قناة عيني عينك الفضائية !! مباشر !!

تش تش تش تش مباشر

السلام عليكم ورحمة الله وبركاته

تم بحمد الله افتتاح قناة عيني عينك الفضائية

وستبدأ في بث برامجها من الان

بعد قليل

الاخبار

قامت القوات الاجنبيه بضرب القوات المش اجنبيه
ــــــــــــــــــــــــــــ
فاصل اعلاني ونواصل

http://www.winchare.com/uploads/imag...f7b3372da3.jpg

مع برسيل مفيش مستحيل
ــــــــــــــــــــــــــــــــــ
عدنا اليكم مرة اخرى

قامت القوات المش اجنبيه بالرد على القوات الاجنبيه

الى هنا تنتهي نشرة الاخبار

شكرا لحسن المتابعه

ملحوظه : القناة مفتوحه للجميع لعرض اي برنامج . مسلسل . فيلم . او اعلان

ههههههههههههههههه من الواضح يا عبده انها قناه هادفه

اقتباس:

---

المشاركة الأصلية كتبت بواسطة mohamed-gohar

ههههههههههههههههه من الواضح يا عبده انها قناه هادفه

---

والله القناة مفتوحه للجميع
اللي عاوز يحط اي حاجه يتفضل
نورت القناة محمد

هههههههههههههههههههه

جميلة جدااااااااااااا

مفيش حد عنده برامج ولا اي حاجه يعرضها على القناة ولا ايه ؟

السلام عليكم ورحمت الله
نقدم لى سيادتكم نشرة اخبار
بعد ما استقال مرسلنا ال أ/abdoitthad
وتم تنصيبى مكانة
نقدم لى سيادتكم اهم الانباء
قامت مجموعة من الشباب بتجمهر والاحتجاج عن سلم قسم الجغرافيا
كلية الاداب جامعة الاسكندرة
بسبب قيام احد الطلاب الغير جغرافى بى توزيع منشورات ورقية تنشر خيبة اللامل
ومدى صعبية القسم وطلب من الطلبة فى نهاية المنشورات بتحويلا فورا من القسم
مع العلم ان لم يستجب لة احد من الطلاب الجغرافين
وقاموا بى هتافات يقولوا فيها
ان لم اكن جغرافين لودت ان اكون جغرافيى
ولقد تم التعرف على موزع هذة المنشورات وكان طالب من قسم اخر يريد
ان يحدث الفوضة ويقلب اسرة الجغرافيا
لكن فى النهاية وقف الجغرافين اد وحدة
ولقد شارك اسرة منتدى الجغرافية مشاركة فعالة فى هذا الحدث مما اظهر لى الناس ولى جميع الكليات والاقسام
كم ان قسم الجغرافيا قسم رائع وقسم متماسك وكم ان اسرة الجرافيا تبنى على اسس وقيمة صحيحة
لذالك انا اقول لى اى من يشكك فى حبنا لى الجغرافيا والمنتدى انة مخطأ تماما
وفى النهاية
السلام عليكم ورحمت الله


موضوع حلو اوى يا abdoitthad بس انتا كنت عاوز اخبار
وادى الاخبار يا سيدى
واسف انى خلتك تستقيل
على فكرة حلو اوى
واسف انى تقلت عليك
موضوع رائع جزاك الله كل خير

نشكر الاستاذ القدير ومراسلنا الاستاذ / محمد عمرو

على مجهوده الرائع في نقل الاخبار وايصالها بوضوح للساده المشاهدين

شكرا جزيلا

ههههههههههههههههههه قناة جامدة ياعبدة ونتمني لمدير المحطة الاستاذ عبدة انه ان شاء الله يكون في تقدم دائم وياريت استاذ عبدة تصرف علي القناة شوية يعني انتج برامج ولا المشاهدين هما اللي هيصرفو عليها من جيبهم ههههههههههههههههههههه

بس بجد بجد توبك جامد والله يا عبدة تسلم ايدك

نورتي القناة يا أسماء

بعد قليل

احداث الفيلم الهندي لاتقتلني

اعلانات تجاريه

عاوز تخس اتصل بزيرو تلات اصفار خمس اصفار

هنخسسك هيييييييييييييييه بقولك انت

http://www.winchare.com/uploads/imag...440999d5dc.jpg

هييييييييييه بقولك انتي

http://www.winchare.com/uploads/imag...440999d5dc.jpg

اتصل بالرقم ده وهتخس يعني هتخس

http://www.winchare.com/uploads/imag...98c6685d3c.jpg

محمود فرج الله

الفيلم بطولة

اميتابتشان ... محمد شان ... عبد العزيز شان

اخراج

السيد شان

تدور احداث الفيلم حول عصابة محمد شان وعبد العزيز شان

الذين يريدون قتل اميتابتشان

يذهب اميتابتشان الى بيت حبيبته ليختبأ هناك

وتأتي العصابه لتقيده على الكرسي
http://www.winchare.com/uploads/imag...26baf12dda.jpg
وتضع متفجرات وصواريخ وقنابل نوويه

لتفجير المنزل

فاصل هندي قصدي اعلاني ثم نعود مع الفيلم الهندي

ـــــــــــــــــــــــــــــــــــــــــــــــ

قناة عيني عينك مش هتقدر تفتح عينيك

ـــــــــــــــــــــــــــــــــــــــــــــ

عدنا

يحاول اميتابتشان فك قيده

http://www.winchare.com/uploads/imag...1cf514925c.jpg

ولكن بعد فوات الاوان

وتنفجر القنابل والصواريخ

ويخرج اميتابتشان من المنزل ومعه حبيبته ويأخذ في تنفيض ملابسه (ولا كان في اي متفجرات ولا البيت وقع عليهم ولا اي حاجه )

ثم يغني لحبيبته بتاع ساعتين تلاته

http://www.winchare.com/uploads/imag...cc6a397a22.png

ويتجوزوا في الاخر

http://www.winchare.com/uploads/imag...f3c0cc8165.jpg

النهاية

ههههههههههههههههههههههههه جامد الفيلم يا عبدة والانتاج رائع باين عليه الصرف باين باين يعني ههههههههههههههههه

الله ينور يا عبدو موضوع جامد جدا

تسلم ايدك


وانتظرنى مع الاخبار باذن الله

بشكرك يا عبدة علي الفكرة الجامدة دى واحب اشارك ب ....

انا و البطيخ وهوااك .. برنامج .. للحب.. و عن الحب

مع اوووسامه منير


الحب
ذلك الشعور السهلبيسي الذي يزعزغ عقول البشر
و يهشك قلوبهم


مستمعينا لسه بنتكلم عن الحب وحلقتنا النهارده عن

الاستهبال في الحب
معاكم اسامه منير علي نجوم fm مزيكا علي كيف كيفك

في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ابليس كومباني و ان تاتش و كريمات زحلقها



دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..

اقتباس:

---

المشاركة الأصلية كتبت بواسطة NIGHT MOON

ههههههههههههههههههههههههه جامد الفيلم يا عبدة والانتاج رائع باين عليه الصرف باين باين يعني ههههههههههههههههه

---

اي خدمه يا اسماء ولسه الافلام جايه كتير

اقتباس:

---

المشاركة الأصلية كتبت بواسطة free eagle

الله ينور يا عبدو موضوع جامد جدا

تسلم ايدك


وانتظرنى مع الاخبار باذن الله

---

منتظرين اخبارك يا باشا

الله ينور مستر لونلي وننتظر المزيد

احم احم احم
والان مع برامج الاطفال
(المقدمة)ياولا ياولاد ترترا تعالو تعالو ....................................
اعزائي الصغار النهاردة انا جايبلكو قصة جديدة جدا ماحدش سمعها قبل كدا والقصة هي
كان ياماكان مايحلي الكلام الابذكر النبي علية الصلاة والسلام كان في قرية صغيرة في بلد كبيرة فيها عايش فيها ناس كتيييييييييييير وبيشتغلو في الحقل وبيزرعو جميع انواع الفواكه ولكن كان عايش فيها شخص شرير جدا اسمة اسمة دراكولا وكان عم دراكولا دة مابياكلش زينا فواكه وخضروات لا دة كان بياكل بياكل بني ادمين وكان بيخرج من بيتة يتمشي ويتفسح بالليل كدا علي حوالي الساعة واحدة وكان اللي يقابل عم الحج دراكولا دة يقوم مخلص علية وفضل عم الحج دة يخلص علي واهل القرية واحد ورا واحد لحد ماتبقاش حد في القرية خالص وراح طبعا زهق دراكولا لان طبعا مافيش حد ياكلة فلم عزالة وراح لقرية تانية يخلص علي الناس اللي فيها وهكذا وهكذا ............................
توتةتوتة فرغت الحودتة حلوة ولا ملتوتة

اعزائي اولياء الامور طبعا انا جبت القصة دي علشان الاطفال يتعظو شوية ويتامو بدري بس انا عارفة مافيش فايدة زي مقال سعد زغلول وشكرا

ههههههههههههههههههه
القصة جميلة جداااا
تسلمي يا قمر

بعد رحيل اسماء وتحولها الى دراكولا علشان دراكولا الاصلى عضها بعد القصة علطول هنشوف قصة تانى
طبعا مش معايا مع حد تانى
بجد قصة حلوة يا اسماء و بعد الشر عليكى انا بهزر فقط
بجد قصة جميلة
استمرى
جزاكى الله خير

ايه القناه الجمده دى :rolleyes: ياريت تزيعوا المسلسل العربى فاضى ومش فاضى ;) وكمان تجيبوا حلقات كارتون الكابتن ماجد:p

والله يا عبده لما دخلت ع الموضوع وقريت أوله فكرتك بتتكلم جد ودى قناه بجد وخصوصا مع الصوره الرمزيه بتاعتك
للنجم Wentworth Miller
أو

Scofield

زى أسمه فالمسلسل العالمى prison break

بس لما كملت الموضوع لقيت الفكره جامده جدا

الف مبروك عبده على أنطلاق القناه
ودلوقتى هسبكم ونررررررررجع لبعض تانى

شكرا ليكم

ومنتظر برامجكم على القناة

الف الف مبروك على افتتاح المحطة الجديدة
ومزيد من التقدم ان شاء الله
بجد فكره جميله والتوبك رائع بكل البرامج اللى فيه
تسلمو

اليكم نشرة السادسه

القوات الروسيه تحشد قواتها بالقرب من السواحل الشماليه للبحر الأبيض المتوسط

تحسباً لوع اى هجمات عليها من افراد حركة حرب امبابه

وافراد الحركه يستعدون للقتال بروح الرجال

ويساندهم اقليات ومنحرفى وشباب اوعى يغرك جسمك

من جميع انحاء مصر القديمه

عمتم مساءا وسوف نوافيكم بالأخبار




موضع بجد هايل يا عبدو جامد يا واد

شكرا lover angel

شكرا ماهرو على نشرة الاخبار وشد حيلك عشان تشتغل مذيع في القناة

شكرا حبيبى عبدو

احباءنا الكرام تأخذم اليوم قناة عينى عينك الفضائيه لصاحبها عبدو عم الأتحادويه

لنقل المباراه الوديه بين فريقى الأتحاد & حرس الحدود

وانا شايف المدرجات مليانه اتحادويه والماطش هيبقى نااااااااااااااااااااااااار

لو انته على شمال التليفزيون هتلاقينا على شمالك ولو انته على اليمين هتلاقينا على يمينك

المهم انك قاعد وهتلاقينا وخلاص

يالا ودى االعيال وامهم عند حماتك

ومع عينى عينك هتحلى اكيد اوقاتك

كان معكم معلقكم

حماد ريعو

ازيك يا ماما .....................

ههههههههههههههههههههه

لا بجد فكرة حلوة اوووووووووى يا عبدة تجنن اوى والفيلم دة باين صح انه اتكلف كتير بس انا هضيف حاجة صغنونة مع قناة عينى عينك اكيد اكيد مش هتقدر تغمض عنيك :eek:

أهلاً و سهلاً بكم في نشرة أخبار ثاني يوم علي التوالي من أيام القمه العربيه ، نقدمها لكم من قناة عيني عينك الفضائيه


1-الرؤساء العرب إستيقظوا من النوم مبكراً لبدأ ثاني أيام القمه العربيه.

2-الرؤساء العرب يأخذون دُشاً سريعاً لكي يكونوا [ مصحصحين] في القمه.

3_الرؤساء العرب إرتدوا ملابسهم و جايين في السكه.

4- وصل الرؤساء العرب إلي قاعة مؤتمر القمه العربيه و يتناولون الآن طعام الإفطار.

5-الرئيس 1 يتلذذ بطعم الفول [ إللي بطعم الجمبري] .

6-الرئيس 2 نسي و لف الطعميه في القرطاس الذي كتب فيه خطابه.

7-إنتهاء الرؤساء العرب من طعام الإفطار و علي الفور يبدأون القمه.

8-الرئيس السوداني يلقي خطاباً يرحب فيه بأشقاؤه العرب من جديد نظراً لأنهم وحشوه من إمبارح.

9-الرئيس السوداني يُنهي خطابه و يصفق له الأشقاء العرب و هم [ مصحصحين] نظراً لأنهم أخدوا دُش قبل المجئ إلي القمه.

10-الرئيس 1 يتفضل بإلقاء خطابه [ هو هو نفس الخطاب الذي قاله في اليوم الأول للقمه] نظراً لأنه مش لاقي حاجه يقولها.

11-الرئيس 2 محتاس لأن الدور قادم عليه في الكلام و هو لف الطعميه في الخطاب .

12-يضطر الرئيس 2 أن يقول أي كلام يخطر بباله لأنه لا يجد ما يقرأ منه .

13-الرئيس 3 زهق من السماع فيقوم بتسليك أسنانه من آثآر طعمية الإفطار.

14-الرئيس 4 يسأل الرئيس 5 عن الدوله التي يرأسها لأنه نسي [ هوا رئيس إيه؟]

15-الرئيس 5 أجابه بالحل الشافي بأنه هو رئيس جامعة [ القلل المتحده]

16-إنتهاء الرئيس 2 من إلقاء [الهلس بتاعه] الذي إستغرق 8 ساعات و نصف و دقيقتين و ربع إلا ثانيتين ‘ و يغادر الرئيس 2 بلاده غاضباً من الطعميه [ ربنا يخرب بيتها] و يقرر العوده إلي بلاده ، وكان هذا أثناء إلقاء الرئيس 3 لخطابه [ الذي كان لا يتذكر هو رئيس إيه؟]

17-الرئيس 3 غضب هو أيضاً من أن الرئيس 2 غادر القاعه أثناء إلقاءه لخطابه و يصف هذا الموقف بأنه [ قلة ذوق ] و يحلف 3 يمين بالله ماهو مكمل الخطاب فيقرر مغادرة قاعة المؤتمر و العوده إلي بلاد الرئيس 2 لكي يهزأه علي جريمته الشنعاء.

18-الرؤساء العرب بدأوا يناموا ،فيقرروا إستكمال وقائع المؤتمر في الأحلااااااااااااااااااام .

19-و يغادر أصحاب الجلاله و الفخامه و السمو قاعة المؤتمر علي أن يعودوا غداً لإستكمال وقائع القمه العربيه.


قدمنا لكم نشرة أخبار الساعه الخامسه و خمسه إلا خمس دقائق من إستوديوهات قناة عيني عينك الفضائيه

نشكركم وطاب مساؤكم

ههههههههههههههههههههههههههههههههه


موضوع جامد اوى ياعبدوووووووووووووووو

انا عندى برنامج جامد اوى بس ياريت حد كريس ومش بيمل من القادة هوة الى يعملوة البرنامج اسموة برنامج وش وسهل اوى هيطلع بليل على الساعة واحدة ويعمل ششششششششششششششششش لغاية متلاقو برامج جديدة

هههههههههههههههههههههه

ماشي يا روميو

هكلمهملك

والان البرامج التعلمية
اعزائي الطلبة والطالبات في جميع المراحل احنا الان هاندرس ماة الله اعلم باسمها ايه يعني الوزارة منزلاها لحد مايشوفولها اسم ولما يبقو ينزلولها اسم هتبقي الوزارة تبعتلكو smsاو ايميلات كدة يعني
الدرس الاول النظرية

بما ان المثلث متساوي الساقين اذن المثلث متساوي الاضلاع وبما ان المثلثات كلها شبه بعضها فكل المثلثات متساوية وريحو دماغكو

الدرس التاني ملغي
الدرس الثالت قراءة (تحت رعاية القراة للجميع)هما حطينة غلاسة زيادة ورق
الدرس الرابع جدول الضرب
جدول الضرب رقم 1و2لحد مالانهاية كلة = 5 دة الجدول الجديد

نصائح للطالب
ياابني يا حبيبي منك له ولها لما تدخل الامتحان اول ماتمسك ورقة الاسئلة وتجاوب المسائل اضحك للمسأله تتضحكلك وتتحل المسألة بكل سهولة

لما تتزنق في سؤال كدة ولا كدة بلاش تغش من اي حد ألف اي حاجة من منهجك أو غش من حد واثق ان دحيح يعني مش هيغلس عليك ويديك المسألة غلط
مع تمنياتي لكم بالنجاح والتوفقيق ان شاء الله

هههههههههههههههههه

الله ينور عليكي يا اسماء

ايه البرامج الجامده دي ؟

اهم حاجه التعاون بين الطلبه في الغش :D

بصراحه قناه جاااااااااااااااااااااااااامده جدااااااااااا

والبرامج خطيره

ولا الفيلم تحفه

هههههههههههههههههه

لا بجد بجد موضوعك يا عبده روعه جداااا والله

ومذيعى القناه يجننو

اتنمى لكم المزيد من التقدم

وفى انتظار المزيد والجديد من البرامج والاخبار

ايه يابودز الحلاوة دي انت بتعمل قنوات من ورايا


ممكن اشارك ولا تخاف اني اخد مكانك اول ما يسمعوا موضوع القناه وانا ابقي مديرها



قصة بوليسية خطيرة:

كان فيه ولد وبنت في الغابة البعيدة ...............خلصت

شوفت بقي دلوقتي كله هيرد علية واخد مكانك

هى قناة ليلية ولا صبح وبليل هههههههههههههههه

اقتباس:

---

المشاركة الأصلية كتبت بواسطة pretty angel

بصراحه قناه جاااااااااااااااااااااااااامده جدااااااااااا

والبرامج خطيره

ولا الفيلم تحفه

هههههههههههههههههه

لا بجد بجد موضوعك يا عبده روعه جداااا والله

ومذيعى القناه يجننو

اتنمى لكم المزيد من التقدم

وفى انتظار المزيد والجديد من البرامج والاخبار

---

القناه منوره بمروركم

وببرامجكم

اقتباس:

---

المشاركة الأصلية كتبت بواسطة Silver Man

ايه يابودز الحلاوة دي انت بتعمل قنوات من ورايا


ممكن اشارك ولا تخاف اني اخد مكانك اول ما يسمعوا موضوع القناه وانا ابقي مديرها



قصة بوليسية خطيرة:

كان فيه ولد وبنت في الغابة البعيدة ...............خلصت

شوفت بقي دلوقتي كله هيرد علية واخد مكانك

---

ايه القصه الجامده دي

شكلك كده هتاخد مكاني رسمي :D

اقتباس:

---

المشاركة الأصلية كتبت بواسطة محب للرحمة

هى قناة ليلية ولا صبح وبليل هههههههههههههههه

---

القناة مفتوحه 24 ساعه

انت بس عايزينك تشرفنا