غرقان أنا فى همومى يا مصر الامان
غرقان انا يا مصر الطيبة
حتى السمك اصبح جعان
نفس السمك بيصرخ من الالم
والظلم بيدق البيبان
وانتم خلاص مابقتوش بشر
والله شايف ناس على هيئة حيتان
نفس الحيتان
نفس العيون الميتة
نفس العيون اللى رمتـنى من سنين
على غربة الروح
والمكان
غرقان أنا فى همومى فى ديونى
يا زمن مطحون
جبان
الظلم ياكل جتتى
وكل اللى عشت عشانه
هان
هل يا ترى فيه حد حاسس
باللى كاين
واللى كان
يا شمس جايلك قلب
لسة بتطلعى
فوق اللى خان
فوق اللى باعنى واشترانى
وباعنى تانى للهوان
غرقان أنا يا أرض مصر الطيبة
كان نفسى ألقى فيكى
ضلاية أمان
يا بحر نيل فرّط فى حقه
واستكان
مابقاش من الجسم النحيل
غير بس روح
واقفة على راس الوطن
تنده بصوت الحق
وتدق البيبان
غرقان أنا فى همومى فى ديونى
مش لاقى ليه شط الامان
اختى لقد عبرتى عما يدور حولنا باسلوب روعه جعل قلمى الضئيل يتطاول باكيا عن حالنا ومعتزرا لقلمك على تطفله فتقبلى تلك الكلمات اضافه للنجوم التى تلالات من مداد قلمك المميز
تقبلى مرورى
اخوكى منتصر
