لاااااازم تقرا .. طب ليه ؟؟؟ عشان لااااازم تجاااااوب >>> اول متورط " smart girl "

سلامو عليكو

اعضاء المنتدى الكرام
طبتم وطاب مسعاكم وتبوأتم من الجنة منزلا
وانى دائما ما اقول لكم " احبكم فى الله "

اخش فى الموضوع على طول
بقى لى فترة كبيرة بفكر في الموضوع دا
وكل ما اجى اعمله تحصل ظروف لكنى متأكد
ان الفكرة حتعجبكو ان شاء الله لانها لذيذة ومفيدة فى نفس الوقت


دلوقتى احنا عندنا المكتبة الاليكترونية فى المنتدى
يعتبر نايمة فهل دا تقصير منى اكيييد واعترف بذلك
عشان كدا فكرت فى حاجة تنشط الجو وفى نفس الوقت
تجذبنا كلنا للقراءة اللى معظمنا مبقاش عنده طقطان يقرا كتاب
واخرنا فى القراية نقرا موضوع او خبر من ع النت أو أو أأووووو

الموضوع دا عبارة عن توريييييييييييييطة لاحد الاعضاء
عندنا عضو حنختاره يكون هو الضيف عندنا لمدة معينة
والمدة دى حتكون مفتوحة لحد ما يخلص نفسه من التوريطة دى
ويوووووووط حد تانى مكااااااااانه ايه رايكو بقى ؟؟؟

طبعا ولا فاهمين حاجة لانى لسه موضحتش
طب ايييه هى التوريطة دى ؟؟ وايه نظام البرنامج او اللعبة او المسابقة ؟؟؟
سموها زى ما تسموووووها المهم فى الاخر
ان عندنا واحد عضو حيتووووورط هنا فى المكتبة


النظام كالاتى
حختار عضو من الاعضاء
وحختار له كتاب يقراه
وحديله مدة من يومين ل 3 ايام حسب الكتاب
يقرا الكتاب دا كوييييس جدا ليييييه بقى ؟؟
لانه حيتسأل فيه ... طب مين حيسأله ؟؟؟؟
احنا كلنا حنسألو فى الكتاب وبالتالى لازم احنا كمان
نقرا الكتاب او حتى نقرا حتة منه او ناخد فكرة عنه
واى سؤال يخطر على بالك فى الكتاب تسألو للعضو دا
وبالتالى حيتفتح نقاش للكتاب جوا الموضوع وحتبقى مفيدة جدا
للى بيسال واللى بيتسأل والكل حيستفاد من الموضوع دا

طب سؤال سامعكو اهو بتقولوه ؟؟ :a35:
طب ازاى العضو الموجود يخلص من التوريطة دى

لازم العضو عشان يخلص من التوريطة دى
يجاااااوب على 5 اسئلة على الاقل كحد ادنى وتكون
الاجابة صحيحة من الكتاب لانى حراجع وراه
ولما يخلص من التوريطة دى حيختار عضو تانى
يتووووورط مكانه ويكون بيحبه اوى ويستحسن
يختار اكتر عضو كان بيغلس عليه فى الاسئلة
ومن هنا كمان حنكسب جو اجتماعى جامد جدا
واكيد طبعا حيختار له الكتاب الجديد اللى حيقراه
من المكتبة الاليكترونية للرابطة ولو مش موجود
حينزل موضوع جديد بالكتاب مخصوووص وبكدا
نبقى كمان كسبنا موضوع جديد فى منتدى الكتب
وباذن الله الجميع يستفاد منه

طب ايه الكتب المسموح بيها فى التوريطة دى ؟؟؟
كل انووااااااع الكتب مبااااااااحة
سواء عامة او مساحية او دينية او فى اى مجااااال
ان شا الله تكون فى الفلسفة
ما هى توووووورييييييييطة بقى

المهم دلوقتى حنبدأ اول حلقة
وبما اننا فى رمضان شهر مبارك
انا حختار اول عضو معانا حيكون متورط
بس التوريطة المرة دى حتكون حلووة اوى
عشان اول مرة بس

اول كتاب حنبدأ بيه مش حنلاقى افضل
من كتاب الله الا وهو القران الكريم
واكيد طبعا كدا كدا كلنا بنقرا فى المصحف
وكل واحد فينا محدد لنفسه ختمات يعنى العملية
مش صعبة اليومين دول ابدااااا ؟؟؟
طب دا القران الكريم .. طب احنا ممكن نسأل في اييييييييه ؟؟

اقول لكو انا حنسأل فى ايه
حنسأل فى الايات ومعانيها والتفاسير
وممكن كمان تحط اية وتقول دى فى سورة ايه ورقم كام
عشان المتورط يدور ويبحث فى ايات الرحمن
ونشوف مدى معلوماته الدينية والثقافية ومدى ذاكرته

ودلوقتى حنعلن عن اول عضو متورط معانا
اول عضو معانا هو عضوة
نشيييييطة جدا وبتحب المنتدى اوى
ومجهودها ملحوظ من فترة فى مواضيعها
ومشاركتها المتميزة الا وهى العضوة

سمارت جيرل
smart girl

فللتفضل
:a11::a13:


عايز اعرف رايكو فى الفكرة ؟؟
يارب تكون فعلا محفزة لينا كلنا اننا نقرأ ونجتهد

:a13: :a13: :a13: :a13: :a13: :a13:
تصفيق حاد ليك يا كيمو
فكره الموضوع هايله جدا و فيه فائده كبيره اوى للاعضاء و المنتدى زى ماقولت كدا
حتفيد كل اللى حيشارك ف الموضوع ده
الله ينور :a34:

ولله يا كيمو دايما الواحد بيتفاجا بابدعك لمميز

وافكارك للى ملهاش حل

بجد بجد فكره فوق الممتازه

وهتفيد الكل اللى بيتسال واللى بيسال والمتابع


بجد حاجه جميله جدا


جزاك الله كل خير يا صديقى

فكرة حلوة اوى ياكيمو

الله ينور عليك يا كيمو
فكرة جميلة جدا
وانت دائما مبدع بافكارك الجميلة
بس انا عندى فكرة ممكن تكون احسن
ممكن تخلى العضو اللى حتختارة هو اللى يختار الكتاب اللى حيتسأل ويتناقش فية
اظن كدة ممكن تكون الفكرة احسن او انك تخير العضو بين مجموعة من الكتب فى مجالات مختلفة هو يختار كتاب منهم
لانك ممكن تختار عضو وتختارلة كتاب فى مجال هو مابيحبوش فهمت قصدى
جزاك الله خيرا يا كيمو على افكارك الرائعة

هههههههههههه يانهار ابيض طب لية كدة :a46: يا كريم انا اول واحدة انا اول ما شوفت اسمى جالى شلل من قمة السعادة و جة فعنيا للاسف فتقريبا مش هقدر اقرأ اى حاجة بصراحة هههههه
لا بهذر اكيد هجاوب امرنا الى الله وربنا يستر بس خلى بالك احنا فرمضان يعنى لو جبت اسئلة صعبة الدعاء عليك هيكون مستجاب هههههههه

فكرة جميلة اوي يا كريم
وامتة هتبدا بقة

اقتباس:

---

المشاركة الأصلية كتبت بواسطة smart girl

هههههههههههه يانهار ابيض طب لية كدة :a46: يا كريم انا اول واحدة انا اول ما شوفت اسمى جالى شلل من قمة السعادة و جة فعنيا للاسف فتقريبا مش هقدر اقرأ اى حاجة بصراحة هههههه


لا بهذر اكيد هجاوب امرنا الى الله وربنا يستر بس خلى بالك احنا فرمضان يعنى لو جبت اسئلة صعبة الدعاء عليك هيكون مستجاب هههههههه

---

ههههههههههههههههههههههههههههههههههههههههههههههه

اهلا بيكى يا سمارت كاول ضيفه ف الموضوع
لا تقلقى خالص
ان شاء الله الاساله حتكون سهله جدااااااااااااااااااااااااا :a12:

قولنا بقى اكيمو نبدا امته ؟؟ :a18: :a18:

توكلنا على الله ياجامعة
الورطة بدأت من بدرررى ياجماعة
واهلا بالمتورطة الاولى معانا نورتينا يا سمارت
وعلى حظك التوريطة المرة دى سهلة وفيها ثواب كتير

بشكركم ياجماعة على تشجعيكم وتحفيزكم الجميل دا
من اول مروى مجدى
الى الباشمهندس اسلام ممدوح
و الباشمهندس احمد وحيد
وعبوووود
ومصطفى حسن
بشكرككم جميعا يجماعة على مروركم الكريم
وتفاعلكم الجميل دا

وفكرتك كانت فى دماغى بس انت كملتها لى صح
وهو دا دورنا هنا اننا نكمل بعض يا احمد وحيد
باذن الله حناقشها معاك ع الايميل عشان نطبفها
من الدور الجاى باذن الله نبدأ فى تنفيذها

وأحب ابدأ الاسئلة معاكى يا سمارت
بما انك بتقرى فى المصحف فالمفروض حبدأ
بالمعلومات العامة اللى كلنا عارفنها

1 / اولا ايه الفرق بين السورة المدنية والسورة المكية ؟؟
2 / كم عدد سور القران كلها ؟ المكية كام ؟ والمدنية كااام ؟؟
3 / كم عدد ايات القران ؟؟ ولو عدد الحروف يبقى احلى واجب
4 / الاية التالية من سورة ايه والاية كام ؟؟؟ " قل ان صلاتى ونسكى ومحياى ومماتى لله رب العالمين "
5 / قال تعالى : " خذ العفو وأمر بالعرف وأعرض عن الجاهلين " تفسير هذه الاية من فضلك

بس كدا مش حكتر عليكى :a36: والباقى يتفضل يسأل
من المصحف نفسه باى طريقة تحطر على باله

الله ينور يا كيمووووز

فكره جامده جامده الصراحه دايما متميز يا كيموووز

واهلا بضيفتنا سمارت جيرل

ومتقلاقيش ورطه وحتفوت ولا حد يموت

خدي وقتك بقي في القراءه واستعدي

بالتوفيق

انا بقة يا سمارت اسالتي سهلة خالص
1 ماهي السورة التي فيها 2بسم الله الرحمن الرحيم
2ما هي السورة التي يوجد في كل اية منها لفظ الجلالة
3كم سنة استغرق تنزيل القرآن الكريم
بس كدة شوفتي سهلة ازاي

يلا يا سمااااااارت فين اجاباتتتتك
ايتها المتووووورطة ؟؟؟
حد يلاقى توريطة حلوة زى دى وميتورطش
دا انتى حتاخدى ثوااااب اللهم صلى ع النبى

بس قوليلنا فى الاول انتى فى الختمة الكام
ولا فى الجزء الكام عشان نسألك بالظبببط
:a12::a12::a12:

لا حاضر كل الاسئلة حاجاوب عليها ان شاء الله ياكريم وبالنسبة لسؤالك انا بمنتهى الامانة لما مكنش فاهمة حاجة فابعترف ...بس محدش يتريق عليا :a46: انا مش فاهمة كلمة الختمة دى انا اعرف الجزء الكام لكن الختمة الكام مش عارفة يعنى اية ؟؟ وعموما انا بأذن الله حاخلص الجزء السابع عشر انهردة

اقتباس:

---

المشاركة الأصلية كتبت بواسطة kareem

توكلنا على الله ياجامعة

الورطة بدأت من بدرررى ياجماعة
واهلا بالمتورطة الاولى معانا نورتينا يا سمارت
وعلى حظك التوريطة المرة دى سهلة وفيها ثواب كتير

بشكركم ياجماعة على تشجعيكم وتحفيزكم الجميل دا
من اول مروى مجدى
الى الباشمهندس اسلام ممدوح
و الباشمهندس احمد وحيد
وعبوووود
ومصطفى حسن
بشكرككم جميعا يجماعة على مروركم الكريم
وتفاعلكم الجميل دا

وفكرتك كانت فى دماغى بس انت كملتها لى صح
وهو دا دورنا هنا اننا نكمل بعض يا احمد وحيد
باذن الله حناقشها معاك ع الايميل عشان نطبفها
من الدور الجاى باذن الله نبدأ فى تنفيذها

وأحب ابدأ الاسئلة معاكى يا سمارت
اتفضل يا كريم
بما انك بتقرى فى المصحف فالمفروض حبدأ
بالمعلومات العامة اللى كلنا عارفنها
ان شاء الله اكون عارفها

1 / اولا ايه الفرق بين السورة المدنية والسورة المكية ؟؟

• السورة المدنية نزلت على رسول الله صلى الله علية وسلم بعد الهجرة فى المدينة المنورة
• اما السورة المكية نزلت على رسول الله صلى الله علية وسلم قبل الهجرة فى مكة المكرمة

2 / كم عدد سور القران كلها ؟ المكية كام ؟ والمدنية كااام ؟؟
عدد سور القران 114 سورة _ عدد السور المكية 86 سورة -عدد السور المدنية 28
3 / كم عدد ايات القران ؟؟ ولو عدد الحروف يبقى احلى واجب
6236 اية - 240740 حرف بس دى مش اكيدة انا لاقيت كذا رقم مكتوب لما دورت وهى منطقية ان النقطة دى يكون فيها تضارب شوية عشان القران مليان بالمعجزات ممكن يكون المد مسلا حرف ؟؟ الله اعلم ومفيش حديث صحيح بيقول كم عدد الحروف
4 / الاية التالية من سورة ايه والاية كام ؟؟؟ " قل ان صلاتى ونسكى ومحياى ومماتى لله رب العالمين "
سورة الأنعام رقم الاية 162
5 / قال تعالى : " خذ العفو وأمر بالعرف وأعرض عن الجاهلين " تفسير هذه الاية من فضلك
مبدئيا دى سورة الاعراف الاية رقم 199 اعوذ بالله من الشيطان الرجيم بسم الله الرحمن الرحيم (* خذ العفو وأمر بالعرف واعرض عن الجاهلين*)
تفسيرها
(امر الله عز وجل النبى بالعفو والصفح والامر بالمعروف وتجنب الجاهلين والتنبية ايضا لاخلاق المسلمين حيث
مَا رَوَاهُ اِبْن جَرِير وَابْن أَبِي حَاتِم جَمِيعًا حَدَّثَنَا يُونُس حَدَّثَنَا سُفْيَان هُوَ اِبْن عُيَيْنَة عَنْ أَبِي قَالَ : لَمَّا أَنْزَلَ اللَّه عَزَّ وَجَلَّ عَلَى نَبِيّه صَلَّى اللَّه عَلَيْهِ وَسَلَّمَ " خُذْ الْعَفْو وَأْمُرْ بِالْعُرْفِ وَأَعْرِضْ عَنْ الْجَاهِلِينَ" قَالَ رَسُول اللَّه صَلَّى اللَّه عَلَيْهِ وَسَلَّمَ " مَا هَذَا يَا جِبْرِيل ؟ قَالَ إِنَّ اللَّه أَمَرَك أَنْ تَعْفُو عَمَّنْ ظَلَمَك وَتُعْطِي مَنْ حَرَمَك وَتَصِل مَنْ قَطَعَك " وَقَدْ رَوَاهُ اِبْن أَبِي حَاتِم أَيْضًا عَنْ أَبِي يَزِيد الْقَرَاطِيسِيّ كِتَابَة عَنْ أَصْبَغ بْن الْفَرَج عَنْ سُفْيَان عَنْ أَبِي عَنْ الشَّعْبِيّ
وايضا
قَوْل الْبُخَارِيّ الْعُرْف الْمَعْرُوف نَصَّ عَلَيْهِ عُرْوَة بْن الزُّبَيْر وَالسُّدِّيّ وَقَتَادَة وَابْن جَرِير وَغَيْر وَاحِد وَحَكَى اِبْن جَرِير أَنَّهُ يُقَال أَوْلَيْته مَعْرُوفًا وَعَارِفًا كُلّ ذَلِكَ بِمَعْنَى الْمَعْرُوف قَالَ وَقَدْ أَمَرَ اللَّه نَبِيّه صَلَّى اللَّه عَلَيْهِ وَسَلَّمَ أَنْ يَأْمُر عِبَاده بِالْمَعْرُوفِ وَيَدْخُل فِي ذَلِكَ جَمِيع الطَّاعَات وَبِالْإِعْرَاضِ عَنْ الْجَاهِلِينَ وَذَلِكَ وَإِنْ كَانَ أَمْرًا لِنَبِيِّهِ صَلَّى اللَّه عَلَيْهِ وَسَلَّمَ فَإِنَّهُ تَأْدِيب لِخَلْقِهِ بِاحْتِمَالِ مَنْ ظَلَمَهُمْ وَاعْتَدَى عَلَيْهِمْ لا بالاعْرَاضِ عَمَّنْ جَهِلَ الْحَقّ الْوَاجِب مِنْ حَقّ اللَّه وَلا بِالصَّفْحِ عَمَّنْ كَفَرَ بِاَللَّهِ وَجَهِلَ وَحْدَانِيّته وَهُوَ لِلْمُسْلِمِينَ )
بس كدا مش حكتر عليكى :a36: والباقى يتفضل يسأل
من المصحف نفسه باى طريقة تحطر على باله

---

لا كتر زى مانت عايز الموضوع فكرتة ممتعة جدااااااااااا وانت ماشاء الله هتاخد ثواب كبير جدددا جزاك الله كل خير ياكريم

قَالَ رَسُول اللَّه صَلَّى اللَّه عَلَيْهِ وَسَلَّمَ " مَا هَذَا يَا جِبْرِيل ؟ قَالَ إِنَّ اللَّه أَمَرَك أَنْ تَعْفُو عَمَّنْ ظَلَمَك وَتُعْطِي مَنْ حَرَمَك وَتَصِل مَنْ قَطَعَك "

هى دى الجملة اللى كنت عايز اطلع بيها الحديث دا جميل جدا فى تفسير السورة
ودايما والدى الله يرحمه كان بيوصينى بالاية دى والحديث دا
جزاكى الله كل خير الله ينور

واحنا لسه مستمرين معاكى فى التوريطة الجميلة دى
وياريت تجاوبى على اسئلة الاعضاء كلهم لما تنزل
وفى اسئلة مصطفى فوق اكيد مخدتيش بالك منها
ويلا ياجماعة اللى عايز يسأل فى اى حاجة
دى فرصة سمارت فى ورطة :a13:

اقتباس:

---

المشاركة الأصلية كتبت بواسطة mostafa hassan

انا بقة يا سمارت اسالتي سهلة خالص
حتى يا مصطفى لو صعبة انا اكتشفت ان البحث فالقران جميل اوى

---

اقتباس:

---

المشاركة الأصلية كتبت بواسطة mostafa hassan

1 ماهي السورة التي فيها 2بسم الله الرحمن الرحيم
سورة النمل ..الاولى فى بدايتها والثانية فى اوسطها اعوذ بالله من الشيطان الرجيم بسم الله الرحمن الرحيم (قالت يا أيها الملؤا انى ألقى الى كتاب كريم (29 )انة من سليمان وأنة بسم الله الرحم الرحيم(30) ) صدق الله العظيم
2ما هي السورة التي يوجد في كل اية منها لفظ الجلالة

السورة التي ورد في كل آية منها لفظ الجلالة (الله) مرة أو أكثر هي سورة المجادلة، وعدد آياتها 22 آية شريفة. وقد ورد في فضل تلاوتها عن الرسول الأعظم (ص) قوله: ( من قرأ سورة المجادلة كتب من حزب الله في يوم القيامة)
وعن الإمام الصادق (ع) قوله: ( من قرأ سورة الحديد والمجادلة في صلاة فريضة وأدمنهما لم يعذبه الله حين يموت أبداً،ولا يرى في نفسه ولا في أهله سوءاً أبداً، ولا خصاصة في بدنه
ربنا يجزيك خير يامصطفى :a3:عشان وانا بدور شوفت االاحاديث دى وبجد نويت انى احفظ السورة ان شاء الله عشان اقرأها فالصلاة والثواب ليك عند ربنا

3كم سنة استغرق تنزيل القرآن الكريم
23 سنة
بس كدة شوفتي سهلة ازاي

---

انا بجد فرحانة جدا دى فعلا اجمل توريطة جزاك الله خير يا مصطفى على الاسئلة ويلا انا عايز اسئلة تانى من بقيت الاعضاء

كريم يقصد يا سمارت بالختمة يعني انتي ختمتي كام مرة القرءان هي دي معني الختمة
برافو عليكي يا سمارت اجابتيك ما شاء الله نموذجية وان شاء الله تكون في ميزان حسانتيك انتي كمان
مفيش حد هيسال تاني ولا ايه دي فرصة
سمارت في ورطة لو مفيش حد هيسال تاني
انا هسال دي فرصة ولازم اغتنمها

بصى انا اسألتى حتكون سهله خاااااااااااااااالص لا تقلقى يعنى

نبدا ب اول سؤال:

1- لو جالك اى حد مش مسلم و سألك ماهو القرأن الكريم حتقوليلو ايه ؟؟
2- ماعدد أحزاب القرآن الكريم ؟
3- ماعدد السجدات فى القرآن الكريم ؟ و يا سلام كمان لو تقوليلى اسم الصور اللى فيها ايات سجده .
4- ما آخر آية نزلت على الرسول (صلى الله عليه وسلم) ؟
5- ما السورة التى لم تبدأ ببسم الله الرحمن الرحيم ؟
6- اذكرى اسم السور التى سميت بأسماء الانيباء .
7- ماهى الصوره التى سميت بأسم ركن من اركان الاسلام ؟؟
8- ماهى اطول كلمه ف القران الكريم ؟
9- ماهى اسم الصوره التى ختمت بوقت من اوقات الصلاه ؟؟
10- ما السورة التى اختتمت باسم نبيين ؟

بس كدا كفايه

اقتباس:

---

المشاركة الأصلية كتبت بواسطة mostafa hassan

كريم يقصد يا سمارت بالختمة يعني انتي ختمتي كام مرة القرءان هي دي معني الختمة
جزاك الله كل خير يامصطفى على التوضيح
برافو عليكى يا سمارت اجابتيك ما شاء الله نموذجية وان شاء الله تكون في ميزان حسانتيك انتي كمان
اخجلتم تواضوعنا :e83:
مفيش حد هيسال تاني ولا ايه دي فرصة
سمارت في ورطة لو مفيش حد هيسال تاني
انا هسال دي فرصة ولازم اغتنمها

---

انا مفيش مشكلة خالص اللى عايز يسأل يتفضل فى حد يطول يجمع حسنات

اقتباس:

---

المشاركة الأصلية كتبت بواسطة marwa magdy

بصى انا اسألتى حتكون سهله خاااااااااااااااالص لا تقلقى يعنى
اةةة هى سهلة يا مراميرو بس مش طويلة شوية :a4: هههه

نبدا ب اول سؤال:
توكلنا على الله الذى لا يموت
1- لو جالك اى حد مش مسلم و سألك ماهو القرأن الكريم حتقوليلو ايه ؟؟
اممممممم سؤال حلو جدا ولو اعدت عمرى كلة اشرح ماهو القران الكريم مش هيكفى وهموت وانا بردة مقدرتش اشرحة كما ينبغى ..فأنا ممكن اقول تعريف صغير ااااااوى بس ممكن يخلية يتشوق لقرأة القران وفهمة ..مبدئيا انا هاجبلة القصة من الاول وحخلى الموضوع عبارة عن نقاش يعنى أكلم واسئلة وهو يجاوب بمعنى كالتالى :
كل دين سماوى الله سبحانة وتعالى ارسل رسول للناس عشان يرشدهم للصواب تمام ؟؟ هيجاوب
طيب الشخص دة اكيد لى ديانة فهبدأ انا اسئلة : انت الرسول الذى ارسلة الله الى القوم ليهديهم ويعرفهم دينك اللى انت مؤمن بى دة دلوقتى مين هو الرسول دة ؟؟ (الدين الاسلامى مؤمن بكل الرسل )
هيجاوب عليا
طيب كل رسول ربنا ارسلة ربنا بينزل معاة معجزة من معجزاتة (والمعجزة هى خرق لقوانين الكون يظهرها الله على ايدى الانبياء والمرسلين ) حتى يؤمنوا بالله وبقدرتة يعنى سيدنا ابراهيم علية السلام وهو ابو الانبياء الاكبر لما الكفار قيدوة ووضعوة فى منجنيق والقوة فى النار ربنا سبحان وتعالى حفظة وامر النار ان تكون بردا وسلاما على ابراهيم ..وسيدنا سليمان ومعجزتة مع الملكة بلقيس لما جاب العرش بتاعها وايضا التحدث مع الطيور وسماعهم ...وسيدنا نوح والسفينة ...وربنا سبحانة..باللغة العامية انة كان بينزل كل معجزة على مجتمع فى حدود قدر عقول قومها فسيدنا موسى كانت السمة الغالبة على قومة هى السحر والسحرة فأنزل الله معجزة العصا ...الى اخر الانبياء ..فقل لى انت ما المعجزة التى انزلها الله على رسولك ؟؟
فهايجاوب عليا
طيب انا رسولى هو محمد صلى الله عليه وسلم وكان قومة انذاك بارعون فاللغة العربية والشعر والادب فكانت تلك هى السمة الغالبة لذلك انزل الله على رسولى محمد (ص) معجزة القران الكريم
اتريد ان تقرأ القران وتعرف كيف تكون معجزتة ....
بجد انا حسيت يامروة انة سؤال صعب اوى بس دة اللى انا فكرت انى اقولة ورينا يسيرلى

2- ماعدد أحزاب القرآن الكريم ؟
60 حزب
3- ماعدد السجدات فى القرآن الكريم ؟ و يا سلام كمان لو تقوليلى اسم الصور اللى فيها ايات سجده .
14 سجدة _ السور : الاعراف - النحل - الرعد -الاسراء - الحج - الفرقان - النمل - السجدة -ص - فصلت - النجم -الانشقاق -العلق -مريم
4- ما آخر آية نزلت على الرسول (صلى الله عليه وسلم) ؟
اية الربا فى سورة البقرة
5- ما السورة التى لم تبدأ ببسم الله الرحمن الرحيم ؟
سورة التوبة
6- اذكرى اسم السور التى سميت بأسماء الانيباء .
يونس - هود - نوح -محمد -ابراهيم - طة عليهم افضل السلام
7- ماهى الصوره التى سميت بأسم ركن من اركان الاسلام ؟؟
سورة الحج
8- ماهى اطول كلمه ف القران الكريم ؟
اطول كلمة (فأسقيناكموة) الاية 22 سورة الحجر
9- ماهى اسم الصوره التى ختمت بوقت من اوقات الصلاه ؟؟
سورة القدر (سلام هى حتى مطلع الفجر)
10- ما السورة التى اختتمت باسم نبيين ؟
سورة الاعلى (صحف ابراهيم وموسى ) عليهم السلام

بس كدا كفايه

---

اسئلة جميلة اوى يامروة ماعدا بس اول سؤال كان صعب شوية اعد افكر فى 4 ساعات ونص

شكرا ليك ع التوضيح يا مصطفى

وانتى يا سمارت الله ينور عليكى حتى الان
ماشية 10 على 10 وكل مدى ما تثبتيلى
ان ربنا وفقنى فى اختيارك كاول ضيفة للبرنامج
وربنا كمان موفقك فى الاجابات ما شاء الله

وبالنسبة للسؤال بتاع مروى عندى فيديو
يغنى عن كلام كتييييير اوى لو تسمحى لى احطه

http://www.youtube.com/watch?v=sUvVREjleZ4


حتى الان كدا انتى فلتى من 3 اعضاااء
مروى مجدى ومصطفى حسن والعبد لله

فاضل لك عضوين كمان يخشوا يورطوكى فى كام سؤال حلوين
وتورطى لنا عضو جديييد معانا وروونا ياجماعة الاسئلة الجامدة
احسن كدا سمارت بتتحدانا كلنا وماشاء الله عليها اجاباتها كلها
نمووووووووووووذجية واضح انها دحيحة من يومها فى كل حاجة :a5:

لا بقة انا من حقي اسال تاني
1 من هو النبى الذى جاء ذكره فى القرآن الكريم باسم ذي النون
2ما هى الاسماء التى سمى بها القرآن الكريم
3 ما هو عدد المرات التى ورد فيها ذكر النارفى القرءآن الكريم
4 ماهو عدد المرات التى ورد فيها ذكر الجنة فى القرءآن الكريم

بسم الله ما شاء الله عليكى يا سمارت
الله ينور

:a34: :a34: :a34: :a34:

بسم الله ماشاء الله
بصراحه مش عارفه اقول ايه
بس حاسه انى عايزه اتكلم كتير
كريم
توبيك غاااايه فالروعه والابداع بجد
وفكره تحفه
لان فعلا بقينا نادر اوى لما نقرا كتاب
وبصراحه ديه اول مره ادخل فيها منتدى الكتب
فكره موفقه ياكريم
وربنا يجعلها فى ميزان حسناتك
سمارت
اجاباتك ممتعه ومرتبه
وده بيدل ع شخصيتك
ربنا يبارك فيكي ويجعله فى ميزان حسناتك
بجد مجهووووود غير عادى منكم
بس مش جديد عليكم
والتوبيك ده فااادنى اوى وان شاء الله يفيدنى ويفيد كل الاعضاء اكتر واكتر
عايزه اقولكم انى جبت اجندتى وسجلت فيها كل الاسئله والاجابات :a34:
ربنا يحفظكم جميعا

انتى نورتى الموضوع يا هند
وانا فرحان بمشاركتك دى
وسعيد اكتر انك استفدتى منها
وتفاعلتى معاها بشكل جيد

بس كنا عايزين اسئلتك لسمارت بقى
اى سؤال يخطر على بالك وانتى بتقرى
اسأليه مهما كانت صعوبته ووظيفة سمارت هنا
انها تجاوب على كل الاسئلة لحد ما تخلص مدتها
وهى ما شاء الله مقصرتش خااااالص حتى الان
بل وكمان دبستنى تدبيسة فى موضوع تانى
حعيييييط مش عارف حلحق اعمل الوزارة دى امتى وازاى
:a46::a46::a46::a46::a46:

والله فكرة جامدة جدا جدا وابدا واحنا معاك ربنا يوفقك

ربنا يخليك يا محمد دا من ذوقك
ومدام ما الفكرة عجبتك يبقى شارك بقى
واسأل سمارت ومين عالم يمكن
تتورط فى يوم من الايااام قريبا او بعيدا
وساعتها بقى مش حرحمك مع انك ابن دفعتى
بس العلم نووووووورن :a33:

نورتنى يا أورتيجااااااااااا

عيني بس كده دنت تؤمر
خدي بقي عندك السؤالين دول يا سمارت
اول سؤال ماهي الكلمة اللي تتوسط القرءان الكريم يعني الكلمة اللي ف نص القراءن بالظبط؟
تاني سؤا ماهي اكبر كلمة ف القراءن الكريم يعني اكبر كلمة من حيث عدد الحروف؟:a28::a28::a28:

كريم انت:a34::a11:...الواحد خايف انك تورط الواحد في الموضوع وربنا يستر:a33:...وربنا معاكي يا سمارت وهفكرلك في ميت سؤال واجي:a20:

اقتباس:

---

المشاركة الأصلية كتبت بواسطة KAREEM

شكرا ليك ع التوضيح يا مصطفى

وانتى يا سمارت الله ينور عليكى حتى الان
ماشية 10 على 10 وكل مدى ما تثبتيلى
ان ربنا وفقنى فى اختيارك كاول ضيفة للبرنامج
وربنا كمان موفقك فى الاجابات ما شاء الله
مرسى ياكريم على كلامك مش عارفة اقوللك اية انت بموضوعك خلتنى اعرف حاجات مكنتش عارفاها قبل كدة :f32::d22:
وبالنسبة للسؤال بتاع مروى عندى فيديو
يغنى عن كلام كتييييير اوى لو تسمحى لى احطه

http://www.youtube.com/watch?v=sUvVREjleZ4

حلوة اوى
حتى الان كدا انتى فلتى من 3 اعضاااء
مروى مجدى ومصطفى حسن والعبد لله

فاضل لك عضوين كمان يخشوا يورطوكى فى كام سؤال حلوين
وتورطى لنا عضو جديييد معانا وروونا ياجماعة الاسئلة الجامدة
احسن كدا سمارت بتتحدانا كلنا وماشاء الله عليها اجاباتها كلها
نمووووووووووووذجية واضح انها دحيحة من يومها فى كل حاجة :a5:
ههههههههه ضحكتنى دحيحة دى... صفة مليش علاقة بيها :a45:

---

العضوين نزلوا بأسالتهم وحجاوب عليهم وهورط عضو ان شاء الله :f5:

اقتباس:

---

المشاركة الأصلية كتبت بواسطة mostafa hassan

لا بقة انا من حقي اسال تاني
اسئل اللى عايزة يا مصطفى اى سؤال انت عايزة انا تحت امركوا يا جماعة والله
1 من هو النبى الذى جاء ذكره فى القرآن الكريم باسم ذي النون

سيدنا يونس علية السلام وانا بحب قصتة اوى بسم الله الرحمن الرحيم " وذا النون إذ ذهب مغاضباً فظنّ أن لن نقدر عليه فنادى في الظلمات أن لا إله إلا أنت سبحانك إني كنت من الظالمين، فاستجبنا له ونجيناه من الغم وكذلك نجي المؤمنين". صدق الله العظيم

ما هى الاسماء التى سمى بها القرآن الكريم
الفرقان- الكتاب- النور- التنزيل- الكلام- الحديث- الموعظة- الهادي- الحق- البيان- المنير- الشفاء- العظيم- الكريم- المجيد- العزيز- النعمة- الرحمة- الروح- الحبل- القصص- المهيمن- الحكم- الذّكر- السراج- البشير- النذير- التبيان- العدل- المنادي- الشافي- الذكرى- الحكيم.
الميزان وأحسن الحديث والكتاب المتشابه والمثاني وحق اليقين والتذكرة والكتاب الحكيم والقيم وأبلغ الوعّا اول مرة اعرف المعلومة دى :a4:



ما هو عدد المرات التى ورد فيها ذكر النارفى القرءآن الكريم

126 مرة

4 ماهو عدد المرات التى ورد فيها ذكر الجنة فى القرءآن الكريم

66 مرة

---

جزاك الله كل خير افادتنى بحاجات انا مكنتش اعرفاها

اقتباس:

---

المشاركة الأصلية كتبت بواسطة Marwa Magdy

بسم الله ما شاء الله عليكى يا سمارت
الله ينور

:a34: :a34: :a34: :a34:

---

ربنا يخليكى يا مروة :f58::f79:

سمارت
اجاباتك ممتعه ومرتبه
وده بيدل ع شخصيتك

ربنا يبارك فيكي ويجعله فى ميزان حسناتك
جزاكى الله كل خير يا سويت ويباركلك يارب :f58::f79:

بس كنا عايزين اسئلتك لسمارت بقى
اى سؤال يخطر على بالك وانتى بتقرى
اسأليه مهما كانت صعوبته ووظيفة سمارت هنا
انها تجاوب على كل الاسئلة لحد ما تخلص مدتها
وهى ما شاء الله مقصرتش خااااالص حتى الان
مرسى يا كريم
بل وكمان دبستنى تدبيسة فى موضوع تانى
يا فندم احنا بنخدم الوطن :a36: شعارنا هو الحق ... الخير ... المنتدى

حعيييييط مش عارف حلحق اعمل الوزارة دى امتى وازاى
:a46::a46::a46::a46::a46:
ربنا معاك انت قدها وقدود

اقتباس:

---

المشاركة الأصلية كتبت بواسطة mohamed ortega

عيني بس كده دنت تؤمر
خدي بقي عندك السؤالين دول يا سمارت

تفضل تحت امرك بس هو كلوة اسئلة اسئلة مفيش حد يدخل يضيف معلومات ويخرج :f93:

اول سؤال ماهي الكلمة اللي تتوسط القرءان الكريم يعني الكلمة اللي ف نص القراءن بالظبط؟

كلمة (وليتلطف ) فى الاية 19 من سورة الكهف بسم الله الرحمن الرحيم "وَكَذَلِكَ بَعَثْنَاهُمْ لِيَتَسَاءلُوا بَيْنَهُمْ قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْماً أَوْ بَعْضَ يَوْمٍ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُم بِوَرِقِكُمْ هَذِهِ إِلَى الْمَدِينَةِ فَلْيَنظُرْ أَيُّهَا أَزْكَى طَعَاماً فَلْيَأْتِكُم بِرِزْقٍ مِّنْهُ وَلْيَتَلَطَّفْ وَلَا يُشْعِرَنَّ بِكُمْ أَحَداً (19) ..

تاني سؤا ماهي اكبر كلمة ف القراءن الكريم يعني اكبر كلمة من حيث عدد الحروف؟:a28::a28::a28:

---

انا اتسئلت السؤال دة قبل كدة الاجابة كانت (فاسقيناكموة) فى سورة الحجر الاية 22
جزاك الله كل خير يا محمد

لابرافوووووو عليكي تستاهلي وردة:a15:

:e83:مرسى يا محمد ..الحمدلله كريم اتشغل بالوزارة مش حيحرض حد يسأل تانى :a36:
لا بس انا كنت مستمتعة والله لازم الحق يتقال ..وكنت بجمع حسنات

طب اخر سؤال بقى قبل ما امشى يا سمارت
وياريت تحاولى تدورى بنفسك وتسألى حواليكى
من غير ما تبحثى على جوجل

ايه هى الاية الوحيييييدة فى القران اللى بتشتمل على جميع حروف اللغة العربية ؟؟؟؟؟


وبستئذنكو ياجماعة الموضوع حيقف لحد ما سمارت
تختار لنا متورط جديد بعد ما تخلص بعد العيد باذن الله
عشان القرايةد لوقتى فى اواخر رمضان صعبة جداااا
والوقت بقى ضيق لذلك حتفضل سمارت فى الورطة الحلوة دى
وتفضل هى تلم فى حسنات كدا واحنا معاها وكل اللى بيسال باذن الله
ربنا يجازيكم جميعا كل خير

يااااااا يا سمارت
كل دا مشفتيش السؤال
عموما ياريت جاوبى عليه
وبكرر شكرى ليكى مرة تانية
كنتى ضيفة متمييييزة حقاااا
وشرفتينى وشرفتينا كلنا والله

وعايزينك بقى تختارى متورط جديد بعدك
هااااااا حتختاااااارى مين بقى يقعد يعيد
وهو بيقرا الكتاب الجدييييييد دا ؟؟

لا انا شوفت السؤال ياكريم وقولت اجاوب لما تكون موجود واجابة السؤال بمنتهى الامانة انا كنت فكراها فسورة البقرة فالاية 282 عشان كنت عارفة ان دى اطول اية من غير ماغش فلما اتاكدت من جوجل طلعت اجابتى غلط :a30::a30::a30: لقيتها الاية 29 فى سورة الفتح

قال تعالى مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِنْ اللَّهِ وَرِضْوَاناً سِيمَاهُمْ فِي وُجُوهِهِمْ مِنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الإِنْجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمْ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُمْ مَغْفِرَةً وَأَجْراً عَظِيماً (29)