل وقتى فى حاجه مفيده ليا ولمستقبلى :a27:
وبرضه باقى الايام للراحه وللخروج والفسح
:a32: :a32:

بصراحة لو معايا فلوس
موش شغال وهاخد كورسات
لكن انا بشتغل عشان
اخد كورسات
وعلى فكره انا لسه مشتغلتش
بس إن شاء الله هشتغل
إدعولى بقى

اقتباس:

---

المشاركة الأصلية كتبت بواسطة mon ange

الموضوع جميل ونائر ونئير كل واحد بيتكلم ع وجهه نظره بس انا مع نائر لان بسم الله الرحمن الرحيم ( ان الله لا يغير ما بقوم حتى يغيروا ما بانفسهم ) صدق الله العظيم ........... شكرا كتيييييييييييييير منتظرين باقى الحلقات

---

بشكرك لمرورك ومشاركتك
وفى حلقتينى كمان نزلوا ياريت
تقوليلنا رأيك فى اخر حلقة
وجزاكى الله كل خير

اقتباس:

---

المشاركة الأصلية كتبت بواسطة white heart

طبعا مع نااااااااااااااااااائر
والحمد لله بدات فى انى اخد كورس
واستغل وقتى فى حاجه مفيده ليا ولمستقبلى :a27:
وبرضه باقى الايام للراحه وللخروج والفسح
:a32: :a32:

---

تماااااااااام يااااا زيييييييينب
بس انا شايفك انك تقعدى فى البيت احسن
:a28::a28::a28::a28:
بصراااااااحة يعنى البت حتى لو اشتغلت
مسيرها فى الاخر لبيت جوزها وتقعد تربى عيالها
وهو دا اثبات الذات الصح للست
يعنى الست تبت نفسها فى بيتها
وباذن الله يكون فى حلقة مخصوص
لنقاش الموضوع دا

بشكرك لمشاركتك يا وايت هيرت

اقتباس:

---

المشاركة الأصلية كتبت بواسطة MUHAMED SAMY

بصراحة لو معايا فلوس
موش شغال وهاخد كورسات
لكن انا بشتغل عشان
اخد كورسات
وعلى فكره انا لسه مشتغلتش
بس إن شاء الله هشتغل
إدعولى بقى

---

تماااااام اسامى
انت مش محتاج تتكلم
انا عارف دماغك ماشية ازاى
:a20::a20::a20:

موضوع الحلقه التانيه انا مع نائر اكيد بس احنا ديما بنستنى اللى فوقينا يحركونا لو بدانا بينا بكل واحد ف بيته ويقول رايه اكيد مش هيبقى فيه ظلم وده طبعا بيرجع لامور الدين الصحيحه وتطبيقها ويمكن ده يوصل لحكامنا ونقدر نبث العدل ف كل حاجه . شكرا ليك

موضوع الحلقه التالته هو انا مع نائر ونئير يعنى اخرج واغير جو بعيد عن المذاكره وف نفس الوقت استفاد من الاجازه بس الافضل اكون مع نائر لان الاجازه لما بتعدى من غير فايده مش بتبقى لذيذه مفيهاش حاجه لو خرجت واخدت كورسات او اتعلمت حاجه معينه هتفيدنى بعد كده
شكرا يا كريم ومعلش علشان ما اخدتش بالى من الحلقتين

:a10::a10::a10::a10::a10:

لا والله ياعم كريم
انا بختلف معاك لان البنت اثبتت وجودها وكفائتها فى مجالات كتير

بص نتناقش فى الموضوع ده فى وقته :a8: :a8:

اقتباس:

---

المشاركة الأصلية كتبت بواسطة KAREEM

تماااااااااام يااااا زيييييييينب


بس انا شايفك انك تقعدى فى البيت احسن
:a28::a28::a28::a28:
بصراااااااحة يعنى البت حتى لو اشتغلت
مسيرها فى الاخر لبيت جوزها وتقعد تربى عيالها
وهو دا اثبات الذات الصح للست
يعنى الست تبت نفسها فى بيتها
وباذن الله يكون فى حلقة مخصوص
لنقاش الموضوع دا

بشكرك لمشاركتك يا وايت هيرت

---

لا شكر على واااجب

ادة كل ناس مع نائر كدة مالة نئير الولد كلامة واضح اجاااازة يعنى نرفهه عن نفسنا وبعدين فى حل وسط حوش فلوس فالدراسة وفالاجازة اتفسح والحياة تمام واول ماتخلص هات الفلوس اللى حوشتها واصرفها على الكورسات لان كدة كدة مش اول ماتتخرج هتشتغل اساسا وبكدة اهلك مش هيصرفوا عليك ولاحاجة وهتتمتع بالاجازة ومش هتكتئب لما تخلص دراسة ومتلئيش شغل وتاخد كورسات وكان هذا موجز لاهم الانباء ههههه

اقتباس:

---

المشاركة الأصلية كتبت بواسطة mon ange

موضوع الحلقه التانيه انا مع نائر اكيد بس احنا ديما بنستنى اللى فوقينا يحركونا لو بدانا بينا بكل واحد ف بيته ويقول رايه اكيد مش هيبقى فيه ظلم وده طبعا بيرجع لامور الدين الصحيحه وتطبيقها ويمكن ده يوصل لحكامنا ونقدر نبث العدل ف كل حاجه . شكرا ليك

---

اقتباس:

---

المشاركة الأصلية كتبت بواسطة mon ange

موضوع الحلقه التالته هو انا مع نائر ونئير يعنى اخرج واغير جو بعيد عن المذاكره وف نفس الوقت استفاد من الاجازه بس الافضل اكون مع نائر لان الاجازه لما بتعدى من غير فايده مش بتبقى لذيذه مفيهاش حاجه لو خرجت واخدت كورسات او اتعلمت حاجه معينه هتفيدنى بعد كده
شكرا يا كريم ومعلش علشان ما اخدتش بالى من الحلقتين

---

لالالالالالالالالالالا انتى زى الفل
ابقى تعالى كل يووووووم
مشاركاتك بصراحة الله ينور
ونشاطك ملحوظ فى المنتدى
نتمنى ان نرى مشاركاتك باستمرار
جزاكى الله خيييييييييييير
:a11::a11::a11::a11:

اقتباس:

---

المشاركة الأصلية كتبت بواسطة smart girl

ادة كل ناس مع نائر كدة مالة نئير الولد كلامة واضح اجاااازة يعنى نرفهه عن نفسنا وبعدين فى حل وسط حوش فلوس فالدراسة وفالاجازة اتفسح والحياة تمام واول ماتخلص هات الفلوس اللى حوشتها واصرفها على الكورسات لان كدة كدة مش اول ماتتخرج هتشتغل اساسا وبكدة اهلك مش هيصرفوا عليك ولاحاجة وهتتمتع بالاجازة ومش هتكتئب لما تخلص دراسة ومتلئيش شغل وتاخد كورسات وكان هذا موجز لاهم الانباء ههههه

---

كلاااااااام جميل بالنسبة للبنات ممكن احيانا
انما كولاد ووصلو لسن زى سننا 20 سنة
يبقى الواحد لازم يتحرك شوية ويعمل حاجة
من دلووووووووووووووووووقتى حالا
وشكرا لمشاركتك الجميلة دى

الله عليك يا كيمو
دايما متميز كدا بموضوعات الجامده
بالنسبه لوضوع الاجازه
انا شايفه انك لو ف اى قسم تانى غير جغرافيا ممكن تقول ان الاجازة معموله للراحه
بس ف القسم اللى احنا فيه ده ماينفعش نقول الكلام ده :a27: :a27:
لان مطلوب مننا اثناء فتره الاجازة اننا ناخد دورات سواء كانت اجهزة مساحه او برامج او كمبوتر او لغه .....الخ
صعب اوى نضيع 12 شهر فى الاربع سنين على الفاضى كدا
و نيجى ناخد كل الدورات دى ف الاخر
و تقريبا معظم الدورات مش بتبقى كل يوم
يعنى ف عندنا ايام اجازة برضو مش بيبقى ورانا فيها حاجه
نقدر بقى ف الايام دى اننا نتفسح و نروح البحر و نعمل كل اللى نفسنا فيه
يعنى من الاخر كدا انا مع نائر و مع نأير:a5: :a5:

ياجماعة الكلام ده لو أحنا عندنا وقت للدراسة ووقت للترفيه بس أحنا ماشاء الله علينا أوقاتنا كلها ترفيه
أنتو بتتكلموا في أيه بس
مش عارفة أحنا هنفوق أمتى من اللي أحنا فية :a22: مازهقناش من كتر الترفيه اللي أحنا فيه

جمييييييييييل جدا اختلاف الاراء دا
المهم اننا فى الاخر اننا نطلع بحاجة
اننا فى السن دا مينفعش نضيع وقت
اللى حيفرق واحد عن التانى هو
استغلاااااااااااااااال الوقت والصحة
يعنى الى يقدر يعمل حاجة يعملها
الى يقدر ياخد كورسات ياخد
واللى يقدر يشتغل يشتغل
واللى واللى ,,,, فى مجالات كتير اوى
الواحد ممكن يستفيد منها من اجازته
وبرضو اكييييييد حيكون فى جانب للترفية
زى ما قالت مورة الكورس مش كل يوم
والشغل كذلك حيبقى فى اجازة يعنى ممكن
نعمل الحاجتين فى نفس الوقت
بس المهم فى الاخر اننا منضيعش
سنة من عمرنا زى ما قلنا
( 3 شهور على مدار 4 سنين )
يعنى 12 شهر يعنى سنة
لاااااازم كلنا نستغلها كوووويس

بشكركم لتفاعكلم مع الموضوع
والنقاس كان جميييييييييل جداااا

انتظرو الحلقة الجديد
وموضوع جاااااامد جداااا

في أنتظار حلقة جديدة من مواضعيك الجامدة

انتظرى حلقة جديد اليوم ان شاء الله
شكرا ع المتابعة الجيدة

وشكرا لمشرف القسم
على التثبيييييت

انا مع نائر لان كلامه صح مش معنى انها اجازة يعنى للترفيه فقط ولا كن لازم نستفيد بالوقت لانه كنز

الستااااااااااااات
بيسوقو عربيات
ولا بيسوقو العبط
؟؟؟؟؟؟؟؟؟؟؟؟؟؟

نائر : أيوه ياجدع ... أيه الستات اللى بيسوقوا دول .. دول سبب كل المصايب .... أى حادثة فى أى حته تلاقى السبب ست مش بتعرف تسوق.
نئير : مش أوى كده ياعم السواقة زى أى مهنة او مهارة ... فى رجالة بتسوق كويس ورجالة بتسوق وحش ... وفى ستات بتسوق كويس وستات بتسوق وحش.
نائر : لأ ياعم انا عمرى ما شفت ست بتسوق كويس ... كل ما أركب ميكروباص وألقى السكة واقفة تلاقى واحدة ست مش عارفة تسوق هى السبب ، وبعدين السوافةعايزه قلب وجراءة .. والستات لا عندها قلب ولا جراءة .
نئير : ليه ياعم هى عملية انتحارية عايزة قلب ... الستات بنى ادمين زينا ... يعنى لو اتعلمت سواقة كويس حتسوق كويس ... وبعدين السواقة خبرة ..ز وواحدة واحدة ح تلاقى ستات أحسن من الرجالة فى السواقة.
نائر : لأ يا عم ... وبعدين السواقة عايزة واحد يعرف يرد ويبلطج عشان يعرف يمى فى شوارعنا.
نئير : ده مش سواقة ده اسمها بلطجة ... وبعدين الستات بره بيسوقوا ومفيش مشاكل ... عشان فى نظام وقواعد الناس بتحترمها... مش بلطجة.
نائر : احنا شوارعنا عايزة البلطجى ... والستات اللى عايزين يسوقوا يطلعوا يسوقوا بره ..... ولما حال شوارعنا ينصلح يبقوا يسوقوا عندنا ... وبس دلوقتى يرحمونا ويبطلوا سواقة.
نئير : لأ ياعم انا مش معاك .... لازم نطبق القواعد لمرورية عشان الستات والرجالة يرتاحوا من البلطجة ويعرفوا يسوقوا.

بعد ما سمعنا نائر ونئيييييييير
انتو مع مين يا ولاااااااااااد ؟؟؟
وانتو مع مين يابنات قولو الصراحة
؟؟؟؟؟؟؟؟؟؟؟؟؟ :a41::a41:

http://www.mlfnt.com/up_6_2010/12778148421.jpg
كل دماغ غير التانية