ليه انا مكتوب عليه انى مفرحش؟

بجد انا بكتب ومش عارف اقول ايه كتير منكم يعرفنى كويس قوى ويعرف انى بضحك وبهزر ب بجد ياجماعه الوجه الحقيقى لسامح هو انسان تانى خالص انسان حاسس انى الدنيا مديله ضهرها والزمن ضده بيحس انى فى ناس كتير بتتعامل معاه بوشين مع انه بيكره كده جدا انسان فى اوقات كتير بيحس انه ضل طريقه وانه ماشى فى طريق مش عارف اخره ايه انسان عمل خطوة مجنونه ولحد دلوقتى ميعرفش عواقبها هيكون شكلها ايه مع انى فى امتع ايام حياته اللى بيعشها حس انه فاته كتير بس مش قادر يعوض الا القليل الاهم من ده حاسس انه انسان جوه بيته منبوذ بيكرهوه سواء الاب او الام او الاخ الصغير برغم انه بيحبهم ونفسوا يعمل كل شى يسعده بس مابليد حيله انسان حاسس انى الناس بتكدب عليه وتضحك عليه انسان اتجرح كتير قوى وخلاص مبقاش حمل اى جرح فى حياته تانى انسان ممكن ومش بهزر انه يقدم على خطوة يخسر فيها دنيته ودينه لانه حاسس انه يائس وانى مفيش مخرج من اللى هو فيه برغم كده بيضحك فى وش الناس وبيهزر والقليلين قوى اللى يعرفوا سامح على حقيقته بجد والله كلام انا بقوله وحزنى جوه منى بيدبحنى فى اليوم مليون مرة بس اعمل ايه احترت واحتار دليلى حاسس انى مشيت فى طريق غلط بس مقدرش ارجع عنه لانى وصلت فيه لمرحله مهمه مش عارف اعمل ايه يمكن اكون طولت عليكم بس صدقونى انا يمكن لاقيت فى الكتابه تفريج ولو بجزء بسيط عن اللى حاسس بيه بس اعمل ايه الله غالب وده نصيبى وقدرى ومحدش بيختار اهله بحاول اتاقلم مع كل الاوضاع مش عارف بجد اقاوم ليه بحس انى اهلى مصممين ينهونى ويقللوا منى عشان ماتجوزتش لحد دلوقتى؟ ماكتير ماتجوزوش وفيها ايه مش اول ولا اخر واحد مش هتجوز فى الفترة دى يمكن عشان دخلت اكمل دراسه من جديد؟ ماجرمتش لما دخلت ادرس مجال بحبه وبعشقه يمكن اى نعم دخلت المساحه زى مامعظم الدفعه بتقول ببركه دعا الوالدين او بملحق او بدور تانى لانى ده كلام سمعته بودانى بس اهو ادينى دخلت ولو مش قدها هيبان وبجد اول شى هعمله لو مش قدها هنسحب لانى طالما مش قد شى مش اكمله عشان سنين عمرى ماتضعش هدر
مش هنكر كسبت ناس كتير وعرفت ناس كتير بس فى المقابل عرفت الى كرهنى ومش حببلى الخير طلع عليه كلام كتير فى القسم من كل النواحى مرة بتاع بنات ومرة بخيل فى الورق وبيذاكر فى الخباثه ومرة انه بتاع مشاكل وغاوى يوقع الدنيا فى بعض ووالله انا مش كده
لو بكلم بنات فهما صحابى وزميلى جوه القسم
ولو ورق فوالله عمر ماحد قصدنى فى حاجه وقولت لا
ولو انا بوقع فعمرى ومش طبعى بالعكس لما بلاقى حد متخانق بدخل واصلح وفى الاخر بطلع انا الوحش
يمكن اكون طولت عليكم انا اسف بس زى ماقولت انا بفرج شويه من الهم اللى شيله بس بجد مش عارف اعمل ايه وربنا يستر وموصلش لمرحله يائس نهائيه تنتهى بيه انى اخسر دينى ودنيتى واسف بجد انى طولت عليكم

......بسم الله الرحمن الرحيم......
استعن على سيرك الى الله عز وجل بترك من شغلك عن الله عن الله عز وجل
وليس بشاغل يشغلك عن الله عز وجل كنفسك التى بين جنبيك

عن أبي موسى الأشعري رضي الله عنه قال:
قال رسول الله صلي الله عليه وسلم :
( يا عبد الله بن قيس! ألا أدلُّك على كنز من كنوز الجنّة ؟)
فقلت: بلى يا رسول الله!
قال: ( قل: لا حول ولا قوّة إلاّ بالله)متفق عليه.


قال تعالى : ( وبشر الصابرين الذين اذا اصابتهم مصيبة قالوا انا لله و انا اليه راجعون )

وفي رواية مسلم قالت أم سلمة :
سمعت رسول الله صلي الله عليه وسلم يقول :
ما من مسلم تصيبه مصيبة فيقول ما أمره الله ( إِنَّا لِلّهِ وَإِنَّـا إِلَيْهِ رَاجِعونَ ) اللهم أجرني في مصيبتي ، وأخلف لي خيراً منها ، إلا أخلف الله له خيراً منها .

قال شيخ الإسلام رحمه الله :

((هذه الكلمة كلمة استعانة، لا كلمة اسْترجاع، وكثير من النّاس يقولها عند المصائب بمنزلة الاسترجاع، ويقولها جزعاً لا صبراً )) .

أخي الكريم

أعلم أن ذكر الله سبحانه جل في علاه يعطي قوة معنوية و حسية أيضا

لذا شرع للمجاهد في سبيل الله أن يكثر من قول الله أكبر
أي الله أكبر من كل شيء فهي تعطيه قوة حسية

فذكر الله يعين الراقي والمريض على العلاج بإذن الله

كما أن ذكر الله كالحصن الحصين من كل سوء

سامح كلامك كله ياس وانا مش متعوده عليك كده
وبعدين الحياه فيها حاجات اكبر من كده
واخرتك لازم تكون احسن بكتير على الاقل عشان يوم
ما تقابل رسول الله تلاقى شفاعته
ولو كل انسان بص على مشاكله واتازم صدقنى مكنش
فيه حد حيعيش
والازمه اللى متموتش تقوى لازم تكون اصلب من كده

بص يا سامح ... طبعا انت هنا وسط اخواتك ولو اتكلمت للصبح هتلاقينا بنسمعك .. ولا هتكون طولت ولا احنا هنزهق..
المهم .. محبة الرحمن حبيبتى باشكرك على ردك الجميل وطبعا كدة نبقى وصلنا لمرحلة جامدة ..
انا بقى عايزة اقولك..
اصعب حاجة على الانسان انه مش يبقى عارف هو عايز ايه او انه مش محدد سكته .. بس
بص يا سامح اسمع منى
انت محتاج بس قعدة طويلة مع نفسك .. صالحها .. اه صالح نفسك انت محتاج تعيش فى سلام معاها..
وعارف احنا سعادتنا تبدى من راحة قلوبنا .. وقلب المؤمن دايما بيرتاح بوجود الله بداخلة ..
لو انت صحيح عايز تتسعد ابدا بنفسك .. صلى .. واقرا قران ولو قليل ..واذكر ربنا على قد ماتقدر..
"" الا بذكر الله تطمئن القلوب"" ... واسال مجرب يا سامح .. انا مريت بازمة ماطلعنيش منها غير ذكر الله..
وعلى فكرة هو دا اللى باقيلنا من الدنيا .. مين هامك تانى فى الدنيا..
ابدا بس بالمولى وتقرب منه وهتلاقى كل حاجة بتتصلح واحدة واحدة..
كمان عندك المنتدى دا دنيا تانية
حاول تهتم بحاجة وتساعدنا بموضوعات جديدة..
طب ايه رايك تنضم لفريق العمل فى مجلة نادى الرابطة ..
روح لموضوع ((اعلان .. مطلوب محررين))

وشوف ايه المجال اللى بتحبه واشتغل معانا فى المجلة العمل بيشعر الانسان بقيمته..
وعلى فكرة .. موضوع دراستك دلوقت حاجة جميلة جدا ومشوار بداته ولازم تكملة وماتبصش حواليك..على الاقل انت بتعمل حاجة ليها قيمتها ووزنها

ياههههههههههههه يا سامح كل دة جواك ومش بتبينة
بس تعرف واللة انت شخصية انا بحترمها قوى واقدرها
ومش حاقولك غير حب نفسك شوية لانى شايفة انها تستاهل

لا إله إلا الله

والله مش عارف اقولك ايه يا صاحبي

كل واحد فينا بيجيلوا فترة وبيحس بالشعور ده ... تأكد يا سامح اننا كلنا اخواتك وتأكد كمان اننا ان شاء الله هنفف جنبك ونساعدك تخرج من اللي انت فيه واحسن حاجة انت عملتها انك فتحتلنا قلبك وان شاء الله اخواتك مش هيخذلوك وكلنا جنبك

استعذ انت بس من الشيطان الرجيم وان شاء الله الحياة هتبقي حلوة وهتنور طريقك

انت يا سماح انسان طيب وقلبك ابيض وان شاء الله ربنا هيكون جنبك واعتبر اللي انت فيه ده اختبار من عند ربنا

وحد الله يا سامح وان شاء الله ربنا حيعدى كل شىء وحش
والدنيا حتفتحلك ايدها ان شاء الله
بس انت خلى عندك ايمان كبير بربنا

اولا يا سامح انا مقدرش اقول حاجه اكتر من اللى مها ومحبة الرحمن قالوها
حاول تتقرب من الله عز وجل
ثانيا بص طلاما انت مبتعملش حاجه تغضب الله وضميرك مستريح ميهمكش كلام الناس
هل معنى ان الناس كلها مثلا بتعمل حاجه غلط لازم انت تبقى زيهم علشان تبقى طبيعى اكيد لا يا سامح اكيد انت حتعمل الصح حتى ولو حتكون حاجه غريبه بالنسبالهم
ثالثا ما الناس كلها بتتكلم سواء انت حلو وسواء انت وحش وخيرا تعمل شرا تلقى وده مع البشر اليومين دول حاول تعمل الخير وتقول ده لوجه الله عز وجل ومتنتظرش مقابل من حد
وزى ما فى ناس زى ما بتقول مش بيحبوك ليه مبتبصش للناس اللى بيحبوك وبيعزوك وبيعتبروك زى اخوهم وخليك معاهم
ومش كل الناس وحشه فى الحلو وفى الوحش ممكن انت حظك وقت مع الناس اللى مش كويسه
اقعد مع نفسك شويه يا سامح وفكر كويس

احنا كلنا حنقف جنبك يا موحا امال احنا لازمتنا ايه يا راجل كلنا اخوات ومفيش اخ بيسيب اخوه فى الشده

ايه يا سامح انا عارف انك اكبر من كده وان شاء الله فتره وتعدى وبعدين مش هو ده سامح الى انا اعرفه الى كان بينصحنى
وبعدين سيب الى يقول كلام عليك لربنا انت فى الاول والاخر بتعامل ربنا فيهم وكبر دماغك منهم خالص
طبعا كلامى مش هينفع كده لما اشوفك

أخي الغالي سامح لا أعرف كيف اصف شعوري بعد قراءة هذه الكلمات المحزنة ولكن لا تفكر في الأمس عزيزي فإذا كان الأمس ضاع .. فبين يديك اليوم وإذا كان اليوم سوف يجمع أوراقه ويرحل .. فلديك الغد.. لا تحزن على الأمس فهو لن يعود ولا تأسف على اليوم .. فهو راحل واحلم بشمس مضيئه في غد جميل واعلم انه لن يعمل الناس على ارجاع يوم ندمت عليه او قضاء يومك الحاضر

إننا أحياناً قد نعتاد الحزن حتى يصبح جزءاً منا ونصير جزءاً منه.. وفي بعض الأحيان تعتاد عين الإنسان على بعض الألوان ويفقد القدرة على أن يرى غيرها .. ولو أنه حاول أن يرى ما حوله لأكتشف أن اللون الأسود جميل .. ولكن الأبيض أجمل منه وأن لون السماء الرمادي يحرك المشاعر والخيال ولكن لون السماء أصفى في زرقته .. فابحث عن الصفاء ولو كان لحظة .. وابحث عن الوفاء ولو كان متعباً و شاقاً .. وتمسك بخيوط الشمس حتى ولو كانت بعيده .. ولا تترك قلبك ومشاعرك وأيامك لأشياء ضاع زمانها

أخي الغالي سامح أذكر كلمة وضعتها أختنا الغالية ميرامار في توقيعها وهي " لا تفكر في المفقود حتى لا تفقد الموجود " فلا تسافر الى الصحراء أخي بحثاً عن الاشجار الجميله فلن تجد في الصحراء غير الوحشة .. وانظر الى مئات الأشجار التي تحتويك بظلها .. وتسعدك بثمارها .. وتشجيك بأغانيها ..افخر بما انجزته ودعك ممن يحبطك

لا تنظر الى الأوراق التي تغير لونها .. وبهتت حروفها .. وتاهت سطورها بين الألم و الوحشه .. سوف تكتشف أن هذه السطور ليست أجمل ما كتبت .. وأن هذه الأوراق ليست اخر ما سطرت .. ويجب أن تفرق بين من وضع سطورك في عينيه .. ومن القى بها للرياح ..لم تكن هذه السطور مجرد كلام جميل عابر .. ولكنها مشاعر قلب عاشها حرفاً حرفاً .. ونبض إنسان حملها حلماً .. واكتوى بنارها ألماً

فابتعد أخي الغالي عن هذا اليأس من الحياة وسأختم بكلمات خير من تلك السابقة بقول الله تعالى (( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )) صدق الله العظيم

وأريدك أن تتأكد بأن هناك دائمآ أناس بانتظار تحمل همومك ستجدهم هنا ان شاء الله وحولك وفي كل مكان .. آخيرآ أسال الله لي ولك في هذه الساعة حسنات تتكاثر وهموم تتطاير وسيئات تتناثر

ايه يا بني فيلم البؤساء اللي انت عيشتنا فيه

هههههههههههه

بجد والله يا سموح مش عارف اقولك ايه .. مع اني لسه عارفك السنه دي

بس كان من الواضح انك اعقل من كده يا موحا وتعرف تتأقلم مع اي وضع وفي اي وقت

اتوكل على الله انت بس وهو ان شاء الله مش هيخذلك ...

ودعك من كلام الناس ده مش بيأكل عيش يا صديقي

يابني كبر دماغك والله منهم اصل هما كل واحد عندهم ليه فتره يتكلمو عليه فيها شويه

وكله بثوابه يا موحااااااااااااااااااااااااااااااا
وكما قال ابو عروس

من حبنا حبناه وصار متعنا متاعه ....... ومن فارقنا فرقناه يحرم علينا اجتماعه

اسمع كلام ابو عروس بقى وصلي على النبي كده

سااااااااااااااااااااااااااااااااااااااااااااااااا اااااااااااااااامح

سااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااامح

انت مش بترد علينا لييييييييييييييييييييييييييييييييييييييييييه

سامح
ياللا يا عم الحج

عايزاك تساعدنى فى مجلة الرابطة ...
مستنيه ردك
ماشى يا معلم جدى

ايه يا سامح كل ده
والله يا ابنى مش باين عليك خاااااااااااااالص
انت المفروض ترمى كل حاجه وراك وسبها على الله
وانت ماشاء الله الدفعه كلها اصحابك
ولا يهمك من اى حاجه خالص

ايه يا ابنى كل ده والله مش باين عليك خاااااااااااااالص
انت المفروض ترمى كل حاجه وراك وتسبها على الله
وانت ما شاء الله الدفعه كلها اصحابك
ولا يهمك من اى حاجه خالص

بجد ياجماعه والله ماعارف اقولكم ايه بجد انتم نعمه الاخوات انا يمكن من يوم ماكتبت الموضوع مدخلتش المنتدى او النت بمعنى اصح ويمكن قبلت الناس فى القسم واتكلموا معايا ورغم كده حولت اهرب من الكلام فى الموضوع ده وضحكت وهزرت ده طبعى ياجماعه والله مش عارف اغيره وبجد ياميرامار انا اسف والله لسه داخل وبجد مرسى لكل الناس اللى رديت واللى اتكلمت معايا فى الكليه وحتى اللى مردش هنا واتكلم معايا فى الكليه بجد بشكركم كلكم ووالله ياجماعه انا لو ارتحت يبقى من بعد ربنا انتم بجد مش عارف اقولكم ايه وححاول ياميرامار اشترك معاكى وبرغم كده برضه محدش لسه عرف اللى جوايا وعلى العموم بشكركم كلكم والله واتمنى شى اخير لو استاذ محمد سعد دخل وقراء موضوعى مستنى رده بجد لانى بعتبره اخ اكبر ورايه يهمنى قوووى ومرة تانيه الف مليون شكر ليكم يااغلى واحلى ناس

شكرا ياجماعه على كل اللى رد على الموضوع ولو حد ليه اى تعليق او كلمه مستنيها وشكرا ليكم

بص ياسامح انا شايف انى كل الردود بتوجهلك دعوه
وهى التمسك بالله والدين
وكمان تجديد الامل
بس مش المهم انك تقراه وتشكر اصحابها
المهم ان انت فعلا من جواك تتغير
وتبص لقدام وترسم مستقبل
وتحلم كتير
ومفيش حلم تقول عليه مستحيل
واوعى تنسى انى اعظم نعم الله علينا
هى النسيان

سامح انت عارف الي احنا كلنا هنا اخوات فتطول زي مانت عايز
وانت عليك تعمل زي ما ميرا قالت انك تقرب من ربنا عشان مهما الانسان قرب بيحس انه لسه بعيد فانت مثلا اقرأ جزء صغير من القران بس بجد
لازم تستغفر كتير وعلي قد ما تقدر ادعي في اي وقت وخصوصا بالليل و بين دعاء المغرب والاقامة عشان الدعاء بيبقي مستجاب
فكتر الاستغفار والدعاء بيجيب الرزق
ولازم تبعد نفسك عن فكرة انك تخسر دينك ودنياك فالدنيا متستهلش انت بتعمل عشان الاخرة
اما بقي حكاية الجواز انا عارفة انه نصيب بس ربنا قال "اسعي يا عبد وانا اسعي معاك"
وانت بقي سيبك من كلام الناس .وانت انسان محترم جدا جدا وشخصيتك حلوة فخليك واثق في نفسك وتقول ديه شخصيتي واصحابي بيحبوني كدة
والقسم كله عرفينك ماشاء الله
فسيبك بقي من الي بيزعلك
معلش يا سامح عشان طولت عليك

سامح وحد الله وانسي الحزن ده
اولا احنا كلنا اخوات و مش معقول حنزهق من اننا نسمعلك
وبعدين ساعات الواحد لما بيبقي في حاجه مدايقاه بيحس ان اقل حاجه حوليه ضده ز ده اكيد مش صح
مش معقول اهلك في البيت (والدك,ووالدتك . واخوك) بيكرهوك ان كانوا بيعملوك بقسوه ولو اني اشك شويه مش عدم ثقه فيك لا طبعا
عشان زي ما قلتلك الانسان بيبقي في اوقات لما بيكون تعبان بيقبي حساس جدااااا
هم اكيد خايفين علي مستقبلك و عايزين يفرحوا بيك , لان ده هم كل اهل في الحياه انهم يشوفوا نفسه ادوا رسالتهم
و قاموا بالواجب اللي عليهم
ثم ان في حد في القسم بيتكلم عليك دي حاجه ماتهمكش خالص مادام انت واثق من نفسك ما الكلام كتيييير
واللي عايز يقول حاجه هو حر اهم حاجه معرفتك بنفسك و اللي يهموك هم الناس اللي حوليك
لو كل شخص بص للكلام اللي بيتقال عليه من وراه صدقني كان زمان كل الناس تعبانه اوي
و الدنيا زي افيها ناس وحشه فيها ناس كويسه و مخلصه اتقرب من اللي ترتحلهم , و متحاولش انك تفكر اصلا في اللي مدايقينك
السكه اللي انت ماشي فيها دي الله اعلم ايا كانت , هي واضح انها غلط
و الدلييل انك انت نفسك مش مرتحلها , و دي حاجه كويسه معناها ان ضميرك لسه بيؤنبك و دي حاجه ممتازه
لان في ناس كتيييييير مستمرين في الغلط و عارفين انه غلط بس مش فارقه معاهم
لكن انت عايز تتغير و ده معناه ان ربنا اكيد ان شاء الله قريب منك
ربنا لما بيحب حد مش بيسيبوا يكمل في الغلط بيخلي ضميره اول باول يصحيه عشان يرجع عن اللي هو فيه
واوعي تفكر انك ممكن تخسر دينك ودنيتك لان التفكير ده من الشيطان هو اللي بيخليك تياس من حياتك
استعيذ بالله منه , و حاول تقرب لربنا اكتر بالتدريج حتلاقي ان كل مشاكلك النفسيه راحت
و بالتالي ده حيخليك تبعد برده عن الغلط اللي انت مش عايزه
و اوعي تفكر انك مش فارق مع حد, لان اكيد في ناس كتييير تهمهم
و كل انسان في الدنيا ليه وقت صعب بيمر بيه و بيبقي اختبار من ربنا
و حاول انك تنجح فيه عشان صدقني حييجي عليك اليوم اللي تلاقي فيه
حد كحتاج نصيحتك و انت اللي حتنصحه ازاي يستمر في حياته و تساعده
معلش انا طولت عليك اوي , بس انا بعتبركم كلكم زي اخواتي وصعب اني الاقي حد منهم تعبان اوي كده واسكت

اولاياسامح انا واحدة من الناس الى بيعدى عليا وقت كثير اوى بقول لنفسى انا عايشة ليه وعايشة لمينمفيش فى اى جديد
بس حاجة واحدة بس الى مهونة عليا عارف ايهايمانى بالله الى ماكدلى ان ربنا سبحانه وتعالى شيلى افراح كتير
على اية حاول تتصالح مع نفسك وكمان حاول تتصالح مع اهلك واتاكد ان انهم بيحبوك جدا

ايه الكلام الجاامد ده يا سااامح
كلام من جوة من جوة يعنى
بس هقوللك على حاااجة
قول
لا الله الا الله محمد رسول الله

تسلموا ياجماعه كلكم على الرد وبجد نعمه الاخوات بس انا حابب اوضح نقطه لاوليفيا هى السكه اللى انا فيها مش غلط وانما سكه انى لما خلصت تعليمى العالى لانى حاصل على بكالوريوس خدمه اجتماعيه دخلت كليه اداب من تانى من اول سنه اولى عشان ادخل شعبه مساحه وخرائط هى دى السكه يااوليفيا اللى مش عارف هى من الاول صح ولا غلط وشكرا تانى ياجماعه بجد نعمه الاخوات

سامح هقلك حاجة لو باباك زي ما انت بتقول مش بيحبك او انا فهمت كده احمد ربنا غيرك معندهوش الاب ده علي الاقل بيطمن شوية
غيرك معندهوش الام غيرك معندهوش الاخ غيرك مش متعلم غيرك مش مسلم غيرك اعمي غيرك اصم


بص يا سامح احمد ربنا وحاول تعيش عشان غيرك في حزن وياس اكتر من كده فيه ناس ضاع منها اغلي حد في الكون وبيحمد ربنا لازم تحمد ربنا وبيعيش

انا مش من بعيد يا سامح صاحبي مات وهو صاحبي الوحيد معرفتش صاحب من يوم ما اتولدت غيره وكان سري ومعداش يوم مكلمتهوش معداش يوم من غير ما اشوفه وفاجاءة كلمني في التليفون وبعدها بخمس دقائق مات وانا الي دفنه بايدي كنت مدمر بس ربنا قال اننا لازم نعيشس وليك عمر عشته ازاي دي بتاعتك وربنا هيحسبك عليها عشان كده لازم نعيش الحياة ونرضي ربنا ونحمده لحد ما نقبله

ربنا يكشف همك وهم كل المسلمين

اكيد كلام صح يابشمهندس ووالله انا اتكلمت فعلا من الخنقه اللى حسيت بيها وانا مقدر كل كلمه قولتها وربنا يخليك يااخ غالى وكبير

يا سامح انت بتقول انك شاكك في ان التعليم سكه صح او غلط
اكيد طبعا صح.... العلم ده يمكن تكون الحاجه الوحيده اللي الانسان بيكسبها و بتكون سلاح في ايده و بيعلي بمكانته بسببها
و العلم طبعا صح و اوعي تفكر ابدا انه ممكن يكون غلط
ربنا بيكون دايما مع طالبين العلم و في احاديث و سور كتيير عن العلم
فاكيد مش غلط
معلش طولت تاني
و اعتبرني اختك و تقبل كلامي