إتلحلح وإجري .. عالتحرير
--------------------------
تم حذف المضمون
عشان مش عارف احذف الموضوع
عرض للطباعة
إتلحلح وإجري .. عالتحرير
--------------------------
تم حذف المضمون
عشان مش عارف احذف الموضوع
ارجوا مراجعة الالفاظ
مش اي حاجة تتقال او تتكتب ممكن تتنشر
الفاظ زي ( هنخليه يغور - نرميه في زبالة ) بتقلل من قيمتك فيها مش قيمة اي حد تاني
خصوصا انك مشرف يا محمد ولا كلامي غلط
اقتباس:
المشاركة الأصلية كتبت بواسطة AYMAN GAMAL
تم حذف المضمون
لما يحتويه
بناء على رغبة الاعضاء
وانى مشرف بصراحة دى متفرقش معايا
شكرا لمشاركتك يا باشمهندس
محمد انا شوفتها قبل ماتحذفها وكانت حلوة جداااااااااااااااااااااااااااااا على فكرة واذا امكن ترجعها تانى رجعها لو سمحت .. دة شخص قتل وظلم وسلب وعمل حاجات سيئة لمدة 30 سنة ومحترمش أدميتنا .." العين بالعين والسن بالسن .." واللى احنا بنقولة فحقة او اللى بنطالب بى دة اقل حاجة ممكن نعملها معاة .. مفيش حد هيقتل اخ لينا او اخت واحنا هنحترمة ونقدر مكانتة
نزل الموضــــــــــــــــــــــــــــــــــــــــــــو ع تــــــــــــــــــــــــــــــــــــــــــــــانى بعد اذنك
إتلحلح وإجري .. عالتحرير
إركب المجري .. عالتحرير
...ده أخوك محتاجلك .. في التحرير
...واقف من اجلك .. في التحرير
روح يالا وسانده .. في التحرير
............حريتك عنده .. في التحرير
و الجمعة الجاية .. م التحرير
عايزنها القاضية .. م التحرير
عايزين جدعان .. في التحرير
وفي كل ميدان .. وفي التحرير
م الأربعين .. للتحرير
كلنا راجعين .. عالتحرير
من دمنهور .. للتحرير
ومحطة مصر .. للتحرير
هيمشى م القصر .. بالتحرير
يالا يا رجالة .. عالتحرير
وأوعا الحراميه .. في التحرير
فاكرينها وسية .. في التحرير
يسرقوا ثورتنا .. م التحرير
ويبيعوا اخواتنا .. في التحرير
يا بلدنا الغالية .. م التحرير
هنخليكي عاليه .. م التحرير
يالا يا مصري .. عالتحرير
دي الثورة الأصلي ..في التحرير
دا مفيش كنتاكي .. في التحرير
ومفيش غير كشري .. التحرير
تم اعادة الموضوع بناء على رغبة الاعضاء
وحذف بعض الابيات
شكرا لمرورك ياباشمهندسة
حرام عليك بجد .. دى تتحذف :a45:
:a34::a34::a11::a11:
كنت هعمل مظاهرة كمان عشان شيلت ابيات منها .. بس بعد البيان هنقدر نحدد نطالبك بتنزيل الابيات اللى اتحذفت ولا نكتفى بهذا القدر
اقتباس:
المشاركة الأصلية كتبت بواسطة smart girl
مش عارف اتاخر ليه
نفسى يقول ويخلصنا
:a3:
:a11::a34:
جميله جدا جدا جدا وبجد اكتر من رائع
تسلم اديك عليها
وياريت الريس يشوف الكلام ده ويحس باللى جوانا واللى احنا عوزينه
وينفذه بس نقول ايه بقه خلينا مؤدبين احسن
:a34::a11:
ياجماعة انا عايزة اقول حاجة بعد اذنكم
فى حديث عن الرسول صلى الله عليه وسلم
" ليس منا من لم يوقر كبيرنا ويرحم صغيرنا "
اى نعم الرئيس غلط
بس مش معنى ان الكبير غلط يعنى كلنا نغلط
لأ ده مهما كان مسلم
ومينفعش ان احنا نشتم بعض قدام العالم كده
لانه لما حد يسمع كلامنا عن رئيسنا بالطريقة دى لازم صورتنا تتهز قدامه
لأن صورة الرئيس هى صورة مصر
وهو رمز لمصر
مينفعش يتشتم كده
ولا ايه
انا مبدافعش
لالالالالالالالا
انا متأكده ان الرئيس غلط
بس برضو احنا ناس محترمين ومبنطولش لسانا على اى حد
والقصيده على فكرة حلوة اوى كده من غير الابيات اللى اتحذفت
لانه واضح من كلامكو انها ابيات صعبة شوية
سورى لو طولت عليكم
وشكرا ليك يامحمد
وسامحنى طولت عليك
جزاك الله كل خير
سعيد جدا
بمشاركتكم
وبحترم كل ارائكم
نورتو التوبيك
:a34:
شكرا محمد
احب انبه ان كونك مشرف في المنتدى له اهمية و دلالات
انا بقولك انك مشرف لانك قدوة لاعضاء
المشرف هوه اللي بيعتبر المنتدى بيته معناها انك ترفض اي سلبيات تتعلق على جدران بيتك خاصة السب و القذف
وبالنسبة لsmart girl انا مقدر حماسك و مجهودك الدائم في المنتدى و ديما ليكي مكانة خاصة عند معظم الناس و انا
فبطلب منك متاخديش اي حاجة على اعصابك و خاصة انك smart و تقدري توزني الامور زي ما بفتكر
شكرا جزيلا