طبعا معظمنا مر بمراحل التعليم كلها
و فينا ناس لسه مخلصتهاش كلها
موضوعنا دا انا عايز اعرف راى كل واحد فى التعليم
بلاش السؤال دا لو كان دا صعب
احنا ممكن نناقش قضيه من قضايا التعليم كل مره
بس بطريقه جديده
بحيث اننا نسيب القضيه تيجى فى الكلام لوحدها من غير ما نذكرها
بسيطه جدا
اول حاجة حناقشها ان شاء الله
حاجة ممكن البعض يتخيل انها هابله او تافهه
بس معناها كبير اوى
سؤال بسيط
هل انت حافظ الحروف بترتيبها الابجدى؟
العربى و الانجليزى؟
لو اجابتك اه مع انى اشك فى دى
بس سمعهالى كده ؟؟
مو ضوع هايل يا خالد
وبجد انا اعرف ناس مش حافظين
الحروف الابجديه بالترتيب
بل والادهى من كده انهم
حافظينها بالانجليزى بالترتيب
انا بقى الحمد لله حفظاها بالاتنين و بالترتيب
تحب اسمعهم يا استاذ
ههههههههههههههه
بص يا خالد الموضوع مهم لان التعليم فى مصر من وجهة نظرى المتواضعة صفر على الشمال
زى صفر المونديال كدة
اما عن الحروف الابجدية فدى وللة الحمد الحاجة الوحيدة اللى لسة منستهاش
و اللة اعلم حافضل فكراها ولا حنساها هى كمان
بس تصدق اكيد العيب مش فى الحروف ومش فى ترتيبها
الاهم فى فهمها وتكوين جملة مفيدة منها
ولا انت اية رايك
ولو عاوزنى اسمعهالك انا على استعداد
ومشكور على التوبك دة
فعلا يا خالد الموضوع ده المفروض كنا نناقشه من فتره لاني حاسس فعلا ان التعليم في مصر بلا قيمه ومجرد حفظ معلومات ورسها في الامتحان وبعد كدا طبعا في الهوا حتي جنوب افريقيا مستوي التعليم عندها هايل والجامعات هناك اخده ترتيب عالمي ومش معقول مصر ارض الحضاره يبقي التعليم فيها بالشكل ده وشكرا يا خلود علي موضوعك
انا بشكركم يا جماعه علي رايطم دا بس اسمحولى مردش غير لما اعرف راى بقيت الناس لانه فعلا موضوع شائك جدا
يعني ايه حروف ابجديه؟؟ قاعده من القواعد النحويه؟؟
ههههههههههههههههههههههههههه
التعليم في مصر معرفش جراله ايه باظ وادهور تقريبا المدرسه اللي كان المفروض دار علم وادب بقت لها هدف تاني خالص ايه هو معرفش؟؟
بس يا تري ايه السبب ؟؟اما بالنسبه للابجديه دونت وري حافظاهم طبعا وده بفضل معلميني في الابتدائي والاعداي طبعا
الدروس الخصوصيه ولا المعلمين مبقوش مهتمين ولاولا؟؟
منظومة الفشل بقت حلقه مفرغه صعب فكها
ربنا يحفظهم في كل حين
اما الثانوي فعليه العوض .............................
اسفه للاطاله وشكرا علي الموضوع الرائع
انا بيتهيئلى تعليمنا الصح فعلا وقف علي الابتدائى و الاعدادى
شكرا يا لولا علي رايك بس اسمحولى ارد بعد ما اسمع اراء الناس كلها لاننا حنحاول نخرج باستنتاج يكون اشبه بالحل يريحنا كلنا
يالا يا جماعه عايز ارائكم
سؤال غريب يا خالد
بس جميل والله
طبعا كتير مش حافظينهم
بص انا حافظاهم
وعلى فكرة انا الحمد لله كويس فى اللغة جدا
بس عندى مشكلة صغيرة ..لو مثلا عايزة الحرف اللى بعد الصاد ماعرفش ههههههههه
لازم اسمع من الاول .. وهكذا ماعرفش العيب باين من الزهايمر واللا ايه؟؟
عموما يا خالد
انا اعرف ناس كتير مش بتعرف تكتب..وهاقولك حاجة مهمة جدا
كتييييييييييييييييييييييييير من دا السبب فيه انهم بعاد عن قراءة القران
اه صدقنى
لو بيقو القران كان حروف كتير هتتضبط عندهم من حيث النطق والكتابة
باشكرك جدا يا خالد
ومتشوقة انى اعرف الغرض من السؤال
و الله رد جميل يا ميرا و عندك حق فيه
بس لما اشوف اراء الناس حنتناقش فى كام نقطه كدا ممكن توصلنا لحل
فين يا جماعة اجباباتكم ع السؤال.. ياللا الكل يشترك الموضوع جميل ومهم
فييييييييييييين الناس راحوا
تفاعلوا المشكله بجد خطيره