**حد يشوف حل فى البت دى **
مشرفة قرفانة من نفسها
تعالوا نشوف عملت ايه في الأعضاء الغلابه
بصوا بقي يا أعضاء المنتدى
انتبهولي كده وصحصحوا الساعة دلوقتي سبعة الصبح
ولسه منمتش بسببكم
هتجننوني خليتوا شعري يقع من كتر ما شديت فيه
بصوا
من النهاردة ومن الساعة دي
مفيش زفت مواضيع
محدش يكتب مواضيع هنا
عايزين تكتبوا حاجة اكتبوها في اي حته تانيه مش هنا
مش طالبااااكوا بقولكوا
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصاكوا انــا
كل شوية موضوع مخالف ومتكرر وبلاوي زرقة
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض هعوره
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته نهاره اسود وانا وراه لما انسيه اسمه والباسورد بتاعه
ربنا يستر و متجلناش مشرفة زيها..
هههههههههههههههههههههههه
اه اساسى ملطوش
