فهمت ايه ؟؟؟؟؟؟؟؟ ( كتاب كليلة ودمنة .. متجدد باستمرار ) تابعووووونا

السلام عليكم ورحمه الله وبركاته.........

انا عندى فكره اتمنى تعجبكم كلكم وتشركونى فيها

بس الحقيقه انا مكنتش عارفه الموضوع يبقى تبع انهى قسم فحطيته هنا

حدخل فى الموضوع علطول........

طبعا كلنا عارفين كتاب"كليله ودمنه" بس مش كلنا قريناه


انا عندى النسخه الاصليه مش التلخيص ففكرت انى اكتبلكم موضوعات من الكتاب ونشارك بعض فى الراى والاستفاده

ويبقى زى ندوه او مسلسل

بس انا حستنى تشيجعكم عشان اعرف اذا كنتم معاياوموافقين على الفكره ولا لا

وبعديها حبتدى علطول وكل واحد يدخل يقول فهم ايه وايه اللى استفاده

عايزه تشجيع جاااااااااااااااااااااااااامد

فى انتظار اول حلقة
:a34::a34::a34::a34:

فكرة حلوووووة اوووووى
خصوصا انى من زمان كان نفسى يبقى عندى الكتاب دى
كويس جدا انك تنزليه على هيئة حلقات
وكمان نتابع ونقدر نستفيد وننناقشه مع بعض كلنا
عشان نقدر نطلع بحاجة
وممكن يا محمد سامى تحول له عندى قسم الكتب الاليكترونية
وانا حقوم باللاااااااااااازم لان دا يتعبر مناقشة كتاب
ولا انت اييييييييييه رأييييييييييك ؟؟؟؟؟؟؟ :a33:

شكرا ليكى سارة واحنا منتظرين منك اول حلقة

تمام فكرتك يا كيمو
وإن شاء الله الكل يشارك فيه

معاكي يا سيرورة القلب والعقل والفكر والوجدان

:a34::a34::a34::a34:

فكرة جميله فعلا ع الاقل نشوفها كلنا مع بعض ونناقشها شكرا ليكى منتظرين

شكرا يا جماعه على مشاركتكم وانكم نقلتم الموضوع لمكانه الصح

بس اتمنى تشاركونى رايكم فى الموضوع بعد كده وتكون مشاركتنا كلنا فعاله ونستفاد من بعض ومن الكتاب طبعا

ويالا نبدى مع تعريف بسيط للمؤلف والمترجم

كتير مننا فاكرين ان مؤلف الكتاب هو "عبد الله ابن المقفع" ولكن فى الحقيقه انه هو مترجم الكتاب للعربيه

والمؤلف الحقيقى للكتاب هو "بيدبا الفيلسوف" الهندى

وقد ألف بيدبا الكتاب لدبلشيم ملك الهند كتابه الذى سماه" كليله ودمنه" وجعله على ألسن البهائم والطير

صيانه لغرضه فيه من العوام وتنزيها للحكمه وفنونها ومحاسنها وعيوبها

ويرتبط سبب كتابه بيدبا للكتاب بغزو "الاسكندر ذا القرنين الرومى "لبلاد الشرق والغرب

"ودى قصه طويله شويتين لو حابيين تعرفوها مفيش مشكله او لو حابيين ندخل فى الكتاب وموضعاته على طوول"

الاختيار ليكو وانا تحت امركم..........

من رايى اننا نبدأ فى الكتاب على طول
والرأى والمشورة لباقى الاعضاء
ياريت نعرف الاراء عشان نبدأ

وشكر ع المقدمة المبسطة دى ياسارة

يا ريت نبدا فى اول موضوع فى الكتاب وان شاء الله يكون استفاده لينا كلنا
وانا بشكر حضرتك جدا على الموضوع الارائع وجزاك الله عنه كل خير

_عرض الكتاب_



ينبغى لمن يقرأ هذا الكتاب الوجوه التى وضعت له والرموز التى رمزت فيه والى اى غايه جرى مؤلفه فيه عندما نسبه الى البهائم واضافه الى غير مفصح

فان قارئه متى لم يفعل ذلك لم يدر ما اريد بتلك المعانى ولا اى نتيجه يحصل عليها من الكتاب.

وانه وان كانت غايته منه استتمام قراءته والبلوغ الى اخره دون تفهم ما يقرا منه لم يعد عليه شىء يرجع اليه نفعه

الحلقه الاولى: مثل المكتشف الكنز

ومن استكثر من جمع الكتب وقراءه العلوم من غير اعمال الرويه فيما يقرأه كان خليقا ألا يصيبه الا ما اصاب الرجل الذى زعمت العلماء انا اجتاز ببعض المفاوز

فظهر له موضع اثار كنز. فجعل يحفر ويطلب فوقع على شىء من عين وورق فقال فى نفسه ان انا أخذت فى نقل هذا المال الا قليلا طال على وقطعنى الاشتغال بنقله

واحرازه عن اللذه بما أصبت منه ولكن سأستأجر أقواما يحملومه الى منزلى وأكون انا اخرهم ولا يكون بقى ورائى شىء يشغل فكرى بنقله واكون قد استظهرت لنفسى

فى اراحه بدنى عن الكد بيسير اجرة اعطيها لهم

ثم جاء الحماليين فجعل يحملكل واحد منهم ما يطيق فينطلق به الى منزله هو فيفوز به حتى اذا لم يبقى من الكنز شىء انطلق خلفهم الى منزله فلم يجد فيه من المال لا

كثيرا ولا قليلا واذا كل واحد من الحماليين قد فاز بما حمله لنفسه ولم يكن للرجل من ذلك الا العناء والتعب لانه لم يفكر فى اخر امره

انا مش فاهم حاجة للاسفل الشديد
حاولت اقراها كذا مرة بس واضح ان
الكتاب صعب فهمه لانه مترجم واكيد
المترجم مترجم ترجمة حرفية او حاجة كدا
ممكن تفهمينا شوية يا سارة او اى حد
ممكن يفهمنا اول حلقة دى :a3:

اقتباس:

---

المشاركة الأصلية كتبت بواسطة kareem

انا مش فاهم حاجة للاسفل الشديد

حاولت اقراها كذا مرة بس واضح ان
الكتاب صعب فهمه لانه مترجم واكيد
المترجم مترجم ترجمة حرفية او حاجة كدا
ممكن تفهمينا شوية يا سارة او اى حد

ممكن يفهمنا اول حلقة دى :a3:

---

ميرسى يا كريم على مشاركتك

واللى انا فهمته من القصه دى

ان الانسان اللى بيقرأ كتب كتير ومبيعملش بيها او بمعنى اصح مبيطبقش اللى فهمه

بيكون مستفدش حاجه ولا انتفع باللى قراه....

وعلى فكره ده قصه من باب اللى كتبه "ابن المقفع"يعنى انا لسه مدخلتش فى الجزء اللى اترجم ولا حاجه

وهو فعلا الموضوع صعب لانه بيتكلم لغه عربيه فصحه جدااااااا

بس متقلقوش يا جماعه اكيد مع بعض حنفهم قصد المؤلف

وبصراحه انا مفهمتش الكتاب غير لما قريته اكتر من3مرات ولسه فى حاجات مش فهماها ومن هنا جت فكره انى اكتبه هنا

موضوع جميل ياساره وفكره جميلة وانشاء الله نتابع مع بعض

ويكون النقاش مفيد

*الحلقه الثانيه*

لو فى شخصين متحابين اصدقاء ودخل بينهم شخص تالت كذوب محتال

فان الشخصان يتقاطعا

مثل"التاجر وبنيه"

كان فى رجل شيخ له ثلاثه بنين اسرفوا فى مال ابيهم ومكنش عندهم حرفه يكسبوا منها

فلامهم ابوهم وقال لهم:يا بنى ان صاحب الدنيا يطلب ثلاثه امور لن يدركها الا باربعه اشياء

أما الثلاثه التى يطلب :فالسعه فى الرزق والمنزله فى الناس والزاد للاخره

واما الاربعه التى يحتاج اليها فى درك هذه الاشياء

فاكتساب المال من احسن وجه يكون ثم استثماره ثم انفاقه فيما يصلح للمعيشه ويرضى الاهل والاخوان فيعود عليه نفعه فى الاخره

..........................للحديث بقيه.......................

نصيحة جمييييييييييلة جدا
الكتاب واضح انه جامد فعلا يا سارة
واكيد حنستفاد منه كتير

شكرا جزيلا لحضراتكم

ميرسى ليك يا كريم

وفعلا الكتاب جامد لانه بيتناول كل المواقف اللى ممكن تحصل للانسان وازاى يحلها

:a11::a34::a11::a34:
فى انتظار باقى الحلقات ياساره

اول مره خد بالى من الموضوع الجميل ده
وبجد استفدت من افكره جدا لانه كتاب من افضل الكتب الادبيه
ويشرفنى ان كون متابع معاكم للموضوع الجميل ده
جزكى الله كل خير يا ساره على الموضوع فى غايه لجمال

بجد فكره جميله جدا يا ساره انك تعرضي الكتاب ده علي الرغم من وجود كلام فصيح مش فهمنها اوي بس بنحاول....والحلقه التانيه بجد جميله جدا واستفدت منها:a13:

اقتباس:

---

المشاركة الأصلية كتبت بواسطة mohamed gaber aly

:a11::a34::a11::a34:

فى انتظار باقى الحلقات ياساره

---

تشجيع حضرتك ادانى دفعه قويه جدا

شكرا لمرورك الكريم

اقتباس:

---

المشاركة الأصلية كتبت بواسطة eslam mamdouh

اول مره خد بالى من الموضوع الجميل ده

وبجد استفدت من افكره جدا لانه كتاب من افضل الكتب الادبيه
ويشرفنى ان كون متابع معاكم للموضوع الجميل ده

جزكى الله كل خير يا ساره على الموضوع فى غايه لجمال

---

نورت الموضوع يا اسلام

وان شاء الله تستفاد اكتر واكتر

اقتباس:

---

المشاركة الأصلية كتبت بواسطة حنين الحياة

بجد فكره جميله جدا يا ساره انك تعرضي الكتاب ده علي الرغم من وجود كلام فصيح مش فهمنها اوي بس بنحاول....والحلقه التانيه بجد جميله جدا واستفدت منها:a13:

---

ميرسى ليكى يا حنين

وخلينا نحاول نفهم الكلام مع بعض وفى الكتاب توضيح لمعانى بعض الكلمات

ان شاء الله حكتبها

....................بقيه القصه.................

الحلقه الثالثه


انطلق رجل الى ارض وكان معه عجله يجرها ثوران يقال لاحدهم "شتربه"وللاخر"بندبه"

فوحل شتربه فى ذلك المكان فعالجه الرجل واصحابه حتى بلغ منهم الجهد فلم يقدروا على اخراجه

فذهب الرجل وخلف عنده رجلا يشارفه لعل الوحل ينشف فيتبعه به

فلما بات الرجل بذلك المكان خاف فترك الثور والتحق بصاحبه وقال له ان الثور مات


يا ترى فهمتوا ايه من القصه دى وايه اللى استفدوه؟؟؟؟؟؟؟؟؟؟؟؟؟؟؟؟

والله دى لو حكتيها لاطفال برضو مش حيعرفو يقولو فهمتو ايه
بس انا حفكر واحاول اقول لك بس انا حاااااااسس ان فى معنى
جاااااامد اوى وصلنى بس مش عارف اطلعووووو

استمررررررى يا سارة وزى ما انتى ميهمكيش
احنا فاهمييييييييييين :a25::a25:

اقتباس:

---

المشاركة الأصلية كتبت بواسطة kareem

والله دى لو حكتيها لاطفال برضو مش حيعرفو يقولو فهمتو ايه

بس انا حفكر واحاول اقول لك بس انا حاااااااسس ان فى معنى
جاااااامد اوى وصلنى بس مش عارف اطلعووووو

استمررررررى يا سارة وزى ما انتى ميهمكيش

احنا فاهمييييييييييين :a25::a25:

---

طب بص يا كريم

انا عندى فكره ايه رايكم لو كتبت باسلوب الحكايه

يعنى انا حقرأ الكتاب واحكيه لكم

وتقولوا انهى احسن فى الاسلوبين

تمام كده

وتعالوا نعمل تجربه

حبدأ من قصه"مثل التاجر وابيه"

كان فى ارض فيها شيخ عجوز عنده 3ولاد لما كبروا فضلوا يصرفوا فى فلوس والدهم يسرفوا يعنى

ومكنوش يعرفوا يشتغلوا حاجه

فقعد والدهم معاهم واداهم نصيحه فاتبعوا نصيحته

وبعدين أكبر ولد فى الولاد دول راح أرض وكان معاه عجله بيجرها ثوران واحد اسمه "شتربه"والتانى اسمه"بندبه"

رجل شتربه غرزت فى الطين

فضلوا يحاولوا يطلعوه معرفوش وتعبوا اوىىىىىىىىىىى

فراح صاحب شتربه الولد الكبير سايبه مع واحد من اتباعه وقالوه يجيبوه ويجى بعد ما تنشف الطينه

فالراجل ده خاف من الضلمه والغابه

وراح سايب شتربه ومشى ورجع لصاحبه وقاله ان شتربه مات

"لو الاسلوب ده عجبكوا حكمل بيه لان القصه لسه مخلصتش"

فى حاجه مهمه عايزه انبهكوا ليها

اسلوب بيدبا فى الكتاب انه بيتكلم فى موضوع وبعدين يدى مثل او حكايه

بس فى حاجه مهمه

وهو بيقول المثل بيجيب الحكايه على لسان الحيوانات فمن الحكايه بيدخل ويطلع لحكايه تانيه وبعدين يرجع للحكايه تانى وكده

يعنى مثلا اتنين قاعدين يحكوا مع بعض يقوم واحد رايح يحكى للتانى حكايه وبعدين يديلوه مثل وجوه المثل فى مثل تانى

فالى مش مركز حيتوه

فكره الموضوع جمبله جداا يا ساره

وكليله ودمنه من اروع الكتب القديمه

الي بتتناول الكثير من الحكم

الي اكيد حتفدنا كتبر في حياتنا

بشكرك جدا علي مجهودك وحلقاتك الجميله

وان شاء الله متابع معاكم باقي الحلقات

جزاكي الله كل خير

اقتباس:

---

المشاركة الأصلية كتبت بواسطة aly elsayed

فكره الموضوع جمبله جداا يا ساره

وكليله ودمنه من اروع الكتب القديمه

الي بتتناول الكثير من الحكم

الي اكيد حتفدنا كتبر في حياتنا

بشكرك جدا علي مجهودك وحلقاتك الجميله

وان شاء الله متابع معاكم باقي الحلقات

جزاكي الله كل خير

---

شكرا ليك يا على

وياريت تبقى تتابع معانا وتقولى ايه رايك

بما ان السكوت علامه الرضا فأنا حعتبر انكم وفقتوا على الاسلوب الاخير

وحكمل بيه القصه بتاعه شتربه "الثور"

بعد ما الراجل مشى وساب شتربه والارض نشفت قدر شتربه يخلص نفسه منها

وفضل ياكل ويشرب وعاش فى المكان اللى كان فيه

ولما سمن كده وربرب بقى صوته قوى وعالى "صوت الثور خوار"

وكان قريب من حته كان فيها أسد عظيم كان ملك المنطقه دى

وكان معاه سباع كثيره وذئاب وبنات اوى وثعالب وفهود ونمور

كان الاسد ده منفرد برأيه ومكنش بياخد راى حد ولما سمع صوت الثور خاف خصوصا انه مكنش سمع صوت ثور قبل كده

فخاف من الصوت وكره ان جنوده يحسوا بكده فقعد فى مكانه ومقمش وكان بيستنى ان جنوده يجبوله اكله

وكان معاه فى جنده بنات اوى واحد اسمه "كليله"والتانى"دمنه"

وكانوا من اصحاب الدهاء والعلم والادب



..............زومن هنا حيبدى يظهر كليله ودمنه...................

تابعوا معايا الحكايه

ايوووووووا كدا الكلام بدأ يبان
والحقيقة بدأت تظهر
طالما كليلة ودمنة بانو شوية

بس يعنى ايه بنات اوى ؟؟؟؟
وكليلة ودمنة دول شخصيتهم ايه
يعنى حيوانات ؟ اى نوع ؟ ولا بشر ؟

واستمرى يا سارة الله ينور عليكى
ولى طلب عندك لو تشرحى حتة اكبر شوية عن كدا
عشان كدا قصيرة اوووى وبتشوقفينا جامد
واحنا عايزين نربط الاحداث احسن من كدا

[quote=kareem;266038]

ايوووووووا كدا الكلام بدأ يبان

والحقيقة بدأت تظهر
طالما كليلة ودمنة بانو شوية

بس يعنى ايه بنات اوى ؟؟؟؟
وكليلة ودمنة دول شخصيتهم ايه
يعنى حيوانات ؟ اى نوع ؟ ولا بشر ؟

واستمرى يا سارة الله ينور عليكى
ولى طلب عندك لو تشرحى حتة اكبر شوية عن كدا
عشان كدا قصيرة اوووى وبتشوقفينا جامد

واحنا عايزين نربط الاحداث احسن من كدا

الكتاب مفيهوش بشر خاااااااااالص

كله على لسان الحيوانات

وكليله ودمنه دول حيوانات "بنات اوى"

فصيله من فصايل الحيوانات

وحاضر حكتب حته اكبر

انته تؤمر يا كريم

حنكمل القصه بتاعتنا بس ركزووووووووووا جامد


قال دمنه لاخوه كليله:هو مال الاسد قاعد فى مكانه مش بيخرج ولا بيعمل حاجه على غير عادته

رد كليله:وانته مالك احنا يدوب بنحرص الباب بتاعه بس نعمل اللى هو عايزه وبس

واحنا مش من اللى نقدر نقوله ايه اللى نعمله وايه اللى ميعملهوش

فمتكلمش فى الموضوع ده ومتدخلش فى اللى ملكش فيه

عشان ميحصلكش زى ما حصل للقرد والنجار

قال دمنه:وكيف كان ذلك




ماشييييييييين معايا ولا تهتوا

ايوا ايه اللى حصل للقرررد يا سارة

وبعدين دا حتة كبيرة
انتى كدا بتشوفينا اوووى
يلا خشى ع الجديييييد
انا عايز اطلع بحاجة لحد دلوقتى مش عارف
حلاوة القصة لما تكون كاملة حاولى تطولى شوية

والله ينور طبعا شرحك كدا ممتااااااز :a27:

[QUOTE=KAREEM;267474]

ايوا ايه اللى حصل للقرررد يا سارة

وبعدين دا حتة كبيرة
انتى كدا بتشوفينا اوووى
يلا خشى ع الجديييييد
انا عايز اطلع بحاجة لحد دلوقتى مش عارف
حلاوة القصة لما تكون كاملة حاولى تطولى شوية

والله ينور طبعا شرحك كدا ممتااااااز :a27:

تقريبا كده مافيش غيرى انا وانته ياكريم فى الموضوع

مش عارفه فين اعضاء المنتدى اللى كانوا بيشجعوا الاول

عموما انا عشانك يا كريم اكتب الكتاب كله

واسفه انى اتاخرت فى الرد ومبسووووطه ان طريقه الشرح بدأت تعجبك