عرض للطباعة
بسم الله الرحمن الرحيم
اعضاء منتديات الرابطة
اهلا وسهلا بكم جميعا
النهاردة بنعمل استفتاء بسيط وهو
هل توافق علي فكرة مشاركة جميع الاعضاء بأسمائهم الحقيقية ام لا ؟
مع العلم يا جماعة ان لو نسبة الاختيار بنعم هيا اللي كانت اعلي هيفرض علي الاعضاء تغيير اسميهم إلي اسمائهم الحقيقية
انا شخصيا صوتت اني برفض الفكرة تماما وده رأئي الشخصي المتواضع جدا
واتمني ان كل واحد يصوت بالرأي اللي يقنعة ويناسبه
نرجو التفاعل مع الاستفتاء بشكل ايجابي من جميع الاعضاء
الصراحه كل واحد حر ف اسمه والنك نيم بتاعه
شكرا لرايك يا زوما وان شاء الله كل الاعضاء يقولوا رايهم
أنا رأيى من راى حازم بردو
النيك نيم ده حرية شخصية لكل واحد بيحب يعبر عن نفسه بالاسم اللى بيحبه واللى شايفه مناسب ليه
هى بس كل فايدة ان يكون اسمه الحقيقى إن الناس تعرفه مش اكتر
بس بردو انا شيفاها حرية شخصية
وانا برضه رايي من راي سارة
ديه حرية شخصية لكل واحد
بس اهم حاجة ان الناس تعرف مين صاحب اليك نيم ده
دي حريه شخصيه
ولازم الكل يراعيها
شكرا جزيلا للجميع
انا صوت ب (لا)
دى مش عايزة كلام يا حسن...
يعنى ايه؟؟ طيب ايه الفكرة فى كدا؟؟ ايه الميزة يعنى؟؟
معلش اعذرنى..انا مستغربة..كل المنتديات معروفة ان كل حد يختار الاسم اللى يناسبة
كمان انت هتتحكم فى مين واللا مين؟؟
يعنى اى حدا غريب..ماهو هيجيب اى اسمين ويركبهم ويبقوا اسمه
ماستفادناش حاجة
ثم ان دى مشكلة جامدة للبنات
انا شخصيا انطلب منى من عائلتى انى اغير اسمى ..
سورى انا لا اوافق اطلاقا..
وعشان كدا الغوا
لان المنتدى دلوقت بقى بيتى الاول:D وانا الصراحة ماقدرش استغنى عنه
ومش هاقدر اغير اسمى:confused:
وشكرا لانكم اخدتوا راينا:o
انا من رائى ان الموضوع ده ممكن يسبب مشكله للبنات اكتر من الشباب
فالافضل ان كل عضو يختار النيك نيم المناسب ليه
شكرا ليكم
زى ما كلهم قالوا يا حسن كل واحد لازم يكون له جزء من الخصوصية
ومينفعش اننا نقتحم خصوصية ونفرض عليه حاجه هو رافضها
ابو على انته على طول كده عامل مشااكل
بص يا حبى الفكره حلوه بس مينفعش اجبر حد على حاجه ولا ايه
احسان كده هتقوم علينا الدنيا والصحافه فين واحد مش داخل بأسمه اهو
والكلام ده
بس بصراحه فى فكره حلوه ان كل واحد يتكتب تحت النيك نيم بتاعه اسمه الأولانى english
وبجد هتبقى تحفه
ودى فكره وخلى بالك انا صوت لا اوافق
تسلم يا ابو على على الأفكار انا عارف والله ان انته عاوز المنتدى يبقى مميز
ربنا يوفقكم
ههههههههههه ايه يا حودة انت مقرأتش كلامي ولا ايه انا قولت انا صوتت بلا واني برفض الفكرة
ههههههههه متركز يا عم
انا افضل ان اكون محبة الرحمن
علي طول
علي العموم كان اقتراح واحنا بحترم اقتراحاتك
لأنك بتأخذ راينا
ياباشا ركزت والله
انا اقصد ان محدش يفهم من فكرتى انى متحيز ليك
ولازم نوجهلك الكلام يا ابو على عشان انته مننا وعلينا ولا ايه
صح كلامك يا حودة
وشكرا لرايك يا بوص
لا اوافــــــــــق
لالالالالالالالالالالا
ازاى يعنى
طب ليه؟؟
طبعا لا
شكرا لجميع اللي شاركو في الاستفتاء وفي انتظار البقية
طبعا يا حسن انا معاهم انى اعترض مع انى انا داخلة باسمى لكن فى بعض البنات ممكن يعملهم مشكلة
فاعتقد ان دى لازم تكون حرية شخصية لا اجبار فيها
وعموما هى فكرة حلوة وشكرا انك اخدت رأينا فيها
يا عم حسن كل واحد حر فى اسمه والنيك نم بتاعه
بالرغم من انى مش داخله باسمى بس انا ما عنديش مشكله انى اغيره واكتب اسمى الحقيقى
بس اكيد فى غيرى ممكن تكون عنده مشكله عشان كده
انا مع الجميع فى ان دى حريه شخصيه وان كل واحد حر يدخل بالاسم اللى يعجبه
على العموم هى فكره جديده وباشكرك يا حسن انك شاركتنا واخدت رأينا فيها
حسن انا مع الجميع
لا أوافق
بصراحة دى بعتبرها حريه
لان كل واحد بيعبر عن شخصيتة او نفسة
بالنك نيم بتاعة او مثلا الاسم دة بيعتز بيه
فبيحب ان الجميع يعرفة بالأسم ده
ودى حاجة عادية كل واحد ليه حريه الاختيار
بس انا عندى رجاء ان اسماء النيك نيم
يا ريت تكون واضحة وليها معنى
أوافق جداا اقتراح جميل
أنا شخصيا موافق بس عارف ان نتيجة الاستفتاء هتطلع غير رأيي , بس أنا ليا وجهة نظر في موضوع الاسم المستعار ده وخايف أقوله الناس الكتـــــــــــ أوي يــــــــــــــر اللي قالوا واللي حيقولوا لأ يزعلوا مني فاللي عارف انه موش حيزعل يقولي وأنا أبعتله الرد في رسالة خاصة
انا من رأى ان الافضل النيك نيم خاصه للبنات بس ارجع واقول دى حريه شخصيه ...لا اوافق...
انا بأيد انه اي حد عايز يدخل بالنيك نيم يدخل براحته وما نجبرش حد علي انه يحط الاسم الحقيقي وبالذات البنات اكتر حاجة
وشكرا ليك
لا يا حسن مينفعش خااااالص
انا صوت بلالالالالالالالالالالا
كل واحد حر فى النك نيم بتاعة
ميرسى ياحسن على الفكرة الجميلة دى بس اللى انا شيفاة انة عادى لو اى حد دخل باسمة
يعنى احنا مش بنعمل حاجة غلط ان حد يبقى خايف يكتب اسمة والحمد لله منتدى فى متهى الاحترام
لا اوافق
اولا دى حاجة شخصية
وثانيا حتعرف منين ان اذا كان ده الاسم الحقيقى ولا لاة
مبدئيا الموضوع فعلا يرجع لكل شخص ووجهه نظره فى انه يختار الاسم المناسب ليه فى المنتدى
سواء اسمه الحقيقى مفيش اى مانع من كدا كلنا اخوات واصحاب ومش شايفه اى اعتراض على الاسم الحقيقى
او النيك نيم بس انا بفضل الاسم الحقيقى علشان نعرف بعض اكتر انا مثلا دخلت باسم مرموره
بس وانا بعرفكوا بنفسى كتبت اسمى الحقيقى علشان باقى اصدقائى فى المنتدى يعرفونى
وطلب صغنون ""عاوزه اعرف نتيجه الاستفتاء دا"""؟؟
[FONT="Comic Sans MS"] MARMORA[/FONT]
أضم صوتى لكل من قال لأ
هاى عليكم كلكم
بصوا بقى انا رأى ندمج الاتنين
يعنى الدخول يبقى بالنيك نيم بس يكون الاسم الحقيقى موجود ف بيانات التسجيل وظاهر لكل الاعضاء
ايه رأيكم بقى؟؟؟
لالالالالالالالالالالالالالالالالا
طبعا كل واحد وعلي حسب ما يحب مفيش اجباري مينفعش
انا عن نفسي كل واحد حر ف اسمه
نيك نيم او اسمه العادى
دى حرية شخصية يا ابو على
انا شايفه انها مش هتفرق الاسم الحقيقى ولا لا لان طبعا كلنا اخوات هنا.. بس انا برضه شايفه ان كل واحد حر فالاسم اللى يظهر بيه وكل واحد مننا اختار من البدايه الاسم اللى مريحه او مناسبه واحنا برضه عارفين بعض سواء باسامينا الحقيقيه ولا لا .. ده رايى وانا هصوت بلا اوافق لانها حريه ولا ن كل واحد ليه الحق فخصوصياته
دى حرية شخصية وأفضل ان كل واحد يدخل باى اسم هو عايزه
شكرا لمشاركتكم يا شباب ومستني باقي الاراء
لا طبعا انا مش موافقه كل واحد حر
ولا يزم يكون فى خصوصيه وكمان بالنسبه للبنات
مش كويس ممكن يكون مشكله
عندك حق يا زهرة