هل طبعك ... الصمت لما تتألم ؟

هل طبعك .. الصمت عند الألم ؟

تعمل ايه لو طبعك هو الصمت لما تتألم

بيقولو الصمت أبلغ لغات الكلام

وبيقولو اذا كان الكلام من فضة فالسكوت من دهب

كلام كتير اوي اتقال في الصمت ..وكتير مننا بيعانو منه

http://www.uaekeys.com/fwasel/www.uaekeys.com41.gif

بس تعمل ايه لما يكون طبعك هو الصمت لما تحزن أو تغضب أو تتألم

لما يكون في حد غالي عليك اوي ويأذي مشاعرك بتصرف معين او حتى بكلمة

ساعتها يلازمك الصمت والسكون وشفايفك تتجمد لانها مش عايزه تقول حاجة تدايق الشخص الغالي دا رغم انه دايقك

وتتحجر الدموع في عينيك بردو خوفآ على مشاعره

هتعمل ايه لو تجاهلك الشخص دا ؟؟ وتجاهل ألمك ونسي اساءته ليك !!

وتابع حياته معاك ولا كأن في حاجة حصلت..ويفضل الصمت ملازمك طول الوقت دا بل بالعكس دا يتحول لطبع فيك !!

ويفضل الألم كل يوم يقتل فيك ..هتعمل ايه ؟

هتعمل ايه لو الموضوع موقفش عند تجاهل الحد دا عنك ..لاء دا التفت لأولويات واهتمامات تانية وبعد عنك ...سابك

وانت بتحاول تلاحقه وهو مش عايزك خلاص وفي الاخر تسيبه عشان ترضيه بردو وتفضل في الآخر مع ذكرياتك

ويرجعلك الشخص ( الغالي ) واللي لسه بردو غالي عندك ..وانت تنبسط برجوعه بس متلحقش تنبسط لانك هتتفاجئ انه بيتهمك بالتقصير والاهمال وبالبرود وبأنك سيبته !!

وانت بسكوتك وصمتك مش هترد عليه وتقوله ان هو اللي كان غلطان ولا هترد على اتهاماته وتفضل عايش مع تألمك دا لمجرد بس انك عايز يبقى قدام عنيك بس ومش عايزه يسيبك تاني

كل حاجة فيك اتجمدت لانها مقدرتش تتحمل الألم اللي وصلتله ...

--------------------- عايزين الشعور دا يخلص لحد هنا ؟ ------------------

دي حرية شخصية لقارئ الموضوع بس الحقيقة غير كدا

الحقيقة انك برجوعه ليك اتعلقت بيه أكتر وحسيت انه بوجوده معاك انك ملكت العالم كله بين ايديك

ويرجع يختفي تاني من حياتك وهو عارف ان تصرفه دا ممكن يقتلك من القلق والخوف من انك تعيش التجربة المؤلمة اللي فاتت دي تاني

بس هيسيبك بردو ويختفي بس المرادي هيسيبك تنهار وتتحطم وتتدمر ..ويرجع تاني ويسألك ليه سيبته ويعاتبك ويلومك وهيكون جواه علامة استفهام كبيرة عن سبب تصرفك كدا معاه


http://www.uaekeys.com/fwasel/www.uaekeys.com41.gif

حد فيكم حس الاحساس دا قبل كدا ؟

حسيت ان قلبك بقى أضعف من انه يتحمل ألم تاني من اللي حواليك وانت مش عارف تتكلم وتعبر عن حزنك ومأساتك ومش عارف تلوم او تعاتب ومن قوة الطاقة المكنونة دي ممكن تطلع في صورة تانية خالص وهيا الضحك والمرح والتفاؤل والسعادة ..بس للأسف ظاهريآ بس قدام الناس بس !!

طيب ولو طلعلك قلب حنين وعايز يحتويك ..هتقدر تقوله وتعبرله عن كل اللي اتعرضتله؟ ولا صمتك اللي بقى طبع فيك هيمنعك بردو عن الكلام واللي بقت نقطة ضعف فيك

يااااااااااااااااااااااااااااااااااااااااااااااااا ااه ياجودى عارفة إنتى عملتى ايه بالكلام ده

كانك جيتى بايدك وضغطتى اوى على جراح بنتوهم انها طابت واتقفلت

بس تعرفى كلامك يمكن يكون مطهر يقضى على الجروح دى ...اتمنى ده

بس انا هكلمك عن نفسى ومش عارفة ممكن اتوصف ازاى بس انا زمان اتحطيت فى الموقف ده بس للاسف معرفتش ارجع تانى وقتها شبهت اللى حصل بشخص عنده تبلوه جميل غالى اوى كل يوم يصبح يلمعه ويزينه ومرة واحده وهو بيلمعه وقع اتكسر ورغم انه لو حاول يلزقه هيرجع تانى وممكن محدش ياخد باله من الشرخ اللى فيه الا انه هيفضل هو الوحيد اللى شايفه وهيفضل جواه خوف يقرب منه يقع يكسر تانى

عارفه كمان شبه بركه مايه صافيه وجميله بيتشرب منه بس لو اقل حاجه عكرتها عمرها مهترجع ابدا زى الاول

عارفة وقتها سكت يمكن كان عجز او صدمة او خوف انى ارد الجرح بجرح بس اقنعت نفسى بشىء وصدقته ومازلت مصدقاه الشخص اللى انت حبيته ده مات مات قبل ميجرحك بلحظه واحده وبالتالى انا كل اللى محتفظه بيه من صور جوايا مفهمش صورة الجرح ده بس فى نفس الوقت الشخص ده مات ومات للابد ......واللى بيموت مش بيرجع تانى ابدا

يمكن ده عشان انا فعلا طبعى الصمت مكنش ينفع ارجع وانا مش قادرة اكلم جايز ده صح جايز ده غلط.....بس من يستطيع ان يجرحك لا يملك ان يطيب هذا الجرح

بشكرك ياجودى على الموضوع ده

انتي فعلا ياسارة أثرتي فيا وواضح ان الاحساس دا تملكك بقوة

بس انا بتمنى ان ميفضلش الطبع دا ملازمك عشانك انتي بس

انتي عارفه انتي بتعملي ايه في نفسك كل يوم بسكوتك على كل حاجة بتدايقك ؟ انتي بتأذي نفسك شر أذى وفي نفس الوقت بتتحملي الألم اللي بتسببيه لنفسك بسكوتك وتحملك

حاولي متديش نفس المكانه لكل حد دايقك لانه مش هيحس بيكي وعمره ما هيشوف اللي بتعمليه عشانه ولما تقل مكانته من قلبك هيخف ألمك وحزنك

وربنا يسعد قلبك دايما ياحبيبتي ويهدي بالك ميرسي بجد على مشاركتك

يااااااااااه يا جودى
و الله كأنك حاسة بالى جوايا
انا بجد من جوايا فاضلى شويه و انفجر
اول مرة اضعف قدام حاجة
و بجد عمرى ما كنت اعرف اتعامل مع الناس بغير الي جوايا
بس مش قادر
حاسس انى متكتف و مش قادر اتكلم
بهزر و بضحك قدام الناس
بس جوايا لا
بقيت بكره اقعد افكر مع نفسى
لانى كل مرة بوصل لدرجة تخلينى اعمل اى حاجة


معلش وجعتلك دماغك
شكرا علي موضوعك الجميل

لالا خالص ياخالد موجعتليش دماغي ولا حاجة انا مقولتش الكلام دا الا لاني عايزه اسمع منكم ونفسي كل واحد يفضفض بالشكل اللي يحبه بدون اي حساب لكتر الكتابة او اختصارها

دا كان في الاول شعور جميل منك ياخالد انك تكتم جواك كل دا بسبب ضعفك على حسب وصفك للي قدامك واكيد ضعفك دا مش حاصل الا لانك بتحبه ومش عايز تخسره مهما كان وجيت على نفسك وكتمت زي سارة وزي ناس كتير هيبانو دلوقتي

بس دلوقتي بعد النتيجة اللي حصلت ..شايف انك لسه فيك طاقة تتحمل وتكتم ؟ ولا نستنى لما تنفجر وساعتها نراجع نفسنا؟

صح و الله يا جودى
لانى بجد تعبت
المشكله ان الى قدامى دا بيبقى غصب عنه برضه
بأمانه فيه الي مكفيه
بس انا مش قادر استحمل حاسس ان كل يوم بيعدى مشكلتى بتزيد
مع ان المفروض انها تتحل بمرور الوقت
بس الصبر بيخلص و قوه التحمل مره واحدة ملقتهاش
بعد ما كنت بعرف امسك نفسى عن اى حاجة
لقيت نفسى مش قادر امسك نفسى
و صح لازم نراجع نفسنا قبل ما ننفجر بجد
الموضوع تقيل جوايا حاسس انى شايل هم كبير
كلمه حتودينى الجنه و كلمه حتودينى النار
المشكله بجد
ان مصدر سعادتى هو نفسه مصدر تعاستى
فا يا اما اضحى بالموضوع كله و بسعادتى علشان محزنش و اعرف اكمل حياتى
يا اما استنى و يا اما حتبقى سعادة يا اما حتبقى تدمير
بجد تعبت
معلش يا جودى انا بحكى لانى بجد كنت محتاج انى اتكلم
نفسى ارتاح من جوايا زى الاول
بس زى ما بيقولوا كده الفاس وقعت فى الراس خلاص
يا امى اضحى من الاول بكل حاجة
يا اما استحمل حاجة مش مضمون نتايجها

مهما كان اللي مخليك كدا ياخالد طالما انك مشيت في الموضوع معلش

اتحمل الشوك والعقبات اللي فيه لحد ما تخرج منه للنهاية

المشكلة انت فكرت في حاجة ليها سكك كتير للخروج وانت مصر تتوه نفسك عشان تحبس نفسك جواها ومش عايز تسيبها

عايز تشغل راسك بيها رغم انك مش واصل لنتيجة مرضية !!! بس راضي انك تبقى مستشعرها بس

دلوقتي جيه القرار الكويس اللي منه هتبدأ تتحرك وتروح لاقرب واقصر طرق الهروب اللي هتخلصك من الحوارات دي نهائيآ بحلوها ومرها وعلى رائيك هتضحي بسعادتك عشان تتخلص من تعاستك

ومتنساش هتفضل في انتظار حاجات يمكن يبقى فيها الاحسن من اللي شفته وساعتها تحتفظ بيها وتمسك بيها وحاجات جايز تبقى وحشة وساعتها هتكون عرفت ازاي تتخلص منها بسهولة

متنساش اننا في سن خبرات ..وكلنا بنمر باصعب لحظات ومواقف ممكن يتعرضلها الانسان بس بعد كدا بيهدى الموضوع ومش بتتعرض للضغوط النفسية دي وربنا يطمن قلبك ويهدي بالك للخير دايما والسعادة

الله ينور عليكى يا جودى
متعرفيش كلامك دا ريحنى اد ايه
بجد مش عارف من غير اصحابى كنت عملت ايه
بس هو الموضوع ملهوش غير سكة واحده لللخروج
و السكه دى هى الي حضحى فيها بكل حاجة
و ممكن اكون غلطان بس انا بحاول اخرج و مش لاقى غير الطريق دا
الا لو استحملت شوية كمان و ربنا يقدرنى علي الصبر

معلش وجعتلك دماغك بس غصب عنى
كأنى لما صدقت اتكلم

شكرا ليكى بجد

اعتبر الموضوع دا مساحة غير محدودة للكلام

اتكلم براحتك ياخالد هو المطلوب اني اسمع منكم

والحمد لله انك ارتحت رغم اني عارفه ان الارتياح دا لمجرد فضفضة مش اكتر

فبتمنالك اللحظة اللي ترتاح فعلا فيها من مشكلتك اللي عاملة فيك كدا

شكرا ليكى انك سمعتينى و استحملتيى
و بجد مواضيعك هايله و استفدت منها فعلا
ربنا يخليكى للمنتدى

اد ايه موضوعك جميل يا جودى
و يقدر كل انسان انه يتكلم فيه بصراحه و يكتب كل اللى جواه
حتى لو كن اللى بيكتبلها هى نفسه.
خاصة اذا كان اللى حواليكى مش حاسين بيكى او يفهموكى .
حاجات كتير فى الحياة ممكن تمر عليكى و تتفهم غلط
خاصة لو كانت فى لحظة امل انت بتستنيها
و تلاقيها فى ثانية اتحول للحظة الم
و اذا كانت الشخصية اللى ادامك هى اللى بتفهمك غلط و دا بيكون سببه
الظروف و المواقف اللى بتمر عليكى .
و كل دا بيكون على حساب بيكونوا على حساب ناس غاليين عليا اوى
و بعزهم اوى
و بيمثلوا حاجة فى حياتى.........و حاجه كبيرة اوى .
و تلاقى ان مع كتر الكلام عننا انى بفقدهم كل يوم الف مرة
و دا بيعود عليا انى مش قادرة اكلمهم او حتى اشوفهم ،
مش خوف على نفسى لكن خوف عليهم ، لكن ........ للاسف بحس كتير انهم مبيقدروش دا ، خاصة انى ابتديت فعلا احس انى عايزة افقدهم
و مش عايزة اعرفهم .معرفش ليه ........؟؟؟؟؟؟؟؟؟؟ مش ضعف منى !!! لكن انا خايفه ان الامور تزيد عن حدها معايا و ميطلعش احساسى بيهم صح ساعتها مش حسامح نفسى لان اول مرة يبقى عندى صفة الصمت .
بس احب اقول حاجه بيقولوا ان الصمت من ذهب لكن صدقينى مش فى كل الاحوال ، لان فيه اوفات لازم فيها نتكلم و الا ......... حيكون فات الآوان .
زى اللى انا فيه دلوقت .
معلش يا جودى طولت عليكى بس بجد كنت عايزه حد يسمعنى و يحس شوية باللى جوايا لانى اتخنقت و خاصة انى فى وقت امتحانات
و لقيت ان ممكن انك تكونى الانسانة اللى حتفهمنى و تحس باللى جوايا.[/font][/b][/b][/b][/color]

صدقيني يااسراء من خلال ردك حسيت انك شخصية صمتها متكلم عن كلامها ..يعني صمتك وسكوتك بيعبر عنك اكتر من انك تتكلمي وتعبري عن اللي جواكي

وشايفة ان جواكي مشاعر تجاه اللي حواليكي خايفة تتكلمي فيها لانك خايفة من عواقب دا !! حافظي على صمتك مش عشان متألميش اللي حواليكي باللي شفتيه وباللي بتشوفيه كل يوم منهم ..لكن حافظي عليه ليكي انتي

لاني شايفة انك لو اتكلمتي وعبرتي على اللي جواكي للاشخاص دول ممكن يتسببولك بألم أكبر من اللي بتحسيه وانتي كتومة محتفظة بمشاعرك رغم ان منهم كان اغلى الناس عندك !!

انا معاكي ان مش دايمآ الصمت بيكون في مكانه الصح بس دا ساعتها مش بيكون اسمه صمت ...بيكون اسمه سكوت ..السكوت كتمان لكلمة او لاحساس كان لازم تتطلع..بس عشان تتأكدي من حقيقة اللي جواهم ومن حقيقة مشاعرهم خلي الصمت يلازمك وكل الامور هتكون اوضح قدامك

بشكرك انك فضفضتي ياحبيبتي وبتمنى بجد الشعور اللي جواكي يتغير للاحسن وبتمنى كمان ان كل حد غالي عليكي عرفتيه يحس بيكي ويتغير عشانك

موضوع خرافة يا جودى بجد والله


بس ليه الكلام وممكن السكوت يحل كل حاجة بس دة بره بيوقف على الشخص اللي قدامك

لاني شايفة انك لو اتكلمتي وعبرتي على اللي جواكي للاشخاص دول ممكن يتسببولك بألم أكبر من اللي بتحسيه وانتي كتومة محتفظة بمشاعرك رغم ان منهم كان اغلى الناس عندك !!

انا مش معاكى يا جودى

سعات الكلام احسن
لانها لو متكلمتش دلوقتى مش حتعرف الحيقه بدرى

قصدى لو وجهه الناس دول وطلعوا فعلا مش عايزنها فى حيتهم بدرى حيكون الالم اهون من بعدين

وجهة نظرك سليمة ياجورية ميرسي لاهتمامك ياقمري

اولا طبعا موضوع ممتاز من مشرفه ممتازه
و انا معاكى ان الصمت اسمى لغات البشر \
ماينفعش انك تتكلمى عن حاجه واجعاكى اوى اوى على العلم ان اللى انتى حتحكيى له ممكن ما يهتمش او حتى ممكن يظهر انه مهتم و من جواه غير مهتم من الصعب انى اتكلم مع بشر كل اللى همهم هو الموضه و انه يبقى ستار فى وسط الزملاء
لا يصح انى اعبر عن اللمى و انا عارف ان اللى امامى فرحان باللى انا فيه
من الصعب انى اقول انا تعبت من حاجه و فى نفس الوقت الحاجه دى قتلانى
من المستحيل ان يكون لى حبيب و هو يقول انى اهملته عشان انا صامت
و الله ان الصمت عندى ما هو الا لغه لا يفهمها الا من لديه الشعور بالانسان الذى امامه
و الله انى رايت و سمعت ما هو العجيب و حدث لى ما هو الاعجب و مازال الصمت هو اللغه التى اتكلم بها
و الذى نفسى بيده لاحب الناس الى قد اخذ من يدى و انا صمت لعجزى عن توصيل صرختى الى الناس




الصمت لغه من يشعر بدوران الارض

قد ايه كلامك معبر ياسامو بس مش دايمآ كل الناس فيهم النظرة السلبية اللي بتشوفهم بيها دي

يعني لو عكست الموضوع هل انت من الناس اللي نفسهم يبقو ستار واللي همهم دايمآ الموضة؟ ومش هتهم لو اي حد حب يعبرلك عن اللي جواه ويخليك تشاركه ألمه ؟

عشان أطلب الصفات دي في حد لازم أحاول أخليها في نفسي ولو انت مش شايف ان في حد بيهتم او بيتظاهر انه بيهتم ومن جواه لاء يبقى انت مش حابب كمان تسمع لغيرك لكن اللي بيكون فيه صفة معينة بيقدر يحسها في غيره لانه بيؤمن بيها

ولو صادفت ناس بالشكل دا يبقى الاختيار كان غلط ..كان لازم تختار حد هيخلي الموضوع يفرق معاك وهيساعدك ويحس بيك فعلآ

شكرآ لمشاركتك ياجميل

اد ايه الكلام دا معبر يا اسلام

و بجد انا حاسس بالى انت فيه لانى تفريبا بمر بيه دلوفتى


معلش يا جودى
انا مش معاكى المرة دى
لان ساعات مبيبقاش الاختيار بأدينا
و ساعات الصمت مبيبقاش بأدينا
زى ما اسلام بيقول
صعب انك تقول انك تعبان من حاجة و الحاجة دى قتلاك
المفروض ان لغه الصمت ميفهمهاش غير الى مقصود بيها
لان الواحد ساعات بيسكت علشان يهمه ان محدش يعرف غير الانسان الى هو عايزة يحس بيه
او علشان غبره ميفرحش فيه فى المه

و الاصعب انك تسكت علشان متعذبش حد بكلامك مع انك نفسك تقوله و تريح نفسك
بس الخوف علي الي قدامك بيخليك تسكت غصب عنك

على فكرة ياخالد انت بتتكلم وفي دماغك موقف معين

وبتطبق عليه الكلام لكن لازم تبقى عارف الحاجات اللي بتوجع كتير

ومش كلها بتجبرك انك تفضل ساكت أما موقفك واللي انا راسماله صورة معينة في خيالي حاسة انه جابرك على السكوت من الحيرة اللي انت فيها

بدليل كمان ان توقيعك كله علامات استفهام ..متهيألي التفكير واخد عقلك لدرجة مش مخلياك تفكر في حاجات بسيطة

عشان كدا كنت بس بنصح اسلام انه لو ملقاش حد يمتص عنه ألمه شوية او ع الاقل يشاركه يبقى معلش تعالى على نفسك وخليك كاتمه بدون ما تفكر تدور على الحد اللي يحس بيك لان محدش هيحس بيك اذا كنت عايز الشخص المقصود دا ..هو اللي سببلك ألمك !!

صح عندك حق
الحاجات الى بتوجع كتير
بس الى يوجع اكتر بوم ما تتكلم و تخرج عن صمتك
و تتألم اكتر
و بعدين الالم الى عندة نوع جديد
بيتجدد كل 3 ايام
بس ما علينا
بكرة الواحد يتعود
و ساعتها حيبقى اجمد بكتير من دلوقتى
يوم ما حيمر بيه نفس الموقف

الضربه الى متموتش .. بتقوى

اولا بشكرك على ردك الجميل ، خاصة انى كتبتلك فى وقت كنت عايزة اطلع كل اللى جوايا
لحد ، بس حد يفهمنى صح مش غلط .
انا قرات اللى كتبه خالد و سامو
المفروض ان لغه الصمت ميفهمهاش غير الى مقصود بيها
لان الواحد ساعات بيسكت علشان يهمه ان محدش يعرف غير الانسان الى هو عايزة يحس بيه
او علشان غبره ميفرحش فيه فى المه

انا مش معاهم
لان ممكن اللى ادامك هو كمان ما يحسش بيكى ، و ميفهمش اللى جواكى من ناحيته
و تلاقى انك و الحد ده صامتين ولكن ......
ما هى النهاية...................؟؟؟؟؟؟؟؟ يغلب عليكما الصمت .

اما بالنسبة اكلام خالد

و الاصعب انك تسكت علشان متعذبش حد بكلامك مع انك نفسك تقوله و تريح نفسك
بس الخوف علي الي قدامك بيخليك تسكت غصب عنك

من رايى
انه يقول اللى جواه بصراحه للشخصية اللى ادامه
عشان يعرف اللى جوه الشخصية دى من ناحيته فى البداية
احسن يتقلب كل اللى جواه لالم .......... هو مش قده
خاصة انه باين عليه انه شخصية حساسة اوى .

انتي قلبك كبير اوي يااسراء وعندك سينس عالي في فهم مشاعر الآخرين

انا بجد عجبني كلامك جدآ ورغم انك مشاركاتك قليلة بس اسمك اتحفظ معايا خلاص من خلال المشاركة الاولى في الموضوع دا

وحقيقي بجد كلامك كله موزون وعاجبني حتى لو كان مجرد فضفضة ..بتمنى تنزلي مواضيع نتكلم مع بعض فيها او تشاركي حتى باقي مواضيع الفضفضة

جودي انا قبل اما اعلق علي الموضوع عاوزه اسالك انتي بتجيبي الاحساس العالي ده منين

كلامك فعلا بيمس القلب

ازيك ياجودي..
اسمحيلي أكمل حواري معاك عن الصمت بس النهارده حتكلم عن الصمت بشكل آخر

تعرفي ياجودي إن أحسن حاجه في الدنيا هي الصراحه بس لازم تكون صراحه مطلقه من الطرفين..

إنك تصارحي كل اللي أدامك وتتعاملي معاهم بصراحه ..

وتلاقي إنك حتي يوم ماتتكلمي وتتكتبي عن حاجه جواكي بصفه عامه ممكن أي حد يفهمها علي نفسه

ويبني أوهام جواه ..ويصرحك بيها..

وتخيلي إنك بتقابلي صراحته المغلوطه بصمت رهيب من هول الموقف..

وسكوتك يبين للحد اللي أدامك إن كل كلامه صح ومع ذلك بردو متقدريش تتكلمي...

لكن للأسف....!!!

تلاقي نفسك مش قادره حتي تفهميهم الحقيقه

ولما تيجي تفكري شويه تلاقي إن أدامك حل واحد وهو ........

إنك تفهم الشخصيه دي حقيقه الموقف بس السؤال..؟؟؟؟؟؟؟؟

لو تكرر معاك نفس الموقف مرات تانيه......؟؟؟؟ حتعملي إيه..؟؟؟

تفتكري حتفضلي طول حياتك تفهميهم ايه هي الحقيقه...
ولا حتفضلي السكوت عن إنك تصرحيهم بالحقيقه ............


... سؤال بلا جواب......

اقتباس:

---

المشاركة الأصلية كتبت بواسطة اخت اسامه البنا

جودي انا قبل اما اعلق علي الموضوع عاوزه اسالك انتي بتجيبي الاحساس العالي ده منين

كلامك فعلا بيمس القلب

---

يااااااه ايه الكلمة الحلوة دي ياأميرة انتي عارفه أي كلام طالع من القلب بيمس القلب علطول وانتي أكيد عندك احساس عالي وجميل وعشان كدا لامسة دا في كلام الناس وبتمنى تشاركينا برأئيك لأن الموضوع دا عايز رد بالاحساس اللي جواكي مش رد بمجرد التفكير في الاجابة

بصي ياأميرة كلامك دا ممكن يحصل بس في حاجة هو اللي قدامك اعتبر سكوتك رضا عن كلامه أو بمعنى تاني تأكيد على صحة كلامه ومشاعره

مع انك عارفه ان كل الكلام دا مش صحيح ومن صدمتك انه ممكن يكون فهمك غلط سكتي ومصارحتهوش بحقيقة تقبلك للكلام دا

ومع استمرار سكوتك بيتكون انطباع القبول عند الطرف التاني وبيزيد في كلامه وتصرفاته الوهمية

بس انا عايزه أقولك حاجة عشان انتي مش عارفه تصارحي اللي قدامك بحقيقة انطباعك منه ومن تصرفاته

انا في رأيي التواصل مش مقصور على الكلام فقط يعني أكيد احنا اتخلقلنا 5 حواس مش حاسة واحدة عشان نتواصل بيها

وتقدري تستخدمي حاجة أقوى من لسانك اذا مقدرتيش تتكلمي بصراحة وتشغلي الحواس التانية بالانطباعات اللي تقدري تعمليها وتوصليها للي قدامك واللي هتعبري فيها عن وجهة نظره الغلط

واذا الموضوع زاد في صعوبته مفيش غير أصعب الحلول وهو الابتعاد التام وقطع صلتك بالشخص دا ودا هيكون كويس للطرفين

بجد يا جودى الدنيا دى عجيبه و غريبه

بجد انا مبقيتش عارف امشى من انه طريق

و يوم ما اخترت الطريق

اتكلمت

و تعبت

بس علشان محسش بالذنب من نحيه حد

و فى الاخر

احساسى بالذنب بقى اكبر من الاول
بسبب الصراحه و الكلام

يعنى سكت و منفعش
اتكلمت و منفعش
هربت و برضه منفعش

بجد انا عقلى طار
بقيت ماشى بخبط فى كل حاجة

أصل بص ياخالد مش دايمآ الصراحة مريحة ومش دايمآ الصح مُرضي !!

انت استنتاجاتك بتطلع 95 % صح على كلامك والموضوع دا تاعبك

ومكتفتش بالاستنتاجات اللي اتكونت وانت ساكت مش واخد اي قرارات

لكن بعد ما حددت طريقك واخترته قررت تطلع ردود أفعال للاستنتاجات دي سواء كانت مرضية لبعض الناس او غير مرضية

طلعت ردود أفعالك عن طريق صراحتك واللي خلتك تحس بالذنب أكتر برغم انك عملت كدا عشان توضح الصورة وتسهل الأمور وتموت الحيرة اللي ممكن تكون متملكة اللي حواليك

بس تعبت بعدها لأن طبيعي في بعض الناس مكنتش متمنية رد فعلك دا حتى لو كانت عارفاه بس نفسها تتوهم

تالت حاجة عملتها انك بتهرب عشان مش متحمل ردود أفعال اللي حواليك بسبب صراحتك ... بس ..غلط ..مينفعش تهرب لكن ينفع تتحمل شوية وكلو بيعدي والأمور بتمشي لكن لو هربت كل ما هتصادفهم هيرجع بيك تاني شريط الذكريات للوقت اللي اتكلمت فيه وصارحتهم وهتدايق انت وتتعب

لكن لازم تتعايش معاهم وتتحمل الايام الصعبة دي بس تكون موجود بينهم كلهم ..بين اللي عجبهم كلامك وبين اللي معجبوش عشان يتأقلمو وتمشي الحياة كويسة الهروب ملوش آخر الهروب بيخليك تمشي في متاهة بس هيرجعك في الآخر للبداية الهروب مجرد مسألة وقت بدون مواجهة

لكن المواجهة دلوقتي هتضمنلك عمرك كله متأنبش فيه ضميرك ولا تتعب ولا تحس بأي ذنب ..وآسفة اني دوشتك ياخالووود وربنا يريح بالك

دوشتينى ايه بس
بجد و الله يا جودى انت بتساعدينى اوى

تخيلى الى حبيت اريحهم
هم الي زعلانين من قراراتى

انا كنت قررت الي انت بتقوليه دا
بس كنت متردد
بس فى الاخر و بعد كلامك
حسيت بالى انت عايزة تقوليه
ايام صعبه
لازم نتحملها
و تعب ساعه ارحم من تعب كل ساعه


بجد انا الى حاسس انى كل ما يحصلى موقف باجى ادوشك انتى
بس بجد كلامك بيريحنى

ايون انا بسكت لما بغضب

في حد مدايئ