السلام عليكم ورحمة الله.
عايزة الكل يجاوب ع السؤال دة
تقدر تجمد مشاعرك ... وتخرجها وقت مانت عايز؟؟؟؟
السؤال دة مهم جداااااا ... وارجو ان كل واحد يكون صريح ويجاوبنى
تقدر لو جواك مشاعر معينة وانت عارفها ومحددها ..
تجمدها وتشيلها بعيد وفى الوقت المناسب..
تعبر عنها؟؟
زى مشاعر حب .. كرة .. وغيرها من المشاعر الكتير اللى جوانا..
جاوب ولو كان حصل معاك موقف
ياريت تقول ايه السبب اللى ممكن يخليك تأجل الافصاح عن مشاعرك..منتظرة مشاركاتكم..
انا مشكلتي اني مش بقدر اخبي حاجة وده غلط بس انا صريحة مقدرش اعمل كدا انا اميرة مندوبة الفرقة الاولى
مقدرش بأى طريقه من الطرق انى اصارح بمشاعرى لحد
ممكن افضفض مع واحد قريب ليا اوى اوى
لكن مع الشخص نفسه مستحيل
انا عارف نفسى
ازاي هنقدر نجمدها ياموها ياحنا في الحر دا D :
اسميلى يا مهندسه مها
بجد سؤال جميل جدا
وبجد اهم صفه فى الشخصيه القياديه انه يكون قادر على اخفاء مشاعره( ليس بمعنى انه لا له مشاعر ) ولكن قد يكون ذو مشاعر جياشه فى غايه القوه.
ولكن
فى فرق كبير بين اخفاء المشاعر........واستخدام الوجوه المختلفه ( نفاق يعنى )
يعنى مينفعش اقول لواحد انا بكرهه اوى انا بحبك جدا ( ولكن اقدر ابينله انه بالنسبالى عادى لا انا بحبك ولا بكرهك)
ولكن الى اقدر اقوله ان قمه القوه الشخصيه لاى انسان انه يقدر يكتم مشاعره واحاسيسه ويستخدم عقله فى التعامل مع الاخريين
الف شكر لحضرتك يا مهندسه مها
اكيد اخبيها لو حيحصل نتائج غير مرغوب فيها نتيجه الافصحا يبقى اكيد اخبيها
اتعب مع نفسى دلوقتى احسن ما اتعب للى حولى بعد كده
انا حصل معايا كده
و كان من المستحيل انى افصح عن اللى فى داخلى لانى عارف ان فى مصائب مكن تحصلى لى لو قولت
لازم اخبيى و اسكت
بصراحة يامها موضوعك متميز
انا عن نفسى ساعات بقدر اخبي وامسك انفعالاتى ومشاعرى
وساعات بيبقى فوق طاقتى واكيد وقتها مش بقدر امسكها ولا اتحكم فيها
سؤال جميل جدا يا مها,
انا عن نفسي بكل صراحة صعبة مووت مبعرفش ابين مشاعرى خالص متحكمة فيها بدرجة غباء ولله بحس احيانا انو غباء ,
اصل اجاى اصارح مين , مينفعش يا بنتى واحده تصارح واحد دى صعبة اوى,
ده انا عندى مشكلة
عشان مبينش المشاعر دى الاقى نفسى بتصرف تصرفات تضايق الشخص نفسه ,بس بيبقى غصب عنى والله .
احيانا بحس انو عندى كولكيعة .
مها انا جاوبت بكل صراحة فسرينى بجد فسرينى ومتخبيش عليا .
ليه بصتيلها ياسارة كدا ؟ " ان واحدة تصارح واحد !! "
المسألة مش مسألة حب ولا بين ولد وبنت
اللي بتسأل عنه موها المشاعر بشكل عام يعني مثلا هل انتي لما يكون قدامك حد جايب اعصابك على آخرها هتقدري تتحكمي في نفسك وتتصرفي بتعقل شوية ولا هتنفعلي بشكل لا ارادي
هل انتي مثلا لما تبقي واقفه بقالك ساعة عشان تحاسبي في سوبر ماركت وجيه واحد طلب ياخد مكانك عشان معاه حاجات قليلة هتبيني انك اتدايقتي ولا هتكتمي اللي جواكي وتسمحيله ياخد مكانك ؟؟
يمكن دا جزء من اللي قصدته موها
بجد يا بشمهندسة مها........بحييكي عالموضوع الجميل ده
انا فعلا حاولت اني اسال نفسي السؤال ده قبل كده بس معرفتش اجاوب بس لقيت نفسي بطبق الاجابة مع الوقت
انا مينفعش اني اكون بحب حد و معبرلهوش عن مشاعري سواء بالاعجاب او الديق منه
عشان بكون خايف انه ميسمعهاش مني او اني مقدرش اقوله اللي انا جوايا نحيته بعد كدة....بحس جوايا انها حاجة لازم تتعمل و مينفعش استنى
والله يا جماعة
انا بدايه كدة احب اشكركم كلكم على مشاركاتكم فى اجابة السؤال..
وانا شايفة فعلا ان فى ناس فهموا سؤالى فعلا
يعنى مثلا .. اسلام ممدوح .. انت فعلا فهمت السؤال جدااااااا وهودة اللى باسال عنه وواضح انك من النوع دة عقلانى
وتفضل دايما انك تكون قائد مجموعتك او على الاقل شخصية مؤثرة فيمن حولها بهدوء وعلى الامد الطويل .. وعشان كدة
يا بختك بتقدر تتحكم فى مشاعرك وبتعرف تخرج المطلوب منها فى الموقف المناسب...
جووووووووووودى .. باحسبك مش فاهمة السؤال .. وبعدين فوجئت بيك بتفسرى يه صح..
طب ماجاوبتيش
هاستنى اجابتك
سامو ... واضح انك فهمت السؤال .. واعتقد ولو غلط صحح لى المعلومة .. انت من النوع اللى بتشيل فى نفسك وبتتحامل على نفسك
وبتحب تفكر قبل ماتتصرف.. صح
بس باشكرك لانك حطيت ايدك على نقطة مهمة
وهى اننا ساعات بنكتم مشاعرنا عشان مانوقعش فى مشاكل
ايمن .. انا عارفة انك فعلا من النوع اللى التعبير عن مشاعرة بيتم باتوماتيك سيستيم هههههه صح ؟؟ ..
بس بردو من النوع اللى يحب يشارك اللى قدامه مشاعرة وكدة انت فهمت سؤالى
بس يا ترى .. دا لو بتحب حد فغصب عنك بسرعة بتعبر عن مشاعر حب او ضيق زى مانت قلت ..
طب لو مشاعر كرة جامدة..:mad::mad::mad:
هاديك مثل .. لو وصلت لمرحلة كرهت رئيسك فى الشغل..
وانت محتاج الشغل دة مثلا لانك مسؤل عن اهلك ..ومضطر تتعامل معاه ..
هتعمل ايه .. لغاية ماتلاقى شغل تانى ؟؟
هو دة سؤالى هتجمد مشاعرك :p.. يعنى مش هتخليها تأثر عليك ..هه تركنها كدة على جنب :rolleyes:...
واللا بردو هتداريها بس عتفض تضايقط وتكند عليك عيشتك ؟؟...:confused:
ها يا جماعة سؤالى وضح اكتر صح ..
ياريت اللى عنده تعليق يرد عليا
السلام عليكم ورحمة الله وبركاته
تقدر تجمد مشاعرك ... وتخرجها وقت مانت عايز
تقدر لو جواك مشاعر معينة وانت عارفها ومحددها ..
تجمدها وتشيلها بعيد وفى الوقت المناسب..
تعبر عنها؟؟
نعم ولكن هل هو عدم الأندفاع اسمه تجمد
الأندفاع في تلك الأمر يكون :
هو الاندفاع إلى عالم غير محدد الملامح.
سوء كان الأندفاع من الغضب
حيث قال الله عز وجل:
"خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ
وقال رسول الله صلى الله عليه وسلم قال:
"ليس الشديد بالسرعه إنما الشديد من يملك نفسه عند الغضب".
أما الأندفاع في الحب
لا يسمي الأعتراف في الحب اندفاع ولكن لابد وان يكون الحب حبا حقيقيا للأعتراف به أو للأندفاع بقوله
كما يقال في المثل يقول : أعقل ما في الحب جنونه
جاوب ولو كان حصل معاك موقف
ايوه انا لما حد يضيق خلقي
أسكت وما أتكلم
مثلما يقول الأمام الشافعي :
إن نطق السفيه فلا تجبه
فخير من أصابته السكوت
فإن كلمته فرجت عنه
وإن خليته كمدا يموت
شكرا جدا محبة الرحمن ع المشاركة الجميلة
اسمحيلى بقى اسالك
الوقت اللى بتسكتى فيه دا بقى ......... بتجمدى مشاعرك ------- يعنى بتحاولى تخليها متاثرش على يومك وعلى حياتك -------
اصلك لازم تخرجى مشاعرك دى فى اى حاجة ..
ها .. بتجمديها واللا بتاكل من راحتك؟؟؟
فعلا سؤال كويس اوى اوى وتقريبا انا مفكرتش فيه قبل كدا
بس بصراحه حكاية انك تجمد مشاعرك دى بالنسبة ليا صعبة اوى وان كنت مع الوقت وكل لما بكبر شويه بقدر او بحاول اتحكم اكتر فى مشاعرى ووقت ظهورها بس لسه موصلتش للنتيجة المرغوبة
بس انا زمان ويمكن لدوقتى عندى مبدأ وهو انه اقصر طريق بين نقطيتين هو الخط المستقيم وأفضل وسيلة للدفاع هى المواجهة عشان كدا بشوف ان التصريح والوضوح بالذات فى المشاعر على اختلاف انواعها هو اسلم طريق
سوال جميل جدا بجد
لكن احيانا الانسان لايقدر ان يملك مشاعره بجد وده معايا بيحصل لما حد يهنى او ميقدرنيش اما بالنسبه للتحكم فى المشاعر فى العمل فبجد العمل لو مكنتش مرتحله نفسيا يبقى تسيبه
لان اى شى فى الدنيا دون راحة نفسيه تكون بلا قيمه وبجد انا لا اعرف اعمل فى مكان طالما صاحب الشغل مضايقنى
بس الحمد لله اتا عموما مبشلش من حد بسرعة لكن لا احب ان ياتى احد على كرامتى
من ميمو الطيب
RRRRRRRRRRRRR للابد
المهندسه مها طبعا موضوع جميل جداااا و اللى انتى قولتيه على فعلا صحيح من الالف الى الباء انا من النوع اللى بكتم و بحتمل جوه نفسى فعلا
و انا شايف ان ده نوع من انواع الصبر النادره اللى ممكن تشوفيه موجود دلوقتى
اولا : جزاكي الله خير
ثانيا : كان نفسي تسألي سؤال
عارفة ايه هو ؟
كيف اعرف ان الحب حبا حقيقيا ؟
أن يكون الحب لله ، فكل عمل لغير الله لا يقبله الله ، ومعنى كونها لله أنها لا تتأثر ببياض أو سواد أو حزب أو جماعة أو بلد أو عرق بل هي لله وحده لا شريك له
صدقيني أختي والله الحب في الله لا يحمل متاعب ولا خوف وأحساس بالطمائنينة
أما عن الغضب وسكوتي عليه
فما أفعله بعد تلك الموقف بعدما اجعل ما امامي يتشل من سكوتي
اولا : استغفر الله
ثانيا : افرغ كل شحنة الغضب اللي عندي في أوراق فقلبي يحاكي قلمي ويكتب القلم ويتناقش
وأختم بهذه الأبيات الرائعة للإمام الشافعي رحمه الله :
إذا المـــرء لا يرعــاك إلا تكلفــــا * * * فدعه ولا تكثر عليه التأسفــــــــــا
ففي الناس أبدال وفي الترك راحة * * * وفي القلب صبر للحبيب ولو جفـا
فما كل من تهــــواه يهواك قلبــــه * * * ولا كل من صافيته لك قد صفـــــا
إذا لم يكــن صــفو الود طبيــعـــة * * * فلا خيـــر في ود يجيء تكلفــــــــا
ولا خير في خـِل ٍ يخــون خليــله * * * ويلقــاه من بعــد المـــودة بالجـفــــا
وينـكر عيشا ً قد تقـــادم عهـــــده * * * ويظهـــر سرا ً كان بالأمس قد خفا
سلام ٌ على الدنيا إذا لم يكـن بها * * * صديق ٌصدوق ٌصادق الوعد منصفا
سؤالك بجد جميل بس لو حبيت اجاوب هقولك انا بعمل ايه؟
فى اوقات كتير مش بقدر اكتم مشاعرى خصوصا لو كانت مشاعر حب او اعجاب بشخص ده طبعى كمان لو حد قريب منى بفضل اطلع فيه كل شى حلو واتغزل فيه والناس اللى بحبهم سواء ولاد او بنات
بس مشاعر الكره بتكون باينه جدا فى عنيه وفى كلامى ومش بعرف امسك نفسى عن انى اقولها او عنيه زى مابيقولوا تفضحنى بس فى الاخر المحصله انى مش بقدر اسيطر على مشاعرى لانى المشاعر شى صعب السيطرة عليه
وبحب ارد على كلمه اتقالت مش عيب انى البنت لو حبت واحد او اعجبت بيه تصرح بمشاعرها انا من وجهة نظرى بعتبره شى جميل واحترم الشخصيه دى جدا لانها وثقت فيه وعبرت على اللى جواها ليه
ثانيا التفكير المتخلف والرجعى اللى بيقول طالما البنت عبرت بمشاعرها تبقى نزلت من نفسها اسف لكل اللى بيفكر كده يبقى رجعى ومتخلف لانى المشاعر شى جميل ولو فضلت البنت كتمها ممكن الحب اللى بتحبه لحد تلاقيه راح لوحده غيرها مع انها واثقه انها لو حولت مش هتخسر
وفى النهايه ده رد بسيط انما الموضوع ده محتاج سنين عشان نتناقش فيه وبجد مرسى ليكى انك طلعتى ولو جزء من اللى جوه الواحد فينا
ميرسى ليك يا سامح لانك اتكلمت معانا ...
بس انا عايزة اشكرك .. على كلامك الجرئ دة وقوللى ..
لو بنت انت مش بتحبها وهى فهمت غلط وجات قالتلك انها بتحبك ..ها .. هتعمل ايه..
هتتعامل مع الموقف ازاى؟؟؟؟؟؟؟
بكل صراحه ياميرامار انا هرد عليها واقولها وبكل شياكه وطبعا مش بصورة مباشرة اننا اخوات وعلاقه الاخوة افضل بكتير من الحب واثبتلها مع مرور الوقت انى كلامى صح ووالله ياميرامار الموقف ده حصل معايا وانا فى سنه اولى وبجد انا والانسانه دى دلوقتى اخوات لدرجه فوق ماتتخيلى وتقريبا عارفه كل شى عنى وانا برضه وبجد لاقتها نعمه الاخت لانى معنديش اخوات بنات
شكرا لك يا موها على الموضوع الرائع وهو فعلا سؤال مهم
بس انا عن نفسي مش محتاج تفكير لانه بالفعل حصل معايا مواقف كتير
انا مسيطرة علي مشاعري بطريقة لا تتخيليها سواء حب او كره واستحاله حد معايا يعرف انا بفكر في ايه دلوقتى
انا جاوبت بكل صراحة شكرا لك يا موها
يا جماعة مش كل حاجة بنحس بيها نقدر نقولها في حاجة اسمها الوقت المناسب والحقيقة انا من النوع اللي بيجمد مشاعرة لحد ما ييجى الوقت المناسب مش عارف بقي دة صح ولا .....!
اقتباس:
المشاركة الأصلية كتبت بواسطة tota2008434
ههههههه يا بختك .. بصى ماعنديش غير رد واحد .. احنا لازم نبقى اصحاب.. عايزة اتعلم منك
اقتباس:
المشاركة الأصلية كتبت بواسطة احمد عبد الحليم
عارف يا احمد دا اللى انا اتعلمته ولسة باحاول مع نفسى فيه .. بس اصعب حاجة فى حياتى باعملها هى دى ..
لانى باحس انى مش انا... حاسة انى توهت عن نفسى وانى اتنين واحدة هى الانسانة الحقيقية ..
وعايشة ميته لانى مانعاها تعبر عن مشاعرها ..
والتانية ..مجرد بارفان اللى الناس عايزة تشوفه ..وانا الوحيدة اللى قادرة اكسرة
ولا انا لاقية نفسى هنا ولا هنا........
انت بقى لما بتجمد مشاعرك بتحس باية؟؟؟؟؟؟؟؟؟
أكيد ده شىء يشرفني ويسعدني ان نكون أصحاباقتباس:
المشاركة الأصلية كتبت بواسطة ميرا مار
بس أعتقد إن السيطرة علي المشاعر بتكون في تكوين الشخصية
لالالالالالالالالالالالالالالا
اطلاقا..
عن تجربة شخصية .......دا شئ مكتسب..
بصى انا كنت انسانة عفوية بكل معنى الكلمة ..واتحطيت فى ظروف نفسية صعبة عليا ..
بقيت باعرف اخبى شوية مشاعرى
على الاقل مش اول ماتضايق اقلب وشى .. اتغيرت ومازلت باحاول اجمد مشاعرى
اه بكتم المشاعر جوايا
بس ممكن اقولها لواحد قريب منى يعنى
ولو عايز ابين جزء منها للشخص ايلى قدامى
ممكن من الافعال لكن مش بقولها صراحتنا
ولما احس انه متقبلها واتاكد من ده ممكن ساعتها اقولها ليه
لكن مش اقولها صراحتنا على طول
وشكرا يا ميرا على الموضوع الجميل ده
وانتى اصلا موضوعاتك كلها جامده
فعلا يا موها ممكن تكون شىء مكتسب عموما انا مريت بمواقف كتير يمكن هى اللى خلتنى اجمد مشاعرياقتباس:
المشاركة الأصلية كتبت بواسطة ميرا مار
بس عموما انا شايفة انه كده احسن لانى بتجنب مواقف كتير بس احيانا بيكون صعب لانك ساعات بتحسي انك عايزة تعبرى عن مشاعرك فى موقف معين مش بتعرفى لانك اتعودتى ان مشاعرك فى ثلاجة
شكرا يا موها
اه فعلا كدة احسن .. بس صدقينى بتاثر على نفسية الانسان لان التعبير عن المشاعر شئ مهم لصحته ..
حتى لو مش للى عايزين نوجه له المشاعر دى
اقتباس:
المشاركة الأصلية كتبت بواسطة zooma
الشكر ليك يا حازم لانك اتكلمت معانا .. والحقيقة اللى انت بتعمله دة هو اصح حاجة واسلم طريق
لاننا لازم نتحكم فى مشاعرنا وبردة لازم نطلعها لحد قريب مننا
سؤالك حلوه اوى يا مها
بس انا مشكلتى انى بجد مش بعرف اخبى مشاعرى خالص
وده بيسببلى مشاكل شويه مع الناس
انا عن نفسي الحمد لله ممكن اجمد مشاعري تماما حتة ولا كانت حب او كرة
ولو كنت وصلت لاخري اقول و ارتاح
بوسى .. هتتعبى يا بنتى كتييييييييير .. لان واضح ان الانسن فى زمانا لازم يدارى مشاعره شوية لانها ساعات بتعمل مشاكل
وسلاميكا .. كدة معقول لكن ياترى الفترة اللى بتجمد مشاعرك فيها
موها منكم اجاوب يا حبى
انا بقى يا موها مش بعرف اخبى اى حاجه سواء حب او كره
بيبان فى عنيا قوى رغم اللى يشوفنى يقول عليا قويه ومفتريه
بصى يا مها دى الحاجه الوحيدة اللى انا متاكدة انى
بعملها كويس اوى ولله الحمد
تقدر تجمد مشاعرك ... وتخرجها وقت مانت عايز؟؟؟؟
لا انا دايما اللى بحسة بيبان عليا فى صورة كلام او حركات او حتى تعابير وشى
بس بعمل كدة مع شخصية واحدة بس لما اقف قدامها
بس مش عارفة لية دايما
بخبى احاسيسى عن الشخصية دى بالزات
ممكن علشان مش عاوزة اخد خطوة اندم عليها
بس بجد الموضوع جميل يا موها شكرا يا قمر
اصعب شى انك يكون لديك مشاعر وتخبيها لانك لوحدك الذى يتحمل هذا العب جواك عن نفسى انا فى حاله شبه كده دلوقت ومحتار بين امرين بس ربنا يسهل واعرف اخد القرار الصح
من ميمو الطيب
محمد سعيد رابعة مساحة انتساب موجه