هل ستحضر فرح حبيبتك؟!!

بسم الله الرحمن الرحيم
السلام عليكم ورحمه الله وبركاته
*******************
لكل شخص قصة حب عاش فيها
وتعايش معها بكل تفاصيلها
واحداثها
ضحك معها وضحكا معا ايااااااااام
وبكى معها وبكتمعة ومنة بعض الاحيان
وسعد بهاااا وحلق في عالم المحبين ايام وليالي
ورسم خطوط للحظات اللقاء
ولكن ......!!!
بعضنا ختم هذه القصه باجمل ا لنهايات
وبعضنا انتهى حبه بالفراق
وبزواج الحبيب او زواج الحبيبه... من شخص اخر

والان توقفوا معي وفكروا بكل جديه !!!!

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟

وبرر موقفك اذا رفضت واذكر السبب اذا وافقت الحضور ؟؟


اتمنى ان يكون النقاش بكل جديه

انا طبعا حرفض الدعوه


لانى مش حقدر اواجه موقف زى ده
لانه حيكون صعب خصوصا لو لسه بحبه


احييك يا شهاب
على الموضوع الحلو اوى ده

وانتى نشيطه جدا يا مونى

بص يابودا اولا هى اللى دعتنى يبقى مبدئيا حقبل بس لو انا فعلا خلاص حبها بقى ماضى وانتهى خلاص

اما لو انا لسة بحبها اكيد مش حروح طبعا

لو انتهى الموضوع بالفراق بينا ومعدتش الحب موجود


اروح ليه لا




لو انتهى بالفراق والحب كان موجود هروح بس هستخبي بس اشوفها وهى فرحانة بس


دة كله اللي انا اتمنى انها تكون فرحانة

اعذرينى يوم زفافك مقدرتش افرح زيهم
مخترش ابدا يوم فى بالى انى ابقى واحد منهم

بص لو انا بحبها لسه يبقى مش هقر اروح
ولو خلاص مش بحبها هروح عادى ومش هتفرق معايا

اعتقد يا شهاب اني ساعتها حروح
علي الاقل عشان اشوف بنفسي انه خلاص مفيش امل
لان الانسان غالبا مش بيصدق انه خسر اللي معاه الا لما يشوفه بعينه عشان يثبت لنفسه ان
كل شئ انتهي
ده طبعا لو لسه بحبه
لكن لو مش بحبه الموضوع مش حيفرق كتير و حيبقي زي اي فرح عادي
thnxxxxxxxxxxxxxxxxxxx
علي الموضوع الروعه ده بجد
:):):):):)

لو بحبها بجد يبقى اكيد ححب اشوفها وهى فرحانه واللى بيحب بجد لازم يضحى

لو فرحي الاول حعزمة طبعا عشان احس اني تغلبت علي الحب دة

و لو فرحة حروح بردو بس مش حقعد بس عشان اتاكد زي ما اولي قالت

اكيد طبعا مش هروح لانى مش هقدر اشوفه فى الموقف وفى المكان ده صدقنى اصعب حاجه انك تشوف اللى بتحبه فى حضن حد تااااااااااانى

بصراح مش هروح
أنا مش هقدر أواجه الموقف ونا لايه أعذب نفسى
هيا قصة وأنتهت وكل واحد راح لحالة
يبقى ليه أروح وأقلب المواجع

انا بقي هروح اغني
اعذريني يوم زفافك مقدرتش افرح زيهم
لا انا هروح وارقص
كمان عشان انا نفسي غاليه
عندي اوي واللي يبعها ابيع خالته
شكرا علي الموضوع

لا مش حأقدر اروح ابدا

هو بصراحة حاجة تحير
بس انا لو كنت بحبة اوى اوى اكيد حروح حتى لو حبة لسة ف قلبى بس الاكيد مش هخلية يشوفنى حيبقى من بعيد وزى مااولى قالت عشان اتاكد ان خلاص مفيش امل فى اى حاجة لان الواحد ساعتها مش بيبقى مستوعب الموقف خاصة لو الحب كان حقيقى
اما لو حبة خلاص راح من قلبى يبقى اروح لية خلاص مبقاش يهمنى وبعدين لو حبة راح بالسهولة دى يبقى كان حبة عادى بالنسبالى وانا كنت مفكراة حب بجد
وموضوع جميل اوى ياشهاب
بس عايزين نعرف ردك ع الموضوع دة

والله انا هروح لان الحب تضحيه وانى اتمنالها كل الخير بس مش عارف هل هقدر اورح بقى ولا لأ؟

واللة انا حروح لان الي بيحب حد لازم يضحى ويفرح لية دة ممكن يكون خير ليةوليا

هااااااااااا؟ مين تانى هيشارك

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟
ايه يا بودا هى اسئلتك كلها كده فى الصميم
بص يا سيدى انت بتقول فراق اجابه السؤال ده بيتحكم فيه
سبب الفراق يعنى لو بعتنى عشان واحد مثلا يبقى بالتأكيد لا
واصلا ماكنتش بتحبنى تانى موقف ان لو الفراق حصل بتفاهم او باسباب
عقلانيه وان انا وهى خلاص مينعفش نكون مع بعض اه عادى احضر

وبرر موقفك اذا رفضت واذكر السبب اذا وافقت الحضور ؟؟
على ما اعتقد ان الاسباب انا قولتها فوق فى الحالتين

شكرا يا بودا ع الاسئله دى

بسم الله الرحمن الرحيم
ان شاء الله دة يكون مستحيل يعنى ان انا وحببتى نسيب بعض لكن مفيش حاجة صعبة
ولقدر الله اذا افترقنا وسبنا بعض وراحت بعتالى الدعوة
طبعا دة مش طبعا دة اكيد انى هغلى واموت من الغيظ لكن هحاول على اد ما اقدر اهدى وان شاء الله البس احلى ما عندى واروح الفرح وبكل لباقة اسلم عليها وعلى العريس "ال انا نفسى اقتلة طبعا " وقلهم الف الف مبروك وعقبال البكارى ان شاء الله ولو كانت فى الوقت دة خاطب او متجوز هجيب خطبتى او مراتى علشان نرحلها
والسبب فى الموضوع دة سهل جدا
انى هروح علشان اشوف مين هو سعيد الحظ ال اخدها او تعيس الحظ ال اخدها وفضلتوا عنى
ولكن ان شاء الله ما يحصلش فراق ولكن اذا حصل الحمد الله على كل شئ
بس يبقى صعب اوى انك تفارق حد وتروح تبعتلة دعوة فرحك من وجهت نظرى المتوضعة يبقى عاوز يغيزك ويحرق دمك

واااااااو نــــايـــس كويسشن يا بودا
بس لو كنا سبنا بعض وهى كانت مبسوطه بكدا اننا سبنا بعض ف استحاله ان اروح اصلا
واحنا دلوقتى فعلا سبنا بعض
ف استحاله افكر ف حد باعنى
يعنى اللى يبيعك بيعه زىما بيقولوا

العب ي ا دارش

اروح

علشان الواحد لازم يبقى اقوى من الظروف ويواجه كل شى بقوة مهما كان حيسببله متاعب بس المتاعب دى حتبقى وقتية وحتعدى بس حتخلى الواحد يقطع الامل فى العوده لحبيبه السابق او حتى التفكير فيه

ممكن يا لاقى اظن كده

ياه موضوعك بجد تحفه بس يوجع اوى ..........انا عن نفسى لو اتعرضت للموقف ده اكيد حروح.لسبب بسيط اوى وهو انه ما احترمش مشاعرى وعزمنى على فرحه.يعنى جاب كل الذكريات الحلوه وكسرها ادامى.يبقى اكيد مش حديله الفرصه انه يرضى غروره ويقول دى لسه بتحبنى علشان كده ما جتش.والسبب التانى علشان افوق نفسى من الحلم والامل اللى ممكن انه يخدعنى.واشوفه وهو جنب عروسه تانيه غيرى.بس بجد انت موضوعك عبقرى

يلا مين تانى هيورح ومين مش هيروح

اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟

اه هحضر وكمان هعمل الواجب كمان

وبرر موقفك اذا رفضت واذكر السبب اذا وافقت الحضور ؟؟

هحضر علشان انا بحب اواجه الموقف
وكمان علشان افهمها اني انها مش شغاله تفكيري
وكمان علشان تحب تعندني وتنجح في حياتها
وعلشان ما اكونش سبب في فشل حياتها بعد كده
فلازم اخرج من حياتها

اتمنى ان يكون النقاش بكل جديه

طبعا بكل جدايه
موضوع هايل يا شهاب

الى بيحب بيضحى من اجل سعادة حبيبه

يعنى كفاية ان الواحد يشوف الى بيحبه فرحان حتى لو مع حد غيره

ولازم يعرف ان الشخص ده مش نصيبوا

شكرا على الموضوع الجميل ده يا شهاب

يلا مين تانى هيشارك

انا من رأي انا ممكن اروح بس مش هاظهر لان هاتكون مؤلمة ليها وليه وكمان هاكون فرحان لما تكون فرحانة اكيد لان اللي بيحب بصدق ممكن يضحي بأي حاجة من أجلها

ممكن وجهة نظر