الأستهبال ...فى مراحل التعليم ...

http://img17.imageshack.us/img17/4179/yux59151.gif


كلنا مشينا مرحلة كبيرة من التعليم واكيد انها معديتش كدة لازم يكون فيها مواقف وطرائف وعجائب ونوادر يعنى مسلا بالنسبة للبنات:

* لااااازم يكون فى شلة فاسدة فالفصل ...اللى بتعقد ورا ....وكانت تخنق المدرسين وتقرفهم فى عشيتهم وتجبلهم الضغط والسكر وكل الامراض


http://i34.tinypic.com/23h3kt5.jpg


*والبنات اللى تعمل عكس ماالمدرسة تقرر يعنى :
ياحببتى الطرحة بيضا والقميص ابيض والشراب ابيض وفى كرفاتة نلاقى احنا بقة طرحة رصاصى مدية على رمادى شوية والقميص تركواز والشراب روز والكمام متشمرة ومفيش كرفاتة طبعاااا واحيانا المستيكة عشان الموضوع يكمل ...



http://i34.tinypic.com/23h3kt5.jpg


*وفى بنات اللى طول الوقت مهاجرة من الفصل وبتلف فالمدرسة...وتهرب من الحصص .


http://i34.tinypic.com/23h3kt5.jpg


*وفى بنات دحيحة اللى تلاقيها نايمة طول النهار فالفصل عشان عارفة انها مش هتسفيد حاجة فتنام احسن عشان تربى سهرة محترمة للدح طول الليل


http://i34.tinypic.com/23h3kt5.jpg

*والبنات الرخمة اللى بتروح المدرسة بس عشان تاكل سندوتشات صحبها البنات وتعد تضرب الاكل كلة ومابيهمهاش بئة فسحة ولا حصة عربى ولا انجليزى .. المهم تاكل وخلاص.
http://i34.tinypic.com/23h3kt5.jpg

*وشلة البنات الكدابة اللى طول النهار تفتكس على بعض وماشاء الله كلهم عارفين انهم بيكدبوا بس عادى عاملين من بنها
http://i34.tinypic.com/23h3kt5.jpg
وانماط كتيرررة اوى

اما بالنسبة للولاد فالموضوع مختلف تماما انا طبعا محصليش الشرف وكنت ولد قبل كدة عشان اعرف هما بيعملوا اية بالظبط بس على حد معلوماتى :

* ان فى نوع بيحب يزوغ من المدرسة وينط من على السور ويروح يتفسح او يعاكس مدرسة البنات حسب اخلاقة يعنى


http://i16.tinypic.com/53yw3f5.gif


*وفى نوع بيحب ينوط من على السور عشان يشرب سجاير وبعدين حاجة غريبة عايزة اعرفها لية بيقفوا يشربوا سجاير قدام المدرسة ؟؟ انت مش زوغت متروح ياسيدى تشربها فمكان تانى ههههههه (يمكن فى وجهة نظر ولا حاجة )


http://i16.tinypic.com/53yw3f5.gif



*وفى ولاد بيحبوا المدرسة جدااااا وبيروحواا عشان اصحابهم ويتفقوا هيلعبوا كورة امتى .


http://i16.tinypic.com/53yw3f5.gif


*وفى ولاد بتروح عشان تخنق المدرسين .


http://i16.tinypic.com/53yw3f5.gif



واكيد الولاد ادرى منى هما كانوا بيعملوا اية
.
.
يلااااا كل واحد يدخل يقولنا كان بيعمل اية فى مراحل تعليمة

همتحن
بكـــــــــــــــــره
واجى ارد

اقتباس:

---

المشاركة الأصلية كتبت بواسطة MUHAMED SAMY

همتحن
بكـــــــــــــــــره
واجى ارد

---

ربنا يوفقك يامحمد وينجح كل الناس اللى بتمتحن يارب واكيد هنستنى ردك :a40:

انا عن نفسي كنت بحب المدرسة جدا
وفى ولاد بيحبوا المدرسة جدااااا وبيروحواا عشان اصحابهم ويتفقوا هيلعبوا كورة امتى
وكنت بحب اصحابي
اما الكورة ديه شئ اساسي في حياتي كل يوم بعد المدرسة نلعب كورة
كانت حياتنا الكورة
موضوع جميل يا سمارت فكرتني بايام زمان كانت اجمل ايام حياتي

هههههههههههههههههههههههههههههههه
موضوع جميل اوى يا سمارت
فكرتينى ب ايام ثانوى
بس انا الحمد لله طول عمرى كنت ملتزمه كنت بروح المدرسه بدرى و اقف ف الطابور و كنت بعد ادام
و اكتب ورا المدرسين كل كلمه يقولوها و كرساتى تكون كامله و ادواتى كلها معايا
لدرجه ان اصحابى كانو بيألسو عليا من الالتزام اللى كنت فيه
و ف سنه ثانيه اعدادى كنت الطالبه المثاليه ع مستوى المدرسه
بس السنه الوحيده اللى اتغيرت فيها شويه مش كتير كانت 3 ثانوى
يااااااااااااااااااه
والله كانت ايام جميله
ميرسى ليكى يا جميل على الموضوع الرائع ده
بس انتى ماقولتلناش انتى كنتى بتعملى ايه بقى :a33:

فكرتينا يا سمارت بايام:a12:سكر وعسل....انا بقي كنت حاجه تانيه خالص كنت بحب المدرسه والمدرسين وكنت بشترك في مسابقات وحاجات تانيه كتير:a20:

انا بقى يا سمارت كان عندى جانب ايجابى وجانب سلبى يعنى الايجابى كنت بحب اروح المدرسة كل يوم مغيبش ولا يوم بس كنت لازم ولابد انى ازوغ من على السور وكنت برجع تانى كنت ازوغ فى الحصة الثالثة وراجع بعد الفسحة عامل عيش باللحمة لى ولصحابى وكنت متفوق جدا بس فى الكورة كان الفصل بتاعى لازم كل سنة ياخد الدورى وكنت احب ارسم جدا كريكاتير واعلقه على الجدران وكنت مشترك فى الاذاعة وكنت باخد شهادات تقدير ياما اوى كانت ايام جميلة جدا والله شكرا ليكى يا سمارت فكرتينى بالذى مضى

انا بقى كان اخرى فى المدرسه الحصه التالته وبعدين بقى اروح للسور حبيب قلبى وهاتك يا نط بس الحمد لله فى اخر سنه المدرسه عملتنا حديد نطلع من عليه فمعدناش محتاجين حد يرفع التانى بس المشكله مكنتش بروح البيت كان دايما فى النت واللى كنت لسه بتعلمه وافضل لنهايه اليوم بس الحمد لله مشربتش سجاير خالص

هههههههههههههههههههههه
ايشمعنى الحصه ال الثاله اللى بتزوغوا فيها

:a28: :a28: :a28: :a28:

طب ف سؤال بجد عايزة اساله للشباب :a6:
بدال انتم بتزوغوا من المدرسه بدرى كدا ليه بتروحوها اصلا
يعنى كنتم تزوغوا من اول اليوم

موضوع حلو ياسمارت فكرتينى بالمدرسة

انا كانت مدرستى والفصل بتاعى على مدار التلت سنين على البحر- مدرسة الانفوشى الثانوية بنين -

كنت فى الغالب مش بحضر الطابور وكنت بنام فى الفصل من الحصة الاولى لغاية الفسحة هواء البحر كان زى المخدر

وهما مرتين نطيت من فوق السور كانت مره فى مباريات الاهلى فى اليابان لازم ازوغ طبعا

ومره طقت فى دماغى و زوغت وبعدها على طول فتحو الباب كان المدرسه فاضية .

وفى بعض الاحيان كنت وكيل الغياب عارفه الطالب اللى يلف على الفصول

عشان ميحضرش هو انا بس كل دا اتغير فى 3 ثانوى وبقيت مروحش المدرسة تقريبا حضرت شهرين فى السنه كلها

والله يا سمارت انا كنت هاديه اوى فى الفصل فى الحصه الى بيكون فيها شغل
وشقيه بس مش مشاغبه فى الحصص الى المدرس بيخش بيفرد فيها عضلاته
علشان يثبت انه احسن من المدرس الى باخد معاه درس او حتى يشم خبر
ان الدرس ده اتشرح لنا قبل كده فلازم يعمل انه بارع ومحدش هيشرحه زيه
فكنا بنحاول نثبت ان مدرسنا احسن منه وكنا طول الوقت نرفع ادينا قبل ما يكمل السؤال
وديه حاجه كانت بتنرفزهم بس كنت بعمل كده مع الى بيفردوا عضلاتهم بس والله
بس الحمد لله كنت محبوبه من المدرسين وانا كمان كنت بحبهم جدا ومحبوبه من صحابى

اما وصلت ل3 ثانوى الصراحه كنت بهتم بحصص وحصص لأ
والحصص الى لأ كنت بقعد اكتب فيها اى حاجه سواء واجب الدرس
او اى حاجه تانيه سعات نتكلم انا واصحابى واحلى زكرى باه كانت حصص الزراعه
اشتركت فى الزراعه لانى كنت مبحبش مدرسات الاقتصاد المنزلى الى فى المدرسه
طول الحصه طلبات وبتاع وخياطه وحجات تغيظ اما الزراعه كنا بنتعامل مع الزرع وكنا بنعرف اسماء جديده
للنباتات وكنت بحب الحصه دى هههههههه لان الميس كانت بتسبنا نعمل الى عايزينه بعد ما نخلص الى مطلوب مننا

يا سلام اما يكون فى حصه احتياطى لان المدرس مجاش نلم صحابنا من الفصول التانيه ونقعد نعمل واجب الدرس مع بعض
ونسمع لبعض ونقعد نتكلم على الدرس والى بيحصل فيه ونضحك بجد كانت ايام جميله احلى ايام عمرى:a31:

انا الحمد لله كنت طالب متميز من ايام الابتدائى
وبدأ الانتباه ليا من مدرسة الموسيقى لما اكتشفت
موهبتى وصوتى وطلعتنى فى الاذاعة غنيت
جااااايز ظلاااام الليل ومن ساعتها بقيت مشهور بيها فى المدرسة
اما فى الجانب العلمى فكنت عادى لانى مكنتش باخد دروس
ومع ذلك كنت بشترك فى مسابقات اوائل الطلبة ومسابقات خفظ القران
ولما طلعت الاعدادى فى مدرسة ابن طولون اللى عند البورصه
فضلت محافظ على اخلاقى وكنت متفوق اكتر من الابتدائى
وطلعت الاول ع المدرسة فى الاعدادية ومع ذلك كنت واخد حريتى فى المدرسة
وكنت انا واصحابى كبارات المدرسة ومديرينها بمعنى اصح
اما فى الثانوى نقطة تحول وصديق السوء اللى فضل ملازمنى
3 سنييييين ثانوى فى نفس التخته وكل ما اخش فصل الاقيه
وكمان الاقيه يجى يقعد جنبى هربت منه فى اول صف برضووو
جيه قعد جنبى وهو غصب عنى للاسف أثر كتير فيا للاسوأ
ودا درس اتعلمته انى اختار اصدقائى ومحدش يجبرنى انى اصاحبه
بس فى الثانوى بقى كنت تقريبا فى مدرسه عاشور
والناظر كان فى وادى والمدير فى وادى والوكيل فى وداى تانى
طب مرة انا وواحد صاحبى مثلا كنا نشوف الناظر دا ونقول له يا اقرع
ونستخى ونطلع نجرى وميتيييين من الضحك هو عيب بس كنا بنحب نضحك على قرعته
اما الزوغان فالحمد لله عمرى عمرى عمرى ما زوغت من ع السور
ودا لان باب المدرسة كان مفتوح لنا 24 ساعة وكنا بنخرج وقت ما نحب ونرجع وقت ما نحب
وع الحصة التالتة دى بقى اهم حصة عارفة ليه يا مروى عشان بنروح نجيب
عيييييش وفلافل وكشرى ومخلل بقى وبنظظبببط الكلام
ومهظم الحصص كانت حصص زراعة بنحب نقعد فى الجنينه
فكنا بنخليها حصص زراعة ونتلم بالاكل دا فى الجنينه ولا كأننا فى رحلة

اما عن المواقف فكتييييير فمش عارف احكى ايه ولا ايه
انا مرة كنت حرفع قضية على مدير المدرسة وكانو اصحابى
مسمينى سعد زغلول عشان كنت بطالب بمطالبهم فى اولى ثانوى
ومكناش لاقيين تخت وكنا حوالى 50 طاااالب فى فصل واحد
والله العظيم مببالغ لدرجة انى كرهت الدنيا فى السنة دى
وكنت بفكر اسيب التعليم بس انا عملت مفاوضات كتييير مع المدير
وكنت محضر ديسكات وورق فيه شكوى والمدير فضل يهاودنى
عشان مبعتش الشكوى وفى الاخر المشكلة اتحلت ودى

موقف تانى استاذة التاريخ كانت لدغة فى الررراء
فتخيلو بقى لما كنت قاعد فى اول تخته وبتيجى تتكلم
وتروح متفتفه على دماغى انا رحت حاطط الكتاب على دماغى
اخر ما زهقت فراحت بصة لى كدا فخدت بالها من نفسها
قالت لى حاطط الكتاب على دماغك ليه
قلت لها عشان بتنقط بس :a33:
رحات ميييته من الضحك على نفسها
وتخيلوها بقى لما كانت بتقول
فرعون الحضارة المصرية القديمة :a25:

اما مدرسة الجغرافيا لما كانت بتيجى تصحح الكراسات
وكانت لدغة فى الراء برضو بس دى كانت بتقول
الراء غييييين فتخيلو لما كانت تيجى تقولى كدا
كراااااستك اكررررريييييم
وبنفس الطريقة كدا بالشد دا :a17:

مرة بقى ابلة تانية حاولت تضربنى بالعصاية
عشان كنت بتشاقى وكدا وانا مكنتش بحب اضرب
فصممت انى مش حضرب وهى صممت قلت لها
طيب ورحت فاتح ايدى ومع اول عصاية نازلة على ايدى
مرجعتش علقتها فى ايدى ورحت ساحبها منها وواخدها
راميها لها من الشباك ع الشارع العمومى برا المدرسة خاااالص
وكانت يعينى حتتجن مكنش معاها غيرها وكانت العصيان شاحه
المهم انى اتكتبت غياب فى الحصة دى وكانت حتدوينى للمدير
بس زوغت منها وعدت على خير الحمد لله

هو فى مواقف تانية كتيييييير
انا اخترت بعض المواقف ومش عايز اكتر عليكو
:a5::a5::a5::a5::a5:

حبقى اجيلكو تانى
الموضوع فكرته حلوة اووووى

اقتباس:

---

المشاركة الأصلية كتبت بواسطة marwa magdy

هههههههههههههههههههههه
ايشمعنى الحصه ال الثاله اللى بتزوغوا فيها

:a28: :a28: :a28: :a28:

طب ف سؤال بجد عايزة اساله للشباب :a6:
بدال انتم بتزوغوا من المدرسه بدرى كدا ليه بتروحوها اصلا
يعنى كنتم تزوغوا من اول اليوم

---

هو التزويغ ليه
متعته
لكن اليوم من اوله الواحد يلحق يعمل كذا اجة

انا مكنتش بحب ازوغ الا لما احضر حصتين ثانيا لانى مرت زوغت من اول اليوم ووالدى عرف لان واحد زميله شافنى اما لما يشوفونا فى وقت تانى نقول دروس .

فاشلين بقى

انا
بصراحة لولا امى و اختى تقريبا يعنى
كان زمانى فـــاشل من زمان
مدرستى فى ابتدائى
اسمها د.النبوى المهندس
بجد كانت ايام جـــامده جدا
خصوصا اخر سنتين
صحابى بقو يجولى ونلعب كورة وكده
اول 3 سنين كانو رتم واحد تقريبا
بعد كده كان فى تغيير
(مكنتش بزوغ ولا اى حاجة)
اول امتحان حساب
جبت فيـــه
صــــــــــــــــــفــر
(نبغه من يومى فى الرياضة)
ولسه الحمد لله عندى حوالى 4 صحاب من ابتدائى

اعدادى بقى
طارق بن زياد
يعنــــى
الرجولة ادب
شفـــــــــــت اللى عمرى ما كنت شفته
المدرسة دى اتخرج منها
دكاتره
مهندسين تعدين_مدنى_كهرباء
اداب تجارة السن
سواقين تكاتك وكرتات
(بياعين فى شتى التجارات اى كانت)
بـــــــــجد اثرت فيا بنسبة كبيرة
بس حظى حلو مع مدرسين العربى
(كان بيلعب عندنا كورة)
اكــــــتر موقف ضحكنى
ان مدرس الرياضيات
إدوار
اتكعبل فى العيال ووقع فى الفصل
سووووو مسخرة
اصلنا ساعات كنا بنقعد ع الارض
ولما يبقى ملناش مزاج للحصص
كنا نهتف ونقول
استاذ بدوى يا ابُه ايه العظمة دى كلها
يقولنا يالا يا ولاد النهارده يوم رياضى (المدرسين تلعب كورة واحنا نتفرج)
او نص يوم ونروح:a36:
وكان فى مدرس دماغ يجرى بالعربية بتاعته
ورا العيال المزوعة
وامريكانى وحبشتكنات بالعربية تحس انه ظابط
بقيت فـــاشل بنسبة حلوة:a13:
مزوغتش الا مرتين تلاته فى 3 سنين

الثانوى
يعنى حسنى مبارك
(يعنى ليه تزوغ من نص اليوم مادام تقدر تزوغ من اوله)
فى سنة اولى كنا اللى من طارق بن زياد صحاب
فى صف واحد تقريبا
كنت بروح المدرسة بالقطر(المواصلات زحمة)
شفنا حوادث وبلاوى وغيره
كنا بنحب نروح المدرسة متأخر
فى مدرسين بقت تضربنا بالعصاية والحوارات دى
وكنا مخنوقين من مدرس الفيزياء
فاخدنا يوم الخميس
نزوغه من اوله وكنا نطلع ع بحر العصافرة كانو لسه بيعملو اللسان جديد
ونقابل صحبا الى مزوغين من جمال عبد الناصر
الترم التانى التزويــــغ زاد
نلعب بلاى ستيشن كورة
فى تانيةوتالته الحال واحد
عددنا كان 28 طالب عشان كنا واخدين علم نفس2
كنت بدخل المدرسة قليل
بس كنت ع الكافيتريا اللى جنبها يوميا ده فى تانية
تالته اللى انا فاكره
دخلتها قليل جداااا منهم مرة لعبت كورة اول حصة ونطيت من على سور
الاكـــــاديمــية
مكنتش بحب اطلع من الباب
انط من ع السور لملعب التنس
وللشارع عدل
لدرجة ان مدرس العربى بتاع سنة اولى
شافنى مرة
قالى ازيك يابنى مبتجيش ليه؟؟ كنت رايح اعمل البطاقة سعتها
موش هدخل فى تفاصيل

وبالنسبة للدروس بقى ابقى اعمللنا ليها موضوع؟؟

I MISS U MY FRIENDS

ياكريم انتا قولت انا الفصل كان اكتر من 50 طالب

انا على مدار 3 سنين الثانوى وبدون مبالغه اكبر عدد ممكن يحضر 20 طالب بالكتير اوى

انا فاكر ان مره الفصل بتاعى كان فيه 7 طلاب وكبيرُه اوى 10 طلاب و وكان مفيش مدرس يقدر يقولك حاجة

عشان كده كان النوم عندى هواية .

هههههههههههههههههه
كانت والله احلي ايام بالذات 3 ثانوي انا كنت بقي منضبطة جدااااااا لان بابا كان المدير وكنت قدوة البناااااااات في المدرسة فماكنش ينفع ولا ازوغ من حصص ولا حاجة بس كنت مجننة المدرسين شوية ف الفصل بس كان الحمد لله المدرسين كلهم عسل وكنت رغااااااااية اوي وكنت بقعد ورا بس كنت شاطرة علي فكرة مش مقياس اللي يقعد ورا يكون فاشل ورا اروق بكتير من اودااااااام وكانت ايام زي العسل ياريت ترجع تاني
ميرسي يا قمراية ع الموضوع

سعادة غاااااااامرة والله ياجماعة بمشاركتكم:a40: دى فالازم ارد على كل واحد:a15:

اقتباس:

---

المشاركة الأصلية كتبت بواسطة mostafa hassan

انا عن نفسي كنت بحب المدرسة جدا
وفى ولاد بيحبوا المدرسة جدااااا وبيروحواا عشان اصحابهم ويتفقوا هيلعبوا كورة امتى
وكنت بحب اصحابي
اما الكورة ديه شئ اساسي في حياتي كل يوم بعد المدرسة نلعب كورة
كانت حياتنا الكورة
موضوع جميل يا سمارت فكرتني بايام زمان كانت اجمل ايام حياتي

---

واضح يامصطفى انك بتحب الكورة اوى... دايما كدة ايامك تكون حلوة وفيها اوقات سعيدة نورت الموضوع بجد

اقتباس:

---

المشاركة الأصلية كتبت بواسطة Marwa Magdy

هههههههههههههههههههههههههههههههه
موضوع جميل اوى يا سمارت
فكرتينى ب ايام ثانوى
بس انا الحمد لله طول عمرى كنت ملتزمه كنت بروح المدرسه بدرى و اقف ف الطابور و كنت بعد ادام
و اكتب ورا المدرسين كل كلمه يقولوها و كرساتى تكون كامله و ادواتى كلها معايا
لدرجه ان اصحابى كانو بيألسو عليا من الالتزام اللى كنت فيه
و ف سنه ثانيه اعدادى كنت الطالبه المثاليه ع مستوى المدرسه
بس السنه الوحيده اللى اتغيرت فيها شويه مش كتير كانت 3 ثانوى
يااااااااااااااااااه
والله كانت ايام جميله
ميرسى ليكى يا جميل على الموضوع الرائع ده
بس انتى ماقولتلناش انتى كنتى بتعملى ايه بقى :a33:

---

انتى اجمل ياميرو واسمحيلى ااقولك الحمدلله انى معرفتكيش فالدراسة عشان انا كنت بتخنق من الطلبة الملتزمين اوى ههههههههههههه لااا بهزرى معاكى ياقمرا بس واضح انك كنتى شطورة ماشاء الله .. اما انا ياسيتى ولا كنت شاطرة اوى ولا كنت بليدة اوى تقدرى تقولى متوسطة بس المواد اللى كنت بحبها كنت بجيب فيها درجات عالية ومشكلتى بقة ان اى مرحلة دراسة ادخلها كنت بكون مميزة يعنى من العيال الباينة دول واقسملك بالله انى مكنتش بعمل اى حاجة فيها تميز لابسى لبس المدرسة وتصرفاتى زى اى طالبة عادية بس تلاااقى الطلبة عارفنى فى جميع المراحل والمدرسين يخدونى فالانشطة يعنى حفلات مدرسة ماشى رحلات ماشى اذاعة ممكن وانا اساسا حد بيحب يعد على جنب كدة هههههه بس مامتى كنت تشجعنى وتقولى اشتركى وجيت بقة فالثانوى لاقيت صحابى اللى هما بيعقدوا ورا اخدونى تبعهم بردة هههههه بس احنا مكناش شلة فاسدة لان مدرستنا كانت مدرسة متفوقين اصلا ففسدنا كان اخرة اننا نعمل غلاااسة شوية على المدرسين بس انا مكنتش بغلس غير على المدرسين الغلسين بجد اما اللى غلبانين دول فمكنتش بعمل حاجة فيهم وبالرغم من كدة كان فى مدرس رياضة يقولى انتى أس الفساد هههههه مهما احاول اقولة انى مبعملش حاجة بردة مصمم وكان عندة حق صحابى يعملوا البلوة ويدبسوها فيا ....ومرة مامتى جت المدرسة الثانوى زى اى ام عادى جدااا ..انا للاسف كانوا مطلعين عليا اسم كدة مينفعش ااقولة ههههههههههههه مش عشان حاجة بس عشان هتعرف لو قولتة ماعلينا المهم انى مامتى قالت اسم بنتها قالولها اطلعى الفصل بتعاها خبطت على الفصل ..المدرسة قالتلها لا مفيش طالبة اسمها كدة فين وفين لحد مانا شوفتها وقلت للميس ايوة دى مامتى ههههههههه ماما اعدت تقول انا بنتى هادية جدااا فالبيت ومطيعة ادة دى مش بنتى اكتشفت الحقيقة المرة ياحرام ... بجد كانت احلى ايام حياتى
بفكر اعمل موضوع اسمة ذكريات عشان اللك اللى انا لكيتة دة :a40:

اقتباس:

---

المشاركة الأصلية كتبت بواسطة حنين الحياة

فكرتينا يا سمارت بايام:a12:سكر وعسل....انا بقي كنت حاجه تانيه خالص كنت بحب المدرسه والمدرسين وكنت بشترك في مسابقات وحاجات تانيه كتير:a20:

---

شكلك كنتى عسولة خالص ياحنين ... شرفتى الموضوع

اقتباس:

---

المشاركة الأصلية كتبت بواسطة بيبو العاطفى

انا بقى يا سمارت كان عندى جانب ايجابى وجانب سلبى يعنى الايجابى كنت بحب اروح المدرسة كل يوم مغيبش ولا يوم بس كنت لازم ولابد انى ازوغ من على السور وكنت برجع تانى كنت ازوغ فى الحصة الثالثة وراجع بعد الفسحة عامل عيش باللحمة لى ولصحابى وكنت متفوق جدا بس فى الكورة كان الفصل بتاعى لازم كل سنة ياخد الدورى وكنت احب ارسم جدا كريكاتير واعلقه على الجدران وكنت مشترك فى الاذاعة وكنت باخد شهادات تقدير ياما اوى كانت ايام جميلة جدا والله شكرا ليكى يا سمارت فكرتينى بالذى مضى

---

الله عيش باللحمة طب افتكر مدرسة البنات بسندوتش كدة :a18: ... شرفت الموضوع يابيبو ودايما كدة منورنا

اقتباس:

---

المشاركة الأصلية كتبت بواسطة momo_lovely599

انا بقى كان اخرى فى المدرسه الحصه التالته وبعدين بقى اروح للسور حبيب قلبى وهاتك يا نط بس الحمد لله فى اخر سنه المدرسه عملتنا حديد نطلع من عليه فمعدناش محتاجين حد يرفع التانى بس المشكله مكنتش بروح البيت كان دايما فى النت واللى كنت لسه بتعلمه وافضل لنهايه اليوم بس الحمد لله مشربتش سجاير خالص

---

الحمدلله فى حاجة يا MOMO معملتهاش اهوة (السجاير ) :a11::a34::a34: نورت الموضوع ودايما ايامنا كلها تكون سعيدة

اقتباس:

---

المشاركة الأصلية كتبت بواسطة mohamed ali

موضوع حلو ياسمارت فكرتينى بالمدرسة

انا كانت مدرستى والفصل بتاعى على مدار التلت سنين على البحر- مدرسة الانفوشى الثانوية بنين -

كنت فى الغالب مش بحضر الطابور وكنت بنام فى الفصل من الحصة الاولى لغاية الفسحة هواء البحر كان زى المخدر

وهما مرتين نطيت من فوق السور كانت مره فى مباريات الاهلى فى اليابان لازم ازوغ طبعا

ومره طقت فى دماغى و زوغت وبعدها على طول فتحو الباب كان المدرسه فاضية .

وفى بعض الاحيان كنت وكيل الغياب عارفه الطالب اللى يلف على الفصول

عشان ميحضرش هو انا بس كل دا اتغير فى 3 ثانوى وبقيت مروحش المدرسة تقريبا حضرت شهرين فى السنه كلها

---

واضح يا محمد انك مكنتش فاسد الحمدلله ...زوغت مرتين بس وانك متروحش ف 3 افضل انك تروح وتزوغ .. برافو عليك والله :a3:

اقتباس:

---

المشاركة الأصلية كتبت بواسطة spider girl

والله يا سمارت انا كنت هاديه اوى فى الفصل فى الحصه الى بيكون فيها شغل
وشقيه بس مش مشاغبه فى الحصص الى المدرس بيخش بيفرد فيها عضلاته
علشان يثبت انه احسن من المدرس الى باخد معاه درس او حتى يشم خبر
ان الدرس ده اتشرح لنا قبل كده فلازم يعمل انه بارع ومحدش هيشرحه زيه
فكنا بنحاول نثبت ان مدرسنا احسن منه وكنا طول الوقت نرفع ادينا قبل ما يكمل السؤال
وديه حاجه كانت بتنرفزهم بس كنت بعمل كده مع الى بيفردوا عضلاتهم بس والله
بس الحمد لله كنت محبوبه من المدرسين وانا كمان كنت بحبهم جدا ومحبوبه من صحابى

اما وصلت ل3 ثانوى الصراحه كنت بهتم بحصص وحصص لأ
والحصص الى لأ كنت بقعد اكتب فيها اى حاجه سواء واجب الدرس
او اى حاجه تانيه سعات نتكلم انا واصحابى واحلى زكرى باه كانت حصص الزراعه
اشتركت فى الزراعه لانى كنت مبحبش مدرسات الاقتصاد المنزلى الى فى المدرسه
طول الحصه طلبات وبتاع وخياطه وحجات تغيظ اما الزراعه كنا بنتعامل مع الزرع وكنا بنعرف اسماء جديده
للنباتات وكنت بحب الحصه دى هههههههه لان الميس كانت بتسبنا نعمل الى عايزينه بعد ما نخلص الى مطلوب مننا

يا سلام اما يكون فى حصه احتياطى لان المدرس مجاش نلم صحابنا من الفصول التانيه ونقعد نعمل واجب الدرس مع بعض
ونسمع لبعض ونقعد نتكلم على الدرس والى بيحصل فيه ونضحك بجد كانت ايام جميله احلى ايام عمرى:a31:

---

تسدئى ياسارة انا كمان مكنتش بحب مدرسين الاقتصاد دول اية دة كانوا جابيلنا المدرسين دى منين هههههه لااا بس مش كلهم لاحسن حد يكون عندة مدرسة اقتصاد ولا حاجة احم احم بعض مدرسين الاقتصاد المنزلى كانوا غلسين ... يارب دايما كل ايامك حلوة ياسرسورة ياجميلة

اقتباس:

---

المشاركة الأصلية كتبت بواسطة KAREEM

انا الحمد لله كنت طالب متميز من ايام الابتدائى
وبدأ الانتباه ليا من مدرسة الموسيقى لما اكتشفت
موهبتى وصوتى وطلعتنى فى الاذاعة غنيت
جااااايز ظلاااام الليل ومن ساعتها بقيت مشهور بيها فى المدرسة
اما فى الجانب العلمى فكنت عادى لانى مكنتش باخد دروس
ومع ذلك كنت بشترك فى مسابقات اوائل الطلبة ومسابقات خفظ القران
ولما طلعت الاعدادى فى مدرسة ابن طولون اللى عند البورصه
فضلت محافظ على اخلاقى وكنت متفوق اكتر من الابتدائى
وطلعت الاول ع المدرسة فى الاعدادية ومع ذلك كنت واخد حريتى فى المدرسة
وكنت انا واصحابى كبارات المدرسة ومديرينها بمعنى اصح
اما فى الثانوى نقطة تحول وصديق السوء اللى فضل ملازمنى
3 سنييييين ثانوى فى نفس التخته وكل ما اخش فصل الاقيه
وكمان الاقيه يجى يقعد جنبى هربت منه فى اول صف برضووو
جيه قعد جنبى وهو غصب عنى للاسف أثر كتير فيا للاسوأ
ودا درس اتعلمته انى اختار اصدقائى ومحدش يجبرنى انى اصاحبه
بس فى الثانوى بقى كنت تقريبا فى مدرسه عاشور
والناظر كان فى وادى والمدير فى وادى والوكيل فى وداى تانى
طب مرة انا وواحد صاحبى مثلا كنا نشوف الناظر دا ونقول له يا اقرع
ونستخى ونطلع نجرى وميتيييين من الضحك هو عيب بس كنا بنحب نضحك على قرعته
اما الزوغان فالحمد لله عمرى عمرى عمرى ما زوغت من ع السور
ودا لان باب المدرسة كان مفتوح لنا 24 ساعة وكنا بنخرج وقت ما نحب ونرجع وقت ما نحب
هههههههههههههههههههههههههههه
وع الحصة التالتة دى بقى اهم حصة عارفة ليه يا مروى عشان بنروح نجيب
عيييييش وفلافل وكشرى ومخلل بقى وبنظظبببط الكلام
امممممممممممم ايون ...انا كمان كنت عايزة لية التالتة
ومهظم الحصص كانت حصص زراعة بنحب نقعد فى الجنينه
فكنا بنخليها حصص زراعة ونتلم بالاكل دا فى الجنينه ولا كأننا فى رحلة
هههههههههههه ماشاء الله هو العلم اية غير اكل وصحاب وجنينة وشوية حاجات تانية فوق بعضها
اما عن المواقف فكتييييير فمش عارف احكى ايه ولا ايه
انا مرة كنت حرفع قضية على مدير المدرسة وكانو اصحابى
مسمينى سعد زغلول عشان كنت بطالب بمطالبهم فى اولى ثانوى
ايوة نظام ياسقط الاستقلال ...باتا باتا متانة وخياطة
ومكناش لاقيين تخت وكنا حوالى 50 طاااالب فى فصل واحد
والله العظيم مببالغ لدرجة انى كرهت الدنيا فى السنة دى
وكنت بفكر اسيب التعليم بس انا عملت مفاوضات كتييير مع المدير
وكنت محضر ديسكات وورق فيه شكوى والمدير فضل يهاودنى
عشان مبعتش الشكوى وفى الاخر المشكلة اتحلت ودى

موقف تانى استاذة التاريخ كانت لدغة فى الررراء
فتخيلو بقى لما كنت قاعد فى اول تخته وبتيجى تتكلم
وتروح متفتفه على دماغى انا رحت حاطط الكتاب على دماغى
ههههههههههههههههه
اخر ما زهقت فراحت بصة لى كدا فخدت بالها من نفسها
قالت لى حاطط الكتاب على دماغك ليه
قلت لها عشان بتنقط بس :a33:
رحات ميييته من الضحك على نفسها
وتخيلوها بقى لما كانت بتقول
فرعون الحضارة المصرية القديمة :a25:
هههههههههه مشكلة انت يامان والله
اما مدرسة الجغرافيا لما كانت بتيجى تصحح الكراسات
وكانت لدغة فى الراء برضو بس دى كانت بتقول
الراء غييييين فتخيلو لما كانت تيجى تقولى كدا
كراااااستك اكررررريييييم
وبنفس الطريقة كدا بالشد دا :a17:
كغستك ياكغيم عايز اية اكتر من كدة اسمك بيتقال بطرق مختلفة
مرة بقى ابلة تانية حاولت تضربنى بالعصاية
عشان كنت بتشاقى وكدا وانا مكنتش بحب اضرب
فصممت انى مش حضرب وهى صممت قلت لها
طيب ورحت فاتح ايدى ومع اول عصاية نازلة على ايدى
مرجعتش علقتها فى ايدى ورحت ساحبها منها وواخدها
راميها لها من الشباك ع الشارع العمومى برا المدرسة خاااالص
وكانت يعينى حتتجن مكنش معاها غيرها وكانت العصيان شاحه
المهم انى اتكتبت غياب فى الحصة دى وكانت حتدوينى للمدير
بس زوغت منها وعدت على خير الحمد لله

هو فى مواقف تانية كتيييييير
انا اخترت بعض المواقف ومش عايز اكتر عليكو
:a5::a5::a5::a5::a5:

حبقى اجيلكو تانى
الموضوع فكرته حلوة اووووى

---

تسدء انا هعمل موضوع ذكريات دة وانت هتكون اول ضيف ياكريم اية يابنى مواقف وطرائف وعجائب دى كلها :a36:لااااا بس تمام ياكريم عشت حياتك الله ينور

اقتباس:

---

المشاركة الأصلية كتبت بواسطة MUHAMED SAMY

انا
بصراحة لولا امى و اختى تقريبا يعنى
كان زمانى فـــاشل من زمان
مدرستى فى ابتدائى
اسمها د.النبوى المهندس
بجد كانت ايام جـــامده جدا
خصوصا اخر سنتين
صحابى بقو يجولى ونلعب كورة وكده
اول 3 سنين كانو رتم واحد تقريبا
بعد كده كان فى تغيير
(مكنتش بزوغ ولا اى حاجة)
اول امتحان حساب
جبت فيـــه
صــــــــــــــــــفــر
ههههههههههههه الصفر للجدعان
(نبغه من يومى فى الرياضة)
ولسه الحمد لله عندى حوالى 4 صحاب من ابتدائى

اعدادى بقى
طارق بن زياد
يعنــــى
الرجولة ادب
شفـــــــــــت اللى عمرى ما كنت شفته
المدرسة دى اتخرج منها
دكاتره
مهندسين تعدين_مدنى_كهرباء
اداب تجارة السن
سواقين تكاتك وكرتات
(بياعين فى شتى التجارات اى كانت)
بـــــــــجد اثرت فيا بنسبة كبيرة
بس حظى حلو مع مدرسين العربى
(كان بيلعب عندنا كورة)
اكــــــتر موقف ضحكنى
ان مدرس الرياضيات
إدوار
اتكعبل فى العيال ووقع فى الفصل
سووووو مسخرة
اصلنا ساعات كنا بنقعد ع الارض
ولما يبقى ملناش مزاج للحصص
كنا نهتف ونقول
استاذ بدوى يا ابُه ايه العظمة دى كلها
مااحنا بنطبق من علمنى حرفا صرت لة عبدا:a36:
يقولنا يالا يا ولاد النهارده يوم رياضى (المدرسين تلعب كورة واحنا نتفرج)
او نص يوم ونروح:a36:
وكان فى مدرس دماغ يجرى بالعربية بتاعته
ورا العيال المزوعة
وامريكانى وحبشتكنات بالعربية تحس انه ظابط
بقيت فـــاشل بنسبة حلوة:a13:
مزوغتش الا مرتين تلاته فى 3 سنين
الحمدلله

الثانوى
يعنى حسنى مبارك
لا مش عايزين نخش فالسياسية:a6:
(يعنى ليه تزوغ من نص اليوم مادام تقدر تزوغ من اوله)
فى سنة اولى كنا اللى من طارق بن زياد صحاب
فى صف واحد تقريبا
كنت بروح المدرسة بالقطر(المواصلات زحمة)
شفنا حوادث وبلاوى وغيره
كنا بنحب نروح المدرسة متأخر
فى مدرسين بقت تضربنا بالعصاية والحوارات دى
وكنا مخنوقين من مدرس الفيزياء
فاخدنا يوم الخميس
نزوغه من اوله وكنا نطلع ع بحر العصافرة كانو لسه بيعملو اللسان جديد
ونقابل صحبا الى مزوغين من جمال عبد الناصر
لقاء المزوغين (دة غير لقاء الاحبة ):a34:
الترم التانى التزويــــغ زاد
نلعب بلاى ستيشن كورة
فى تانيةوتالته الحال واحد
عددنا كان 28 طالب عشان كنا واخدين علم نفس2
كنت بدخل المدرسة قليل
بس كنت ع الكافيتريا اللى جنبها يوميا ده فى تانية
تالته اللى انا فاكره
دخلتها قليل جداااا منهم مرة لعبت كورة اول حصة ونطيت من على سور
الاكـــــاديمــية
مكنتش بحب اطلع من الباب
انط من ع السور لملعب التنس
وللشارع عدل

انا كان لازم اكتب الموضوع دة للكبار فقط دانتوا طلعتوا قدوة ههههههه
لدرجة ان مدرس العربى بتاع سنة اولى
شافنى مرة
قالى ازيك يابنى مبتجيش ليه؟؟ كنت رايح اعمل البطاقة سعتها
موش هدخل فى تفاصيل

وبالنسبة للدروس بقى ابقى اعمللنا ليها موضوع؟؟

I MISS U MY FRIENDS

---

لااا حاضر موضوع ذكريات نازل قريب ان شاء الله شرفت الموضوع بجد يامحمد :a21::a11::a11:

اقتباس:

---

المشاركة الأصلية كتبت بواسطة alaa eid

هههههههههههههههههه

كانت والله احلي ايام بالذات 3 ثانوي انا كنت بقي منضبطة جدااااااا لان بابا كان المدير وكنت قدوة البناااااااات في المدرسة فماكنش ينفع ولا ازوغ من حصص ولا حاجة بس كنت مجننة المدرسين شوية ف الفصل بس كان الحمد لله المدرسين كلهم عسل وكنت رغااااااااية اوي وكنت بقعد ورا بس كنت شاطرة علي فكرة مش مقياس اللي يقعد ورا يكون فاشل ورا اروق بكتير من اودااااااام وكانت ايام زي العسل ياريت ترجع تاني
ميرسي يا قمراية ع الموضوع

---

يانهار ابيض يا الاء باباكى كان المدير ... مينفعش اكيد انك تعملى اى حاجة طبعا ...يارب ايامك كلها تكون عسل .. شرفتنى ياالاء :a31:

هههههههه هههههه عنوان الموضوع شدنى جداااااااا ما قولوكيش كانت والله احلى ايام لو حنكتب عايز ين صفحات كنت دائما التلميذة الهادئة الموطيعة كنت بكون امانية الفصل وطبعا ماينفعش اشاغب وكنت بروح بدرى 0:a13:
فى تالتة ثانوى بقى حاجة تانية اروح ع الحصة الاولى انام طبعا واكيد غالسة ودلع ع المدرسن بس بأدب طبعا وحاجات كتيرررررر والمرة الوحيدة الى زوغنا من حصة الجيلوجيا الميس عرفت كنا :a36:عندنا العاب الحصة الى قبلها فعملنا نفسنا مش واخدين بالنا ان الحصة خلصت واعدنا فى المدرجات ف الحوش تحت0 بجد موضوع جميل يا سمارت كانت اياممممممممممم :a3: