واجهة نفسك

شايف نفسك ازاى .....؟ راضى عن نفسك ؟ اية الحالة الى انت بتعشها دلوقتى ؟ تقدر تعيش من غير حب ؟ راسم لحياتك خطة ؟ ولو فى خطة ماشى فعلا عليها ؟ ولو مفيش بتعمل اية فحياتك ؟ بتحب نفسك ؟ اية اكتر حاجة بدايقك من نفسك ؟ اية اكتر حاجة بتحبها فى نفسك ؟ اية اكتر حاجة تستفزك ؟ اية الحاجة الى دايقك من حد ؟ اية اكتر حاجة تجذبك لحد؟ حاسس انك فعلا موجود ؟ ليك دور فالحياة ؟ شايف الى انت عايزوا بتقدر توصلوا ؟ ولا بتستغنى عنوا ؟ بتصلى ؟ حاسس ان ربنا راضى عنك؟ اذا كانت نهاية العالم بكرة تشكر مين ؟ وتعتذر لمين ؟ اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟ ولو فى شىء واحد لازم تاخدة حتاخد اية؟ اية اول انطباع الناس بتاخدة عنك ؟ اذا شخص طلب منك تتغير حتقبل؟ فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟ حاسس نفسك رومانسى ؟ ولا انت شخصية عملية ؟ ممكن تدوس على اى حد عشان توصل ؟ اية شعارك فالحياة ؟ لو حد وانت ماشى فالشارع طلب يعمل مكالمة من موبيلك حتوافق؟ شايف نفسك واخد حقك فالدنيا ؟ ........................... اذا شخص قرر ان يجاوب فاتمنى ان الاجابات تكون فعلا صريحة

لالالالالالالالالالا
صعب اني اجواب
اسمها جاوب نفسك مش جاوب علي المنتدي
ههههههههههه
موضوع رائع

شكرا يا اسامة على ان الموضوع عجيك وححترم رغبتك بس ممكن تسسال نفس الاسئلة لما تقعد على كرسى الاعتراف

اهلا بيك يا جانا هو موضوع جميل جدا وصعب شوية
انا ممكن اجاوب بس عندى تعليق بسيط
الموضوع دة المفروض يكون فى القسم الاجتماعى ..
ابعتى رسالة خاصة لحسن محمد مدير المنتدى عشان ينقله
واكيد كل زوار القسم هيجاوبوك لانه موضوع حلو

ومبدايا كدة لاااااااااااااااااازم تشاركى انتى الاول فيه :pهههههه لا عادى يعنى اللى تشوفيه;) ..

لالالالالالالالالالالالالا
عمري ما اكون علي كرسي الاعتراف

اقتباس:

---

المشاركة الأصلية كتبت بواسطة JANA MOHMAD

شايف نفسك ازاى .....؟ انسان بيحب يشق طريقه بالحلال زي اي حد بيتمنى رضى ربنا عليه
راضى عن نفسك ؟ الحمد لله انا راضي عن نفسي و اتمنى ان ربنا يكون راضي عني
اية الحالة الى انت بتعشها دلوقتى ؟ الحالة اللي بعيشها دلوقتي و بما اني السنه ديه هتخرج انشاءالله فهي حالة تفكير دائم بالمستقبل و امال و اماني بتمنى انها تتحقق
تقدر تعيش من غير حب ؟ تقدري انتي؟
راسم لحياتك خطة ؟ ايوة انشاء الله و اتمنى ان ربنا يوفقني فيها عشان انا مش بتمنى غير اني اكون قريب منه و يرضى عني
ولو فى خطة ماشى فعلا عليها ؟ لحد دلوقتي بنفذ الجزء السهل منها و هتبتدي انشاء الله اول ما اتخرج السنادي الجزء الصعب منها بس مش المستحيله انشاء الله و ربنا اللي بيوفق طبعا
ولو مفيش بتعمل اية فحياتك ؟ اكيد مش هعمل حاجة لو مفيش خطة و اكيد هكون بستنى قضايا
بتحب نفسك ؟ لو عملت حاجة كويسة و لو عملت حاجة وحشة بعاتبها و بفتح الباب لضميري انه يعذب فيه
اية اكتر حاجة بدايقك من نفسك ؟ لما بحس ان اللي قدامي ممكن يكون زعل من موقف انا عملته و يكون هوه تخيل اني عملته عشان ازعله
اية اكتر حاجة بتحبها فى نفسك ؟ سايبلك السؤال ده
اية اكتر حاجة تستفزك ؟ لما بلاقي الغلط قدامي و مش بايدي اغيره
اية الحاجة الى دايقك من حد ؟ لما ميقدرش اللي بعمله عشانه
اية اكتر حاجة تجذبك لحد؟ روحه الجميله و معاملته الطيبه و اخلاقه و دينه
حاسس انك فعلا موجود ؟ ببقى موجود لو حد دعالي من قلبه انه ربنا يوفقني
ليك دور فالحياة ؟ اكيد كل واحد فينا له دور في الدنيا دي و الحياة
شايف الى انت عايزوا بتقدر توصلوا ؟ لو اللي انا عايزه ده هيرضي ربنا مش هسيبه ابدا و هحارب عشان اوصله و مش هتخلى عنه ابدا
ولا بتستغنى عنوا ؟ مقدرش استغنى عنه الا لو كان ربنا كاتب بكده
بتصلى ؟ الحمد لله و ربنا يغفرلي ما سهوت
حاسس ان ربنا راضى عنك؟ مش عارف غير اني اعمل اللي يرضيه و يوم القيامه هعرف انشاء الله ان كان رضى عني و هيرحمني برحمته ولا لاقدر الله مش راضي عني و ساعتها هكون من الخاسرين
اذا كانت نهاية العالم بكرة تشكر مين ؟ كل واحد خد بايدي عشان يوصلني للي وصلتله النهارده سواء للي وقف في طريقي لانه علمني الصبر او اللي خد بايدي و ساعدني في طريقي علشان اوصل
وتعتذر لمين ؟ لاي حد ممكن يكون زعلان مني ودي مبتمناهاش خالص انا مش بحب ازعل حد ابدا وربنا على مابقول شاهد
اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟ ههههههههههههه اعفيني من السؤال ده مش هقدر اجاوب هاخد نصيبي
ولو فى شىء واحد لازم تاخدة حتاخد اية؟ هوه مش شئ هوة القران
اية اول انطباع الناس بتاخدة عنك ؟ السؤال ده مش هعرف اجاوبه يمكن الطيبه
اذا شخص طلب منك تتغير حتقبل؟ لو حسيت انه بيحبني هفكر و لو انا بحبه و بثق فيه هحاول وربنا يوفقني
فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟ مش عارف
حاسس نفسك رومانسى ؟ بحب الرومنسيه
ولا انت شخصية عملية ؟ مينفعش الاتنين مع بعض و احط فاصل بينهم عملي و رومنسي يعني
ممكن تدوس على اى حد عشان توصل ؟ ابدا انا برضى باللي قسمه ربنا الحمد لله
اية شعارك فالحياة ؟ الاخلاص اولا واخيرا
لو حد وانت ماشى فالشارع طلب يعمل مكالمة من موبيلك حتوافق؟ ممكن بس انا اللي هتكلم مش هوة (مرسال يعني)
شايف نفسك واخد حقك فالدنيا ؟ حد واخد حقه في الدنيا؟ ........................... اذا شخص قرر ان يجاوب فاتمنى ان الاجابات تكون فعلا صريحة

---

شكرا ليكي و فعلا على قد الاسئله ماهي صعبه الا اني استفدت منها

جانا
انت فييييييييييييييييييييييين
تابعى الموضوع بتاعك
عشان نحس دايما اننا مع بعض

اقتباس:

---

المشاركة الأصلية كتبت بواسطة JANA MOHMAD

دا امتحان صعب يا جانا بس جمييييييييييييييييييييل
ههههههههه واحلى حاجة فيه انه open book امممممممممم نبتدى
بسم الله

شايف نفسك ازاى .....؟
شايفة نفسى حد تانى وبادور على نفسى جواها
راضى عن نفسك ؟
بدات ارضى بعد فترة حيرة طويلة
اية الحالة الى انت بتعشها دلوقتى ؟
انتظار
تقدر تعيش من غير حب ؟
no,never استحالة ابسلوتلى على راى الليمبى
راسم لحياتك خطة ؟
طبببببببببببببعا
ولو فى خطة ماشى فعلا عليها ؟
يعنى على قد ماقدر
بتحب نفسك ؟
الحمد لله لانى باحب الناس قوى وفاقد الشئ لا يعطية
اية اكتر حاجة بدايقك من نفسك ؟
انى باجى على نفسى كتير
اية اكتر حاجة بتحبها فى نفسك ؟
احساسى عمره مايكدب عليا
اية اكتر حاجة تستفزك ؟
الغباء.. وانه حد يحاول يتحكم فيا او يقيد حريتى
اية الحاجة الى دايقك من حد ؟
الكدب عينى عينك
اية اكتر حاجة تجذبك لحد؟
فى الشكل العيون .. وفى الشخصية حدة الذكاء
حاسس انك فعلا موجود ؟
انا قولتلك انا اتنين الاولى موجودة والتانية لا
ليك دور فالحياة ؟
اكيد
شايف الى انت عايزوا بتقدر توصلوا ؟
على حسب قوة ارادتى لما باصمم من قلبى باوصل
ولا بتستغنى عنوا ؟
مانا قلت بس فى اغلب الاوقات باحوش المعارك لحاجة تستاهل بجد
بتصلى ؟
الحمد لله ولو انى ساعات باكون مقصرة
حاسس ان ربنا راضى عنك؟
دى بقى اكيد لانى باحب حب عبادة وباتكلم معاه واحكيله كتير ونفسى يرضى عنى وربنا قال من جاءنى يمشى جئته هرولة (( فيما معناه يعنى))
اذا كانت نهاية العالم بكرة تشكر مين ؟
اشكر الاستاذ ابراهيم الفقى و كعبول ههههههه بجد مش باهزر
وتعتذر لمين ؟
اعتذر لنفسى لانى تعبتها معايا كتير
اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟
اخد حد يتقى الله وامنيته انه ينول رضاه
ولو فى شىء واحد لازم تاخدة حتاخد اية؟
اخد معايا مصحف
اية اول انطباع الناس بتاخدة عنك ؟
لو حد غلس بيقول عليا مغرورة ولو حد كويس بيقول طيبة محترمة وعسولة
اصلى انا اللى باقرر اتعامل ااى
اذا شخص طلب منك تتغير حتقبل؟
لو شخص يهمنى هاحاول على قد ماقدر
فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟ طبعا باللى انا مقتنعه بيه
حاسس نفسك رومانسى ؟
جدا
ولا انت شخصية عملية ؟
تصدقى الاتنين عملية ورومانسية
ممكن تدوس على اى حد عشان توصل ؟
ياااااااااااه ياريتنى كنت كدة لا اطلاقا انا ممكن ادوس على نفسى عشان اشوف حد سعيد
اية شعارك فالحياة ؟
لكل شئ سبب و فى كل شئ حكمة يعلمها الله
لو حد وانت ماشى فالشارع طلب يعمل مكالمة من موبيلك حتوافق؟
لا طبعا .. انا ممكن اديلها فلوس تتكلم اما لو ولد مش هاعبره اصلا ههههههههه
شايف نفسك واخد حقك فالدنيا ؟
لغاية دلوقت لا.. والحمد لله ...........................
اذا شخص قرر ان يجاوب فاتمنى ان الاجابات تكون فعلا صريحة
صريحة والله صريحة ..
انا باشكرك يا جانا بجد من قلبى ..
تصدقى نفسى كانت واحشانى وكنت محتاجة اتكلم عنها ..

---

شكرررررررررررررررررررررررررررررررررررررررررررررا

موضوع جميل شكرا ليكى

اقتباس:

---

المشاركة الأصلية كتبت بواسطة zoro313

موضوع جميل شكرا ليكى

---

لالالالالالالالالالالالالالالالالالالالالالا
حليييييييم لا نكتفى بهذا الرد ..
هو دخول الموضوع زى .... :p
ياللا جااااااااااااوب

ههههههههههههههه
انا جاوبت فى ورقه عندى
ومينفعش اكتب الكلام ده
استرى عليا بقى هههههههههههه

هههههههههههههههه
نو نو نو استحااااااااااااااااالة احنا عايزين كوبى للورقة دى:D:D:rolleyes:

واللا هنعتبرك .....اممممممممم مش عارفة بس اكيد هنقوم الراى العام عليك هههه:p:p

هههههههههههههههه
اوك جارى تحميل الورقه

شايف نفسك ازاى .....؟
و الله انا شايف نفسى انى بسعى ورا شىء و ان شاء الله اوصل له
راضى عن نفسك ؟
الحمد لله على اكمل وجهه
اية الحالة الى انت بتعشها دلوقتى ؟
هى حاله حب و مش عارف اقول
تقدر تعيش من غير حب ؟
الصراحه لا لانى من النوع اللى بحتاج ان يكون حد جنبى اشكى له وقت ما اكون تعبان و اسمع له وقت ما يحب يتكلم
راسم لحياتك خطة ؟
اه الحمد لله
ولو فى خطة ماشى فعلا عليها ؟
الحمد لله ان حطيت رجلى على اول الطريق
ولو مفيش بتعمل اية فحياتك ؟
ماانا قولت انى حطيت خطه
بتحب نفسك ؟
اه بس مش لدرجه الانانيه
اية اكتر حاجة بدايقك من نفسك ؟
عصبيتى
اية اكتر حاجة بتحبها فى نفسك ؟
حنيتى على اللى امامى مهما عمل
اية اكتر حاجة تستفزك ؟
الغباااااااااااااااء
اية الحاجة الى دايقك من حد ؟
انه بغلط فى من ورا ظهرى
اية اكتر حاجة تجذبك لحد؟
الذكــــــــــــــاء
حاسس انك فعلا موجود ؟
الحمد لله و بثبت وجودى
ليك دور فالحياة ؟
الحمد لله لى
شايف الى انت عايزوا بتقدر توصلوا ؟
بصى انا حقولك على حجاه طالما انك عايز تصول لحاجه و انت خططت لها و مشيت فى الطريق ليها يبقى ربنا حيسهل كل شىء فى سبيل الوصول للشىء ده
ولا بتستغنى عنوا ؟
ستحاله طبعا
بتصلى ؟
الحمد لله
حاسس ان ربنا راضى عنك؟
لا لانى كنت مقصر فى حقه زماااااااان
اذا كانت نهاية العالم بكرة تشكر مين ؟
والدتى على اللى عملته معاى
وتعتذر لمين ؟
للشخصيه اللى ارتبط بيها زمااااان على الرغم من انها جرحتى الا انى اعتذر لها لانى سببت لها الازعاج
اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟
بصى انا مش عايز اخد حد لان مش ذنب حد انه يجيى معايا لكن لو لازم يبقى اختى الصغير لانى مش حسيبها لوحدها ابدا
ولو فى شىء واحد لازم تاخدة حتاخد اية؟
المصحف الشريف
اية اول انطباع الناس بتاخدة عنك ؟
انى شخص رخم اوى و بعد كده الانطباع ده بيتغير 360 درجه
اذا شخص طلب منك تتغير حتقبل؟
لو التغيير ده فى صالح الاخرين و فى صالحى
فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟
اللى انا مقتنع بيه حمشى فيه
حاسس نفسك رومانسى ؟
اوى اوى و ده اللى جايبنى ورا الشمس
ولا انت شخصية عملية ؟
مش اوى يعنى
ممكن تدوس على اى حد عشان توصل ؟
لالالا مش ذنب حد انى عاشن اوصل ادوس عليه
اية شعارك فالحياة ؟
خطط لبكره و عيش اللحظه فى وقتها
لو حد وانت ماشى فالشارع طلب يعمل مكالمة من موبيلك حتوافق؟
لو هو محتاجها اوى
شايف نفسك واخد حقك فالدنيا ؟
مش اوى بس الحمد لله
........................... اذا شخص قرر ان يجاوب فاتمنى ان الاجابات تكون فعلا صريحة

و الله انا جاوبت بكل صراحه

اممممممممممم.. شكرا يا اسلام على صراحتك وانك جاوبت وشاركتنا افكارك
ياللا خللى الناس يتعلموا ...
وماشى يا حليم مستننيييييييييييييييييين الورقة تتحمل يا ترى على امتى؟؟
اوعى تخلنى زى الراجل بتاع الاعلان
..احنا فى سنة كام يابنى

اقتباس:

---

المشاركة الأصلية كتبت بواسطة ميرا مار

اممممممممممم.. شكرا يا اسلام على صراحتك وانك جاوبت وشاركتنا افكارك
ياللا خللى الناس يتعلموا ...

---

ايه و الله جابوت بكل صراحه اتانى الله بها
يعنى على قدى كده
هو انا قولت حجاه غلط ولااايه

شايف نفسك ازاى .....؟
انسان عادى
راضى عن نفسك ؟
مش كل الحالات
اية الحالة الى انت بتعشها دلوقتى ؟
فرحان
تقدر تعيش من غير حب ؟
لا
راسم لحياتك خطة ؟
طبعا
ولو فى خطة ماشى فعلا عليها ؟
الحمد لله
ولو مفيش بتعمل اية فحياتك ؟
----------------
بتحب نفسك ؟
نعم
اية اكتر حاجة بدايقك من نفسك ؟
الخجل من ابسط الاشياء
اية اكتر حاجة بتحبها فى نفسك ؟
الاقناع
اية اكتر حاجة تستفزك ؟
العند
اية الحاجة الى دايقك من حد ؟
انه يتجاهل الى قدامه
اية اكتر حاجة تجذبك لحد؟
عنيه
حاسس انك فعلا موجود ؟
الحمد لله
ليك دور فالحياة ؟
نعم
شايف الى انت عايزوا بتقدر توصلوا ؟
بكل الطرق بوصل للى انا عاوزه
ولا بتستغنى عنوا ؟
اذا كان اصعب من قدراتى
بتصلى ؟
الحمد لله
حاسس ان ربنا راضى عنك؟
معرفش
اذا كانت نهاية العالم بكرة تشكر مين ؟
امى
وتعتذر لمين ؟
للناس كلها اهو الم حسنات هههههههه
اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟
امى
ولو فى شىء واحد لازم تاخدة حتاخد اية؟
مصحف
اية اول انطباع الناس بتاخدة عنك ؟
خجول
اذا شخص طلب منك تتغير حتقبل؟
لو للاحسن ليه لا
فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟
فى الاصح
حاسس نفسك رومانسى ؟
بيقولو
ولا انت شخصية عملية ؟
جدا
ممكن تدوس على اى حد عشان توصل ؟
لا
اية شعارك فالحياة ؟
عامل الناس بما تحب ان يعاملوك به
لو حد وانت ماشى فالشارع طلب يعمل مكالمة من موبيلك حتوافق؟ لو شبفه يستحق او هو بعيد عن السنترال ههههههههه
شايف نفسك واخد حقك فالدنيا ؟
الحمد لله

حليــــــــــــــــــــــــــــــــــ جاوب يا بشر ـــــــــــــــــــــــــــــــــم
ايه يا واد الكلام الجامد ده قولى بس

هههههههههههههههههه
بس بقى فضحتونى فى المنتدى كده ههههههههههههه

ايييييييييييييييون كدة..
شوفت يا حليم .. الكلام حلو ازاى؟؟
وكدة عرفنا عنك حجات حلوة(هنبقى نمسكها عليك ) هههههههه

اقتباس:

---

المشاركة الأصلية كتبت بواسطة ميرا مار

ايييييييييييييييون كدة..
شوفت يا حليم .. الكلام حلو ازاى؟؟
وكدة عرفنا عنك حجات حلوة(هنبقى نمسكها عليك ) هههههههه

---

ههههههههههههههههه
هو ده الى كنت عامل حسابه

الموضوع حلو يا جانا

شكراااااااا جداااااااا ياجماعة للمتابعة

وانا موجودة ياميرا مار ومرسى ياميروا انك بتخلى الاعضاء يجويوا

موضوع جرىء اوى واحب اجرب بصراحه مطلقه

_________ بسم الله الرحمن الرحيم _____________

شايف نفسك ازاى .....؟
انسان محير
راضى عن نفسك ؟
معظم الأوقات
اية الحالة الى انت بتعشها دلوقتى ؟
خوف حيره وقلق
تقدر تعيش من غير حب ؟
لا طبعا مش كل الحب فيه حب مينفعش الواحد يغفل عنه اساسا
راسم لحياتك خطة ؟
لو قولت اه ابقى بجد بكدب بس فيه بعض الترتيبات لمدى قريب
ولو فى خطة ماشى فعلا عليها ؟
بحاول وربنا يسهل
ولو مفيش بتعمل اية فحياتك ؟
وقفه مع النفس
بتحب نفسك ؟
مش فى كل الأوقات الا وابقى انانى بقى فى ناس تستحق احبها اكتر من نفسى .
اية اكتر حاجة بدايقك من نفسك ؟
الغضب الشديد
اية اكتر حاجة بتحبها فى نفسك ؟
القدره على التفاهم والتواصل مع الأخرين
اية اكتر حاجة تستفزك ؟
الغباااااااااااااااااااااااااء بكره موووووت واقصد غباء التصرفات
اية الحاجة الى دايقك من حد ؟
عدم مراعاة شعور الأخرين
اية اكتر حاجة تجذبك لحد؟
ذكاءه وفكره وتصرفاته كلهم كده على بعض ( يدوكى ميلك فريش ههههههه)
حاسس انك فعلا موجود ؟
ده اكيد مش محتاج احساس ( انا افكر اذاً انا موجود )
ليك دور فالحياة ؟
طبعا وهو مش دور واحد هما اكتر من دور بأيدك تكترهم وتقللهم
شايف الى انت عايزوا بتقدر توصلوا ؟
بستعين بالله بحاول كتير ومعرفش اليأس وعنيييييييييييييييد جداً
ولا بتستغنى عنوا ؟
رحم الله امرء عرف قدر نفسه
بتصلى ؟
الحمد لله بس الأول احسن من كده
حاسس ان ربنا راضى عنك؟
سؤال صعب الله وحد اعلم
اذا كانت نهاية العالم بكرة تشكر مين ؟
امى طبعا واقولها انه كان شرف عظيم ليا انى اكون ابنك
وتعتذر لمين ؟
لنفسى لو كنت قصرت فى حقها ولكل الى حواليا لو كنت غلط فى حقهم على رأسهم امى الى اكيد مسمحانى من غير اعتذار
اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟
امى وانا مين هيتحملنى ويفهمنى ادها
ولو فى شىء واحد لازم تاخدة حتاخد اية؟
مصحف ولو اتنين يبقى قلمى
اية اول انطباع الناس بتاخدة عنك ؟
مش عارف بس كله بيقول انت ابن بلد وبحب الناس
اذا شخص طلب منك تتغير حتقبل؟
ما اظنش الا لما تيجى منى ما قولنا عنييييييد
فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟
بصى انا امشى فى الى انا مقتنع بيه وارجع فى قالى عليه الى بحبه ههههههه( على فكره انا والحمد لله سياسى بارع ومبحبش ازعل حد منى )
حاسس نفسك رومانسى ؟
مش شرط بس بعرف اقدر الحب
ولا انت شخصية عملية ؟
فى معظم الأحيان
ممكن تدوس على اى حد عشان توصل ؟
انا بمووووووووت فى العمل الجماعى وبحب الجمله دى اوى ( يا نعيش عيشه فل يا نموت احنا الكل )
اية شعارك فالحياة ؟
هما بصراحه اتنين بيدو معنى واحد ( من تواضع لله رفعه ) و( عيش دون قدرك يرفعك الناس فوق قدرك )
لو حد وانت ماشى فالشارع طلب يعمل مكالمة من موبيلك حتوافق؟
طبعاً وحصلت معايا فى وقت متأخر وانقذت موقف لواحده لكن لو بيستهبل اديه ولما يخلص والله لأحاسبه باثوانى انا اصلى بحب الناس الى زى دى وبعرف اتعامل معاهم كويس
شايف نفسك واخد حقك فالدنيا ؟
ما قولنا رحم الله امرء عرف قدر نفسه


بجد موضوع تستاهلى عليه افضل موضوع فى المنتدى وشكراً ليكى كتير ويارب اكون متقلتش عليكم

ياااااالا سلالالالالام

شكرا mahro

موضوع جميل جدا
بس لو كل واحد فكر يعرف نفسه كويس
اكيد ناس كتير مش هتكون راضيه عن نفسها

يا باشمهندس احمد احنا بنعيش كتير وفى ناس بتعيش وتموت ولم تعرف حق قدرها او اغوار نفسها
عشان كدة حلو اننا نجاوب كل فترة ع الاسئلة دى
انا اعتقد لو كل واحد يوم عيد ميلادة كل سنة جاوب
هيجاوب كل مرة حاجة جديدة..واللا ايه رايكم؟؟؟

انا معاكى جدا ياميرامار كلنا فينا عيوب وكلنا بنغلط والى انا اعرفة ان مش عيب ان الواحد يغلط العيب الى ميعترفش بغلطة وميتعلمش منة فاكيد لما اعد مع نفسى كل فترة واحاول اعرف وافهم هل هى بتتغير ولا لاء وياترى التغير دة للاحسن ولا للاوحش

دة هيبقة منتهى العدل بالنسبالى واسمحولى انى اجاوب

• الخطوط الاحجام

اقتباس:

---

المشاركة الأصلية كتبت بواسطة JANA MOHMAD

شايف نفسك ازاى .....؟ شخصية بسيطة جدا راضى عن نفسك ؟ الحمدلله ولكن بسعى دائما انى اكون قريبة من المثالية اية الحالة الى انت بتعشها دلوقتى ؟ استقرار تقدر تعيش من غير حب ؟ لا راسم لحياتك خطة ؟ اكيد والحمدلله مقتنعة ان كل شىء نصيب ولو فى خطة ماشى فعلا عليها ؟ بحاول والله على قد ماقدر ولو مفيش بتعمل اية فحياتك ؟_ بتحب نفسك ؟ خالص والله العظيم ودى مشكلتى ومش بقصد على فكرة انى بكرها ولكن دايما بفصل الاخرين على نفسى اية اكتر حاجة بدايقك من نفسك ؟ هما حاجات كتيرة اولهم الى انا قلتها من شوية وبكرهة انى بتأثر بسرعة يعنى مسلا لو فى حد عندة مشكلة وجة حكهالى بكتئب جدا وممكن هوة بعدها يبقة كويس وانا لسة فنفس الحالة اية اكتر حاجة بتحبها فى نفسك ؟ انى الحمدلله بحاول طول الوقت هتغير للاحسن اية اكتر حاجة تستفزك ؟ الغباااء وفى ناس كدة تحس ان عندهم ارسال بس مفيش استقبال والعصبية وبدايق من الزن واكيد مش بتاع الاطفال هههه اية الحاجة الى دايقك من حد ؟ ان احس انة مش فاهمنى اية اكتر حاجة تجذبك لحد؟ تفكيرة حاسس انك فعلا موجود ؟ اكيد ليك دور فالحياة ؟اعتقد شايف الى انت عايزوا بتقدر توصلوا ؟ هى النتائج بتاعتى فحياتى لحد دلوقتى بتقول ان معظمها الحمدلله بقدر ولا بتستغنى عنوا ؟ لا مش بتنازل بسهولة بتصلى ؟الحمدلله حاسس ان ربنا راضى عنك؟ياارب فعلا بتمنها طبعا اذا كانت نهاية العالم بكرة تشكر مين ؟ والدتى وتعتذر لمين ؟لاى حد زعلان منى اذا انت عرفت انك حتتنفى لمكان بعيد ولازم تاخد شخص واحد تاخد مين معاك؟ بلاش السؤال دة ولو فى شىء واحد لازم تاخدة حتاخد اية؟ المصحف اية اول انطباع الناس بتاخدة عنك ؟مباتخدش على الناس بسرعة اذا شخص طلب منك تتغير حتقبل؟ اة بس اعرف الاول الهدف من التغير (مصلحتى , تعقيدى )فى طريقان ادامك طريق اكتر حد فالدنيا بتحبة قلك تمشى فى وفى طريق انت مقتنع بى حتمشى فاى طريق ؟هوة اذا كان خاص الطريق دة بحياتى بس ومش حيضر او يفيد اى حد تانى غيرى عشان اكون صريحة انا بمشى فالطريق الى انا مقتنعة بى حاسس نفسك رومانسى ؟ مش عارفة بأمانة ولا انت شخصية عملية ؟ نسبتها عالية عندى ممكن تدوس على اى حد عشان توصل ؟لا نهائى اية شعارك فالحياة ؟ السعى للافضل لو حد وانت ماشى فالشارع طلب يعمل مكالمة من موبيلك حتوافق؟ اة اكيد شايف نفسك واخد حقك فالدنيا ؟ لاء ........................... اذا شخص قرر ان يجاوب فاتمنى ان الاجابات تكون فعلا صريحة

---

اجاباتك جميلة يا Jana و ربنا يحققلك مرادك و حاسس انك من النوع اللي بيرضى بنصيبه اوي و لقيت الجزء ده في اجاباتك

الله ينور