مستنى ايه؟؟!!
الحمد لله غافر الذنب وقابل التوب شديد العقاب، الحمد لله الذى ترك باب التوبة مفتوح الى يوم القيامة........
بداية أذكر قصة من أعجب قصص السلف عليهم رضوان الله قصة توبة العالم الجليل الفضيل بن عياض، هل تصدقون أن هذا العالم الجليل كان فى يوم من الأيام سارق. نعم انه كان كذلك،وفى يوم من الأيام وهو يقفز على سور من البيوت ليسرق وبينما هو يقفز سمع رجل يقوم الليل ويقرا الايه الكريمه( ألم يأن للذين امنوا أن تخشع قلوبهم لذكر الله وما نزل من الحق) وأول ما سمع الفضيل هذه الكلمات وقعت فى صدره وقال بل ان يارب. بل ان يا رب. بل ان يا رب.
أنا بحكى القصه دى فى الأول ليه!!! علشان أقولك هو ان ولا لم يأن، جه ولا لسه مجاش الوقت!!!!!!!!
أنا بكلم اللى لسه نايم لغايط دلوقتى، وبقوله أنته مستنى أيه!!!!!! ممكن قطار التوبه يفوتك، ممكن قطار التوبه يفوتك،بكلم اللى حط رجل جوه القطار ورجل بره،فى حاجات سابها وحاجات مسابهاش، فى حاجات عملها وفى حاجات معملهاش، لسه مش قادر ياخد قرار انه يبقى كله داخل القطار المتوجه الى الله، بكلمك وبفكرك ان القطار ده متوجه لله سبحانه وتعالى، أنته خايف ليه، حد يخاف من حاجه منطلقه الى الله سبحانه وتعالى، بكلم مين؟ بكلم اللى ركب القطار ونام فيه، اللى ركب القطار ولم يعمل لدين الله، بكلم اللى دخل القطار ولم يعمل شىء يفيد بيه نفسه ويفيد بيه دينه،بكلم الشباب اللى مستنى كاس العالم، بكلم الشباب اللى مستنى يروح بكره الكليه ويعيش، بكلم اللى مستنى ياخد الشهاده ويسافر بره ويعيش، بكلم دول كلهم وأقولهم أنته لو مش مستنيين حاجه فى حاجه بقه مستنياكم وهى ملك الموت، ملك الموت اللى مستنى اللى هو مش مستنى حاجه، مستنى ايه علشان تتوب، كفانا غفله والله يا جماعة، صاحبك ودفنته بأديك، الزلزال وشفته بعنيك، مستنى ان رجليك تتقطع أو أديك تتطير، مستنى أن أنته تمرض، ولا صاحبك يموت، ولا أنته تموت، مستنى تعمل حادثة وتنام ست شهور فى السرير، مستنى ايه علشان تعمل لدين الله، أنا عايز حد يقولى هو مستنى ايه عشان يتوب ويعمل لدين الله. لو كل الكلام اللى انا قولته ده مفوقكش يبقى مفيش حاجه هتفوقك. لو زلزال تسونامى وسقوط جبل المقطم وحصار غزة مفوقكش يبقى مش هيفوقك غير زلزال يوم القيامة،أو ضربه من مطرقه من مطرقة ملك من الملائكة فى القبر، او ضمه قبر تخلط ضلوعك ببعض، لو كل ده مفوقكشى يبقى مفيش غير ملك الموت وهو داخل عليك عشان ياخد روحك.
ياجماعة دلو كان عذاب يوم القيامة زلزله بس ده كان يكفى، يا خونا ربنا بيقول (اذا زلزلت الارض زلزالها)
ده لما زلزلت حته من البحر حته من الارض خسف بها وقالو هنعمل خريطة تانيه للارض، ده لما زلزلت حته من بلد واحدة مات 40 الف واحد مره واحدة... مستنى ايه؟؟؟؟!!!!!
وأختم بقصة 3 شبان كان رابعهم الشيطان بيحبوا يعملو حفلات فى بيت واحد صاحبهم ويفعلون الفواحش والزنى ويشربون الخمر والعياذ بالله، ففى يوم من الايام اخدوا 3 بنات وراحوا الفلا كالعاده ويقدر ربنا انهم ينسو يجيبوا الاكل فقال واحد منهم انا هروح اجيب الاكل فراح واتخر استنوه صحابه ساعه ساعتين ثلاثة مجاش راح واحد منهم قام يدور عليه لقى عربيته مولعه وهو فيها ونصفه الاسفل من جسدة محروق فصاحبه عايز ياخده يوديه المستشفى فقاله مش هلحق وشويه سمعه بيقول النار فاستغرب صاحبه وبعد شويه سمعة بيقول انا هقوله ايه فرد عليه صاحبه وقال له هتقول لمين قاله هقول لربنا ايه وبعد كده شهق شهقه الموت ثم مات،
ورجع صديقه يسترجع شريط المعاصى التى قام بها وبينما هو يسترجع هذا الفيلم سمع النداء سمع النجاه سمع نداء الفجر فقام وصلى وتاب الى الله ولم يترك من يومها قيام الليل.............
ودلوقتى بغير سؤالى واقول لك انه هتقوله ايه؟؟!! انته هتقول لربنا أيه؟؟!!
ويا جماعة دى تانى مره أحط الموضوع ده علشان خطورته وأهميته واللى يدخل يا ريت يقولى
هو مستنى أيه وأستفاد أيه من الموضع ده.
والسلام عليكم ورحمة الله وبركاته.
محبكم : السيد نبيل
