السلام عليكم ورحمة الله وبركاته
بصوا يا جماعه احم احم عشان نبقى واضحين وعلى نور الموضوع ده عايزين ناخده بهدوء(كله يجيب سلاحه) الموضوع ببساطه
احنا كل شويه هنغير مضمون الموضوع
والموضوع بيتناول عادات وتقاليد احنا ورثناها عن ابائنا واجدادنا وعايزين نناقشها هى صح ولا غلط ماشى بس زى ما انا قلت
:mad: بهدوء:mad: خالص:mad:
اتفقنا
ربنا يستر
هنبدأ معاكم بسؤال
ليه الراجل يجيب الشقه؟
شهاب انت حتضرب بجد
ليه بس كده يا سلا هو مافيش حد هيقف جانبى ولا ايه؟
لاء يا شهاب
كدة انت حتخسر ناس كتيييييييييييييير
ههههههههههههههههههههههههه
اهواضح انى هتفضح
انا عارف جيب شقة وعفش واجهزة واكتب ئيما وفى الاخر يتخلع وهى تاخد كل حاجة ويطلع الراجل الطيب من الحكاية مسجون
صح لية هى متجبش الشقة
(من بكرة هتزوج)
عندك حق وانا معاك
في اسرائيل الست هي الي بتروح تتقدم للراجل وهي الي بتجيب كل حاجة صح
بس ليه بقي عندنا كده
ده بسبب ان دينا بيحمل الراجل مسئولية ولو عايز تسال تسال كمان يا شهاب ليه بناخد ضعف نصيب الست في الميراث
وليه احنا الي بنطلق وليه وليه
اظن ان ده كله من صفات الراجل الشرقي قبل ما يكون متهيالي يعني من الدين
والله اعلم
شكرا على التوضيح
بس فى سؤال رفيع انت فى ديشنا ولا فى ديش التانيين
ايه يابودا شكلنا داخلين على حرب سودااااااااا
ببساطة ياسيدى
الراجل بيجيب الشقة عشان لو الشقة او البيت وقعت او اتدغدغ علىدماغ اللى فيه
الراجلهو اللى يخش السجن
عشان كدة قال الشاعر العظييييم
اللى معرفش اسمه
السجن للرجااااااااااااااااالة
ايه الثقافه دى يا يوس
ديننا يلزم الرجل بالشقة ففي كتاب فقه السنه إن المسئول عن اعداد البيت شرعيا و تجهيز كل ما يحتاج اليه هو الرجل
و قال الله تعالى في سورة الطلاق (اسكنوهن من حيث سكنتم من وجدكم و لا تضاروهن لتضيقوا عليهن , و إن كن اولات حمل فانفقوا عليهن حتى يضعن حملهن)صدق الله العظيم الايه نزلت في صورة الطلاق فإذا كانت هذه الايات لوجوب النفقه بعد الطلاق و الزوج ملزم بتوفير المسكن فما بالك بالزواج نفسه و الله اعلم
اقتباس:
المشاركة الأصلية كتبت بواسطة shimoo2009
ايوة ياشيماء وانا معاكى فى الرد ده
بس حلوة اوى فكرة طرح الاسئلة بتخلينا نفكر مع بعض
شيمو كلامها صح
وبعدين هو الراجل بيروح يتقدم عشان هى تجيبلة الشقة
ههههههه
فكرة حلوة اوى
ماشى ياهند يعنى احنا هنقلب على بعض
احنا بقى النهارده هنغير السؤال وهو
ليه مافيش عيد للأب؟
فى البدايه بشكرك على الموضوع الجميل ده
سؤالك بيقول ليه مفيش عيد للأب ..؟؟؟
هو أصلا فيش حاجة اسمها عيد ام عشان يبقى فيه عيد اب
الام والاب هما الأثنين مفروض عيدهم يكون كل يوم بطاعتنا ليهم ..
الام هيا نبع الحنان والاب المسؤل الاكبر عن اسرتة
لكن الرسول صلى الله عليه وسلم وصى بالأم اكثر من الاب
فالجنة تحت اقدام الامهات . وهذا طبعا لا يجعلنا نقلل من شأن الاب
بالعكس هو مؤسسه كبرى تقوم عليها اسرة بأكملها
فلك ابى خالص حبى واحترامى ...
اقتباس:
المشاركة الأصلية كتبت بواسطة مهندس محمود ابوالمجد
الله ينور يا بشمهندس
جميل قوى الموضوع يا شهاب
عايزين بقى قضايا حقيقة فيه بين هو وهى
فعلا انا من راى مرمر
عيد الام والاب كل يوم مش فى المناسبات
ونضحك عليهم بهديه علشان عايزين حاجه هههههههههه
شهاب انت بترسم على انك لما يكون عندك اولاد يجيبولك هديه
ههههههههههههههههههههههههههههههههههههههههههههههه
خلاص يا عم هنعملك يوم نكرم فيه الاب مش عيد اب
لان مفيش عيد للام هو يوم تكريم ليها بس
فروتي شكلها معاها حق يا بودا
و بعدين انا مع كل الآراء السابقة المفروض الاحتفال بالاب و الام كل يوم
الحاجة التانية إن مصر بتحتفل بعيد الاب نفس يوم عيد الام يعني عملوه عيد للاسرة ( الاب و الام)
موضوعك حلو ايه الاسئلة اللي جاية
مش محتاجة اقول بعد رأي مرمر حاجة فعلا
وانا مش هقول بعد الكلام اللى اتقال كلة حاجة
بس موضوع جميل اوى اوى
يالهوى احنا هنروح القسم وكل واحد يا خد حقه
السؤال الجديد
من اكثر عكننه؟ الراجل ولا الست؟
الست هي الكتر عكننه علي فكره لانها هي اللي بتبقي عايزه مصروف البيت ومصاريف المدارس
ومصاريف النور يعني حايتها كلها هات هات هات
والراجل بصراحه الله يكون في عونه هيجيب ده كله منين
فلو هي اقتصاديه تبقي الحياه حلوه ولو غير كده فهتبقي هي مصدر العكننه في البيت
الســـــــــــــــــــــــــــــــــت
الله عليك يا باشا يا ناصفنا
مين تانى هيشارك
فى ست بتحب العكننه
وفى راجل برضه ميكنش موجود فى مكان غير لما يكون فى عكننه
الخلاصه هما الاتنين
على حسب شخصية كل منهما
الست
بس علشان بتشيل هم بكرة
لا الست السبب وحدها ولا الراجل سبب وحدة
الخلاصة
هم الاتنين
هما الاتنين نولع فيهم يعنى
ولا ايه رايكم
لو انت رايك كده خلاص نولع فى الاتنين ونخلص منهم
اوك انا موافقة
ههههههههههه
لا
ده مش راى
مش سالت راينا نولع فى الاتنين ولا لاه
لو قصدك على الموضوع انا قلت رايى فيه
الاتنين فعلا فى امراة نكديه وفى رجل نكدى
بس مش كله على فكرة مثلا ناس كتيرة بعيدين البعد تماما عن النكد
وانا منهم مبحبش النكد تماما ولا انا انكد على حد ولاحد ينكد عليا
بهرب على طول من الاماكن اللى فيها نكد
بحس الناس النكديه دى ناس مريضه فيها ايه يعنى لو الناس فكرت فى الحاجت الحلوة اللى معاهم
وميخلوش النكد يتسرب ليهم ممكن اى شخص يزعل شويه من حاجة حصلت ويفكر فى الحاجة دى نهاية العالم يعنى عشان يفضل زعلان عليها
على فكرة يا شهاب
شكل نهايتك قربت يا بودا
ههههههههههههههههههههههه
بس الموضوع حلو ان احنا نتناقش فيه
وراى ان الانسان عموما يعنى ست وراجل مش طول الوقت نكدى ولا طول الوقت سعيد
يعنى مش الست لوحدها ولا الراجل لوحده لان الاتنين اصلا بيكملوا بعض سواء فى العكننه او فى السعاده
اكيد طبعا يا فاديه