خواطر من القلب لشاب شارك فى المظاهرات

بما ان حركة الشباب فى 25 يناير كان من اهم اهدافها تحقيق الديمقراطية فى مصر وان الديمقراطية تعنى ان نقول كل الاراء فقد التقيت باحد الشباب وعمره 21 سنة من الذين شاركوا فى المظاهرات وطلبت منه ان يروى لى بعض ماحدث من وجهة نظره علما باننى شاركت فى كثير من المظاهرات المختلفة فى توجهاتها وكان ذلك من منطلق حرصى على مشاهدة مايحدث وتسجيل ملاحاظاتى والتعرف على مايدور بالفعل وليست مشاركة منى بالتاييد او الرفض ولكن كونى احد اعضاء هيئة التدريس الذى يجب عليه ان يرصد مايحدث بعين الباحث والمهتم بالشان العام وتسجيله من وجهة نظرى وعلى اى حال فقد قدم لى الشاب ورقتين تتضمن كل ورقة خواطره عما حدث من خلال مشاركته ومشاهداته فاستأذنته فى نشرها على المنتدى
من منطلق حرية التعبير والراى
الورقة الاولى وكتبت يوم 8/2/2011 وعنوانها

ايها المستمعون جاءنا خبر يقين
ان الثورة قد بدأت فى كل الميادين
القيت مافى يدى وذهبت مسرعا فاذا بهم يهتفون
وأذن العصر فاصطف الناس ليصلون
لا ادرى ماذا يفعلون ؟
فقد رايت نساءا وفتيات ورائهم رجال وبجوارهم واقفون
واخرى ترى ظهرها اذا سجدت والناس لها ناظرين
فقلت فى نفسى كيف ياتى النصر الا بنصر الدين
وبعد ان قاموا رايتهم يهتفون
اذا الشعب يوما اراد الحياة فلا بد ان يستجيب القدر
كيف تجبرون القدر وكيف تجرؤون؟!
عذرا ياربى فانهم شرذمة قليلون
يتكلمون بما لا يعلمون
فتركتهم وقلبى حزين
وقلت لو ان الوطن فى كفة والدين فى كفة
والله لن اختار الا الدين

الورقة الثانية وكتبت يوم 11/2/2011

شوفتى يامصر ولادك عملوا ايه

قالوا حانسقط النظام ونغير رئيس الجمهورية
ونطالب بكل حقوقنا اللى ضاعت
من المساواة والحرية والكرامة الاجتماعية
انا كنت معاهم يامصر والله
بس برده كان مبارك صعبان عليا
ان ابويا او جدى يظهر جريح
وانا بصرخ بعلو صوتى مفيش لا رحمة ولا حنية
انا معاكم كان ظالم وجبار
بس ايه اللى وصلها للدرجة دية
مش عارف يامصر انتى ايه النظام
فرحانة ولا زعلانة باسقاط النظام
ولا خايفة زيي من اللى جاى
طيب انا خايف ليتعاد نفس الكلام
وشوية شباب يطلعوا مش عاجبهم حاجة
يجمعوا بعضهم ويقولوا ثورة والسلام
وتبقى هيصة وزيطة واللى يخرب
يخرب المهم نطلع تانى فى الصحافة والاعلام
وكمان خايف من الجيل اللى طالع
ليكون جيل مش بيقدر الكبير
اصله طالع يسب ويشتم فى الريس
ومحدش قاله عيب يابنى ولا كدة حرام
وداس على صورة واسم الريس
وابوه جنبه يقوله كمان يابنى كمان
ربنا يستر فى اللى جاى وتكونى
يامصر احلى واجمل الاوطان
وتكون غمة وازاحت ومنرجعش
نقول ياريت يوم من ايام زمان
اصلك يامصر غالية اوى علينا
ويكفينا فخرا ذكرك فى القران
خواطر/ محمد يوسف كلية الزراعة شعبة الهندسة الزراعية

تلاقى دى خواطر واحد من الحزب الوطنى

دى رأى شاب واحد بس
بس لو دورت على رأى معظم الشباب
عمره ما حيكون كدا
وواضح ان كلامه موجه يا دكتور
وكلامه فى حاجات كتير مش صدق
وانا شوفت بنفسى وشاركت
واوقات الصلاه الحريم كانت
يا اما تروح تصلى فى جامع
يا اما تستنى لما تروح البيت

اما عن انه بينظر لرئيس الجمهوريه
انه أب فدى حاجه سبقنا فيها
الفلاسفه الكبار على مدار الزمان
وقالو ان علاقة الحاكم بالمحكومين
ليست علاقه ابويه وانما علاقة وظيفيه
ودا اللى استقر عليه معظم المفكرين العظام

ودا ميمنعش اننا منسيئش لحد مهما
كان قدر اسائته لينا
لكن فى نفس الوقت منمجدش فيه
ونزيف فى الحقائق

اما الخوف من ان كل شويه تقوم مظاهره
فدا عمره ما حيحصل لو مطالب الناس اتحققت بجد
لان كل واحد ساعتها حيكون مشغول فى شغله
ومبسوط بالوضع اللى هو فيه بس لما يكون بالعدل
ولازم نفتكر ان الناس اللى ثارت دى
مثارتش من شويه

عموما دى كانت وجهة نظر ليا
حبيت اعرضها مقابلة لوجهة نظر
الاخ محمد يوسف
وبأكد ان دى مخالفه لوجهة نظر
غااااااالبية الشباب اللى شاركو وشافو بنفسهم كل حاجه

وشكرا جزيلا

اقتباس:

---

المشاركة الأصلية كتبت بواسطة KAREEM

دى رأى شاب واحد بس
بس لو دورت على رأى معظم الشباب
عمره ما حيكون كدا
وواضح ان كلامه موجه يا دكتور
وكلامه فى حاجات كتير مش صدق
وانا شوفت بنفسى وشاركت
واوقات الصلاه الحريم كانت
يا اما تروح تصلى فى جامع
يا اما تستنى لما تروح البيت

اما عن انه بينظر لرئيس الجمهوريه
انه أب فدى حاجه سبقنا فيها
الفلاسفه الكبار على مدار الزمان
وقالو ان علاقة الحاكم بالمحكومين
ليست علاقه ابويه وانما علاقة وظيفيه
ودا اللى استقر عليه معظم المفكرين العظام

ودا ميمنعش اننا منسيئش لحد مهما
كان قدر اسائته لينا
لكن فى نفس الوقت منمجدش فيه
ونزيف فى الحقائق

اما الخوف من ان كل شويه تقوم مظاهره
فدا عمره ما حيحصل لو مطالب الناس اتحققت بجد
لان كل واحد ساعتها حيكون مشغول فى شغله
ومبسوط بالوضع اللى هو فيه بس لما يكون بالعدل
ولازم نفتكر ان الناس اللى ثارت دى
مثارتش من شويه

عموما دى كانت وجهة نظر ليا
حبيت اعرضها مقابلة لوجهة نظر
الاخ محمد يوسف
وبأكد ان دى مخالفه لوجهة نظر
غااااااالبية الشباب اللى شاركو وشافو بنفسهم كل حاجه

وشكرا جزيلا

---

و الله يا كريم كان نفسى أعمل لمشاركتك like بس احنا مش عالفيس بوك

اقتباس:

---

المشاركة الأصلية كتبت بواسطة KAREEM

دى رأى شاب واحد بس
بس لو دورت على رأى معظم الشباب
عمره ما حيكون كدا
وواضح ان كلامه موجه يا دكتور
وكلامه فى حاجات كتير مش صدق
وانا شوفت بنفسى وشاركت
واوقات الصلاه الحريم كانت
يا اما تروح تصلى فى جامع
يا اما تستنى لما تروح البيت

اما عن انه بينظر لرئيس الجمهوريه
انه أب فدى حاجه سبقنا فيها
الفلاسفه الكبار على مدار الزمان
وقالو ان علاقة الحاكم بالمحكومين
ليست علاقه ابويه وانما علاقة وظيفيه
ودا اللى استقر عليه معظم المفكرين العظام

ودا ميمنعش اننا منسيئش لحد مهما
كان قدر اسائته لينا
لكن فى نفس الوقت منمجدش فيه
ونزيف فى الحقائق

اما الخوف من ان كل شويه تقوم مظاهره
فدا عمره ما حيحصل لو مطالب الناس اتحققت بجد
لان كل واحد ساعتها حيكون مشغول فى شغله
ومبسوط بالوضع اللى هو فيه بس لما يكون بالعدل
ولازم نفتكر ان الناس اللى ثارت دى
مثارتش من شويه

عموما دى كانت وجهة نظر ليا
حبيت اعرضها مقابلة لوجهة نظر
الاخ محمد يوسف
وبأكد ان دى مخالفه لوجهة نظر
غااااااالبية الشباب اللى شاركو وشافو بنفسهم كل حاجه

وشكرا جزيلا

---

و الله يا كريم كان نفسى أعمل لمشاركتك like بس احنا مش عالفيس بوك

نعم لاسقاط النظام
لا لاسقاط الدولة
مصر لن تسقط ابدا
الضمانة الوحيدة لنا جميعا كشعب فى هذه المرحلة هى الجدية فى الاداء

كلنا مصر
وعلينا حمايتها جميعا
سواء كان مؤيدا او معارضا

حسنى مبارك رجل له تاريخ من الانجازات العسكرية والمدنية
وله دور عظيم كما ان له اخطاءه

تخلى الرئيس عن سلطاته للقوات المسلحة يحسب له
كما ان البقاء فى مصر يحسب له

اقتباس:

---

المشاركة الأصلية كتبت بواسطة دكتور / السيد الزغبى

نعم لاسقاط النظام
لا لاسقاط الدولة
مصر لن تسقط ابدا
الضمانة الوحيدة لنا جميعا كشعب فى هذه المرحلة هى الجدية فى الاداء

---

لا يستطيع أى مصرى ان يحاول اسقاط وطنة حتى و لو كان غير سوى
و لكن كان الهدف الرئيسى من هذه الثورة هى تحقيق الحرية و العداله الاجتماعية
التى كانت حلم بالنسبة لنا كمصريين
أضف الى ذلك ما يلاقية المواطن من قبل رجال جهاز الشرطة
فلله الحمد على ماجرى و ما كنا نتمناه منه و لولا فضلة ما تفضل به علينا سبحانه و تعالى
و حضرتك تعلم أن ما حدث للرئيس "و له كامل الاحترام فقط لانه كان رئيسا لمصر" كان بيدة و كان من الله لظلمة و حضرتك تعلم ان الله عادل لا يحب الظلم
كما ان مصر آمنه آمنه آمنه
و هذا ليس كلامى بل كلام الله عز و جل فى كتابة الكريم
بسم الله الرحمن الرحيم
{ادخلوا مصر إن شاء الله آمنين} (يوسف :99) .
صدق الله العظيم
و فعلا زى ما حضرتك ما ذكرت
فتكاتف ايدينا معا و العمل بجد هو ما يرفع مصرنا العزيزة عاليا

اقتباس:

---

المشاركة الأصلية كتبت بواسطة Mohamed Saad Yassin

تلاقى دى خواطر واحد من الحزب الوطنى

---

والله يا استاذ محمد انا فعلا
حفظت طريقتهم خلاااااااص
هو هو نفس الاسلوب بتاع
شباب الحزب الوطنى
وانا سمعت ان مجموعة من
الشباب الشرفاء فيه انسحبو
وقرروا يعملو حزب لوحدهم
بعيدا عن شبهات الحزب الوطنى
ودا اللى لازم يعملو كل الشرفاء القلائل فى الحزب حاليا
لان كل اللى فى الحزب لو مش بيعمل شر
فهو شاهد على الشر وساكت عنه
والساكت عن الحق شيطان اخرص

وطبعا انا معاك يا دكتور
اننا كلنا لازم نحمى الدوله
ومحدش يقدر يهدمها
بس يا خووووووفى
لانى حاسس ان فى مؤامره كبيره
بتحصل على الثوره حاليا
بثوره مضاده
وأنا متأكد انها مش حتنجح
باذن الله

اولا شكر ا لحضرتك على هذا الراى
انا بس عايزة اقول له :
1- نفترض ان كلامك وان الرئيس بمثابة اب يا ترىفيه اب يقتل اولاده لما يطالبوا بحقوقهم الاساسية ....فيه اب يعرض اولاده للبلطجية......فيه اب يعذب اولاده فى السجون....."دا كدا من احداث الثورة "
امال الى بيحصل من قبل الثورة نقول ايه ولاايه؟؟؟؟؟ مثلا ناس تاكل من زبالة ....... ناس مش لاقيه تتعلاج وحتى تعليم الخخخخخخخخ
2- ماينفعش فى اى عمل اى كان تكون علاقة الرئيس بالمرؤسين علاقة اب
ودا للاسباب كتير
بس المهم فى الاخر الهدف اتحقق
وبجد والله يا جماعة ان شاء الله مصر حتتغير
وحيكون احسن رئيس حكم مصر هو الجاى
وديه بدايه مش لمصر بس ولكن للدول العربية
ديه حقيقة

شكرا يادكتور على نقل كافه وجهات النظر

حتى لو كانت وجهه نظر احد اعضاء الحزب الوطنى كما قال استاذ محمد سعد فنحن نحترم كل الأراء ونناقشها

وبرجاء مشاهده هذا المقطع من برنامج واحد من الناس مع بلال فضل والذى يشرح فيه من وجهه نظره ان هذه الاوراق والشائعات التى تبث على الفيس بوك هى من بعض اعضاء النظام القديم

http://www.youtube.com/watch?v=td11MUG21ic


ولى تعليق على المقدمه فانها ليست حركه شباب ولا مظاهرات انها ثوره شعب كما اسماها الجميع

اما بالنسبه للورقه الاولى لمحمد يوسف فحسبنا الله ونعم الوكيل

فهل يعتقد احد ان فى مثل هذه الظروف سيترك المصلون تركيزهم فى الصلاه وينظرون الى النساء

واعرف انه لايجوز الصلاه بهذه الطريقه حتى فى المسجد الحرام

http://www.youtube.com/watch?v=_VR1dg3oChw

ولكن لنعتبر ان هذا خطا - نسال الله ان يسامحهم عليه - من مليارات الاخطاء التى قام بها النظام السابق


اما بالنسبه للورقه الثانيه تقول شوفتى يامصر ولادك عملوا ايه مش شفت يامبارك ولادك عملوا ايه

نحن لانختلف جميعا عن دور الرئيس السابق مبارك فى الحرب والسلم وكل الانجازات

كنت اتمنى ان لايرجل مبارك بهذه الصوره المشينه لتاريخه العسكرى

ولكن بعد ان رايت مايحدث من حالات قتل وتعذيب للمتظاهرين تمت بناء على توجيهات الرئيس غيرت رايى

وهذا احد الافلام التى توضح بعض ماحدث

http://www.youtube.com/watch?v=j-49W5aaQXo

وانا اتفق مع راى كريم والذى يقول ان علاقه الحاكم بالمحكومين علاقه وظيفيه وليست ابويه

واستكمالا لراى اسراء

هل هذا الاب سيشاركنا كابنائه فى ثروته التى جمعها والتى لا نعرف قيمتها حتى الان الا انها رقم قبله 9 اصفار

هل هذا الاب سيشارك اهالى الشهداء احزانهم كما شاركه الشعب كله بوفاه حفيده وكان هناك حداد عام فى مصر
ملف مرفق 1212

هل يسمح الاب مبارك ان يحدث لجمال او علاء كما حدث لمثل هذا المواطن

ملف مرفق 1213

هناك العديد من الاسئله ولكن لايتسع الوقت لذكرها

ونسأل الله الهدايه للجميع

لا كلام يقال بعد ما قيل

صديقى العزيز / محمد جابر مفهوم الثورة يعنى التغيير الجذرى ويكون لها مشروع ولكن ماحدث فى راى حركة شباب بدات نظيفة وكانت كل مطالبها طبيعية ولم يكون ضمن اهدافها اسقاط النظام ولم يكن لديهم اى مشروع ولكن بدا سقف المطالبات يعلو بعد ان ازداد عدد المشاركين وبعد استخدام العنف من السلطة او من الجهلاء
والموجود الان فى اماكن كثيرة ان كل شخص يبحث لنفسه عن دور
والبلطجية وقطاع الطرق واللصوص يبحثون عن دور واصبحت المطالب فئوية
ويحق لاى فئة ان تطالب بما تراه حقا لها ولكن هذا ليس هو الوقت المناسب لذلك برغم حقهم فى المطالب
الوقت الحالى الدقيق ليس هو وقت تصفية الحسابات او تحقيق منافع خاصة ولكنه وقت العمل من اجل البلد
لكل مواطن حق المطالبة بحقوقه دون تعطيل العمل او اتلاف الالات والمعدات والتجهيزات
واخيرا اؤكد على ان الثورة هى تغيير جذرى سياسى واجتماعى واخلاقى ويكون لدينا جميعا مشروع وهو فى نظرى اعادة بناء نهضة مصر بالفكر والدين والعمل

تحيااااااااا مصر تحيااااااااا ثورة الشباب
إنها ثورة شباب مصر الشرفاء
الذين فاض بهم الكيل فى ظل نظام سياسى واجتماعى فاسد فرض فى واقع الامر عليهم
فلا كان بأيديهم أن يختاروا الرئيس الذى كان يفوز دائما بالتزكية ... أو أن يختاروا زعيما آخر حالت دونه الاجراءات التعسفية والتدخل فى الدستور المصرى بل وتحريفه ... لتصل أيدى التحريف والتدليس والتزوير إلى صناديق انتخابات مجلس الشعب ..
ففى الانتخابات الاخيرة لمجلس الشعب كنت أرى مع غيرى من أبناء وطنى ما يحدث من تزوير وما سجلته عدسات المصورين وما نقلته كاميرات التليفون عبر وسائل الاعلام المختلفة ... وما نشر على صفحات الويب على الانترنت.
كل ذلك كانت فى حد ذاتها مؤشرات للتحضير لانتخابات الرئاسة القادمة وتجهيز الشعب عن أن الرئيس القادم هو من أبناء الحزب الوطنى الديمقراطى الذى عاث أفراده فى الارض مفسدين ... فأفسدوا الحياة الاقتصادية والسياسية والاجتماعية ... وانتشرت مهنة البلطجة على أيديهم من خلال استغلالهم للبلطجية ولعناصر الامن لتأمين فوز كاسح فى الانتخابات ... وما زاد انزعاج أفراد المجتمع هو الغاء الاشراف القضائى على الانتخابات.
واتضحت الرؤية بعد أول جلسة لمجلس الشعب ... حتى أنى قلت لأحد الاصدقاء ما يشيلوا كلمة مجلس الشعب ويكتبوا مكانها الامانة العامة للحزب الوطنى الديمقراطى على مستوى المحافظات.
ولتمر الايام ويشعر الشخص أنه فى وطن باع المواطن ... خصخصوا كل حاجة واللى مش عاجبه يخبط راسه فى الحيط.
باعوا الشركات واضاعوا حق المواطن فى وطنه.
انتشر الفساد فى كل مكان.
تدعم مصر العدو ولو ناسين نفتكر كلنا الاعتداء الاسرائيلى على مصر 1956م ونتذكر فيما تفكر فيه إسرائيل ... وعلمها الذى يبدأ من النيل إلى الفرات ... وبعنا لهم الغاز بسعر فوق المدعم ... وباعوه لنا الشعب بالسعر العالمى ... وفى الوقت الذى كانت فيه الكهرباء تقطع فى مصر ... كانت اسرائيل تشغل انوارها ومصانعها بالغاز المصرى .
انتشر الفساد فى الحياة السياسية ومن يقول لا يجد نفسه فى مباحث أمن الدولة أو فى أحد المعتقالات.
انتشر الفساد فى قطاع الصحة .. حتى وصلت الامور لدرجة خصخصة الصحة ... والاسلوب الهزيل لعلاج المواطنين على نفقة الدولة الذى توقف على المواطنين وفتح للوزاراء من الحكومة .. اللى مراته عايز تشد وشها على حساب الدولة ... واللى عينه وجعاه على نفقة الدولة ... أما المواطن العادى فلا يحصل على توقيع العلاج على نفقة الدولة وإن حصل يكون المواطن تعيش أنت ... قضاء الله وقدره ... يردوا عليك يقولوا لك هو أحنا اللى موتناه؟؟؟؟؟؟؟
انتشر الفساد بين أفراد المجتمع.
الاستهانة بكرامة المواطن وتحويل أقسام الشرطة إلى سلخانات شرطة ... لدرجة أن الناس اللى كان بيبقى لها حق كانت بترفض تدخل القسم .لماذا؟ لو الواحد له حق ودخل واشتكى واحد وطلع له واسطة أو دفع فلوس تنقلب الدنيا ... ويصبح الظالم مظلوم ... ناهيكم عن الدرجة السيئة جدا من معاملة أفراد الشرطة لأفراد المجتمع الشرفاء.
فرجال الشرطة استغلوا سلطاتهم بطريقة كبيرة ساءت اليهم قبل أن تسىء إلى أحد .
انتشار البطالة فى المجتمع المصرى مع زيادة الاسعار والغلاء المستمر بطريقة جنونية لجميع السلع الاستهلاكية الضرورية.
ارتفاع اسعار الحديد بصورة جنونية عن السعر العالمى فى الوقت الذى كان يبنى به الجدار العازل فى فلسطين بالحديد المصرى المدعم لهم... الناس حبة أحمد عز من زمان؟؟؟؟؟؟؟؟؟
انتشار الامية فى المجتمع.
انتشار الفساد بين وزراء الحكومة.
وغيررررررررررررها الكثير والكثير الذى يحتاج لسنوات لسردها.

نعم خرج الشباب يوم 25 يناير بمطالب بسيطة وكان سقف المطالبات بسيطة ... لكن المفاجأة أن المارد خرج من القمقم ... خرج الاسد من عرينه ... خرج المواطن المصرى من نومه العميق ... علشان يقول كفاية كده ... كفاية ظلم .. كفاية فساد .. كفاية استبداد؟
ومع خروج الناس للشارع فوجىء الجميع بأن المتظاهرين هم من فئة الشباب ... ولكن نتيجة للمعاملة القمعية معهم من قبل رجال الشرطة الذين لا يعرفون إلا لغة العنف ... اصر الموجودين على إعتصامهم ... وفوجئوا ليلا بقوات الامن المركزى تفتح عليهم الغاز المسيل للدموع .. وترش عليهم الماء ... لتخلى ميدان التحرير من المظاهرات ... مما جعل الشباب يصرون على مطالبهم واستمرار المظاهرات ودعوة الشعب المصرى كله لجمعة الغضب يوم 28 يناير ... هذه الجمعة التى لبى لها جميع المصريين النداء والدعوة التى وجهت لهم ... أنا كان معايه واحد من الحزب الوطنى فى المظاهرات ... ونتيجة لقمع الامن المركزى القوى والمفرط حدثت اشتباكات بين الشرطة والشعب ... وانسحبت الشرطة فى مشهد هزلى ... واتجهت جموع الغاضبين لتضال أيديهم أقسام الشرطة من حرق ونهب ... ومقرات الحزب الوطنى الحاكم ... وهنا فى مثل هذه الحالات ما ينفعشى نجيب محلل سياسى؟؟؟ ... نجيب محلل نفسى ونسأله لماذا أقسام الشرطة ومقرات الحزب الوطنى؟؟؟
وخلف يوم الجمعة معه عدد كبير جدا من القتلى حتى أن أقسام الشرطة فتحت النار على المتظاهرين .... ولعل أحدكم سمع عن قسم الرمل 2 الذى فتح النار على المتظاهرين وقتل ما لا يقل عن 37 مواطن مصرى فى الاسكندرية وحدها ... فما بالكم بما حدث فى بقية المحافظات؟
http://www.youtube.com/watch?v=5Hxs_pT2foY
http://www.youtube.com/watch?v=5o2a8RUW1U8
مع حرص الفئة الحاكمة فى مصر على قطع جميع الاتصالات فى مصر من تليفونات محمولة وقطع الانترنت الذى أصاب الاقتصاد المصرى بخسارة 90 مليون دولار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنها الاساليب الموجودة لطمس أى ملامح للحقيقة ... لتتصرف الشرطة مع ابناء الشعب وكأنهم مجموعة من الحيوانات الضالة.
أنهم الشرفاء من ابناء الوطن ... وليأتى الخطاب الرئاسى مخيبا للآمال ليعصف بكل معانى الهدوء ... وكأن الخطاب جاى من عالم تانى وجاى لناس تانية خالص غيرنا؟؟؟؟؟؟؟؟؟؟؟؟؟؟؟؟
لتتحول مظاهرة 25 يناير إلى ثورة 25 يناير
الثورة التى علمت العالم كله ... أن المصرى يضرب للجميع المثل فى الثورات البيضاء حتى أطلق عليها ثورة الياسمين.
ناهيك عن وسائل الاعلام المصرية المجرمة التى أجرمت فى حق المواطن المصرى ... والخطاب الرئاسى الذى خرج بدون عزاء للشهداء من ابناء الوطن ... لتستمر مسيرة الثورة السلمية والتى كانت كل يوم تكسب الناس وتكسب ثقتهم ... ومن تحدثوا عن الدولارات ووجبات كنتاكى أنها كانت تعطى للمتظاهرين وترويج التليفزيون المصرى لكل ما هو مضلل ... حتى أنه هناك من تطاول على ابناء الثورة من الشرفاء.؟؟؟؟؟؟؟؟؟؟؟؟؟؟؟؟
وجاء الخطاب الرئاسى الثانى لناس تانية ومن رئيس عايش فى دولة تانية .. ليتعرض بعدها الثوار فى كل مكان لأعتداءات من قبل البلطجية التى أطلق سراحهم الفاسدين من أبناء الوطن من أبناء الحزب الوطنى ... وكل هذا كان بالدلائل .... ولتأتى موقعة الجمل وكأننا نعيش فى عصر عهد قريش ... بالعربى دى مسخرة ... التى اتضح تورطهم فيها رجل الاعمال حسين كامل ومحمد أبو العينين وغيرهم من اعضاء مجلس الشعب .... فضحونا وفضحوا نفسه؟ وليخرج رئيس الوزاراء ليعتذر ... فقد وعد قبلها بيومين وقال أن اللى فى الميدان برقابته؟؟؟؟؟؟
http://www.youtube.com/watch?v=K2W0L-FV2PM
لتتعاطف جميع قلوب المصريين مع ابنائهم الشرفاء بعد أن اتضح لهم كذب وتزوير وتدليس الاعلام المصرى الكداب؟؟؟؟؟؟؟؟؟
وتأتى جمعة الرحيل ... وأحد الشهداء ... وجمعة التحدى؟؟؟؟؟؟؟؟؟؟
نعم لقد تحدى الشرفاء الفاسدين من أبناء الوطن ( اللى مفكرنها عزبة بابا )
كان هذا كله يحدث ونحن أفراد الشعب المصرى نقف فى لجان شعبية نحمى المنازل والمحلات والاشخاص ... ليسجل التاريخ وقفة الشعب المصرى بجميع طوائفه ... فلم نسمع عن استهداف كنيسة وتفجيرها؟ كما حدث واتضح أن للشرطة دخلا فيها؟
لقد فاض الكيل بالمصريين ... وتدخل الجيش حال دون أن يتآذى الرئيس السابق حسنى مبارك ...
فمبارك كبرنا ونحن نعرف أنه صاحب الضربة الجوية الاولى؟
ولكن ماذا فعل بعدهااااااااااااااااا؟ لا شىء
سوى المزيد والمزيد من الفقر والذل لشعب مصر
ناس بتنام من غير عشا وناس بتجيب عشاها من أوروبا بالطيارات؟؟ بفلوس مين؟؟؟ بفلوس الشعب؟؟؟ من قوت الشعب؟؟؟ من دم الشعب؟؟؟؟
ساب مجموعة فاسدة تسيطر على الحكم
وتخليه عن سلطاته للجيش لا يحسب له ... فلا نعرف ماذا حدث فى الغرف المغلقة؟
وبقاءه فى شرم الشيخ لا يحسب له ... فعاصمتنا القاهرة؟؟؟؟؟؟
وشباب مصر يريد إسقاط نظام فاسد وإعلاء الدولة والوطن.
والتجمعات الفئوية التى تتجمع ولها مطالب؟
فلماذا لا تنفذ مظالبه؟
يريدون حد أدنى لراتب يضمن لهم حياة كريمة.
يريدون محاسبة الفاسدين على رأس المصلحة الحكومية الخاصة بهم.

إن مصر بعد ثورة شبابها الذين ظلوا مهمشين لوقت طويل تمر بمرحلة تاريخية ... فشبابها أستطاع فى وقت قصير قطع الرأس الفاسد ولابد من تطهير الجسد بالكامل ... وكل هذا يستنفذ من اقتصاد مصر ... لكننى كرجل اقتصاد أقول للجميع أنه على المدى القصير فقط ... أما إذا نفذت باقى مطالب الثورة فالمستقبل المصرى سيكون منتعشا والاقتصاد سيتحول للرخاء.
فيا شباب مصر قفوا صفا واحدا
وكونا دائما خط دفاع عن الوطن
من الداخل ومن الخارج
ولا ننسى
أننا شباب مصر
أى صناع المستقبل
الثورة ما زالت مستمرة

أفخر أننى مصرى

هام

الفيومى

اقتباس:

---

المشاركة الأصلية كتبت بواسطة دكتور / السيد الزغبى

حسنى مبارك رجل له تاريخ من الانجازات العسكرية والمدنية
وله دور عظيم كما ان له اخطاءه

---

ما هى انجازات مبارك ؟