solve it if u genius

السلام عليكم
انا جيبلكم فزوره بجد عاوزه فهم وتركيز جامد المهم اللي يحلها له هديه حلوه اوي بجد هيفرح بيها
المهم الفزوره هي كالاتي
فيه 3 قهاوي جنب بعض
الدخول الخروج من القهوه الواحده الدخلو ب10 جنيه والخروج بعشره جنيه
واحد كان معاه مبلغ من المال دخل اول قهوه دفع 10 جنيه ولعب قمار وكسب قد اللي معاه وخرج من القهوه ودفع 10 جنيه
ودخل القهوه التانيه برده ودفع ولعب وكسب قد اللي معاه وخرج ودفع 10 جنيه ودخل برده التالته ودفع 10 جنيه ولعب وكسب قد اللي معاه وخرج ودفع 10 جنيه
بص في جيبه في الاخر ملقاش معاه ولا مليم
السؤال كم كان معه في الاول خالص قبل ما يدخل القهاوي ؟؟؟؟؟؟؟؟؟؟؟؟؟؟؟؟؟

كان معاه 30 جنيه يا حمد؟؟؟؟

أنا من موقفى هذا بؤيد يووووسف الراجل ده كان معاه 30 جنيه

لالالالالالالالالالالالالا غلط يا رجاله
تعالو نحسب هوه معاه 30 جنيه صح
دخل اول قهوه دفع 10 جنيه صح بقي معاه 20 كسب قد اللي معاه بقي معاه اربعين
طلع دفع عشره جنبيه ودخل اقهوه التانيه دفع 10 جنيه يبقي دفع 20 وبقي معاه عشرين جنيه
وكسب قد اللي معاه يبقي معاه 40 جنيه
هديفع عشره وهو طالع وهو داخل عشره كمان يبقي معاه 20 جنيه هيكسب قد اللي معاه هيبقي معاه 40 هيدفع 10 هيفضل معاه 30 وبكده مش صح
ركزو شويه وبعدين فين الردود والحلول انا عاوز ناس كتير تفكر وتحلها

لو افترضنا كان معاه 25

يبقى دخل ودفع 10 يتبقى معاه 15وكسب قد اللي معاه يعني كسب 30 وهو خارج دفع 10

يبقى هو معاه دلوقتي 20

دخل القهوة التانية دفع 10 يتبقى معاه 10 وكسب قد اللي كسبه يبقى معاه 20 وخرج دفع 10

يبقى هو معاه دلوقتي 10

دخل القهوة التالته ودفع 10 كدا مش معاه اي فلوس

ههههههههههههههههههه معلش باه احنا نمشيها لحد هنا وخلاص :D

الأجابة 26.25

دخل اول قهوه دفع 10 جنيه صح بقي معاه 16.25 كسب قد اللي معاه بقي معاه 32.5
طلع دفع عشره جنيه وهو طالع بقى 22.5
ودخل اقهوه التانيه دفع 10 جنيه يبقي معاه 12.5
وكسب قد اللي معاه يبقي معاه 25 جنيه
هديفع عشره وهو طالع يبقىمعاه 15
وهو داخل القهوة التالته دفع عشره يبقي معاه 5 جنيه هيكسب قد اللي معاه هيبقي معاه 10 هيدفع 10 وهو خارج هيفضل معاه صفر

صح كده ولا لأ

صح الاجابه مضبوطه يا نهي بجدا انتي عبقريه وكسفتونا يا رجاله
بجد انتي عبقريه وهديتك عندي هبعتهالك
ان شاء الله لكه فزوره برده

برافووو عليكي يانهى ما شاء الله

برافو واليه يانهى يعم انا اصلا بكره الرياضة

بصو يا جماعه حل الفزوه دي ازاي انك تجيبها من ورا يعني انت وهوه خارج من 3 قهوه كان دافع 10 جنيه وطلع وهوه معاهوش وهوه قبل ما يطلعكان معاه عشره جنيه اللي دفعها يبقي نقسم علي اتنين هيبقي معاه 5 جينه وهوه داخل القهوه دفع عشره وهوه خارخ من القهوه التانيه يبقي معاه 25 نقسم علي اتنين يبقي 12.5نفس الحكايه من خروح القهوه الاولي يبقي معاه 32.5 نصهم كام 16.25 وهوه داخل اول قهوه دفع 10 + 16.25 يبقي كان معاه
26.25
اتمني تكونو فهمتو حاجه لاني اتلغبطت

واناكمان اتلغبط حل نهى اسهل ياباشا

يا عم يوسف هي دي طريقه الحل الاسهل لان لو انت جبتها من قدام مش هتوصل لحاجه بس بجد انا هقولكم فزوره تانيه معالومه عامله
ايه هوه اكتر حيوان بيتحمل العطش
1-الفيل
2-الجمل
3-الحمار
4- الفار
5-القطه

الجمل اكتر حيوان بيتحمل العطش :D

لالالالالالالالالالالالالالالا يا جودي فكري شويه

طيب نقول الفيل ..متخليش شكلي وحش باه يااحمد وقول انها صح

هو مش الجمل لانة بيخزن المياه بداخلة و مش القطة لاني عندي واحدة و بتشرب مياه كتير
و مش الفيل لان جسمة ميسمحلوش انه مشربش مياه كتير
فهو يا اما الفار يا الحمار
و علي ما اظن انة الحمار

اولا يا جودي شكرا لمرورك الجميل ومعلش لان الاجابه غلط
وكمان عمنا يوسف الاجابه الحمار غلط
الصح هوه الفار اكتر حيوان بيحمل العطش وشكرا
ـــــــــــــــــــــــ
الحلو لما عدا ضربني باله حدا

انا سلمى مش يوسف يا احمد
و علي العموم شكرا علي الاجابة
و عايزين تاني

يوسف مين يعم انا اتكلمت دلؤتى دى سلمى وانايوسف وانت احمد المقدم والحياة حلوة

اقتباس:

---

المشاركة الأصلية كتبت بواسطة احمدالمقدم

صح الاجابه مضبوطه يا نهي بجدا انتي عبقريه وكسفتونا يا رجاله
بجد انتي عبقريه وهديتك عندي هبعتهالك
ان شاء الله لكه فزوره برده

---

بجد شكرا ياأحمد بس أنا ولا عبقرية ولا حاجة طبعا هى كانت مش صعبة أوى
وفين الهدية بقى
وشكرا ليك يأحمد مرة تانية

اقتباس:

---

المشاركة الأصلية كتبت بواسطة judy

برافووو عليكي يانهى ما شاء الله

---

الله يخليكى يا جميل

اقتباس:

---

المشاركة الأصلية كتبت بواسطة youssef mostafa

برافو واليه يانهى يعم انا اصلا بكره الرياضة

---

الله يخليك شكرا بس أنا كمان بكره الرياضة وبصراحة هو رقم غريب كنت حطه وقلقانه منه وشكرا ليك يا يوسف

عايزين فزورة جديدة احنا مستنيين