حوار ساخن جدا

بسم الله الرحمن الرحيم

ازيكم يا جماعة ...

في البداية الموضوع ده اخد مني وقت طويل جدا في التفكير اني اعمله والصراحة قعدت افكر اكتر في الفكرة اللي هنزل بيها والزاي هتتم وكمان العنوان اللي امامكم ده فكرت فيه كتير قوي المهم مش هطول عليهم وهعرض عليكم الموضوع علطول


حوار ساخن جدا


من اسم الموضوع ان هيكون فيه حوار ... وحوار اتمني انو يكون شيق وبما اننا في منتدي رابطة خريجي المساحة والخرائط ... اكيد لازم يكون للخريجين دور هام جدا في المنتدي ده وهو عملية والتواصل والاستفادة من خبارتهم وانهم ينقلولنا واقع الحياة العملية اول بأول ... لان بجد من العيب ان يكون معانا كوادر من الخريجين واحنا مش بنسفيد منهم

المهم عاوزين كل الخريجين يساعدونا في الحوار ده وانا بدعو جميع الخريجين وجميع الطلبة لعمل حلقة وصل من خلال الحوار ده وهيكون عبارة عن ان احنا هنوجه اسئلة شغلانا بالنسبة للخريجين وهما يردو علينا وعلي الاسئلة الموجه ليهم بس بشرط ان كل واحد من الخريجين يرد من واقع شغلة وحياته الخاصة ملوش دخل بزمايلة الخريجين عشان نشوف الخبرات من جميع الجهات


وانا هبدأ بتوجيه سؤال ليهم


عاوز اعرف اول خطوة عملتوها بعد التخرج ؟


يلا يا جماعة في انتظار اسئلتكم وفي انتظار إجابة اخوتنا الخريجين

انا حبدا الرد يا حسن
ولكن في البداية احب اشكرك علي فكرة الموضوع دة

بص يا سيدي
اول حاجة عملتها لما اتخرجت....................
هو بصراحة من بعد الامتحانات بيومين
و هو اني بدات الكورسات في مجال دراستي و هي gis

ولكن قبل بدا الكرسات لابد من التفكير الجيد
و لازم رسم خطة للحتقوم بعملة
و حتي الان انا في كورسات مكثفة
لكني اشتغل باعمال صغيرة بجانب الكورسات و هذه الاعمال في مجال دراساتي
و بشكر كل من لة الفضل في هذه الاعمال (دون ذكر اسماء)

بس بعد الكورسات ان شاء الله الاقي شغل يليق بمجالي و اكون في مكانة عالية بأذن الله
ادعوا لي بس انتوا

و شكرا
كل سنة و الجميع بخير

فكره حلووو بس أعتقد ان أول خطوه هي الجيش

اقتباس:

---

المشاركة الأصلية كتبت بواسطة salamika

انا حبدا الرد يا حسن
ولكن في البداية احب اشكرك علي فكرة الموضوع دة

بص يا سيدي
اول حاجة عملتها لما اتخرجت....................
هو بصراحة من بعد الامتحانات بيومين
و هو اني بدات الكورسات في مجال دراستي و هي gis

ولكن قبل بدا الكرسات لابد من التفكير الجيد
و لازم رسم خطة للحتقوم بعملة
و حتي الان انا في كورسات مكثفة
لكني اشتغل باعمال صغيرة بجانب الكورسات و هذه الاعمال في مجال دراساتي
و بشكر كل من لة الفضل في هذه الاعمال (دون ذكر اسماء)

بس بعد الكورسات ان شاء الله الاقي شغل يليق بمجالي و اكون في مكانة عالية بأذن الله
ادعوا لي بس انتوا

و شكرا
كل سنة و الجميع بخير

---

انا سعيد جدا يا سلمي انك اول المشتركين معانا في الحوار ده وان شاء الله الحوار يستمر وكل الاعضاء يشتركوا فيه سواء طلاب او خريجين

طيب بناءا علي كلامك تفتكري الكورسات بتاعت الجي اي اس دي بتأخد وقت قد ايه إذا كانت مكثفة او كانت بشكل عادي؟

الاسئلة دي مش موجه ليكي يا سلمي لوحدك بل لكل الخريجين ذو الخبرات وحديثي التخرج طبعا

يعني ارد ولا لاء


علي العموم انا حرد حتي لو مكنتش عايز يا حسن
غلاسة بئة


المستوي في gis
بياخد من شهرين ل3
و هم 5 مستويات

اقتباس:

---

المشاركة الأصلية كتبت بواسطة mesa7a

فكره حلووو بس أعتقد ان أول خطوه هي الجيش

---

مهو مش كل الناس عندهم جيش يا علي فيه ناس بتعد نفسها علطول اول متتخرج وخاصة البنات كده

الحوار ده مش للشباب بس وللبنات كمان عشان كلنا نستفيد

ومن هذا المزنق انا بدعو كل زملائي للاشتراك في الحوار ده يعني محدش يدخل إلا وهو معاه سؤال والخريجين اخواتنا مسؤولين عن انهم يجوبولنا علي كل استفساراتنا بجد هيكون شئ جميل جدا اننا ننقل الخبرات لبعض

اولا شكرا ياحسن على الموضوع ده

وانا هحاول افيديك
وبعد اذن اختى سلمى
الموضوع للولاد يختلف عن البنات
اول ما تخلص وقبل ما تستلم الشهاده تحاول انك تتدرب فى اى مكان
ويكون تدريب فعلى
وبعدين تعمل سى فى صغير وبتكون كلمه حديث التخرج اصعب حاجه فيه
وتقدم السى فى فى بعض الشركات والاعلانات
الموضوع ده مش هياخد منك شهر
وان شاء الله اوعدك انك هتشتغل

كنت عايز سؤال
هل شهادةالكلية تكفى للعمل سواء هنا فى مصر او بالخارج ولا فى حاجات تانية لازم ادرسها بعد التخرج ؟؟؟

اولا ربنا يكرمك وتتخرج
شهاده الكليه تصلح للعمل بالداخل
ولو فى سفر بتتوثق من وزارة الخارجيه والمجلس الاعلى للجامعات
المهم يكون مكتوب فيها المساحه والخرايط
بس الاهم فى كلا الحالات التدريب العملى
والشغل الفعلى
مش على الورق

شكرا يبشمهندس احمد

عنك حق يا احمد
الولاد يختلفوا عن البنات
بس بالنسبة للتدريب
المفروض قبل ما تتخرج تكون تدربت
و هذا للولاد و البنات مش الولاد بس

سور يا جماعة اني اتاخرت في المشاركة في الموضوع الي بشكرك عليه ده يا حسن
بصوا يا جماعة طبعا زي ما البشمهندس احمد قال ان اصعب شيء في السي في كلمة حديث التخرج
بس بالنسبة للولاد ان شاء الله هيشتغلوا بسهولة ان شاء الله بس بجد محدش يفقد الامل او يحبط قعدت شهر او 2 او 3 مش مشكلة بس في الوقت ده نمي نفسك
كورس انجليزي
كورس جي اي اس طبعا
كورسات برامج هندسية اتوكاد وسيرفير
وياريت التدريب في اي حتة قبل ما تتخرج بجد كل ده ان شاء الله هيسرلك العملية بتاعة الشغل اوي
اما للبنات فجي اي اس والبرامج الهندسية لازم تتقنوها وتدخلوا اي مكتب فني في اي حتة تدربوا فيه
وان شاء الله كله يشتغل
وربنا معاكم ان شاء الله

بما انى لسه فى سنه رابعه مساحه بشكر حسن على انه فكر فى الموضوع دا بس كمان لازم تفكر فى اخواتك البنات ولا احنا مالناش لازمه فى القسم ع العموم ممكن انا يا حسن اشارك فى الاسئله واسال سؤال واتمنى ان الولاد يجوبينى قبل البنات وياريت بجد القى ردود مقنعه وبجد تتنفذ السوال بقى احنا فين يعنى بصراحه زى ما كل الكل بيقول بعد احنا ما نتخرج حنعمل ايه ممكن نشتغل ولا حنقعد فى البيت؟ بجد اتمنى انى القى رد على ع السوالى وبجد يبقى لينا وضع فى الشغل ولينا حق يامل لو مفيش يكتبوا على القسم للرجال فقط!!!!!!!!!!!!!

انا شايف ان اهم شيء للخريج هو الهدف

انا شايف ان لازم اي خريج لازم يحط ادامه هدف معين و يحاول انه يوصل له .. بس فعلا اول حاجه لازم يعملها هي الكورسات و حبذا لو تكون من المقومات اللي تساعده علي تحقيق هدفه

مثلا .. انا كان حلمي اني اشتغل في المساحه البحريه . بجد و الله تعبت فعلا عشان اتعلمها خصوصا ان مفيش حد في الكليه او من زمايلك حيقدر يفيدك ورغم كده صممت انعلمها . و الحمد لله انا شغال فيها بقالي سنتين في شركه خدمات بترول و بتجيلي عروض كتيره من الخليج و ده لان المساحين البحريين قليلين جدا

عاوزين رأيي ... انا شايف ان المساحه البحريه مستقبلها ممتاز جدا بس عاوزه اجتهاد فعلي

و اعتذر للبنات لان من المستحيل ان بنت تشتغل في المساحه البحريه لانها صعبه بدنيا جدا ده غير السفر الكتير ده غير تعب البحر نفسه و الغربه المستمره

و ربنا معاكم يا شباب .. ولو حد محتاج يستفسر عن حاجه في المساحه البحريه يبعتلي علي طول

معلش انا خريجة بس عندي سوال
ممكن تقولي يا سيرفيفر
هل في تدريب للمساحة البحرية الان و ليس للبنات
او شغل طبعا يبئة تمام كدة؟

موضوع جميل يا حسن

بس انا احب اسأل سؤال اخر

بالنسبه للبنات او الشباب اللى قدروا يشتغلوا ما هى افضل الاعمال التى من الممكن ان تعمل بها الفتاه بالنسبه لمجال العمل بغض النظر عن العمل الحقلى((منعا لاعتراضات الزملاء الشباب)) ؟؟

موضوع اكثر من رائع بجد
وانا سعيده بتفاعل الخرجين فى الموضوع ده

اقتباس:

---

المشاركة الأصلية كتبت بواسطة م/ احمد فاخر

اولا شكرا ياحسن على الموضوع ده

وانا هحاول افيديك
وبعد اذن اختى سلمى
الموضوع للولاد يختلف عن البنات
اول ما تخلص وقبل ما تستلم الشهاده تحاول انك تتدرب فى اى مكان
ويكون تدريب فعلى
وبعدين تعمل سى فى صغير وبتكون كلمه حديث التخرج اصعب حاجه فيه
وتقدم السى فى فى بعض الشركات والاعلانات
الموضوع ده مش هياخد منك شهر
وان شاء الله اوعدك انك هتشتغل

---

اولا انا سعيد جدا بوجودك معانا يا بشمهندس احمد

وطبعا عشان الحوار مستمر انا هطلب من حضرتك لو تقدر تجيبلنا نماذج لسي فيهات

عشان نعرف ونتعلم الزاي نعد السي في

اقتباس:

---

المشاركة الأصلية كتبت بواسطة مهندس محمود ابوالمجد

سور يا جماعة اني اتاخرت في المشاركة في الموضوع الي بشكرك عليه ده يا حسن
بصوا يا جماعة طبعا زي ما البشمهندس احمد قال ان اصعب شيء في السي في كلمة حديث التخرج
بس بالنسبة للولاد ان شاء الله هيشتغلوا بسهولة ان شاء الله بس بجد محدش يفقد الامل او يحبط قعدت شهر او 2 او 3 مش مشكلة بس في الوقت ده نمي نفسك
كورس انجليزي
كورس جي اي اس طبعا
كورسات برامج هندسية اتوكاد وسيرفير
وياريت التدريب في اي حتة قبل ما تتخرج بجد كل ده ان شاء الله هيسرلك العملية بتاعة الشغل اوي
اما للبنات فجي اي اس والبرامج الهندسية لازم تتقنوها وتدخلوا اي مكتب فني في اي حتة تدربوا فيه
وان شاء الله كله يشتغل
وربنا معاكم ان شاء الله

---

نورتنا والله يا بشمهندس محمود ووجودك معانا اضافة لينا في الحوار ده

اقتباس:

---

المشاركة الأصلية كتبت بواسطة hebaya

بما انى لسه فى سنه رابعه مساحه بشكر حسن على انه فكر فى الموضوع دا بس كمان لازم تفكر فى اخواتك البنات ولا احنا مالناش لازمه فى القسم ع العموم ممكن انا يا حسن اشارك فى الاسئله واسال سؤال واتمنى ان الولاد يجوبينى قبل البنات وياريت بجد القى ردود مقنعه وبجد تتنفذ السوال بقى احنا فين يعنى بصراحه زى ما كل الكل بيقول بعد احنا ما نتخرج حنعمل ايه ممكن نشتغل ولا حنقعد فى البيت؟ بجد اتمنى انى القى رد على ع السوالى وبجد يبقى لينا وضع فى الشغل ولينا حق يامل لو مفيش يكتبوا على القسم للرجال فقط!!!!!!!!!!!!!

---

زميلتي العزيزة علي فكرة انتي لو قرأتي الموضوع صح هتعرفي اني مش عاملة للشباب بس بل وللبنات كمان عشان يكون فيه تفاعل مع اخواتنا الخريجين ونقدر نستفيد من خبارتهم اتمني ان الجميع يشترك في الحوار المثير ده

اقتباس:

---

المشاركة الأصلية كتبت بواسطة surveyor0000

انا شايف ان اهم شيء للخريج هو الهدف

انا شايف ان لازم اي خريج لازم يحط ادامه هدف معين و يحاول انه يوصل له .. بس فعلا اول حاجه لازم يعملها هي الكورسات و حبذا لو تكون من المقومات اللي تساعده علي تحقيق هدفه

مثلا .. انا كان حلمي اني اشتغل في المساحه البحريه . بجد و الله تعبت فعلا عشان اتعلمها خصوصا ان مفيش حد في الكليه او من زمايلك حيقدر يفيدك ورغم كده صممت انعلمها . و الحمد لله انا شغال فيها بقالي سنتين في شركه خدمات بترول و بتجيلي عروض كتيره من الخليج و ده لان المساحين البحريين قليلين جدا

عاوزين رأيي ... انا شايف ان المساحه البحريه مستقبلها ممتاز جدا بس عاوزه اجتهاد فعلي

و اعتذر للبنات لان من المستحيل ان بنت تشتغل في المساحه البحريه لانها صعبه بدنيا جدا ده غير السفر الكتير ده غير تعب البحر نفسه و الغربه المستمره

و ربنا معاكم يا شباب .. ولو حد محتاج يستفسر عن حاجه في المساحه البحريه يبعتلي علي طول

---

اهلا بيك يا بشمهندس محمد وانت اكيد هيكون ليك دور فعال معانا وخصوصا انك بتشتغل في مجال ليه مستقبل واسع وانا من هنا احب اسئلك هل عشان نشتغل في المساحة البحرية لازم نأخد كورس مساحة بحرية ولا ممكن من خلال شهادتنا في الكلية مع وجود بعض الخبرات في المساحة الارضية ؟

انا مش هكتب سؤال جديد غير لما البشمهندسين يردوا الاول علي اسئلت زملائي الاعزاء

طبعا في تدريب للمساحه البحريه حاليا .. بس زي ما قلت ان صعب بنت تشتغل في المساحه البحريه

فعشان كده مفيش حد حيرضي انه يدرب بنت في المجال ده لانه عارف انها مش حتشتغل فيه

.. انا عارف ان فرصه البنات اقوي في المكاتب الفنيه في شغل المساحه الارضيه

GIS & Autocad & surfer & Office

اولا ... الشغل في المساحه البحريه لا يعتمد اساسا علي النظري . يعتمد علي خبرتك العمليه

يعني انت ممكن تاخد كورسات مساحه بحريه و بردو ماتشتغلش لانك مش لاقي الفرصه

او مش عارف ازاي تبدأ طريقك في المساحه البحريه .. و في طريقه تانيه و هي انك تتدرب في اي شركه من شركات المساحه البحريه اللي بتحتاج خريجين جدد و تبتدي تدرب مجموعه كبيره و تاخد منها الصافي بتاعها بعد الاختبارات

يعني بمعني اصح انك حتخش شركه منهم و تتدرب و تبتدي تذاكر من اول و جديد لان المساحه البحريه غير الارضي خااااااالص .. و بعد كده تجتهد فيها لغايه ماتستمر و تقدر تشيل شغل فيها لوحدك . و ده الحمد لله اللي انا عملته كنت خارج من الكليه ماعرفش عنها اي حاجه و اتدربت في شركه و اتميزت فيها الحمد لله بمجهودي في سنتسن بس . و الحمد لله انا دلوقتي اللي بدرب الناس الجديده اللي بتيجي و بشوف مين اللي يكمل و مين اللي مايكملش ..

و اللي عاوز بعد مايتخرج اني اساعده في الموضوع ده انا ححاول اساعده علي اد مايقدر .. اني اديله مواقع و تليفونات و عناوين الشركات دي .. و اساعده علي انه يبقي عنده خلفيه عنها كبيره .. و انا بقترح لو تحبو نعمل كل اسبوع في المجله الجغرافيه فقره عن المساحه البحريه انا ممكن اعملهالكم و ابعتهالكم كل اسبوع بحيث يبقي في كل اسبوع موضوع جديد للطلبه كلهم عن المساحه البحريه و ده حيساعد الخريجين بانه يديهم خلفيه كوسه عنها

طيب انا عندي سؤال

هل للبنات مجال واسع في الشغل المساحي ولا مجالهم محدود في الشغل المكتبي وكمان ازاي نلاقي فرص عمل بعد التخرج؟

ازيكم يا جماعة
سورى على التاخير بس موضوع جميل جداااااا يا حسن
انا خريجة دفعة 2008 اخت كورسات ومازال لسة باخد كورسات وبداتها من ايام الدراسة لما كنت فى سنة 3 جى اى اس ونزلت تدريب مساحى
ولسة حاليا بكمل الكورسات واخت كورس فى الاتوكاد والسيرفير واهم حاجة اللغة لانها بتبقى اهم حاجة فى السى فى
وبالنسبة للبنات يكون العمل المكتبى هو الافضل
وربنا يسهل ان شاء الله للجميع والكل يلاقى شغل

موضوع جميل بجد بس انا اقدر اقدم نصيحه لكل الطلبه انهم يخدوا الكرسات وهما فى الكليه وينجزوا الوقت خاصة الولاد لأن الجيش بيعطل كتير

اما عن المجال العملى فأنا لسه خارج من الجيش ومش عارف الدنيا ماشيه ازاى دلوقتى

انا مش عاوز حد يفتكر اني ضد فكره عمل البنات في المجال المساحي .. بس فعلا من الصعب العمل في المجال المساحي للبنات

انا حسأل البنات سؤال ... حنقول انكم فعلا كويسين جدا في الشغل و مستواكم كويس و تقدرو تشتغلو

تقدرو تشتغلو في الصحرا بالساعات كل يوم او تسافرو تشتغلو عالمراكب بالشهور في عرض البحر ؟؟؟

تقدرو تسيبو بيتكم تتغربو كده ؟؟؟

و هل في البيت حد خيوافق علي كده او بعد الجواز بردو حيبقي صعب ..

بس انا شايف ان الشغل في الحقول للشباب اما البنات الشغل الافضل لهم في المكتب الفني ..

انا اسف مش عارق ارد برسايل خاصه لاني لسه ماكملتش 50 موضوع في المنتدي ... بس الموضوع مش سهل ان حد يشتغل في المساحه البحريه خصوصا لو معندوزش خلفيه اساسا .. عموما انا ماسك قسم التدريب خاليا في شركه مساحه بحريه في اسكندريه .انا ممكن اساعده طبعا . و انا كتبت ايميلي عشان تفاصيل تكتر لو تحبو تبعتوهالي

يا بشمندس دة مجهود عظيم منك بس من الافضل عرض الموضوعات هنا عشان الكل يستفاد

طبعا انا عاوز كل الطلاب يستفادو و يعرفو اكتر في المجال ده و انا اقترحت لو تحبو اقعد مع الطلاب و افهمهم ازاي يشتغلو في المجال ده انا معنديش اي مانع

اقتباس:

---

المشاركة الأصلية كتبت بواسطة Wild_Angel

موضوع جميل يا حسن

بس انا احب اسأل سؤال اخر

بالنسبه للبنات او الشباب اللى قدروا يشتغلوا ما هى افضل الاعمال التى من الممكن ان تعمل بها الفتاه بالنسبه لمجال العمل بغض النظر عن العمل الحقلى((منعا لاعتراضات الزملاء الشباب)) ؟؟

---

اولا مفيش حاجه اسمها البنت تقعد فى البيت
فى شغل والمجالات كتير
اولها المكتب الفنى للاعمال المساحيه
وقواعد البيانات فى الهيئات الحكوميه
غير فرصه كمان فى بعض هيئات المساحه وشركات الاجهزه والتوكيلات
وكمان محطات الارصاد الجويه وغيرها
وفرصه صغيره فى العمل الحقلى
واناشاء الله الجميع يشتغل

الموضوع ده يمكن من اهم الموضوعات في المنتدي كله وبيفيد كل الناس

جزاك الله كل خير يا باشمهندس حسن عليه

وشكرا يا باشمهندس surveyor علي الرد وجزاك الله كل خير وكل اللي شاركو وردو علي الاسئله

طيب ممكن انا اسال سؤال و عايز كل الخريجين و الطلاب لو يعرفوا يردوا على

انا بصراحه الموضوع ده شاغلنى جداااا
انا دلوقتى فى شعبه نظم معلومات جغرفايه الفرقه الثالثه
و ابتديت كورسات جى اى اس و كورسات استشعار عن بعد فى الاكادميه العربيه بالتعاون مع الجامعه الامريكيه
و انا ماليش جيش اصلا
السؤال هنا ما هى نسبه فرص العمل بعد التخرج مباشره او بمده قصيره مثلا
و شكرا

علي فكره خريجين كتير من الشعبه العامه اشتغلو في مجال المساحه و اتميزو في الشغل عن خريجين المساحه نفسهم ... لان الاجتهاد في العمل مختلف عن الدراسه

و انت حاول تدعم نفسك بالكورسات الكويسه اللي انت بتاخدها و ان شاء الله فرصه الشغل بعد التخرج مش حتتـأخر

يا جماعه مش المهم الكورس بتاع gis او المساحه بياخد مده اد ايه المهم بياخد كام؟؟؟؟؟

اقتباس:

---

المشاركة الأصلية كتبت بواسطة شهاب بودا

يا جماعه مش المهم الكورس بتاع gis او المساحه بياخد مده اد ايه المهم بياخد كام؟؟؟؟؟

---

كورسات ال جى اى اس يا شهاب هما 5 levels
و كل level بـــ 350 جنيه ده فى الاكادميه
ربنا يوفقكم

والله بجد الجي اي اس كويس جدا وهيتفتح ان شاء الله في مصر الفترة الي جية اكتر واكتر وكمان الشغل بره جامد جدا وزي ما الباشمهندس قال فيه ناس انا اعرفها شغالة مساحة ومتميزة وهي شعبة عامة وفي الاخر ان شاء الله كله يشتغل بس اهم حاجة يكون فيه امل وهدف وقوة في التنفيذ وربنا معاكم كلكم

جميله اوى يا حسن فكره الموضوع دا
لاننا بجد كنا محتاجينه
و انا عايز اسال سؤال

دلوقتى انا اسمع ان الشغل بره غير الى بندرسه
طب المقابله الى بتم قبل التعيين
بنتسأل فى ايه؟؟

انا حتكلم عن نفسي في الانتر فيو
و هو كالاتي
بيسئل اول حاجة عن كل حاجة مكتوبة في السي في
و ممكن يسئل اسئلة متعلقة بالبرامج المكتوبة فيه
و بعد كدة بيسئل في مبادئ المساحة بالنسبة للميزان اكثر و اي انواع التوتل استيشن تعرف تشتغل علية
و هل بتعرف gps
ثم يسئلك في المستقبل الذي تريده و ما هي طموحاتك

بس كدة