السلام عليكم ورحمة الله وبركاته
مكـــان فى الــقلب
http://dl.glitter-graphics.net/pub/4...d2hl6el81k.gifhttp://dl.glitter-graphics.net/pub/4...d2hl6el81k.gif
قد نذهب لاماكن عديده يوميا ولا نشعر بقيمتها او اهميتها بالنسبه لنا
ولكن هل جاء فى ذهنك يوما مكان دائما تشعر انه من الاماكن التى تحبها جدا وتشتاق الى الذهاب اليها
شارك معنا بأماكن لا تستطيع نسيانها شكلها..وصفها ..رائحتها..ما الذى جعلك تحب هذه الاماكن؟؟
شكرا لردك ومرورك
اتمنى رؤية جميع المشاركات
موضوع هايل يلوايلد اول مكان
البحر بحبه جدا خاصة فى وقتين وقت شروق الشمس عندما يكون الضباب كثير ومختلط بمياه البحر ويصنعوا لون السماء الهادى الجميل ووقت الغروب عندما تكون الشمس حمراء ويكون خيالها على سطح المياه التى تتميز برائحتها المالحة الجميلة ولقد احببت هذه الاماكن لحظة رؤيتها عندما انفتح صدرى وقلبى لها
وهناك مكان اخر الا وهو الحرم المكى الذى تشعرى فيه بانك فى مكان ما يشبه الجنة الخالية من المعاصى والذنوب فانك هناك تكونى مع اناس صالحين تطوفون حول الكعبة ولا تشعرى بالتعب لما فيها من بهجة ويعجز لسانى عن التحدث عن الشعور عند وجودك هناك
شكرا يوسف لردك ومرورك
يارب اكرمنا وانعم علينا بزيارة بيتك العتيق ...ويارب اجعل عيدنا العام القادم هناك
موضوعك بجد حلو اوى
انتى فكرتينى بمكان بحبه اوى
هو برج القاهره
انا بحب المكان ده اوى بحس انى شيفه كل حاجه حوليه ومفيش حاجه بتتخبه ابدا
اجمل مكان شفته في حياتي
لما وصلت لاعلى قمة في جبال اليمن ومقلكيش عاللي شفته
خير اللهم اجعله خير بيني و بين حرف الجبل مترين و قدامي بحر ابيض ملهوش اخر (السحاب طبعا)
شكرا يا وايلد عالموضوع الجميل ده
سعيده لان الموضوع اعجبك يا بوسى وشكرا لمرورك
شكرا لمرورك يا ايمن
وصف رائع للمكان جعلتنا نشعر بالتواجد فيه
حاجة شبه كده بس ابيض في ابيض
شكرا يا وايلد
دا موضوع جميل جدآ
مش لازم نقول أحلى الاماكن اللي روحناها
انا هقولك على المكان اللي ليا فيه ذكريات كتيرة وبحس فيه بدفء اكتر من بيتي
وخصوصا لانه المكان المفضل لبابا وماما وهو المركز العلمي في الكويت
اولا بشكرك يا ايمن على الصوره
وثانيا سعيده بمشاركتك يا جودى وخاصة انك ذكرتى مكان جميل جدا يمكن انا مروحتوش لكن اهلى كانوا بيحبوا يروحوه كتير
خلاص يبقى لازم توصفيه يا جودى
انا بالنسبة لي
فالعجمي
الشقة بتعتنا هناك
لانها كل طفولتي
ولكن مش بنروحا خالص دلوقتي
بس احلي ايام حياتي كانت هناك
و كنت لازم اروح هناك طول الصيف مع جدتي
ولكن بعد وفاتها مش متخيلة اني اروحها من غير جدتي
الله يرحمها ويرحم جميع اموات المسلمين
سعيده لمرورك سلمى
انشاء الله ربنا يرجعلك ايامك الحلوة ياسلمى
موضوعك جميل اوى يا وايلد
انا مش هقولك على مكان روحته
لكن هقولك على مكان بحلم اروحه
بحلم اعيش فى مكان كله خضره و ورود
مكان كله برائه وجمال
وبعدين انت مقلتيش لنا على المكان اللى روحتيه
او تحبى تروحيه
على فكره انا ساعات كمان بحلم بأماكن كتير اروحها
لكن فى اماكن بالفعل بحبها
شارع صفيه زغلول ..محلات الملابس والتليفونات والزحام و متجر الاسلحه فى اوله ...بتاع العصير اللى بحب اشرب منه ..ومحل الخروب الشهير
ومحل السندويتشات
بشعر فى اجواءه برائحة المرح وجو الصداقه
شارع سعد زغلول...ديليس وذكرياتى مع اصدقائى ..محل البن الشهير الذى كثيرا توقفت عنده انا وصديقتى نحلم بأننا نحتسى القهوه بداخله ولكن نظرا لاننا دائما متعجلين لا نفعل ذلك
محلات الملابس التى حفظناها انا وصديقاتى ومللنا دخولها
بائع البالونات التى اشترينا منه لاخوات صديقتى
منزلى وله طعم خاص...واحساس دافئ دائما
قسم الجغرافيا وخاصة الشبابيك وترابيزات رسم الخرائط والالوان واجمل اصدقاء تعرفت عليهم ..وخرائط معلقه على الجدران تضفى الوان معينه على القسم من خلالها تتأكد من انك داخل قسم الجغرافيا...معمل الحاسب الالى ضوء خافت وشمس نهار تتكاسل فى دخول المعمل من وراء الستائر
مبنى المكتبه ورسم الخرائط داخله...حائط ازرق من ورائنا...ما يشبه طاوله طويله مستطيله بالرخام نرسم عليها وهى انشأت مثل((الريسبشن))
سلالم امامك توحى بالراحه عند الجلوس عليها ..صمت مطبق لا يكسره الا صوتنا
الوان وشخابيط على الحائطارفف تحت تلك المنضده او تحت هذه الرخامه نضع فيه اشيائنا
ساعه قديمه بجانبنا لا تعمل ولكن شكلها اثرى
مكتبه فى نفس المكان ومن يعملون بها ضاقوا كثيرا من علو اصواتنا..
اماكن كثيييييييييييره....وكلما سأتذكر سأكتب ان شاء الله ولكن انتظر منكم المزيد...
بشكرك على الموضوع الجميل ده
كل مكان عشنا لينا فية زكريات جميلة بتعيش جوانا
وبتفضل فى قلب كل واحد فينا مهما بعد الزمان
ستظر بصمتها معلقة فى عقولنا لا ننساها أبدا
ستبقى الذكرى الجميلة هى الأمل الذى يرودنا دائما
تظل صورتها دائما فى قلوبنا قبل عقولنا أنها أماكن
كتبتها الأيام بسطور من ذهب لكى تظل ببريقها الامع بداخل كل واحد فينا .
اقتباس:
المشاركة الأصلية كتبت بواسطة Wild_Angel
ايه يا ويلد كل الحاجات الحلوة دى انتى جيبتى اماكن بجد الواحد بيحبها جدا
وخصوصا القسم ومكان رسم الخرايط
التوبيك جميل جدا جدا جدا
انا احلى مكان اقعد فيه لساعات البحر ف كل حالاته لو غضبان لو هادى
ساعة الغروب بالليل ف الشروق
وخصوصا لو الدنيا بتشي بيبقي احسن جو ممكن انسي نفسي فيه وافضل قاعد عليه
لحد مغرق ف الشتا ومش مهم
بس موضوع جامد جدا
شكرا لمرورك يا مرمر
وشكرا لمرورك free eagle
شكرا لمشاركة الجميع وننتظر المزيد من المشاركات
على فكرة يا انجيل
الموضوع دا تحفة
انا دخلته حوالى 4 مرات وكل مرة مش باقدر اكمل كتابة
من دموعى..صدقى او لا
بس بجد
انا كل مابافتكر مكانى المفضل بابكى
لانه مابقاش موجود
ولا اى مكان قدر يحتل قلبى زيه
المكان دا كان بيت جدى وجدتى لامى الله يرحمهم ..
انا كنت باعشقه
كان بيت جميل
بجنينه وااااااسعة ماتجبيش اخرها بشجر من كل نوع وصنف
وارضها رمل اصفر جميل بطبيعته ..
كنا نتجمع احنا وخالاتى كتير على فكرة
وبناتهم
وولادهم ووولاد خيلانى وبناتهم ..
تعرفى كنا نلعب طول النهار..واخر اليوم كلنا نطلع على شجرة تين كبيرة كبيرة
وكل واحد كان له مكان بين فروعها..نقعد نتكلم ونحكى ونضحك
يااااااااااه ..انا على فكرة ماعيشتش بعد الايام دى.. طفولتى كانت هناك
الشجرة اتقطعت
وجدى وجدتى ماتوا ((ارجوكى اقراى لهم الفاتحة))
وجدتى ماتت بقالها خمس سنين بس تخيلى خلالهم
الجنينة بقت بيوت اتبنت على ارضها للقريب والغريب
وانا كل ماعدى من هناك ابكى..لان روحى فضلت هناك
يااااه يا وايلد انا فعلا باحب المكان دا قوى
حتى دلوقت باغمض عنية للحظة واشوف كل اللى حكيت لك عنه
ميرسى يا قمر على حبة العياط اللى ع الصبح دول
يانهار ابيض
انا اسفة قوى طولت عليكى
فى اماكن كانت ليا فيها ذكريات جميلة بس اتغيرت لذكريات لما افتكرها اتضايق
بس انا عموما بحب البحر
كمان ليا اماكن مع اصحابى زى لما نخرج مع بعض ونروح نشترى هدوم من صفية زغلول ندخل سينما امير ونتنى ميعاد الحفلة فى القهوة نلعب دينمو ناكل مع بعض ونروح البحر مع بعض وندخل بالبدال ونعمل حاجات مجنونة كمان ايام الثانوى والدروس كنا مع بعض وكان لينا امكن تجمع زى السايبر والبلاى ستيشن واماكن زى بحرى وجيلاتى عزة وعند القلعة واماكن تجمع فيها نلعب كورة ونهزر فيها واماكن تانية كتير فى الرحلات
بيت جدي في سوهاج
بابا ممتي
كنا بنلعب في الجنينه بتاعته انا واصحابي مش ممكن انساه ابدا
بس طبعا كل ملامح المكان اتغيرت وانا كمان مبروحش هناك من زمن طويل
بس عمري ابدا ما حلمت بحلم الا وكانت احداثه في المكان ده حاجه انا بستغربلها
علا
انا كمان كدا والله
دايما باحلم بانى هناك
فى بيت جدتى الله يرحمها..اقريلها الفاتحة
يااااااااه ذكريات
انتى مطولتيش يا مها
بجد احساسك جميل والاجمل انه مكان عشتى فيه ومازالت روحك متعلقه بيه
انا اللى اسفه على العياط
اهم شئ تكونى سعيده وانتى بتفتكرى المكان ودايما حتلاقى مكان جوا القلب تعيشى سعيده فيه
شكرا لمرورك يا محمد خضير ومشاركتك لينا بالاماكن التى لا تستطيع نسيانها
علا ومها تقريبا نفس الاماك مع اختلاف المكان الاساسى بس نقدر نقول نفس الشعور
رب اغفر للمسلمين والمسلمات الاحياء منهم والاموات
بأذن الله فى فسيح جناته جد وجدة كل منا
منتظره باقى المشاركات فأحساس المشاركه دائما يجعلنا سويا
لا فعلا البحر مكان جميل جدا وميتشبعش منة ابدا بجد
شكرا يا هاجر لمشاركتك
منتظره باقى المشاركات
الله عليكى يا ويلد موضوع جميل فكرتينى باللذى مضى ياااااااااة ذكريات بقى
بيت جد ماما الله يرحمة كان حولية جنينة كبيرة والبيت كان زى فيلا كدة كنا كللللللل العيلة تتجمع بأولادهم وكنا نعد نلعب كهربا وكيكة عالية ونعد نعمل اكننا فى سوق وساعات نعمل زى الاذاعة وكل واحد يقول حاجة كنا بنعمل عمايل كانت ايام جميييييييييييييييييييييييييلة متتنساش بس للاسف اتهد بقى واتبنى عمارة كبيرة خلااااااص
وبحب اووى المكان اللى عند القلعة بجد مكان تحفة ولما بروح مع العيلة ونعد نلعب افلام والبحر عمتا بحبة اوى
شكرا ليكى يا ويلد فكرتينى بايام جميلة بس بازعل انها مبقيتش موجودة
ربنا يجعل ذكرياتك فى كل مكان اجمل واجمل بأذن الله
واتمنى تشاركينا بأماكن فى قلبك دائما
سعيده بمشاركتك يا IsLaMiC GirL
منتظره مشاركات الجميع
اللهم ااااااااامين
وبادعو الكل يشارك الموضوع لذيذ قوى
انا سعيده لانك نورتينى للمره التانيه يا ميرا
واتمنى من الجميع يشاركوا
ولو ليكى اى مكان مفضل تانى ممكن تضيفيه يا ميرا
انا بقى اكتر مكان بحبه جدا وبستريح فيه والله هو المسجد
بجد بلاقى فى المسجد كل الى انا عايزة وكفاية اوى الصحبة الجميلة الى بشوفها وبقعد معها فى المسجد
دا حتى وانا بذاكر او وانا بعمل اى حاجة تانية بقول بقى يارب الاذان يأذن عشان معاد الصلاة ييجى وانزل اروح للمسجد واقابل الله عز وجل فى الصلاة
والمسجد كمان له ريحة جميلة جدا (مش ريحة معينة )بس هى ريحة المسجد الى بحبها
ويا سلام على الراحة النفسية الى بلاقيها هناك والله ياجماعة جربوا كدة بجد راحة ما بعدها راحة
عموما مش حطول عليكم بس بجد هو المسجد مكان جميل وكفاية انه بيت من بيوت الله
سبحــــان الله وبحمده سبحـــان الله العظيم
أكرمك الله وأعز شباب المسلمين جميعا
جزاك الله خيرا على وصفك لهذا المكان
متمنيين من الله النجاح لك والتفوق
امين يا رب
وجزاكم الله خير
من اكتر الاماكن اللى بحبها هو البحر حيث اصف اليه همومى واحس انه يكلمنا واعشق الهدوء
موضوع يجنن والله يا وايلد
وبالنسبه ليا فى اماكن كتييييييييييير جدااااا بحبها اوى اوى وليها معايا ذكريات يامه
بحب جداااااااااا جداااااااااا البحر فى جمييييييييييييييييع حالاته بجد انا بحس بالراحه والامان لما بقعد ابص عليه بجد بروح فى دنيا تانيه خاااااااااااااالص
ومن الاماكن اللى روحتها ولااااااااااا يمكن انساها هى مرسى مطروح بجد ليا فيها ذكريات تجنن واخرها ذكريات المشروع بتاعى مشروع 2008
ومن الاماكن اللى بجد واحشانى اوى قسمنا واحشنى اوى اوى
كل حاجه فيه واحشانى
المحاضرات ..تجمعاتى مع صحابى عند الشباك وعند السلالم وعند المدرجات ولا تجمعنا واحنا بنرسم الخريطه بتاعت المشروع كانت اجمل ايام عمرى والله
ولسه عندى اماكن كتييييييييييير اوى اوى بحبها
بجد كل مكان عشت فيه لحظة سعاده حقيقيه بحب اروحه جداا وبحن ليه اوى وبيبقى نفسى اوى ارجعله تانى مع نفس الناس اللى كانوا فيه معايا
شكرااااااا ليك يا وايلد على الموضوع بجد خلتينى افتكر اماكن كتيييييييييير اوى عشت فيها اجمل واحلى ايام عمرى
اشكرك يا محب للرحمه على مشاركتك واتمنى دوما ان تنعم بالهدوء
سعيده جدا جدا بمشاركتك الرقيقه يا pretty angel
حقيقى البحر من اكثر الاماكن اللى الواحد بيحس فيه بالراحه النفسيه لان التأمل أكيد بيصفى النفس
وبجد مشاركتك للذكريات الجميله فى القسم دى اسعدتنى كثيرا
شرفتونى بوجودكم جميعا
تعرفي بجد يا لولو ان مواضيعك حلوة قوي
ووالله الواحد بيقعد يفكر قبل ما يكتب
شكلك عفريته ما شاء الله
فعلا الواحد ما فكرش في الأماكن اللي بيحبها
بس تعرفي
كل ما بأشوف الحرم بأحس اني مشتاق له جدا
وكمان كل ما افتكر الحب الحقيقي في حياتي البت سارة
احس اني بره البيت بتاعي
خصوصا اني بعيد عنها
وعموما شكرا جدا عالمواضيع الحلوة دي