مظاهرة أمام سفارة مصر بالأردن ضد حصار غزة

اعتصم العشرات من النشطاء السياسيين والنقابيين الأردنيين ظهر أمس أمام السفارة المصرية في عمان احتجاجا على استمرار إغلاق معبر رفح الواصل بين مصر وقطاع غزة.

وندد المشاركون بشدة باستمرار إغلاق المعبر، ورددوا هتافات طالبت الرئيس المصري حسني مبارك والشعب المصري بكسر الحصار المفروض على الشعب الفلسطيني في قطاع غزة.

ورفع المعتصمون لافتات كتب على إحداها "مصر يا أم الدنيا أليست غزة من الدنيا؟"، كما ردد المعتصمون أمام السفارة هتافات سمع منها "يا للعار يا للعار مصر تدعم الحصار"، و"يا مبارك والله حرام شعب غزة في الظلام".

لا اله اله انت سبحانك انى كنت من الظالمين

http://www12.0zz0.com/2008/12/27/22/508545450.jpg

http://www12.0zz0.com/2008/12/27/22/656690905.jpg
بالله عليكم ايه تعليقكم على كل من يحاول تشويه صوره مصر والمساس لها واتهامها بالخيانة
لا اله انت سبحانك انى كنت من الظالمين

غــــــزة تحت النار وليس الحصار


هذا الرابط لمشاهدة صور الجرحى واهالى غزه: هنــــا

والله حرام اللي بيحصل ده
يعني غيرنا بيتكلم واحنا اللي ساكتين



اللهم حرر بيت المقدس وانصرنا علي القوم الكافرين يا رب العالمين

بالفعل نحن نشعر وكأننا عاجزون

اللهم حررها بإيدينا او اجعلنا نزرع تلك البذره التى تجعل شباب مسلمين اقوياء ليس لهم هدف سوى رفع راية الاسلام
يارب اهدى شبابنا جميعا واجعلهم يهتدوا بالاسلام
ليس فى أيدينا غير الدعاء؟؟؟

جزاكم الله كل خير علي الموضوع ده

لازم الرابطه يكون ليها دور يا جماعه في قضية فلسطين

ولا ايه رأيكم ولو حتي بالكلام وليس الفعل

اتمنى ذلك....
ولكن ليكن هدفنا اسمى من الكلام حتى لا نرجع دون شئ

شكرا يا وايلد على الرابط وارجو الرد على اتهامات مصر بالتواطؤ مع إسرائيل

لا اله الا انت سبحانك انى كنت من الظالمين

بصوا يا جماعة طبعا ربنا مع فلسطين ويا رب يفك الحصار بس مش عشان الفلسطنين بس عشان المسجد الاقصي
بس انا عايز اقول شوية حاجات اولا ان هما الي باعو الاراضي لليهود في البداية
ثانيا رفضوا انهم يكونوا مع مصر من البداية بعد حرب اكتوبر مع الرئيس السادات
ثالثا ضربوا وزير خارجيتنا مهما كان وحش بس برضه الراجل بيمثل مصر
ربعا عدد القتلي والجرحي الي وقعوا من ايام حرب 45 لحد انهارده بسبب اسرائيل اقل من الي حصل في اخر سنتين بعد الفتنة الطائفيه بين فتح وحماس وتكوين كل منهم لجيش ومحاربة الاخري وترك اسرئيل
خامسا معبر رفح كان مفتوح ايام الحج والسلطة بتاعة حماس منعت الحجاج انهم يعدوا مصر عشان يروحو الحج شوفو بقي السلطة كل ده عشان تخلي شكل مصر وطلعت اشاعات ان مصر قفلة المعبر قدام الحجاج مع ان المعبر مفتوح من اول الصرب والمستشفيات مفتوحة لعلاج المصابين وبعتوا عربيات اسعاف ومعونات طبية لكن مفيش ولا مصاب وصرح بكده وزير الخارجية انهم مش عايزين يتعلجوا في مصر
توطوء مصر واسرئيل ايه بس لولا بس انهم مسلمين والمسجد الاقصي وبيت المقدس هناك
اخيرا بقي برضه في حاجة اسمها حدود وفي حاجة اسمها سيادة عليها ومينفعش نخلي قطاع غزة محافظة مصرية يعني واكن الحدود الدولية حد بين محافظتين لازم يكون عليه رقابةوبرضه هو بيتفتح ويغلق بس بنظام محدد مش انا ولا انت الي بيحدده الي بيحدده قيادة امنية عارف شغلها كويس وعارفة امتي الفتح وامتي الغلق
ده غير ان مصر طلبت ان فلسطين واسرئيل يجتمعوا في مصر ويحددو موقفهم يعني وكده لكن فلسطين رفضت وكان في هدنة بين الطرفين خلصت ومصر عكلت مبادرة عشان ترجعها فلسطين رفضت وكمان فلسطين اي نعم مفيش سلاح بس يقال ان الهجمات علي غزة بسبب قذائف من كتائب عز الدين القسام
وحسبي الله ونعم الوكيل في اليهود وربنا ينصر فلسطين

السلام عليكم ورحمة الله
اخوتى اننا نعيش اياما مليئة بالظلم والظلام هدرت فيه كثير من دماء الابرياء .
وبحكم تواجدى فى العريش وهى تعتبر من اقرب المناطق لرفح وغزة فنحن هنا نفعل ما بوسعنا لكى نمد لهم يد المساعدة وبالفعل تم افتتاح المعبر وتلقت مستشفى العريش العام عدد كبير من الجرحى وتتوجة العديد من الاسر للتبرع بالدم . وتقلع من مطار العريش طائرات مزودة بالمعونات لشعب غزة الجريح .
نرجو منكم اخوتى الدعاء لهم والتبرع لهم قدر ما تستطيعون .
اليكم مراسلتكم من العريش .:(

مصر........... اسرائيل ............ العرب..............علامات استفهام........

يا ريت حد بيتعظ من حكامنا

اخواتنا بيموتوا كل يوم
و هم ولا هنا

حسبى الله و نعم الوكيل

بس اللى واضح من اتهامات الدول لمصر انهم يريدون فتح المعبر للفلسطنيين الجرحى وغير الجرحى وبهذا سوف تحدث فوضى كبيرة خصوصا لو دخل الفلسطنيين رفح وعندا فى العريش لن نستطيع السيطرة عليها فى تلك الظروف القاسية التى يمر بها اهل غزة نحن نناشد بدخول الجرحى الفلسطنيين فى اسرع وقت ولكن لا بد ايضا من وضع ضوابط لدخول الفلسطنيين .
فعندما دخلوا من قبل حدثت فوضى كبيرة والكثير من المشكلات التى سببها الفلسطنيون عندنا فى العريش .
ولكن فى النهاية ما يسعنا الا للدعاء لهم وقلوبنا معهم فى كل وقت ونحن لن نتأخر عنهم مهما كلفنا الامر .

بداية احب اقول ربنا يفك الحصار اللى على فلسطين
حتى لو كانوا باعوا ارضهم بس دعائى ده عشان الاجيال
اللى بتدفع التمن حاليا
ثانيا انا متفقه مع البشمهندس محمود فى كل اللى قاله
ثالثا احب اقول لاخوانا فى الاردن انهم لو كانوا نسوا مين مصر
ومصر عملت ايه وساعدة اد ايه
ومازالت بتساعد
فارجو منهم مراجعة التاريخ
وحسبى الله ونعم الوكيل

أنا مصرى ولدت على أرض الكنانة منبع الحضارة مقبرة الغزاة
تاريخنا دليلنا عروبتنا أصلاتنا
مصر لم تقف على مدى التاريخ مكتوفة الايدى فى مساعدة أخوانها العرب كما هى الان
أين دورنا؟ أين ريادتنا ؟
هل من مصلحتنا أن تفنى غزة؟
هل من مصلحتنا أن تقوم إسرائيل بالعربدة فى المنطقة؟
هل من مصلحتنا أن نقفد ريادتنا؟
أين المنادين بحقوق الانسان؟
أين مصر؟
أين شعب مصر؟
أين الشرفاء؟
غزة تحترق غزة تباد
فلننام جميعا نوما هنيئا ونترك إخواننا تحت مدفع العدو
فلننم ولننعم بالراحة وإخواننا يقتلون
فلننم حتى نريح ضميرنا
أين كرامتنا ؟ أين عزتنا ؟ أين عروبتنا ؟ أين شهامتنا؟
هل متنا ؟ هل متنا ؟
أم ما زال هناك فى الحياة بقية؟
غزة جزء من الكيان العربى أم لا؟
أهل غزة أهلنا أم لا؟
من منا ممكن أن ينعم بالنوم وهو يعلم أن أحد من أهله سيصاب بأذى ؟
بينما أهلنا فى غزة من أطفال ونساء وشباب وعجائز تحت مدفع العدو ؟
يحصد أرواحهم
غزة تحتاجنا تحتاج إلى مواقف تاريخية منا
ومممممممممممممممممممممممممممممن
ومن هنا أطالب الرئيس المصرى بفتح المعبر دون قيد أو شرط
خليك صاحب القرار الاول فى العالم
زى ما كنت صاحب الضربة الجوية الاولى
يا غزة لكى الله
حسبنا الله ونعم الوكيل
اللهم انصر أخواننا فى غزة

اوكي انا متضامن انا كمان مع غزة ويارب يساعد اهلها لكن حكاية المعبر دي من غير شرط ولا قيد مشكلة ومش انا ولا حضرتك الي نتكلم فيها الناس دي فاهمة هي بتعمل ايه واظن اننا متاكدين ان حكومتنا مش عميلة ومينفعش نتفح المعبر رايح جي كده سداح مداح زي ما يقال احنا نفتح نعالج نفتح ناخد جرحي نفتح نودي معونات لكن نفتح شارع لا يا الي بتتكلم مع احترامي ليك كلام غلط مهما كان
مع احترامي مفيش حد في العرب قال في حقنا كلمة كويسة
لبنان وحسن نصر الله قال اننا خونا واننا عملاء وانا وميقول لنفسم ميساعد هو يا عم احنا خونة ورينا انت بقي العروبة ايران نفس الكلام يا ناس ده هنية بنفسه قال حسبي الله في مصر والمصرين واحنا بنسعدهم
وبعدين احنا حربنا عشنهم كتير ماشي هما مسلمين واحنا مسلمين وعشان كده بندافع لكن الناس دي بتقتل بعض قبل ما العدو يتقلها وباعت ارضها لليهود وغيره وغيره الناس دي ضربوا وزير الخارجية بالجزمة مهما كان وحش ولا حلو بس ده ممثل مصر
تخيل كده يا عم اخوك مثلا وبايظ ووحش جدا وراح فرح ناس قريبك ولا عزاء يخط بيدهم يعني وممثل لبيتك والناس دي تضربه
وكمان في الاخر احنا عملاء وخونة شكرا بس برضه بالرغم من كده هنعمل الي علينا مش عشان خاطر غزة لا عشان خاطر ربنا
وانا بقول اهو ريسنا عاقل مش عميل فاهم مش متسرع وده الصح وهو حاول التهدئة وفلسطين رفضت
لو سمحتم ادعلهم سعدوهم بس ملكوش دعوة بمصر ولا بحكومة مصر ولا بشعب مصر
المفروض نكون غيورين اكتر من كده مش احنا اول ناس الي ننهش في لحمنا امال سبنا للغرب ايه بقي
اللهم انصر اخواننا المجاهدين في كل انحاء الارض اللهم انصر اهل غزة
وحسبي الله ونعم الوكيل

على فكرة بقى المعابر مقفولة ما اتفتحتش غير بليل عشان تدخل بعض المهونات بقدرة
10 شاحنات
و التصريحات فى فلسطين تؤكد على ان غزة تحتاج ل 700 شاحنة يوميا على الاقل لانقاذ غزة
و يا اخت مرمر مع احترامى ليكى و شكرى و تقديرى
انتى قاعدة ف العريش مش فى رفح يعنى لا بتشوفى المعابر ولا حاجة انتى مجرد بتسمعى الكلام
يعنى كلام قناه الجزيرة افضل عشان بينقلو مباشر
و على العموم هقولكو على حاجة بالعقل كدة
هقلزكو لية الفلسطنين مش عايزين يروحو الحدود مع مصر (طبعا المصابين )
خايفين من الطيران الاسرائيلى اللى لسه ضارب الشريط الحدودى امبارح بليل و عربيات الاسعاف واقفه على مسافة اقل من 1 كم من خط الضرب
و معلش بخصوص مصر
لازم نفرق بين الراى الحكومى و الرسمى
و بين الراى الشعبى
الراى الحكومى اشد على الفلسطنين من راى امريكا
دول مش عايزين تصدير الغاز دول عايزين الحرق بجاز
و الراى الشعبى طبعا باين فى المظاهرات و حملات الاغاثة و التبرعات بالدم
و بعدين يا اخ محمود مش عارف انا انتا مين اللى لاعب فى دماغك
الفلسطينين ما باعوش الارض بمزاجهم
و لا انتا ما سمعتش عن مجزرة صابرا و شاتيلا
وقانا و غيرهم و غيرهم
و التهجير الاجبارى
و لا انتا بتقرا جريدة يدعوت احرنوت
و لا ايه بالظبط

يا جماعة موضوع اننا نفتح المعبر للكل نتيجته ان كل الفلسطنيين هيكونوا عندنا ويضيع جزء من ارضنا زى ما كانت غزة جزء من مصر وراحت
وبالرغم من اننا عندنا قرى تحت خط الفقر الا اننا بنرسل المعونات وبنقسم معاهم الرزق
وموضوع حسن نصر اننا نتظاهر على حكومتنا من اجل اعلان الحرب على اسرائيل فالافضل اننا نبنى ونعمر ونكون دولة قوية يخاف منها الاعداء بدل الخراب والدمار وبعدين مهو الشيخ حسن نصر الله عنده الجنوب ميضرب اسرائيل وكمان ايران اللى بتتكلم علينا فين صوارخها النووية متورينا اى حاجة على اسرائيل
احنا بدل منكون ايد واحدة على العدو بنتهم بعض ويا فرحة اسرائيل فينا وفى التشتت اللى هى نفسها فيه
وانا رايى ان اسرائيل عمرها مهتدخل غزة هى تضربها بالطائرات والقذائف لأن التاريخ واضح ان غزة مقبرة الغزاة

اللهم فك الحصار على غزة وانصر المسلمين على اعدائهم فى كل مكان

لا اله الا انت سبحانك انى كنت الظالمين

مين قال ان غزة مقبرة الغزاة
دة مفيش حد قادر يقف فى وشهم
و بعدين يا اخى ما انتا بتقول عايزين نبقى ايد واحدة نبعت يا اخى والله الناس بتقسم رزقها مع التبرعات للفلسطينين
و اساسا نصر الله مقالش بعمل انقلاب قال انا بدعو الشعب المصرى الى النزول فى الشارع حتى يتم فتح معبر رفح مجبش سيرة انقلاب و لا بتاع
حاجة تانية
مصر دلوقتى مانعه الطائرات القطرية و الليبية و موقفا المعونات عند المعبر محدش بيعدى
و ايران بقى دى احنا لازم ما نستناش منها حاجة لا هى ولا نصر الله عشان دول شيعة
محدش يستنى حاجة

اولا با شكر مهمندس محمود شكر كتييييييير يليق بردة الوافى لانه ذكر حقائق كتير غايبة عننا
ثانيا
يا جماااااااااااااعة مش تصدقوا كل اللى بتسمعوه
لان فى ناس كل شغلتها تشوه صور الابرياء

تعرفوا ان حاليا الاعلام الغربى بيحاول يشوه صورة فلسطين
وبيحاول يبين ان اسرائيل يا حرام هى الضحية .. وبيدافعوا عن نفسهم ..
اسفة مش عارفة اجيب مصادر لكن دا الحاصل فعلا..
شكرا محمد على الموضوع وفى انتظار المزيد..

اقتباس:

---

المشاركة الأصلية كتبت بواسطة mo_medya

أنا مصرى ولدت على أرض الكنانة منبع الحضارة مقبرة الغزاة
تاريخنا دليلنا عروبتنا أصلاتنا
مصر لم تقف على مدى التاريخ مكتوفة الايدى فى مساعدة أخوانها العرب كما هى الان
أين دورنا؟ أين ريادتنا ؟
هل من مصلحتنا أن تفنى غزة؟

يا غزة لكى الله
حسبنا الله ونعم الوكيل
اللهم انصر أخواننا فى غزة

---

يا موميديا

ياريت بلاش الكلام الحماسى الكبير اللى ممكن يسئ لمصرنا
ارجوك ماتخليش حماسك يطغى على فهمك
لشئ اسمه سياسة
وماتقولش مصر ساكتة
وياريت نثق فى حكومتنا اكتر من كدة..
اما انت كفرد
قوللى بامانه
قبل ما تدور على غزة
عملت ايه لجارك اللى ساكن فى الشارع بتاعك
لقاك لما احتاجلك؟؟؟
عرفت مكان مسكين او فقير او يتيم جوة مصر وروحت ساعدته؟؟؟؟؟
حرمت نفسك من حاجة محتاجها وروحت اتبرعت لمستشفى السرطان مثلاً؟؟؟؟؟؟؟؟؟؟؟؟؟
ابدا بنفسك
ابدا ببيتك ببلدك ولو عملنا كدا
ربنا هيقف جنبنا ضد اعداءنا واعداء اخواننا

اقتباس:

---

المشاركة الأصلية كتبت بواسطة مهندس محمود ابوالمجد

بصوا يا جماعة طبعا ربنا مع فلسطين ويا رب يفك الحصار بس مش عشان الفلسطنين بس عشان المسجد الاقصي
بس انا عايز اقول شوية حاجات اولا ان هما الي باعو الاراضي لليهود في البداية
ثانيا رفضوا انهم يكونوا مع مصر من البداية بعد حرب اكتوبر مع الرئيس السادات
ثالثا ضربوا وزير خارجيتنا مهما كان وحش بس برضه الراجل بيمثل مصر
ربعا عدد القتلي والجرحي الي وقعوا من ايام حرب 45 لحد انهارده بسبب اسرائيل اقل من الي حصل في اخر سنتين بعد الفتنة الطائفيه بين فتح وحماس وتكوين كل منهم لجيش ومحاربة الاخري وترك اسرئيل
خامسا معبر رفح كان مفتوح ايام الحج والسلطة بتاعة حماس منعت الحجاج انهم يعدوا مصر عشان يروحو الحج شوفو بقي السلطة كل ده عشان تخلي شكل مصر وطلعت اشاعات ان مصر قفلة المعبر قدام الحجاج مع ان المعبر مفتوح من اول الصرب والمستشفيات مفتوحة لعلاج المصابين وبعتوا عربيات اسعاف ومعونات طبية لكن مفيش ولا مصاب وصرح بكده وزير الخارجية انهم مش عايزين يتعلجوا في مصر
توطوء مصر واسرئيل ايه بس لولا بس انهم مسلمين والمسجد الاقصي وبيت المقدس هناك
اخيرا بقي برضه في حاجة اسمها حدود وفي حاجة اسمها سيادة عليها ومينفعش نخلي قطاع غزة محافظة مصرية يعني واكن الحدود الدولية حد بين محافظتين لازم يكون عليه رقابةوبرضه هو بيتفتح ويغلق بس بنظام محدد مش انا ولا انت الي بيحدده الي بيحدده قيادة امنية عارف شغلها كويس وعارفة امتي الفتح وامتي الغلق
ده غير ان مصر طلبت ان فلسطين واسرئيل يجتمعوا في مصر ويحددو موقفهم يعني وكده لكن فلسطين رفضت وكان في هدنة بين الطرفين خلصت ومصر عكلت مبادرة عشان ترجعها فلسطين رفضت وكمان فلسطين اي نعم مفيش سلاح بس يقال ان الهجمات علي غزة بسبب قذائف من كتائب عز الدين القسام
وحسبي الله ونعم الوكيل في اليهود وربنا ينصر فلسطين

---

فيه حاجة مهمة حضرتك نسيت تقولها
إن قصاد ده كله إحنا بنعاقبهم
سايبنهم يدبحوا قدمنا وساكتين
بس على الاقل نكون أكرم منهم
نديهم تمن الكفن؟؟؟؟؟؟؟؟؟؟؟؟؟؟؟؟؟؟؟؟؟؟؟

راجع كويس مذبحة جنين؟؟؟؟؟؟؟؟؟؟؟

غزة رمز العزة
اللهم أنصر أهل غزة
يا غزة نحن معكى

اقتباس:

---

المشاركة الأصلية كتبت بواسطة ميرا مار

يا موميديا

ياريت بلاش الكلام الحماسى الكبير اللى ممكن يسئ لمصرنا
ارجوك ماتخليش حماسك يطغى على فهمك
لشئ اسمه سياسة
وماتقولش مصر ساكتة
وياريت نثق فى حكومتنا اكتر من كدة..
اما انت كفرد
قوللى بامانه
قبل ما تدور على غزة
عملت ايه لجارك اللى ساكن فى الشارع بتاعك
لقاك لما احتاجلك؟؟؟
عرفت مكان مسكين او فقير او يتيم جوة مصر وروحت ساعدته؟؟؟؟؟
حرمت نفسك من حاجة محتاجها وروحت اتبرعت لمستشفى السرطان مثلاً؟؟؟؟؟؟؟؟؟؟؟؟؟
ابدا بنفسك
ابدا ببيتك ببلدك ولو عملنا كدا
ربنا هيقف جنبنا ضد اعداءنا واعداء اخواننا

---

إن الله لا يغير ما بقوم حتى يغيروا ما بأنفسهم

عارفين يا شباب
غالبا الناس مابقتش فارقة معاهم فلسطين من العراق لغيرهم عشان عدة نقاط
1- ان احنا فى مصر تراجعت شخصية مصر الدولية مبقتش حضن العرب خالص عارفين ليه
عشان للاسف السياسة المصرية دلوقتى سايبه الناس مطحونة فى ازمة رغيف العيش و زاد الجوع و الفقر
و كمان اساسا تدنى الاهداف و الطموحات لكل المصريين
يعنى مثلا دلوقتى تسئل اى شاب نفسك تعمل اية يقولك عايز اتجوز طب و بعد كدة يقولك عايز اشتغل وظيفة حكومية
2- المصالح الشخصية
بقى كل واحد بيفكر فى نفسه و ميهمهوش الا مصلحته
كل واحد مبقاش يفكر لا فى العرب و لا المسلمين لا فى الهوا
3- انتقال مجموعة من الافكار السلبية الغربية و المادية السيئة الينا من الغرب
زى الاراء الفلسفية العظية !!!!! العظيمة جدا !!!1
ما لله لله _____ و ما لقارون لقارون
الغاية تبرر الوسيلة
و حاجات كتيرة زى ديه
4- بس اهم حاجة هى ان العرب و المسلمين بعدو عن دينهم كتيــــــــــــــــــــتر و قليلين اللى لسه بيفكروا فى دينهم
ارجو ان الناس تقرا الكلام دة و ترد عليا
كلامى خطأ يحتمل الصواب و كلام غيرى صواب يحتمل الخطأ

اقتباس:

---

المشاركة الأصلية كتبت بواسطة mo_medya

إن الله لا يغير ما بقوم حتى يغيروا ما بأنفسهم

---

ايوة دا معنى كلامى
انت فين ردك بقى واللا انت مافهمتش كلامى؟؟

موميديا ممكن اسالك سؤال


عندك استعداد تتدخلي حرب لوحدك من غير ما اي حد يساعدك وتلا قي نفسك اصاد مدفع بطولك


اكيد لا طبعا


يبقي لازم تعرفي ان محدش راضيه اللي بيحصل ونحن لا نملك الا الدعاء



ومصر مش ساكتهخليكي واثقه في ده


وتعالي نشوف باقي الدول عمله ايه ونشوف مصر هتلاقي ان دور مصر اكبر من باقي الدول كلهم