إدرس مشروع التخرج وخلصة وإنت آعد في البيت

السلام عليكم

بجد أنا مكنتش من الناس المتقبلين لمشروع التخرج السينادي عشان صراحة مش وقته وفي حاجات أهم ممكن نقدمها لمحافظتنا وكمان
لنفسنا بس المهم ما دام إنتو مصممين علي الغردقة مش مشكلة أنا رحت ورفعت ورسمت وبقدم لكم كل الداتا من لوحات أوتوكاد أو شبكات ميزانيات أو نقاط إحداثيات إللي إنتو عايزنها
ودي بعض اللقطات الواقعية للوادي موضوع الدراسة وكمان اللوحة الكنتورية بالإضافة القطاعات العرضية ولوحة التظليل المساحي أيضا

http://www.mesa7a.com/forum/imgcache/3897.imgcache.jpg


http://www.mesa7a.com/forum/imgcache/3898.imgcache.png


http://www.mesa7a.com/forum/imgcache/3899.imgcache.jpg


http://www.mesa7a.com/forum/imgcache/3900.imgcache.jpg


http://www.mesa7a.com/forum/imgcache/3901.imgcache.jpg


وأتمني من جميع الدفعة التعليقات وما المستفاد من هذه الصور لكي أقوم بتقديم الطريقة التي قمت بعملها لكي أحصل علي هذه المعلومات بدون أن أذهب إلي هناك وأنا جالس في البيت علي السرير

ولكي أوصل رسالة لمن هم قائمين علي شؤن طلبة قسم المساحة أن ما ندرسة في الكلية يحتوي علي الكثييييييييييييييييييييييييييييييير من القصور وأننا لا نواكب التطور إلي بعد أن يصبح ماضييي

جزاك الله خيرا على مجهودك
وبالنسبة لطريقة استخلاص خريطة كنتورية من برنامجarc gis
وجوجل ايرث
موجودة فى الملف التالى

http://www.mesa7a.com/forum/mwaextraedit5/extra/89.gif
http://www.mesa7a.com/forum/showthread.php?t=19300

فى انتظار المزيد من مشاركاتك

ربنا يبارك فيك يا بشمهندس

بس أنا مش مساح مش بتاع gis أعمل آه وقتها طيب
أنا مبعرفش أشتغل علي برامج ال gis البرامج اللي أنا إستخدمتها

google skatch up
&
civil 3d

http://www.mesa7a.com/forum/mwaextraedit5/extra/108.gif

ياريت تقولنا انت نفذت ده ازاى علشان نتعلم منك

موضوع جميل وياريت تقولنا على الطريقة

شكرا على هذا المجهود الرائع

اقتباس:

---

المشاركة الأصلية كتبت بواسطة أبو إلياس مصطفي

ربنا يبارك فيك يا بشمهندس

بس أنا مش مساح مش بتاع gis أعمل آه وقتها طيب
أنا مبعرفش أشتغل علي برامج ال gis البرامج اللي أنا إستخدمتها

google skatch up
&
civil 3d

---

الحمد لله فى زملاء بدأت تشارك
ياريت فعلا تقولنا الخطوات
"تعملنا فيديو"
وبجد مشاركاتك مميزة

بما انى شعبه عامة مش مساحه
بس لفت نظرى الجمله الاخيره
وياريت فعلا المسئولين عندنا فى القسم
يلتفتوا للنقطه دى المهم
لان الواحد اكتشف بعد الثوره بصراحه
انه عينه كانت مغميه عن حاجات كتير
لدرجة انى شايف اللى احنا فيه دى
مكنش تعليييييييييييييييييم

اقتباس:

---

المشاركة الأصلية كتبت بواسطة أبو إلياس مصطفي

وأتمني من جميع الدفعة التعليقات وما المستفاد من هذه الصور لكي أقوم بتقديم الطريقة التي قمت بعملها لكي أحصل علي هذه المعلومات بدون أن أذهب إلي هناك وأنا جالس في البيت علي السرير

ولكي أوصل رسالة لمن هم قائمين علي شؤن طلبة قسم المساحة أن ما ندرسة في الكلية يحتوي علي الكثييييييييييييييييييييييييييييييير من القصور وأننا لا نواكب التطور إلي بعد أن يصبح ماضييي

---

بالنسبة للدراسة فى القسم
قسم جغرافيا
"شعبة مساحة وخرائط ونظم معلومات جغرافية "
كنت اتمنى ان القسم يكون 5 سنين لان اربع سنين اعتقد مش كفاية عشان يكون الخريج ملم بالاجهزة والبرامج"الخرائطة والمساحية"
احنا بندرس جغرافيا"بشرية وطبيعية" بفروعها
بندرس خرائط
بندرس مساحة
بندرس نظم معلومات جغرافية

معرفش بصراحة الكليات والمعاهد بتدرس ده ولا لأ

احنا فعلا درسنا اجهزة قديمة"بحب انا اسميها كلاسيكيات المساحة"
زى جهاز السكستان...بلانيميتر...وانفار بار...والبلانشيطة...برانتون
رسم المساقط"لو دورت فى المنتديات العربية هتلاقى ناس فى مجالنا متعرفش يعنى ايه مساقط"

أعتقد شعبة gis لازم تدرس مساقط

ده حاجة تسعدنى أنا شخصيا___________(مع انى مكنتش بحبها وانا بدرسها كمقرر)( مكنتش فاهم)

وبالنسبة للأجهزة أنا عن نفسى فى انواع كتير مكنتش اسمع عن اساميها الا لما كلفا استاذ محمد سعد واحنا فى سنة تلتله اننا نعمل بحث"فى التوتال استيشن بس"

طبعا فى اجهزة زى spatial station معرفتهاش الا بالصدفة من فيديو لشركة تريمبل تقريبا
بالنسبة للخريطة اللى حضرتك حطتها فى مشاركة
انا كنت مفكر حضرتها عملتها بالاستعانة ببرنامج ارك جى اى اس
حضرتك قلتلى انك مساح متعرفش تشتغل ببرنامج ارك جى اى اس
"اعتقد ان برنامج الارك من احد البرامج المهمة واللى دلوقتى بقى يدرس فى الكلية واعتقد ان المفروض بدل ما يدرس فى الفصل التانى من تالته والاول من رابع " انه يدرس فى تالته ترمين ورابعة ترمين؟؟؟؟مش بقول ان 4 سنين مش مكفيين

انا لادرست كاد ولا لاند والسيرفر اخدناه بطريقة سريعة
المفروض انى قبل ما اتخرج اخدهم فى معمل الكلية

الخرائط الكنتورية ناخد تمارين كتير على السيرفر

الخرائط الجيولوجية نرسمها على السيرفر

"التدريب العملى يكون على نطاق اوسع من الكلية"

لكن فى ظل الواقع لازم كل منا يطور نفسه...وربنا يوفقنا

رأى الشخصى

وفى انتظار المزيد من مشاركاتك

السلام عليكم ورحمة الله


ربنا يبارك فيكو أخواني أنا بتمني ومن هذه الصفحة تكون نواه للتغيير أنا بقالي ثلاث سنوات ونص متخرج من الشعبة العامة دفعة 2007 وإشتغلت في مجال الإنشاءات والطرق والمكتب الفني والحمد لله علي ما وصلتله وأنا الآن في سنة رابعة شعبة مساحة المفروض

أنا بقول الكلام ده لأن ده الدافع اللي بيخليني مش راضي عن الدراسة في القسم .....

ما المستفاد إلا القليل ؟؟؟؟؟
ما المدروس إلا لسد الخانات ؟؟؟؟؟
ما المحفوظ إلا لشغل الفراغ ؟؟؟؟؟؟
وما المدرب عليه إلا لتضييع الأوقات ؟؟؟؟؟

يا جماعة أنا إتصدمت كنت فاكر لما أرجع وآخد الدبلومة بتاعت المساحة حبقي ذات قيمة أكبر بس للأسف ماليش قيمة ....إلا بما تعلمته بمجهود شخصي بعد فضل الله وذلك المفروض كان الأولي يكون من الكلية ومن القسم

أنا عايز أعرف إشمعني زي ما بندرس الخرائط لية ما ندرسش لوحات الموقع وندرس كيفية قرائتها ( إنشائية وطرق وصرف ومياه ) فين قوانين الطرق من حساب الكرفات الأفقية والرأسية إحنا محتاجين ندرس علي إيدين

ناس شغالة في مواقع وعندها فكرة عن الأساليب والبرامج الحديثة ليه مثلا ما يجبوش لينا مدرب من auto disk يدربنا مقابل مبلغ ولو إحنا النص والكلية النص أنا مش عايز أطول عليكم أنا حاليا بدرس علي إيدي

برنامج civil 3d البرنامج ده المفروض يمسح كل البرامج السابقة أوتو كاد سيرفر

المهم انا شغال بجهزلكم شرح الطريقة هي سهلة جدا إن شاء الله

إخوااني إسييبكم مع الجزء الأول من الشرح

http://www.mesa7a.com/forum/imgcache/3905.imgcache.jpg

http://www.mesa7a.com/forum/imgcache/3906.imgcache.jpg

http://www.mesa7a.com/forum/imgcache/3907.imgcache.jpg

http://www.mesa7a.com/forum/imgcache/3908.imgcache.jpg

http://www.mesa7a.com/forum/imgcache/3909.imgcache.jpg

http://www.mesa7a.com/forum/imgcache/3910.imgcache.jpg

http://www.mesa7a.com/forum/imgcache/3911.imgcache.jpg

ويارب أكون عرفت اوصل لكم المعلومة

وأنا الآن أقوم برفع البرنامج

برنامج GOOGLE SKETCH UP

http://www.4shared.com/file/Zjt-6F12...lSketchup.html

الله ينور عليك
بجد فرحان بمشاركتك
فعلا عندك حق اننا فى القسم مبنعرفش حجات كتير عن سوق العمل
عشان طكده كنت بقول ان القسم يكون 5 سنين
وزى ما قال دكاترة بدون ذكر اسماء
انه هناك تعليم اكاديمى وهناك شغل السوق
وانا مش مقتنع بده اساسا
الترم اللى منتظر انه يبدأ وهو ان شاء الله يكون اخر ترم لينا فى الكلية
كان باشمهندس محمد جابر هيجيب محاضر من الاكاديمية يشرحلنا مساحة بحرية

"بطلب منك اننا ممكن نعمل محاضرات الطلبة هى اللى تشرح وده نتناقش فيه مع رئيس القسم"
لو موافق على الفكرة ياريت تقولى وتقولنا البرامج اللى تشرحها


وبالنسبة للسنتين بتوع المساحة "دول عشان الشهادة بنسبة كبيرة وربنا يوفقك"

وانا كنت رفعت دورة خاصة بالطرق

وممكن نطلب من احد الدكاترة او المعيدين يشرحلنا كيفية اعمل الطرق



ياريت تعملنا شرح البرنامج فيديو

اقتباس:

---

المشاركة الأصلية كتبت بواسطة أبو إلياس مصطفي

برنامج GOOGLE SKETCH UP

http://www.4shared.com/file/Zjt-6F12...lSketchup.html

---

لينك البرنامج مش موجود

http://www.mesa7a.com/forum/mwaextraedit5/extra/110.gif

اولا شكرا لحضرتك كتيير جدا على المجهود العظيم اللى حضرتك بتقوم بيه
ولكن كان عندى ملاحظة صغيورة جدا
حضرتك انا مع اننا نعمل المشروع فى البيت واننا نتعلم برامج
ومنضيعش وقت على الفاضى ولكن ده من الناحية الخاصة بالبرامج
سواء كان CAD او LAND او GIS
اما الناحية العملية وهى الاحتكاك بالمواقع فاعتقد انها ناحية اهم
حتى ولو عامت فى المجمع او العامرية مش شرط اننا نسافر
وبتمنى من حضرتك انك تظل متابع معانا فى شرح البرامج التى بدات حضرتك بالتحدث عنها
وان شاء الله انا محضر مفاجئة كويسة بس هتاخد وقت وهى تهدف ايضا لخدمة الطلاب

وتقبل منى هذه الورده ومع تحياتى
http://www.mesa7a.com/forum/mwaextraedit5/extra/94.gif

السلام عليكم

بالنسب للزميل محمد سامي شكرا علي زوق حضرتك

أنا بقول تبقي الدراسة في القسم المفروض تتسم بالجانب العملي بنسبة لا تقل عن 70 % مقسمة بين الأجهزة الحديثة فقط والبرامج الجديدة والتطور المتوقع والمنتظر

أما الباقي فيقسم بين الإلمام بالمجالات التي يخدمها هذا المجال والتعريف بكل مجال علي حدي ودراسة القوانين المسائل المطلوبة إلي جانب دراسة الرسم الهندسي واللوحات الهندسية إلي جانب رسم الخرائط

والمساقط والكنتورية وإستخداماتها (إحنا بندرس الحاجة منغير ما نعلاف بتستخدم في آه ) والبحرية والجوية ( عمليا ) وتنظيم الرحلات إلي هيئات خاصة بهذه المجالات لكي يتم التعرف علي ماهية ما ندرسة

والتنسيق مع أحد الشركات الكبري والمشاريع المختلفة وعمل مجاميع التدريب في هذه المواقع وليس في ملعب الكلية ( عشان إحنا بنتخرج بنتصدم بالواقع ) يا جماعة جة وقت إننا نقول كفايانا جهل محدش بيهمو غير مصلحته أما مصلحة الطلاب لا أو ياعالم يمكن تكون سياسة خارجية إننا نفضل جهله عشان إحنا مجرد ما بنتعلم الشئ بنبقي نابغين فيه المهم أنا كتب إللي عندي وكل إلي عندة أفكار يكتبها

عشان نطبعها ونقدمها بصورة رسمية

أخويا محمد أنا حياتي فيها أحداث كتير إن شاء الله أول ما أفضي ححضر الفيديوي

لينك البنامج أنا غيرته

http://www.4shared.com/file/u5wFUjVA...chup_7_Pro.htm


أما أخويا أحمد أنا قصدي إللي حضرتك قولته أنا كان قصدي إللي أنا قلته دلوقتي إننا بنهتم بالمظاهر فقط وبنسيب المضمون المهم دراستنا فيها قصووووووووووووووووور جامد ومش هين ومايتسكتش عليه بس ده كان هدفي من الموضوع إني أطلع بأفكاركم عشان جه وقت التغيير وبعدين إحنا مستنيين مفجأتك ماتتأخرش علينا بيها

همتكم يا شباب مصر

من ضمن المطالب اللى كنا هنقولها لرئيس القسم
ان التدريب يكون اجبارى
بالتنسيق مع الشركات الخاصة بمجالنا
احنا فى الكلية مدرسناش ولا كاد ولا لاند وسيفل كاد
واخدنا السيرفر ع الطاير كده

دكتور محمد راشد عمل رحلة علمية بس كانت تبع شعبة gis
درسنا ظاهرات طبيعية كتير مشفهناش الا ع السبورة
او صور ابيض واسود فى الكتاب

همتكم يا شباب مصر

والله معاكم حق درسنا 4 سنين شعبه وسنتين مساحه واللى اتعلمته فى 8 شهور شغل اكتر من ال6 سنين


ليهم حق يعتبرونا مساحين عاديين طالما الكليه نفسها مش مهتمه بالعلم استنوا كمان انا متهيالى ان مافيش دراسات عليا مساحه عندنا ياريت حد يقولى ياريتنى والله سمعت كلام اصحابى ودخلت زراعه ولا تجاره ولا حقوق مؤهلات مافيش كلام عليها تجاره وحقوق مش هتحتاج تدرس عملى
هاتتعلم بعد ماتتخرج كل حاجه والزراعه بيدربوهم كانهم شغالين فى ايام الكليه وفى الاخر وضعك فى الشغل محفوظ مش شغال ممسحه وكله باصصلك على انه احسن منك مانتا اخرك مساح يعنى انت والمشرفين والعمال الشعب وباقى الشركه محاسبين ومهندسين وشئون قانونيه هما الحكومه