عندما يخفق القلب لشخص في المنتدى!!!!

بسم الله الرحمن الرحيم

عندما نتابع موضوع لشخص ما ويعجبنا طرحه وفكره ..

عندما نرى فكره واتجاهاته من خلال كتاباته .. عندما تتبين اخلاقه من مواضيعه وردوده ..

اشخاص لا نعرفهم .. لم نراهم .. ولانسمع اصواتهم ..

لم نحاورهم الا امام الملأ .. قرأنا حروفهم فلامست فينا حقيقه لم نكن ندركها !!

ننتظر اقلامهم بشغف كي نرد عليها بشفافيه ..

لسنا ضعفاء ولكن قلوبنا لامست قلما فانجذب له !! حينها فقط يصبح القلم سلاح يغزو

حياة الطرف الأخر حين يخفق القلبلقلم شخص


هل من الممكن ان نميل للقلم ؟؟
وهل من الممكن ان نميل للشخص بسبب قلمه ..؟؟
هل من الممكن ان نصل الى درجه الافتتان بالفكر او الاسلوب ؟؟
وهل من الممكن ان يتحول الاحترام والاعجاب الى انجذاب ..؟؟
متى تخرج المشاعر عن السيطره ... ومالسبب في ذلك ؟؟
وهل هذا خطأ .. ومن يتحمله ..؟؟

أرجو من الجميع التفاعل وابداء الرأي
شكرا ودمتم بحب ومودة
و شكرا

منقول

جااااااااااااااااااامد جدااااااااااااااا والله
والله موضوع تحسد عليه ونقاش
حيفتح علينا حاجات كتير اوى يا محمد

انا رأيى الشخصى انه ممكن يحصل
حتقوللى ازاى ؟؟ احنا دلوقتى معظم قعدة
الشباب ع النت بين الياهو والفيس والمنتديات
فى بقى من الشباب دا مش اجتماعى فى الحقيقة
بالدرجة اللى هى فوجد من المنتدى ستااااار
ممكن يعبر فيه عن شخصيتة الحقيقية ومشاعره
تجاه الاخر وكذلك ممكن يحس بشعور ما
تجاه الاعضاء مش شرط بنت ممكن اعجاب باسلوب
او انه يبقى ليه صديق جديد من على المنتدى
كل دى مشاعر ممكن يولدها المنتدى بين قلوب الاعضاء
وهى دى قيمة المنتدى فى رأيي
فالمنتدى معمول لتزويد الناحية الاجتماعية
مش للانعزااااااال الاجتماعى زى ما عمل الباشمهندس كارمو
موضوع قبل كدا وناقشنا فيه الحكاية دى
والمقصود ان الشخص دا لو فضل كدا معرفته بالناس دى
اليكترونية وسطحية من ع النت فقط يبقى دا انعزال
عشان كدا الرابطة بتعمل لنا تجمعات ممكن من خلالها الاعضاء
يشوفو بعض ويتعرفو على بعض اكتر ولان المنتدى دا اهم حاجة فيه
انه وسيلة ربط بين الدفعات القديمة والجديدة وكل دا بعد الناحية العلمية

اسف للاطالة وشكرا ع الموضوع المهم دا

لا لا لا موضوع تماااااااااام بحييك والله :a11::a11::a11::a11:
ورأى انك من خلال النت والتحدث من خلالة مع الناس بيخليك تقدر تفهم تفكرهم وتشوفهم بجد على حقيقتهم بس مش كل الناس طبعا لان فى اشخاص مبتكنش صريحة وبتحب انها طول الوقت تظهر فى احسن صورة واللى بيساعدهم ان بيتشاف اللى بيكتب قبل ما يتعمل SEND فا لو نسيت الشخصيات دى وظهرت فكلامها شخصياتها الحقيقة بتلحق الموضوع وتعمل DELETE والشخصيات دى قبل ماتخدع حد فهى بتخدع نفسها بس دة قليل وجودة على ما اعتقد :a34::a34::a34:

بدايه موفقه يااخي الفاضل....

وبجد موضوع حلو وبيناقش موضوع لازم يتناقش فيه من زمان....

كتير من الناس معتقده ان هناك اعجاب وحب من علي النت يعني مثلا لما الواحد يخش علي الفيس او اي منتدي ممكن يلاقي حد عجبه في طريقه عرضه وكتاباته ومنقشاته وده وارد انه يحصل بس لما الفرد ده يجي يقعد مع نفسه بكل صراحه ويفكر هيلاقي انه غلطان عشان الي حصل ده مجرد اعجاب بطريقه جديده لقاها وملقهاش قبل كده وممكن لما يخش اي حته تانيه يلاقي حد تاني يعجب بطريقته وهكذا يبقي ده مش حب وهيعرف ان ده وهم وهو اعجب بشخصيه الكترونيه فقط وممكن يمر بنفس الموقف في الشغل او في الجامعه او في الشارع عادي خالص...

الصراحه لو الموضوع ده حصل يبقي في خلل ازاي اقول لحضرتك....لو حصل ان احد ما اعجب بأي حد لو افترضنا انها بنت من علي النت وهو مش عرفها اصلا وحدث منه نوع من الانجذاب ليها وبعد كده عرف انها انسانه مش كويسه وممكن تبادله نفس الشعور وعلي فكره ممكن تعمل مع غيره نفس الي بتعمله معاه ايه شعور الشخص ده في الوقت ده اكيد هينخدع ولا ايه رأيك؟؟؟

وممكن تكون انسانه كويسه مش طريقه التعرف مش حلوه خالص

انا من راي ان النت والفيس وماشابه ذلك عالم منافق ممكن نعتقد ان في ناس كويسه بنتعامل معاها فيه وتطلع غير الشخصيه الي احنا حطنهالها في بالنا خالص سواء كان ولد او بنت...والمفروض ان ماحدش يعطي عواطفه لاي حد عن طريق النت لان الواقع احسن بكتير من الخيال...وبحيك مره اخري:a11:

شكرا لتفاعلكم مع الموضوع وانا كمان راي من رايكم بس احيانا بيحصل حب ولو حالة من مليون لكن بيحصل وسعات بيلالاقوا نفسهم مع بعض علي الحقيقة مدام بيتكلموا بصراحة علي النت

اولا موضوع جميل جدا
ثانيا انا ممكن اكون لسة داخل في المنتدي جديد وبحاول اتعرف علي اي حد لاني لسة جديد بعد كدة لما اتابع واشوف مواضيع ببتدي اعجب بشخصيات اصحاب المواضيع وبعدة كدة ممكن يطور الاعجاب الي انجذاب وممكن جدا يبقي حب ليه لا الكلام ده كل يحصل في حالة واحدة بس
لو الطرفين بيتكلموا بجد وبصراحة

عندك حق ياديشا ورايك تمام زي راي وشكرا لمرورك يادرش

اقتباس:

---

المشاركة الأصلية كتبت بواسطة kareem

جااااااااااااااااااامد جدااااااااااااااا والله

والله موضوع تحسد عليه ونقاش
حيفتح علينا حاجات كتير اوى يا محمد

انا رأيى الشخصى انه ممكن يحصل
حتقوللى ازاى ؟؟ احنا دلوقتى معظم قعدة
الشباب ع النت بين الياهو والفيس والمنتديات
فى بقى من الشباب دا مش اجتماعى فى الحقيقة
بالدرجة اللى هى فوجد من المنتدى ستااااار
ممكن يعبر فيه عن شخصيتة الحقيقية ومشاعره
تجاه الاخر وكذلك ممكن يحس بشعور ما
تجاه الاعضاء مش شرط بنت ممكن اعجاب باسلوب
او انه يبقى ليه صديق جديد من على المنتدى
كل دى مشاعر ممكن يولدها المنتدى بين قلوب الاعضاء
وهى دى قيمة المنتدى فى رأيي
فالمنتدى معمول لتزويد الناحية الاجتماعية
مش للانعزااااااال الاجتماعى زى ما عمل الباشمهندس كارمو
موضوع قبل كدا وناقشنا فيه الحكاية دى
والمقصود ان الشخص دا لو فضل كدا معرفته بالناس دى
اليكترونية وسطحية من ع النت فقط يبقى دا انعزال
عشان كدا الرابطة بتعمل لنا تجمعات ممكن من خلالها الاعضاء
يشوفو بعض ويتعرفو على بعض اكتر ولان المنتدى دا اهم حاجة فيه
انه وسيلة ربط بين الدفعات القديمة والجديدة وكل دا بعد الناحية العلمية

اسف للاطالة وشكرا ع الموضوع المهم دا

---

ربنا يخليك ياكيمو وتروح وترجع بالسلامة

ممككن جدااااااااااااااااااااااااااا جداااااااا
لان الانسان اما بيعرف
بيعرف الشخصية الحقيقية
وبيعرف فكر وعقل واراء
ودول اللى الناس بتتعامل بيهم
وبتحل مشاكلها بيهم
اختيارهم دا بيبقى بناءا على توافق فكرى
غير اما يكونو 2 شافو بعض واعجبو بشكل بعض
احييك جدا جدا على موضوعك

انا بالنسبالى فاكس
الكلام ده

لازم فيس تو فيس
ياعم

بيحصل وتعرف تقدر تاخد ثواب كمان لما يخفق قلبك لشخص ما
حصلت كتير اني اتعرف على ناس من خلال المنتدى مثلا من البنات وأحس اني اعرفهم
واحبهم جدا وخليت الحب ده فى الله
ساعات بفتكر الناس دى وانا بصلي وادعيلهم
ساعات اقرأ موضوعات لهم وأدعيلهم من اسلوبهم

مش شرط نخلي دائرة اهتمامنا بالحب ما بين فتاة وشاب بس
ليه ميكونش دايماً نبض القلب في حاجة ربنا يحبها ويجزينا بيها خير

أشكرك على طرح الموضوع
جزاك الله خيراً

اولا ممكن ان يحدث اعجاب لفرد ما على المنتدى بسبب طريقة ردوده ومناقشاته

ولكن فى النهاية دا اعجاب ولا يمكن ان يتطور اكثر من كده

لالازم تشوفه لان الكلام على النت مختلف تماما عن الكلام على الطبيعه

عندك حق يامحمد علي والله شكرا لمرورك:a34:

اقتباس:

---

المشاركة الأصلية كتبت بواسطة Wild_Angel

بيحصل وتعرف تقدر تاخد ثواب كمان لما يخفق قلبك لشخص ما

حصلت كتير اني اتعرف على ناس من خلال المنتدى مثلا من البنات وأحس اني اعرفهم
واحبهم جدا وخليت الحب ده فى الله
ساعات بفتكر الناس دى وانا بصلي وادعيلهم
ساعات اقرأ موضوعات لهم وأدعيلهم من اسلوبهم

مش شرط نخلي دائرة اهتمامنا بالحب ما بين فتاة وشاب بس
ليه ميكونش دايماً نبض القلب في حاجة ربنا يحبها ويجزينا بيها خير

أشكرك على طرح الموضوع
جزاك الله خيراً

---

ميرسي لردودك الجميلة دي
:a15:شكرا لمرورك