" لو لم أكن مصريا كان يبقي قشطة أوي "

" لو لم أكن مصريا كان يبقي قشطة أوي "

" لو لم أكن مصريا كان يبقي قشطة أوي "
--------------------------------------
مش عارف ليه دايما بقيت بسمعها كتير
اوي الايام

مش عارف الجملة بتتقال تهرب من مسئوليتنا عن اللي بيحصل في البلد
و لا دي نتيجة منطقية لظروف كلنا بنعيشها ؟

أنا هسأل سؤال للناس اللي عايشة بالمقولة دي
و عايز تهاجر و تسيب البلد

نفترض امك او اختك او مراتك
تعرضت للاختطاف .. و السرقة .. و الاغتصاب
هتعمل ايه
هتدور علي ام تانيه
و لا هتقتل اختك و تتبرأ منها
و لا هتهاجر و تنسي الموضوع
و لا هتطلق مراتك و تجوز غيرها
و لا هتنتحر و تريح نفسك ؟
و لا هتكون راجل بمعني الكلمة و تدافع عنهم و تنتقم لشرفك ؟

طب ده كان مثال بسيط عن الواقع اللي بنعيشه
ما مصر يا عمنا في ايدين غيلان بيسرقوها و بيغتصبوها كل يوم
و احنا مش بنعمل حاجه غير الكلام ده لو اتكلمنا اصلا
هل هي دي الرجولة و هو ده الانتماء ؟

انتوا بتقولوا ان مصر وحشة و مش بتدينا حقنا
هل مصر هي اللي بتذلنا او بتهينا او بتظلمنا ؟
و لا احنا اللي عملنا في نفسنا كده بسكوتنا وضعفنا
احنا اللي عملنا في بلدنا كده بتخاذلنا و جبننا
مش عارف امتي هنتحرك عشان نحرر بلدنا من حزب فاسد
و نظام اغتصبها و نهبها ؟

مش عارف امتي هنحس بشويه نخوه و رجوله و ندافع عنها بجد
مش بكلام و بس ؟ياريت نفكر في الموضوع صح
و نعيد حسابتنا

متقلش مصر وحشة .. قول حكومة فاشلة و حزب فاسد

عندك حق يا احمد الناس محتاجة تفكر شوية وترجع لدينها بقى

انا اتخضيت من العنوان يا احمد بس لما قريت الموضوع عجبينى الحقيقة شكرا علي الفكرة والامثلة

ههههههههههههه
انت مش خايف لا تتمسك ولا ايه يبنى

صح و الله عندك حق
مصر ملهاش ذنب
الذنب ذنبنا احنا

احنا الي ساكتين
و احنا الي بنصوتلهم فى الانتخابات و بعدين نرجع تانى نندم


عيب شعبنا انه محتاج للقائد
طول ما هو مفيش قائد مفيش تحرك
كله بيقول هو انا حغير الدنيا لوحدى

احنا محتاجين لتنظيم ظباط احرار جديد
ناس تكون بتحب مصر بجد

شكلى حتمسك معاك انا كمان يبنى
هههههههههههههه

[SIZE="5"]شكرا يوسف علي مرورك ومعاك حق والله

وشكرا عبدة علي ردك

شكرا موبوتو وفعلا انا معاك احنا محتاجين وقفة او الظاهر ان احنا عاوزين جمال عبد الناصر تانى....[/SIZE]

متقولش مصر هى امى.........أمك راءدة جوه!!!!!


بصراحة معنديش اى تعليق دلوقتى

بس اوعدك إنى أحاول

!!!!!!

يعينى يا حمادة


طيب يا احمد انت مش نفسك تسافر بره مش نفسك تخطب تتجوز بالله عليك لو انت عتهيش هنا هتعمل كل دة فقد ايه

تاني حاجة انا لو حدى مش هغير الكون انا بتصلح اوكى غيري مش راضي وبرده بتيجى على دماغى من تانى طيب هفضل فالذل دة ليه منا اسافر وارجع اعيش ملك ومحدش يتحكم فيا صح ولا غلط

مش عارفة
هابقى اجى تانى
اصلى متلخبطة شوية

عندك حق احنا اللى بنشوف السلوك الغلط و نسكت عليه و نعمله لدرجة ان الغلط بقى صح و الصح غلط لازم نعمل حاجة مش لازم نتكلم وبس مش شرط تكون سياسة دى حايتنا و نتعلم من بعض كام واحد فكر ان الحاجة اللى بيرميها فى الشارع حتخلى شكل الشارع وحش كام واحد فكر انه لما يعلى صوته وهو بيهزر مع اصحابه هو بيضر ناس تنيه كام واحد فكر انه لو اتعامل بذوق مع كل الناس حتى اللى ميعرفهومش ان الناس دى حتعمل زيه على الاقل 1%كلنا محتجيين نفكر فى سلوكنا فى حاجات كتتيير نقدر نعملها.......

شكرا سارة علي مرورك ومستنيكي

شكرا يسري علي مرورك
ودة بيت القصيد ليه الواحد ما ياخدش حقه في بلدة
هيه البلاد اللي هنسافر ونتغرب فيها دى احسن
من بلدنا في ايه وطالما احنا في ايدينا الاصلاح طيب
مانصلحش ليه ..

اوكي ميرا مستنيكي

شكرا احمد بشر علي مرورك
وفعلا انا معاك انا حالنا مش هيتصلح
من فرد واحد بس لازم نيتدى كلنا نحس باهميه
اننا شايلين مسؤليه بلدنا وانها مش هاتنهض
ويبقي ليها قيمه الا بينا....

فعلا احنا ناقصنا شويه انتماء ودي اهم حاجه

مش عارفة بردو
بص يا احمد عندك حق فى معظم الكلام..
بس صدقنى مش هتلاقى واحد عاقل يقول الكلمة دى
حتى لو كان ناوى يهاجر ويسيب مصر
لو عاقل مش هيقول كدة
بس انا شايفة وعلى قد فهمى
انى شايفة ان البلد اتعمل فيها كتير
ولسة ناقصها كتير
لكن الريس انا شايفة واتكلمت مع ناس كتير من اللى عاصرو الثورة
وبابايا كان فى الجيش ايامها
وعارف وشايف
دلوقت الريس مهتم بسياسة البلد الخارجية
ومشروعات كبيرة
واعتمد على ناس جواها هو فاكرهم رجالة
بقت السرقة عينى عينك كدا من رؤساء الاحياء
يبقى الحى نازل له ميزانية من الدولة بالملايين
وتروح كلها فى جيوب الحرامية
لكن مش هاقولك ان مافيش غلط
لا ..المفروض يبقى فى متابعة شخصية لكل شبر فى ارض مصر
بس والله يرحم ايام سيدنا عمر بن الخطاب رضى الله عنه وارضاه
""لو تعثرت دابة فى العراق لسؤل عنها عمر فى الشام""
تخيل ..
ربنا يهدى الجميع ويوفق ولاه امورنا لما فيه الخير

بص ياميرا احب اقولك ان الريس عارف كل اللى بيحصل فى البلد دة مش نايم بس هو بيفوت ليه؟؟ عشان هو اصلا بيسرق ومحدش يقدر يكلمه لانه ماسك عليهم حاجات بجد والله يوم محد ميعجهوش النظام من المسئولين حيقولوز طب تعالى بقى انت عملت كذا وكذا وحيتم عزله بفضايح يعنى بالعربى كدة التغيير لن ياتى الامن الجيش وهو ماسك الجيش من رقبته

[SIZE

="5"]شكرا اميرة علي مرورك وردك وانا معاكي طبعا
في دة

ميرا بيسعدني مرورك والله
بس لازم الاهتمام يبقي برة وجوة لان السياسة
الداخليه هيه اللي بتحدد هيبه الدولة الخارجيه

شكرا يوسف علي مشاركتك وانت معاك حق...[/SIZE]

شكرا اميرة علي مرورك وردك وانا معاكي طبعا
في دة

ميرا بيسعدني مرورك والله
بس لازم الاهتمام يبقي برة وجوة لان السياسة
الداخليه هيه اللي بتحدد هيبه الدولة الخارجيه

شكرا يوسف علي مشاركتك وانت معاك حق

شكرا لك اخى على الموضوع المميز .

فعلا كلامك صح كلنا بنقول مصر مش امى دى مرات ابويا بتاخد مننا ومش بتدينا بس لو جينا نشوف هنلاقى انها مش كدة خالص وان الظلم اللى فيها من احزبها ورئستها هى اللى خلتنا نقول عليها كدة . بس مشكلتنا هو صمتنا اللى ديما مضيع حقنا .
تعالوا بينا نغير الواقع المؤلم دة ونرجع الحق لأاصحابة يلا بلاش نستسلم ونضيع كل حاجة مننا .

والله عندك حق يا احمد بجد مصر ما تستحقش مننا كده

احنا اللي ضيعنا حقنا وتساهلنا وبعدين انتوا بتعيبوا في الحكم ليه
ناس وشايفه مال سايب ولسان صامت اخرس وضمير غايب ومفيش خوف من ربنا

من حقهم يعملوا اكتر من كده

بس فيه حاجه مش لازم ننساها مصر وشعبها مرو بالاصعب من كده في مر الزمن وقدرت تتغلب عليه يعني اكيد فيه امل لو مش فينا يبقي في اللي بعدينا

معلش طولت عليكم والموضوع رائع طبعا

الحقيقة العنوان شدنى وهوة فعلا موضوع حلو بس لو دورت علي السبب هتلاقي ان احنا السبب شكرا علي موضوعك اللي هو في الاصل قضيه بلد

شكرا مرمر ولولا وسعيد جدا بمروركم ومشاركتكم

وفعلا مرمر السكوت مش هايوصلنا لشئ
وما ضاع حق ورائه مطالب ولا ايه ....

وبقول ل لولاطبعا اكيد الامل موجود بس
اتاخر علينا شويه المرة دى يا لولا

شكرا مستر لونلي وفعلا معاك حق
ودة اللي انا بقوله زي ما احنا السبب في دة
برضه هانكون احنا السبب في التغيير ان شاء الله ....

موضوع جميل جدااااااااااا يا احمد وشكرا انك اتكلمت في الموضوع ده
بص يا احمد احنا عارفين الي احنا مقصرين عشان كل واحد بيقول نفسي وبس و مش بنجري ورا حقوقنا
بس انت شايف ان ده رئيس كويس؟
الي بيغلط من الرؤساء بيطرد ده كويس؟
ان البوليس كل يوم بيقتل واحد و يضرب و يسلب حقوقه و الريس نايم ده كويس؟
الي بيقفل الحواجز و مش بيردا يدخل الفلسطنيين يتحامه فيه ده كويس؟
و تعرف ان في جروب علي الفيس بووك بيقول
ان عسكري انجليزي وجد ورقة ممضية باسم مصر وانجلترا بتقول ان مصر عايزة من انجلترا

60 مليار دولار

راح العسكري طالب مصر بانها تطالب بحقوقها
من انجلترا
تفتكر مصر عملت ايه ؟

رفضت

دول ال4 جنيه بيفرقوا معانا ال 60 مليار دولار مش حيفرقوا واحنا بصراحة غلطانين عشان سكتنا علي الموضوع ده و الريس مبيعملش حاجة عشان خايف من الكرسي

معلش طولت عليك بس بجد موضوع رائع .تسلم ايدك

مصر ام الدنيا يعني ام امريكا واوربا

المشكله مش في مصر المشكله في اللي مصر متجوزاه مش عايز يطلقها ولو بلطبل البلدي

العنوان شديد يااستاذنا

فعلا تعليق يخيب الامل(لو لم اكن مصريا....)
كل اللى حقوله جمله مقتبسه عن دكتور احترم ارائه وهى اننا عباره عن هرم قاعدته الشعب وراسه الصغيره هى الحكومه
شوف مين فينا اللى كبير عشان يقدر يغير مع العلم ان القاعده هى اللى تقدر تعين رأس لها
شكرا جزيلا

كل واحد بيقول عايز يهاجر ويسيبها بس لو تخيلنا اننا بعدنا عنها بيتزرع الخوف جوه قلوبنا واكننا تايهين فى مكان مالوش نهاية
انا بحب بلدى ومشكلتها هى مشاكلى فى احوالها وعجزها واللى بيغتصبوا خيرها
وبفخر انى مصرى

بص يا

أ/ احمد انا معك ان فى ناس كتير بتقول كدة
ومعاك فى ال انتا بتقولة
بس العيب مش فى الحكومة ولا الحزب ولا اى حاجة
العيب فينا احنا
يعنى لو مسمعناش لى حد هنبقى احسن ناس واحسن دولة ان اشاء الله
بس اهم حاجة نرجع لى ربنا ونتقى الله
وانا شاء الله
هنبقى نقول
ان لم اكن مصريا لزعلت اوى اوى
جزاك الله خير

اولا بشكرك على الموضوع يا احمد بس مش عارفه اقولك ايه بصراحه انا شايفه ان الواحد يتبهدل فى بلده احسن بس برده كل الشباب بتقول انا اسافر اكون نفسى سنتين تلاته وبعدين ارجع اعيش فى مصر ولو هتبصلها هتلاقى معظم الى سافر احسن من الى هنا بكتير انا مش عارفه العيب فى مين والله يا احمد...

نعيب زماننا والعيب فينا
بجد انا مش عارف اقولك ايه يا احمد انا اتلغبطت خلاص

شكرا فريدة علي ردك وفعلا انا بتفق معاكي انتى ووايلد ومحمد خضر ومحمد عمرو وجنات عصام وفعلا العيب فينا واحنا اللي لازم نتغير
لاننا واجهة بلدنا لو الواجهة فاسدة وهشة اكيد القلب دمار ولا ايه .....؟
وبشكر اوباما علي مروره

واحب اشكر كل اللي شارك في مناقشة الموضوع واللي تهمه سمعة بلدنا لان بلدنا لازم تكون فوق الجميع