بنعمل كدة لية ؟؟

ملف مرفق 821

ملف مرفق 822

فى حاجات كتير بتحصل فالمحاضرات بتاعتنا (اللى بنحضرها بس ملناش دعوة بالمحاضرات المبنحضرهاش ) السؤال :

* الحاجات دى احنا بنعملها لية ؟

* وهل هى صح فعلااا ولا غلط ؟

يعنى اولا الدخول

(اجرى الحئ )

لما يكون المدرج مفتوح مفيش مشكلة فالدخول لكن لما المدرج يكون مقفول وكل

الدفعة تيجى وتقف على الباب ويحدث تصارع عشان كلة عايز يلحق ......بجد انا

ببقى هموت واعرف بنلحق اية بقى ؟؟ يعنى لما نقعد ادام ونزاحم فبعض هنجيب

تقدير فالمادة خلااااص الامتياز مستنينا فالكرسى اللى قدام لو ملحقنهوش هيضيع

مننا

انا عارفة ان فى ناس مابتعملش كدة بس هى الفكرة ان احنا طلبة فكلية وبجد الشكل

مبيكونش حلو خالص وسلوك غير حضارى ولا كأننا بنزاحم على فرختيتن مثلا

مش هيحصل حاجة ياشباب ويابنات يا امامير اذا دخلنا فنظام وحتى لو قعدنا ورا

نقدر نسكت كلنا هنسمع ولو مسمعناش نقول للدكتور احنا مش سامعين..... نجيب

ميك للدكتور .....مش هنشوف ...نصور المحاضرة ....مفيش حد راضى يدهلنا

....ربنا يخللنا المنتدى ....كلة حصرى على المنتدى المصرى ....... نحل المشكلة

من غير مانزاحم بعض .

ثانيا بعد الدخول

(احجزيلى )

قبل ماالدكتور يدخل احلى حاجة بصراحة نلاقى خمسة ستة فالمدرج والباقى

اسكتشات اسكتشات ........اية ياجماعة دة .؟؟؟.....


محجوز

انا من ضمن الناس اللى عملت كدة للأمانة بس معتقدتش انة صح وغير منطقى ان

حد يجى بدرى يحجز لسبع اشخاص مثلا ويجى حد بعدها ب 10 دقايق

ميلقائيش مكان والسبعة يجوا قبل المحاضرة ب 2 منيت دة افترى ولا مش افترى

ههههههههه بنفترى على بعض احنا صح

ثالثا : اثناء المحاضرة بقى

انا هقول اللى شوفتة ماشاء الله علينا ياااا يمييييييييييييين ياشمااااااااااااال ياناس

قعدة قدام وهرية نفسها كتابة ورا الدكتور ولو الدكتور عطس او كح يكتبوا

فالاسكتش ( ثم كح الدكتور) يااما ناس مش مركزة خالص وبتكتب فمسدجات او

بترسم على ضهر كرسى الشخص اللى قدامها .......او شخص مبيجلوش نوم

الا فالمحاضرة :a1::a1: .
وحاجات كتير .............

بتحصل فالمحاضرات عايزة اسمع رائيكوا ولو فى اضافات لحاجات تانية بتحصل

او حاجة بدايق حد فينا نورونا

واتمنى مكنش دايقت حد

(الاجتهاد شىء كويس جداااا بس ترتيب الامور وتنظيمها بيكون مهم)

تصدقى هو دى اللى بيحصل الله ينور كلام واقعى جداااااااااااااااا بالاضافه الى اشياء اخرى ولا تسالنى ما هى

للاسف كل مكان دلؤتى فى البلد يفتقد للنظام اصلا

وعلى فكرة لا حياة لمن تنادى

الغلط من البنات ومن الولاد ومن المسؤولين بردو

لو فى ضوابط وتعليمات وترتيبات وتنظيم مكنش حصل كل دة

دة العااادى من بنك مصر

:a34:موضوع جميل
:a36:ضحكني وفكرني بحاجات زي العسسسسل

وبعدين انتى كنتى بتحجزي لشخصين بس يعني :a28:
وعلى فكره الكتابة على الكرسي دي من العلامات المؤثرة اللى الواحد سابها
انا عارفة انها كانت من هواياتي .. وانها هواية غلط
بس اعمل ايه عمري ما عرفت اركز فى محاضرة لمدة ساعتين او 3 ساعات فكان لازم اخرج من حالة التركيز الشديدة عشان منامش
وبعدين ما هى الكراسي برضه مش بتاعت محاضرات

بس بجد انا اللى كان بيدايقني حكاية الزحمة ادام المدرج
فاكره كنا نقف بعيد وندخل نقعد فى اى مكان
وحتى لو مسمعناش او ملحقناش نكتب كنا بنصور المحاضرة

وحلو اوى ثم كح الدكتور فكرتني بمحاضرات صورناها:a36:
فكرتيني بجد بواحدة حبيبتي كنا مش بنفهم حاجة فى المحاضرة وبعدين وهي بتكتب سألتها ايه رأيك فى الاوبنيون ده
انجليزي يا مرسي

سمارتي بجد الموضوع جميل جداً وخصوصا أنك ناقشتي السلبيات كلها
وفكرتيني بأحلى ذكريات العمر

موضوع واقعى جدا

هرجع
اعلق بالفيديو

موضوع جميل قوي يا سمارت أصل احنا فعلا بنضايق قوي من الزحمة اللي قدام المدرج وخصوصا الولاد اللي بتجري وتتحشر بين البنات المفروض ان احنا ندخل الاول :a8: يالاااااااااااااااااااااا ربنا يهديهم... شكرا ليكي....... :a3:

اقتباس:

---

المشاركة الأصلية كتبت بواسطة ضوء القمر

موضوع جميل قوي يا سمارت أصل احنا فعلا بنضايق قوي من الزحمة اللي قدام المدرج وخصوصا الولاد اللي بتجري وتتحشر بين البنات المفروض ان احنا ندخل الاول :a8: يالاااااااااااااااااااااا ربنا يهديهم... شكرا ليكي....... :a3:

---

ماشاء الله والبنات مبيتحشروش يعنى معانا
وبعدين ليه المفروض تدخلوا الاول :a8::a4:

كل دا بيحصل والانيل ان فى بعض الناس بتعمل ايييه تاخد كرسى وتقعد تكتب علية

وفى ناس واقفة دى حاجات تنرفز شكرا ياسمارت على الموضوع

اقتباس:

---

المشاركة الأصلية كتبت بواسطة Ma7amed Adel

تصدقى هو دى اللى بيحصل الله ينور كلام واقعى جداااااااااااااااا بالاضافه الى اشياء اخرى ولا تسالنى ما هى

---

ميرسى يامحمد على مرورك بس انا محتاجة اسئل اية بقى الاشياء الاخرى دى ؟
بجد عشان كلنا نعرف انها غلط

اقتباس:

---

المشاركة الأصلية كتبت بواسطة Youssef Mostafa

للاسف كل مكان دلؤتى فى البلد يفتقد للنظام اصلا

وعلى فكرة لا حياة لمن تنادى

الغلط من البنات ومن الولاد ومن المسؤولين بردو

لو فى ضوابط وتعليمات وترتيبات وتنظيم مكنش حصل كل دة

دة العااادى من بنك مصر

---

يانهار ابيض يايوسف المسؤلين دخلوا فالموضوع كمان :a29: :a40: مرورك يشرف اكيد ورائيك يحترم بجد بس معرفش انا شايفة الموضوع بسيط جدااا احنا ممكن ننظم ونرتب امورنا من غير مانستنا حد هو اللى ينظملنا
نورت التوبيك يايوسف وبعدين على فكرة ايوة لازم البنات تتدخل الاول انا لسة هعلق على كلام ضوء القمر

اقتباس:

---

المشاركة الأصلية كتبت بواسطة Wild_Angel

:a34:موضوع جميل
:a36:ضحكني وفكرني بحاجات زي العسسسسل

وبعدين انتى كنتى بتحجزي لشخصين بس يعني :a28:
وعلى فكره الكتابة على الكرسي دي من العلامات المؤثرة اللى الواحد سابها
انا عارفة انها كانت من هواياتي .. وانها هواية غلط
بس اعمل ايه عمري ما عرفت اركز فى محاضرة لمدة ساعتين او 3 ساعات فكان لازم اخرج من حالة التركيز الشديدة عشان منامش
وبعدين ما هى الكراسي برضه مش بتاعت محاضرات

بس بجد انا اللى كان بيدايقني حكاية الزحمة ادام المدرج
فاكره كنا نقف بعيد وندخل نقعد فى اى مكان
وحتى لو مسمعناش او ملحقناش نكتب كنا بنصور المحاضرة

وحلو اوى ثم كح الدكتور فكرتني بمحاضرات صورناها:a36:
فكرتيني بجد بواحدة حبيبتي كنا مش بنفهم حاجة فى المحاضرة وبعدين وهي بتكتب سألتها ايه رأيك فى الاوبنيون ده
انجليزي يا مرسي

سمارتي بجد الموضوع جميل جداً وخصوصا أنك ناقشتي السلبيات كلها
وفكرتيني بأحلى ذكريات العمر

---

هههههههههههههههههههههههههههههههههههههههههههههههههه ههه
أسو اللى مسيحلنا على الفضائيات ينفع كدة يعنى عجبك ياسلطان اللى بيحصل دة :a35:
(ملحوظة :سلطان شخص ليس لهو وجود )
الحمدلله ان الضلع التالت مبتدخلش عشان كان التسيح بقى عالميا :a36:
وبعدين كفاية عليا احجز لاتنين انا كنت بلاقى اصلا لاتنين عشان احجز لاكتر من كدة

اةةة والحمدلله والحمدلله ياوايلدى سايبة بصمة على كل الكراسى

وياسلام على الزحمة تقريبا احنا كنا بندخل مع الدكتور ههههههههه امان بردة بنتحمى فى
ولا الاوبنيون دة هههههههههههههههههههههههههههههه :a28:
وكيكة بودرى هههههههههههههههههههههههههههههههههههههههه
احنا كوارث والله
اتمنى منك يا ويلدى تدخلى المواضيع وتسيحلنا دايما ههههههههه
بموت فيكى ياسرؤتى

ميرسى ياضوء على مرورك القمر دة واكيد لازم البنات هى اللى تدخل الاول دى حاجة منطقية

ماشى يامحمد سامى منتظرين الفيديو بجد بكون سعيدة وانت بتجبلنا الحاجات الجميلة بتاعتك
ونورت يامحمد على وفعلاااا دى اكتر حاجة تغيظ بجد حد يكون واقف فالمحاضرة وتلاقى حد واخد الكرسى وبيكتب علية :a25::a25::a25::a25:

لا على فكرة المسؤولين مش كلمة كبيرة ولا حاجة

دول ناس عاديين بس ليهم سلطة فى تنظيم وترتيب ووضع القرارات الى عامة الشعب اللى زيى يمشوا عليها

وعامة الشعب اللى انا منهم مش بنمشى صح الا لما ناخد على دماغنا

يعنى مثلا دكتور محمد راشد الله يباركله كان ييجى عند المدرج ويشوف الصبيان كدة عاملين دوشة وبيتحشروا يروح واقف ومزعقلهم كدة ويقولهم اطلعو برة ويوقف البنات برة بردو ويفتح الباب اللى قدام بس ويدخل البنات كلها وتعد وكان بردو بيخلى كل بنت على كرسى ومفيش بنت تحجز ومفيش بنت تاخد كرسى قدامها وبعدين يفتح الباب اللى ورا يقول للولاد ادخلوا


والمحاضرة اللى فاتت دخل لقى بردو فوضى فى المدرج وناس اعدة هنا وناس اعدة هنا وكدة راح ماعد البنات فى ناحية والولاد فى ناحية
ومع ذلك لقيت بنات اعدين فى ناحية الصبيان مع ان الولاد كلهم جم فى ناحية واحدة
هااااا يبقى العيب فى مين بقى البنات مش بتلتزم بالكلام لييه بقى؟

مشكلة البنات دى يايوسف
هههههههههههههه

والله يعم استفزونى اوى رحت قلت لامل حتى كانت اعدة معاهم هههههههههههههههههه
قلتلها روحوا اعدوا هناك مع البنات

أولا شكرا يا سمارت علي ردك وانك نصفتيني وجيتي مع البنات بس يايوسف فعلا المفروض ان البنات تدخل الاول علي الاقل الذوق بيقول كده وبعدين حتي في الانتساب بتعملوا كده أنا كنت فاكرة انه في الانتظام بس. :a7:

ااااه ابتدينا بقى نقول انتساب وانتظام
اصلا كلنا واحد كلنا جغرافيا وكلنا فوضويين هههههه

لاااااااااا والله ماقصدي اني اعمل فرق بينهم لان فعلا كلنا وااااااااااحد وأوعي تكون زعلت بجد أنا أصلي بحب أهزر مش اكتر.:a13:

كلام جميل وكلام معقول مقدرش اقول حاجة عنه
في كتير في الجامعات بيحصل كدة
موضوع جميل اوي يا سمارت
واحنا اتعودنا منيك علي كدة

تقريبا انا وصحابى
محدش فينا بيتزاحم على باب مدرج
سواء كان عشان محاضرة
او حتى امتحان"شفوى"

:a11:

انا فاكر انى معظم الامتحانات الشفوى كنت بدخل اخر مجموعة اللى قبل الاخيرة كده
وتقريبا لو مدخلتش خالص موش هتفرق كتير
:a47:
لكن داخل المدرج معظم الوقت بنكون قاعدين فى الجزء الجنوبى الشرقى وانت داخل من الباب اللى قدام

سواء اللى فينا بيكون نايم:a22:
فى اوقات كان زميلنا بيجيب لنا بلح صغير كده بناكله

فى ماتش بيتلعب مهم نتابع بالموبيلات

طبعا مفيش محاضرة مبنتكلمش فيها
لو حد جاله تليفون ميردش لا لازم يرد"موش كل الناس"

مواهب الرسم تظهر:a32:

اللى بيشيت
من الموبيل

ندوس على جزم بعض
(فى الحضانة احنا)

لكن كانت اشهر الاحداث
اننا كنا بنشرب عصير
موش فاكر اسمه ايه واحد صحبنا كان عامله فى بيتهم

والدكتور اللى كان موجود وقتها كان متنرفز
واحنا نشرب :a36:

والحمد لله المحاضرة قلبت بغم

كنت بحب التدريب العملى عشان
بنتصور
نعمل فيديوهات

لكن عشان منخرجش عن سياق الموضوع وهو الزحمة

إليكم هذا المقطع

http://www.youtube.com/watch?v=TsdeBrpfw_U

طبعا احنا مشفناش ولا هنشوف كده فى قسم الجغرافيا
مهما كان العدد
على الرغم ان ده كان سيكشن

فى كلية تجارة


موضوع جامد جدااا

والله هو ده الى بيحصل وانا اشتكيت كتير من الحكايه دى
و ان شكلهم و هو بيخشوا مثلا 56 او 62 شبه الخرفان وهى داخله اى حته
مافيش نظام
انا مره كنت داخل 62 المهم كانت زى الفل
دخلت الكوتشى راح فى داهيه و التيشرت خلاص انسى ده غير الزق
انا بخش المحضرات فى الاخر و مش مهم الاقى مكان و رغم كل ده برده بيبقى فيه زق و بتاع
و كمان مافيش باسكيت للزباله فى الكليه فى القسم فيه لكن الكليه بصراحه مافيهاش اى حاجه ولا حتى حد بينضف فى ساعتها زى تجاره
ولازم فى المحاضره تعرف كل واحد حاطت انهو رنه على الموبيل اكنك خلاص اعد مع رجال اعمل
ده غير الى بيخش ياخد مكان و مش فى القسم و مش بيعمل حاجه غير انه يتكلم و يشتت وانا مش بعرف اكتب
و الجديد بئه فى اخر محاضره علشان ما كنش فى مكان فى 3 صحابى اعدوا على الشباك اخدوا اسبوعين فصل
هى دى مصر انا مش بحب مصر دى خالص
:a26:

الموضوع جميل جدا

بيفكرني بالمشاكل اللي كانت تتم بسبب الحجز بالكتب
بس هي الفكرة ان الوقت اللي كان قبل المحاضرة محدش بيحب الجلوس علي البنش مستني المحاضرة وهو عارف ان المحاضرة ممكن تكون 2 الي3 ساعات
بس بعد كده بنفتكرها ونضحك عليها ونقول ياريت الوقت يرجع تاني بينا لورا علشان الصحبة والاصحاب

بجد يايوسف لما كل واحد يشوف غلط ويقول علية كلنا بنستفاد والبنات والولاد بيغلطوا فعلا مش الولاد بس ولا البنات بس ...دايما منورنا برائيك

محمد سامى بشكرك على الفيديو وانك مش بتزاحم والحياة عندك كويسة :a28:
مصطفى نورت التوبيك
محمد ركابى بعتذرلك على الكوتشى والتيشيرت معلش فداك اهم حاجة ان الانسان يطلع سليم وميكنش فى خسائر فالارواح :a40:
حمدى مرورك يشرفنا