*راحت عليكى يارجوله_ تعالى اضحك شويه...

[SIZE="2"]اخوانى الزملاء انا بجد بمووووووووت فيكم والله وانا جايب لكم النهارده حاجه مش شرط تعجبكم بس شرط تفهمو فكرتها .. هى سخريه من الحياه اليومين دول مش اكتر نابعه من قلب اربع شباب( محامى _دكتور كميائى _ مهندس تصميم _ واخوكم ) نفس السن ونفس الظروف ونفس الطموح تقريبا تربيه فى بيت متوسط الحال تربيه ناس كتير شايفنها كتير كويسه والحمد لله .. والحكايه بدأت من هنا ...

اربع شباب زى الورد قاعدين على القهوه فى حاله ميأوس منها :(الى راجل محترم فى شركه كبيره جدا بس مرتبه يدوب بيكفى مصاريفه:eek: والى ساب مجاله ونزل يبسنس فى السوق عشان مش غاويه :pوالأتنين الباقين بقى مش عارفين هو فيه ايه بالضبط الدنيا عماله تخبط فيهم من تجاره لدراسه لوجع قلب وحاجات ياما :confused:كلهم عندهم افكار حلوه ومشاريع تكسر الدنيا بس ملخبطه معاهم شويه.
لما طولت القعده اكيد لازم فيه كلام كده مينفعش قام الدوك مزاولنى ( ولا ماهرو ) نعم .. انت ولاحاجه .. ارد وانت زفت مش طلباك نام على بقوقك احسن ...بصة جماعيه لبعض نفطس من الضحك ومش عارفين على ايه ....
يقوم يعدى 3 شباب و3بنات اووووفر نايتى وراهم 3 شباب ماشين يسكروا فى الشارع ولا فى دماغ. الدوك قال لاحول الله وسرخ راحت عليكى يا رجوله ..انا ارد عليه وراح زمن البطولات وشباب رايحه جايه بالفيجا والراااامات يرد احمد اتارى الرجوله فى الكاكولا .ههههههههههههه اتفك الزهق والفنا دى ..... دى الحكايه ...تحبو تشوفوا الروايه انزلـــــــــــــوا ..................
[/SIZE]
شويه كمان


قربت


عاوز تضحك



يالا يا معلمين


راحت عليكى يارجوله وراح زمن البطولات

وشبابنا رايحه جايه بالفيــــجــا والرااامات

واحنا الشباب الصح ملناش فى الدنيا مكان

ما الجو خلاص اتعطر بالشيشه والدخان

اهلا بالدنيا الحلوه يا رجاله وستات

نتلم لمه حلوه ونسهر نديها حركات

مش هنضيع وقت فى ورق ومذكرات

دى بتحلى الصحبه الحلوه على النت و الكافيتريات

من النهارده حياتنا الصح هنقضيها اشتغالات

نرقص على السيكا والواحده ونحور للبنات

ولو الرجوله فينا بلتى ان نروح نركب كارتات

هنسهر ليلاتى عالشات ونشبط فى الكابلات

ودمغنا خلاص هنفرمط ونمشى بالفلاشات

من الدنيا كمان هنسطب ونفض للسورسات

وفى ده وده هنخبط واهلاً بالشكلات

ولاحد فينا هيسأل وهيقولوا خليهم كده اشطات

ماهو مش عاوزنا نفكر يا اهلا بالتفاهات

ياعم مايلا انا وانت نكبر هو لسه تانى هنصبر

ونفضل فى حياتنا نسطر وهيا فين الكراسات

راحت عليكى يارجوله وراح زمن البطولات

وشبابنا رايحه جايه بالفيجا والرامااااااات

........هه .. هه .. هه.. اربع ضحكات سخريه


بس احنا طبعا غير كده خالص وعمرنا مانفكر فى كده بس ده كان هزار مجمع الغرض منه فك الضيق ويارب تكون

عجبتكم .......


احبكم فى الله

أخوكم / ماهروووووووو

بجد يا محمود بحييك على الموضوع ده
انا بحب مواضيع السخريه الهادفه جدا
مشكووووووووووووووووووووووووووووووووووووووور

ميرسى ليكى يارانيا اوى وبحيكى بجد مع انك بنت انما قدرتى تفهمى الموضوع من زاوية الصحيحه برافوا عليكى والله

احترم زكائك ومعايشتك للأحداث المعاصره

حلوة قوى
بيعبر عن حال الشباب الى مش فاهمين هدفهم فى الحياه
وعيشينها بالطول والعرض مش شايلين هم بكرة

حلوة يا ماهرو مشكور

ربنا يخليكى يا ساره بس لو تقريها بالترجمه هتمووتى من الضحك بس شوفى بقى انتى حد يترجمهالك بقى انا مليش دعوه ........ههههههههههه

عجبتنا يا ماهرو
حلوة اوى

شكرا لمجهودك

انت الى تسلم على المرور يا بووووووووووووب ........

جميله يا مهروو

الله ينوور

ربنا يحفظ الشباب جيعا بأذن الله
ويهدى الناس جميعا بدل من الاستفزاز اللى تعب الشباب ده

شكرا جزيلا ماهرو

مرسى يا مهرو
بجد عرقت توطف المعانى مع الكلمات

حلو اوى يا ماهرو

شكر ميرو _ حوريه _ اوجى _ بوسى انتو الى اجمل والله بردودكم.

وشرفتوووووووووووووووووونا يا معلميييييييييييين هههههههههه

مهرو بجد انت وزمايلك عملين شغل جامد
موت وبجد كلام هادف
كانى شايفه كل الى بتقوله قدامى

شكراً مى ردك عالى وزواق وعلى راسى يا باشا والله مرووووووووووورك

نورتونى كلكم واستنو المزيد

ايه ياماهرو كلمات جامدة وتعبير حلو ومعانى اممممممممممم

احب اشكر كل الى ردو وكويس بجد انها عجبتكم

الله ينور عليك يا باشا
بجد كأنها بتحكي حياة الشباب في تلك الايام
ميييييييييرسي خاااالص

جميلة يا مهرو .. الله ينور
وربنا يسترها على الشباب اليومين دول

الف شكر ليك ياماهرو انت وزمايلك على الكلام دة مع انة سخرية ولكنة شايل معانى كتير
ربنا يصلح حال الشباب اللى كدة
اللهم امين يارب
ويهديهم الى الطريق المستقيم
وربنا يستر على شباب المستقبل

شكرا لكل الى ردو بجد وتقريبا الموضوع بقاله اكتر من سنه والحال هوه هوه


يعنى مغلطناش احنا