الفراعنة كان عندهم موباااااااااايل!!!!
عملو مؤتمر عن تاريخ الاتصالات في العالم كله
طلع الفرنسي وقال احنا حفرنا برج ايفل ولقينا تحتية كابلات ارضية معنى كده ان احنا بقالنا ميت سنة بسنتخدم التليفون الأرضي .. الناس اللي قاعدة في المؤتمر قالوا عليه ده كداب بس هنعديهالك
طلع الطلياني وقال احنا حفرنا تحت برج بيزا المائل لقينا في كابلات أرضية ومعنى ذلك ان احنا بقالنا ميتين سنة بنستخدم التليفون الأرضي .. الناس اللي في المؤتمر قالو وسعت شوية بس هنعديهالك
طلع المصري ولسه هيتكلم كل الناس ضحكت عليه راح قايل احنا حفرنا تحت الهرم الناس كلها هاجت وماجت عليه وقالوله انتا كداب
استنى المصرى لحد ما خلصوا كلام قال ملقيناش حاجة تحت الهرم الناس سكتت وقالو المصري مبيكدبش راح مكمل وقال
وده معناه ان احنا بقالنا سبع تلاف سنة بسنتخدم الموبايلات
واستكمالا للنكتة اللي انا سمعتها من زميل ليا اتخيلوا معايا منظر الاتصالات وعالم المحمول في مصر القديمة حيث فوداحتب الشركة الاولي في العالم والمسيطرة على الهكسوس والصين في عالم الاتصالات في ذلك الوقت بس مش قادرة توصل لشركة موبي رع لان الشركة التانية عاملة مسلات ارسال في مدينة طيبة وبو بسطة ومنف طبعا مفيش شبكة تالته لان الجيل التالت مكنش لسه ظهر وهيظهر ايام الرومان
والشركات المنتجة لاجهزة المح – مول ذلك الوقت
شركة نوكي – تاح .. نوكيا
مو – تو – رع .. موتورولا على اساس انها شركة تبع الباشا امون رع
سا – ام – سو .. سامسونج
و
طبعا العدة الصيني اللي جت مع الهكسوس اللي قد حجارة الهرم وصوتها يوصل من النوبة جنوبا وحتى منف شمالا
نيجي بقي للخطوط بتاعت الشركات دماغي اتخيلتها حاجة عجب العجاب
اول ما الشركتين فوداحتب وموبي رع فتحوا كانت اسعارهم غالية جدا حيث كانت تحتسب دقيقة المح – مول باردبين قمح او خمسة اردبات شعير وده معناه ان الشركات في الاول كانت غالية جدا ومكنش بيشتريها الا حاكم مصر وام الوزير اللي مبيتغيرش طول مدة حكم الاسرة المالكة والعديد من الاحتكاريين في الدولة الفرعونية
لحد ما جت شركة تالتة عايزة تتقدم بشبكة باعتبار انها هتقدم اسعار ارخص وطبعا الشركتين دول حا – را – مية
اتكلم امون رع مالك شبكة موبي رع برضه مع حاكم مصر الاول وملكها الفرعون حس – بي – با – رك واللي اقنعه انه هيحاول ينزل الاسعار شوية
ونكمل تخيل وعبط وهبل في الجبل ونوصل للاخر عشان مطولش عليكو واقولكوا ان ساعتها سعر دقيقة المح مول وصل إلى تلات حبات قمح او ممكن تشحن رصيدك بزهرة لوتس ده لو انتا في الجنوب اما في الشمال فتشحن مح مول ك بمعزة رصيد يكفيك عشر سنين
اخر حاجة احب اقولهاكو ان الموبايلات في العصر ده اتطورت وصغرت فبعد ما كانت تتشابه مع مسلات الإرسال في الحجم صغر حجمها كثيرا جدا جدا ليصل إلى حجم شاشة كمبيوتر بميت جنيه ههههههههههه
