نفسى اعرف الحب حرام ولا لا...............(محتاجة رد بسرعة )

علمتونا نحب في المدرسة

حب اصحابك حب دراستك حب مدرسيك حب الحياة


علمتونا نحب في البيت

حب اخواتك حب امك حب ابوك


علمتونا نحب في الشارع

حب الناس حب الخير حب الجمال


علمتونا نحب في الدنيا

حبها وعيش معاها او معاه هتبقي خطيبتك وحبيبتك او خطيبك او حبيبك حبهم..و انسي الناس
حس بيهم وانسي الكل





علمتونا نحب ..........وبعد ما حبينا جايين تحرمونا من الحب
تحرمونا منه ده حرام ده غلط ده عيب ولما تقول
وقلبي .............!!؟؟ موته
وحبى ...........!!؟؟ ادفنه
واحساسي ........!؟؟ مفيش حاجه اسمها احساس

ليه ......... ليه بتحرمونا من حبايبنا بعد ده كله وعايزينا منحبش

عايزنا نعيش من غير قلب
طيب ليه علمتونا نحب

حرام !!!!!.....ايه الحب حرام!!
طيب ليه ربنا خلقلنا قلوب

الحب عيب !!!.......... طيب ليه خلقلنا ضلوع

الحب غلط .!!!!!.........طيب ليه حبيبنا بقوا جوه دمنا
قولولي ممكن بعد ده كله
وبعد مالقو بعد ....ما لقينا الى حبناهم وحبونا
بعد ما وهبو عمرهم وحياتهم ...ليه ؟؟

ليه بتخلونا نحب .....انتم اللي علمتونا نحب ليه؟؟؟...ليه ؟؟...
ازاي ننسا حبايبنا لو كان ممكن يبقي بننسا نفسنا
ازاى ننسا قلب لو ده كان ممكن يبقي بنعدم حياتنا

وبعد كل ده بتقولولنا لا للحب


ازاي ننزع دمنا من جسدنا

ازاي نتنفس من غير هواهم

ازاي نعيش من غيرهم واحنا كل تفكيرنا فيهم ليل ونهار

واحنا صاحين واحنا نايمن

ليه بتحرمونا من اجمل احساس في الدنيا
ولو الاحساس ده غلط او عيب او حرام يبقي ليه..؟؟!!


احنا عايشين ليه...؟؟!!!

عايشين بقلوب ليـــــــــــــــــــــــــــه؟؟؟؟؟؟؟؟؟؟

بجد يا جماعه هو الحب حرام؟؟؟؟محتاجة ردكوا بجد

الحب مش حرام بس لما يخرج عن المالوف ولما يكون الغرض مه مش الحب او مش نهايته النهايه الطبيعيه اللى هى الجواز يكون حرام لما يكون للتسليه وانا احب كل ما اشوف واحده او اشوف واحد ة عجبنى يبقى حرام لما افضل اقابل اللى بحبها واوعدها بحاجات انا عارف انها مش هتحصل يبقى حرام انما الحب البرىء اللى مش بتاع فسح وخروجات وكلام من اللى انتى فاهماه طبا يبقى حرام الحب اجمل شىء فى الدنيا بس احنا اللى لغبطناه وخليناه يخطلت بالحرام والحلال كل حاجه ولها ضوابط لكن ضوابط الحب هى الاخلاق والحياء وبرضه ارجع واقولك عن تجارب اللى بيحب على نفسه كتير ده طول عمره ويمشى مع دى ويوعد دى ربنا بينتقم منه فى جوازه والعكس بقى ربنا بيجعله نصيبه احسن ما كان بيحلم بالانسان او الانسانه اللى كان نفسه يرتبط بيها والجزاء من جنس العمل معلش انا طولت عليكى بس بجد الموضوع ده شائك جدا وفيه كلام كتير انا اسف مره تانيه على التطويل سلاااااااااااااااام

ميرسى ليك يا مصطفى على ردك واضافتك للموضوع

بس انا محتاجة رد ناس كتير فى الموضوع دة بجد

لان الدنيا من غير حب متبقاش دنيا

ومينفعش مش يكون فى حب لان الحب دة من عند ربنا وجوة كل انسان مشاعر

بتختلف من التانى لاخر بجد

والحب كتير اووووووووووى

متشكرة بجد

اولا بشكرك علي الموضوع وثانيا من وجهة نظري ان الحب حرام لما يكون خارج الحدود او يكون للتسلية و اللعب لان الايام ديه كتير من الشباب بياخدوه كده وكمان الحب كلمة جميلة جدا وتحمل معاني كثيرة وهي تشمل حب الله والرسول والاهل والاقارب وكمان لو الحب حرام زي ما قولت يبقي مافيش قلب عندنا بس ممكن يكون الحب يؤدي الي الارتباط بالجواز في نهايته وده ان شاء الله مش حرام وديه ممكن تسأل فيها اهل العلم هايجاوبوا عليك بأحسن والله اعلم
شكرا ليك خالص

موضوعك جميل اوى يا جوليت بجد عاجبنى بس كل الناس الى بيقولو ان الحب حرام دة كلام مش بيدخل دماغى تخيلى كدة الدنيا دى مش فيها حب هتبقى عملة ازاى انا بحب ومقدرش اعيش من غير الحب واحب انى اعيش مع حبيبتى طول عمرى واتحدى الدنيا كلها علشان اكون معاها بجد

انا طبعا معاك فى كلامك دة لان اهم حاجة فعلا هى الحب لكن الحياة من غير حب لا تساوى اى شى

بس طبعا بحترم جدا راى كل واحد فى الموضوع دة

والحمد لله ان الموضوع دة عجبك بشكرك اوى

اية الاحساس العظيم بجد الحب من وجهة نظر ناس كتير حرام شرعا والله ينور يا برنسيسة

وانت بقى يا محمد رائك اية بئا ؟

محتاجة اعرف ردك

ياريت بجد

والله الحب شى جميل بس انا من وجهة نظرى انا مش معترف بحاجة اسمها حب

انت بتقول اية ازاى واحد شاعر زيك

ويقول كدا على الحب ازاى مش معترف بالحب ؟؟

فاهمنى ازاى انت بتقول كدا

مينفعش يا محمد تقول كدا على فكرة

وال جبتك يا عبد المعين لقيتك ...........ز

حكم بجد

عشنا وشفنا يا محمد

حرااااااااااااام عليك والله

ازيك يا جولييت موضوع جميل جدا
وخصوصا انه متعلق بالحب
فعلا مينفعش نعيش من غير حب
لانه اجمل احساس فى الدنيا
هو احنا لو امهاتنا مش بتحبنا كان فى حد اعتنى بينا من صغرنا عشان نكبر
طب بلاش لو مفيش ام وحد تانى اعتنى بينا مش ده برضه حب من ربنا انه رزقنا اللى يعتنى بينا
ولو رسولنا الكريم مش بيحبنا كان يخلى دعوته ليوم القيامه شفاعه لامته

الحب فعلا اجمل احساس ممكن يحسه الانسان
بس المشكله لما الشيطان بيدخل جوه الحب ده ويجمّله فى نظرنا ويتحكم فى أهوائنا
فى دعاء جميل اوى ((اللهم يا مقلب القلوب ثبت قلبى على دينك))
يمكن ده يخلينا متمسكين بمشاعر الحب اللى ربنا يرضى عنها

وبعدين ما هو الحب بين الزوج والزوجه حلال وربنا محرمهوش بل بالعكس لابد من وجود الحب بينهما لاكمال الروابط بينهما
يعنى الحب حلال حلال حلال بس المهم والواحد بيحب ميكونش خجلان من ربنا انه بيعمل شئ مش بيرضيه وانه يكون فى حدود الطاعه


انا اسفه لو كنت طولت عليكى
وربنا يرزقنا علم نافع وقلب خاشع

بجد بشكرك جدا على كلامك فعلا معاكى حق فى الكلام الى قوليتة

وطبعا انا بحترم رائك جدا

متشكرة لمرورك بجد

اكيد ياجوليت الحب مش حرام الحب من اسمي المشاعر التى غرست في قلوب البشر والحب مش شرط انه يكون حب male الي female لكن انتي ممكن تحبي اصحابك واهلك واخواتك وكل الناس اللى حواليكي ولو حبيتي ترتبطي متفكريش الى بيحصل حولينا ده حب لان الحب اسمي من كده بكتير اللي بيحب حد بيحافظ عليه مش يقعد يمسك اديه ويرصله كل يوم قصيده شعر جديده لكن بيترجم مشاعره لافعال حقيقيه وواضحه ادام كل الناس واوعي يقولك الظروف لانه لو طالب مثلا يجتهد عشان ينجح ويكون جدير بثقتك فيه وهكذا اما الانسان المتخاذل فحاولى تبعدي عنه لانه ببساطه فاضي و عايز يضيع وقت
واسفه اني طولت عليكي

ميرسى يا حسناء على ردك للموضوع بجد بشكرك اوى

وبعا بحترم وجهة نظرك دية اكيد

[IMG]محمود ومراته الخنيقة فى السينما[/IMG]

http://www.stocksvip.net/ssssss/(33).gif
بناء علي طلبك تم الرد

لا أعلم كلمة في قاموس العربية تعبر عن الحب مثل كلمة ( الحب ) ، فليس هناك أصدق من
( الحاء و الباء ) في دلالتهما على هذا المقصود العظيم ،
فالحاء تفتح الفم فيبقي فارغا حتى تأتي
الباء فيضم الفم وتطبق الشفتان ، إذا هنا اجتماع بعد فرقة بعد هجر !.
الحب على المحبين فرض ، وبه قامت السماوات و الأرض ولم يدخل جنة الحب ،
لن ينال القرب ، بالحب عبد الرب ، وترك الذنب ،
واحتمل الكرب ، عقل بلا حب لا يفكر ، وعين بلا حب لا تبصر ،
وسماء بلا حب لا تمطر ، وروض بلا حب لا يزهر ،
وسفينة بلا حب لا تبحر .

يقول الله سبحانه: (قُلْ إِنْ كُنْتُمْ تُحِبُّونَ اللهَ فاتَّبِعونِي يُحْبِبْكُمُ اللهُ ويَغْفِرْ لَكُمْ ذُنوبَكُمْ) (سورة آل عمران : 31) ويقول النبيُّ ـ صلّى الله عليه وسلم ـ فيما رواه أصحاب السنن عن حبِّه لعائشة ـ رضي الله عنها ـ "اللهم هذا قَسْمي فيما أملِك، فلا تلُمني فيما تملِك ولا أملِك" ويقول فيما رواه مالك في الموطأ "قال الله تعالى: وَجبَتْ مَحبَّتِي للمتحابِّين فيَّ، والمُتجاِلِسين فيَّ، والُمتزاورين فيّ" ويقول فيما رواه مسلم "الأرواح جنود مجنّدة، ما تعارَف منها ائتَلفَ".
الحبُّ في دنيا الناس تعلُّق قلبي يُحِس معه المحبُّ لذة وراحة، وهو غذاء للرّوح، وشبَع للغَريزة، ورِيٌّ للعاطفة، أفرده بالتأليف كثير من العلماء الأجلاء.
ومن جهة حكمه فإنه يُعطَى حكم ما تعلَّق به القلب في موضوعه والغرض منه، فمنه حبُّ الصالِحين، وحبّ الوالد لأولاده، وحبّ الزوجين، وحب الأصدقاء ، وحبّ الولد لوالديه، والطالب لمُعلِّمه، وحبّ الطبيعة والمناظر الخَلاّبة والأصوات الحسنة، وكل شيء جميل.
ومن هنا قال العلماء: قد يكون الحب واجبًا، كحب الله ورسوله، وقد يكون مندوبًا كحب الصالحين، وقد يكون حرامًا كحب الخمر والجنس المحرّم.
http://www.stocksvip.net/ssssss/(42).gif

هذه فتوي للشيخ / عبد العزيز بن باز الرابط هنا

http://www.stocksvip.net/ssssss/(42).gif
أختي في الله وهذا مقطع للشيخ /محمد حسان

الرابط هنا
http://www.stocksvip.net/ssssss/(42).gif

هنا اكتب لكي نصيحتي وما افعل انا

http://www.stocksvip.net/ssssss/(22).gif

افلسف حياتي دائما علي شئ غريب ربما لا يصدقه احد ولكن اعرف ان الله يُحدث بعد الزواج مودة بين الزوجين فأترك عنان قلبي وحنانه وحبه الي رجل كتبه لي المولي عز وجل في كتابي يوم ولدت لأني لا اتزوج غير زوجي ولا احد سوف يتزوج زوجي الذي كتبه لي المولي عز وجل
بارك الله فيكي واسفة جدا علي الأطالة بس احب اقرأ رايك بعد قراءة كلامي

وسام انا معاكى والله فى كلامك دا

لان الحياة متنفعش من غير حب

والحب كتير اوى وانواع كمان

بس الى اقصدة هنا الحب بين البت والولد

بيقى صعب شوية ومجتمعنا بيرفض دة

مع انة ممكن يكون فى منهتى الباءة بس محدش بيفهم كدا

حتى الرومانسية بقيت ببتفهم غلط

وانا معاكى بجد

وانا نفسى لما احب بجد يكون الانسان دة حبى لية فى النور وسط الدنيا

بس الانسان فى اى وقت محتاج يحس ان حد جمبة وبيحبة والمفروض الواحد لما يحب بجد يحاول انة ميعملش حاجة تغضب ربنا ولا تقلقل من شان اى بنت وتحترم نفسها واهلها فى اى حاجة بتعملها حتى لو محتاجة الحب دة لنفسها

ياريت تقرى ردى وتقوللى رايك اية وكل واحد يقولى راية اية فى الكلام دة بجد محتاجة اعرف انا دا صح ولالا

دايما كدا مواضيعك ف الجوووووووووووووووون
المهم عشان مش اطول عليكى ..
انا اولا مش هقعد افتى واقولك الحب حلاااال والحب حراااام .. بس هحاول اوضحلك رأى من غير ما افتى فيها ههههه اوك....
هو ايه الحب اولا عشان نقول حلااال ولا حراام ؟؟؟
الحب دا عباره عن مشاعر مكنونه داخل نفس كل واحد مننا و دا حاله نفسيه بيعشها الانسان نتيجة تعلقه الشديد بشخصا ما بدون اراده من اللى بيحب .. عشان كدا بقى اسمه حب .. يعنى مش يبقى اتنين يعرفوا بعض لهم اكتر من 10 سنين ومتفقين انهم اصحاب وبعد كدا يقولك احنا بنحب بعض .. الحب دا حاجه لا اراديه يعنى محدش فينا له زنب فيها ..
والحب اكييييد حلااال مافيش اى حد يقدر يقول حرااام ؟؟ الحب دا اسمى حاجه ف الوجود ومن غير الحب دا هنبقى تايهين ف الدنيا .. الحب دا مشاعر جميله ربنا خلقها فينا ..
طيب الحب حلاال ولا حرام ؟؟
السؤال دا مش متعلق بالدين خاالص انا عارف ان يمكن بقولكوا كلام اول مره حد يقوله ف مجموعة الاراء اللى شفتها عن التوبيك دا .. طيب ازاى مش متعلق بالدين خاالص ..؟؟ لان من المعروف ان الاوامر ف الاسلام مرتبطه بما فى استطاعة الانسان " لا يكلف الله نفسا الا وسعها " والحب زى ما اتفقنا انه حاجه لا اراديه .. الدين مش بيقولك متحبش حد لاء انما بيقولك لو حبيت يبقى لازم زى ما اى حاجه ف الدنيا لها قواعد عشان تقدر تقوم عليها الحب كمان ليه قواعد بيقوم عليها .. ف لو حبيت حاول متخليش "شوشو" يعنى الشيطان مش شوبير ياخدك ف حفرة الذنوب والمعاصى ويقولك انتوا بتحبوا بعض وهتتجوزوا يعم عديها لا طبعا لازم متتعداش حدودك ؟؟؟
وطبعا" مجتمعنا " هنا من اللى بيشوفه من تجاوزات من الناس اللى بيقولوا انهم بيحبوا والتجاوزات دى زى مثلا " مسكه ايد ع كورنيش قصر النيل " والحاجات دى ....علشان كدا كل واحد من الناس اللى بتشوف كدا اضطر يقولك يعم دا " قلة ادب " وال يقولك دا " تضيع للوقت " واخر حاجه بقى يقولك " دا حرام شرعا " ؟؟ طيب مين اللى حرمه نفسى افهم انا ؟؟؟
وطبعا الحاجات دى كلها بعيده كل البعد عن الحب ... طيب ايه هى حدود الحب .. الحب ليه ضوابط وحدود جااامده . وخلوا بالكوا ان بكلمكوا عن الحب مش اننا فريندس او كدا ..طيب لو واحد بيحب زميلته ف الجامعه يعمل ايه عشان يعرفها انه بيحبها . يروح يلزقلها كل يوم ف الجامعه ورايحين جاين مع بعض ومكالمات ومسجات فيها انا " بحبك " وهى تقوله وانا "بموت فيك " وفلانتيبن وهدايا ؟؟ طيب دلوقتى حبهم دا حلااال ولا حراام ؟؟؟ كمشاعر اتولدت بينهم اه حلاال لاكن التصرفات بتاعتهم هى اللى حراام
وطاب وف الاخر اللى بيحب يعمل ايه ؟؟؟
الل بيبحب بجد وهتعرفى ازا كان بحبك بجد ولا لاء .. يروح يتقدم لل بيبحبها لان الهدف من الحب هو الزواج وهو دا اللى على اساسه الحب اللى بينكوا حلاال ولا حرام ..
حيث قال رسول الله صلى الله عليه وسلم " لم ارى للمتحابين غير الزواج "
ومعلش طووووووووووووووولت عليكوا

http://www.stocksvip.net/ssssss/(33).gif

عندما تكلمتي مثل هذه الكلمات وتذكرت كلمات الشيخ / ابراهيم الدويش
والله انه لأروع واجمل
ما قيل للفتاة وما اجمل خطبة تخاطب الفتاة اخيتي اوعديني انكي سوف تبحثينا عن السعادة في ذلك الشريط فأنا والله وجدت السعادة في هذا الشريط ويعلم الله اني سمعت هذا الشريط من حوالي 8 او 9 سنوات
هنا الشيخ يخاطب جميع الفتيات بالله عليكي لا تبخلي علي نفسكي بسماعه قد تأخذينا منه كلمة تغير مسار تفكيرك وتريح قلبكي وعقلكي مثلي

هذه جمل بسيطة من هذا الشريط

أيتها الأمل! إن السعادة أمامك وأنت تبحثين عنها، وطريقها سهل واضح لصاحبة الهمة والعزيمة، إنها في القرآن، ألم تقرئي في القرآن: مَنْ عَمِلَ صَالِحاً مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ [النحل:97]. إن الحياة الطيبة في الإيمان والعمل الصالح، هكذا أخبر الرحمن في القرآن. إن من أعظم أسباب السعادة: المحافظة على الصلاة؛ لأنها صلة بين العبد وربه، ولو ألقيت نظرة على العيادات النفسية وأماكن قراءة الرقى الشرعية؛ لوجدت عجباً من حالات الاكتئاب والضيق والهموم والغموم. النبي صلى الله عليه وسلم يقول: (الصلاة نور) فهي نور للقلوب والوجوه والله تعالى يقول وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى [طه:124]


http://www.stocksvip.net/ssssss/(42).gif


رابط التحميل mp3 اضغط هنا


http://www.stocksvip.net/ssssss/(42).gif


رابط التحميلrm اضغط هنا

http://www.stocksvip.net/ssssss/(42).gif

ارجو ان تقرأ وتسمعي وتردي عليه فأنا معكي حتي النهاية والي ان تجدي مصدر السعادة

http://www.stocksvip.net/ssssss/(42).gif

اقتباس:

---

المشاركة الأصلية كتبت بواسطة GooD_DrSh

دايما كدا مواضيعك ف الجوووووووووووووووون
المهم عشان مش اطول عليكى ..
انا اولا مش هقعد افتى واقولك الحب حلاااال والحب حراااام .. بس هحاول اوضحلك رأى من غير ما افتى فيها ههههه اوك....
هو ايه الحب اولا عشان نقول حلااال ولا حراام ؟؟؟
الحب دا عباره عن مشاعر مكنونه داخل نفس كل واحد مننا و دا حاله نفسيه بيعشها الانسان نتيجة تعلقه الشديد بشخصا ما بدون اراده من اللى بيحب .. عشان كدا بقى اسمه حب .. يعنى مش يبقى اتنين يعرفوا بعض لهم اكتر من 10 سنين ومتفقين انهم اصحاب وبعد كدا يقولك احنا بنحب بعض .. الحب دا حاجه لا اراديه يعنى محدش فينا له زنب فيها ..
والحب اكييييد حلااال مافيش اى حد يقدر يقول حرااام ؟؟ الحب دا اسمى حاجه ف الوجود ومن غير الحب دا هنبقى تايهين ف الدنيا .. الحب دا مشاعر جميله ربنا خلقها فينا ..
طيب الحب حلاال ولا حرام ؟؟
السؤال دا مش متعلق بالدين خاالص انا عارف ان يمكن بقولكوا كلام اول مره حد يقوله ف مجموعة الاراء اللى شفتها عن التوبيك دا .. طيب ازاى مش متعلق بالدين خاالص ..؟؟ لان من المعروف ان الاوامر ف الاسلام مرتبطه بما فى استطاعة الانسان " لا يكلف الله نفسا الا وسعها " والحب زى ما اتفقنا انه حاجه لا اراديه .. الدين مش بيقولك متحبش حد لاء انما بيقولك لو حبيت يبقى لازم زى ما اى حاجه ف الدنيا لها قواعد عشان تقدر تقوم عليها الحب كمان ليه قواعد بيقوم عليها .. ف لو حبيت حاول متخليش "شوشو" يعنى الشيطان مش شوبير ياخدك ف حفرة الذنوب والمعاصى ويقولك انتوا بتحبوا بعض وهتتجوزوا يعم عديها لا طبعا لازم متتعداش حدودك ؟؟؟
وطبعا" مجتمعنا " هنا من اللى بيشوفه من تجاوزات من الناس اللى بيقولوا انهم بيحبوا والتجاوزات دى زى مثلا " مسكه ايد ع كورنيش قصر النيل " والحاجات دى ....علشان كدا كل واحد من الناس اللى بتشوف كدا اضطر يقولك يعم دا " قلة ادب " وال يقولك دا " تضيع للوقت " واخر حاجه بقى يقولك " دا حرام شرعا " ؟؟ طيب مين اللى حرمه نفسى افهم انا ؟؟؟
وطبعا الحاجات دى كلها بعيده كل البعد عن الحب ... طيب ايه هى حدود الحب .. الحب ليه ضوابط وحدود جااامده . وخلوا بالكوا ان بكلمكوا عن الحب مش اننا فريندس او كدا ..طيب لو واحد بيحب زميلته ف الجامعه يعمل ايه عشان يعرفها انه بيحبها . يروح يلزقلها كل يوم ف الجامعه ورايحين جاين مع بعض ومكالمات ومسجات فيها انا " بحبك " وهى تقوله وانا "بموت فيك " وفلانتيبن وهدايا ؟؟ طيب دلوقتى حبهم دا حلااال ولا حراام ؟؟؟ كمشاعر اتولدت بينهم اه حلاال لاكن التصرفات بتاعتهم هى اللى حراام
وطاب وف الاخر اللى بيحب يعمل ايه ؟؟؟
الل بيبحب بجد وهتعرفى ازا كان بحبك بجد ولا لاء .. يروح يتقدم لل بيبحبها لان الهدف من الحب هو الزواج وهو دا اللى على اساسه الحب اللى بينكوا حلاال ولا حرام ..
حيث قال رسول الله صلى الله عليه وسلم " لم ارى للمتحابين غير الزواج "
ومعلش طووووووووووووووولت عليكوا

---

انا محترم رايك جدا يادرش ومعاك فى كل كلمة قلتها انت فنان والله يبنى وواحشنى اوى والمصحف يعم ابقى اتصل طيب :D:D:D:D

والله يا جوليت الحب موجود مع وجود الدنيا وما ينفعش حد ينكر وجوده لانه موجود شئنا ام ابينا اما موضوع بقي انه حلال او حرام دة موضوع تاني لان الحب مش بس مشاعر واحاسيس تجاه شخص لا دة فيض اوشلال مخزن في القلب وبيخرج لما بيلاقي او بيعتقد انه لقي اللي يستاهل الحب دة ومش قاعدة ان لو حصل سوء حظ في الحب او اللي احنا حبيناهم ما طلعوش قد الحب دة ان كدة يبقي مفيش حب لا انا مش مع الرأي دة لان الحب موجود زي الهوا زي النسيم زي صوت الطيور ومحدش يقدر ينكر وجودة عشان مش معني انا ماجربتش الحب يبقي مفيش حب
وبصراحة الحب مش حرام لانه مش بايدينا اننا نحب

ميرسى اوى يا جماعة على رددكوا طبعا ومتشكرة ليك يا درش اووووووى وانت مش باين لية بقى ؟

وانا بحترم كل راى من الاراء بصراحة يشكركم اوى

رداً على ما جاء من مناقشات بينكم

قال الله تعالى " قُل إن كُنتُم تُحِبون الله فاتبِعُونى يُحْبِبْكُمُ الله .." <آل عمران 31>

وعن انس رضى الله عنه عن النبى صلى الله عليه وسلم قال " ثلاث من كن فيه وجد بهن حلاوة الايمان : ان يكون الله ورسوله احب اليه مما سواهما وان يحب المرء لا يحبه الا لله ...... "<متفق عليه>

وعن ابى هريرة رضى الله عنه عن النبى صلى الله عليه وسلم قال" سبعة يُظلهم الله فى ظله يوم لا ظل الا ظله : ...ورجلان تحابا فى الله اجتمعا عليه وتفرقا عليه ...." <متفق عليه>

وعن معاذ رضى الله عنه قال سمعت رسول الله صلى الله عليه وسلم يقول " المُتحابون فى جلالى لهم منابر من نور يغبطهم النبيون والشهداء " <الترمذى>

والشاهد من هذه الايه وتلك الاحاديث انه يوجد شئ اسمه حب وهذا الحب محمود إذا كان لله ولرسوله و لوالديك وابناءك واخوتك وفى الله ولا ترجو من الحب شئ الا انه حب فى الله ولكن ما يحدث الان ما بين الطلاب وبين مايقال الزملاء فهذا هو الحب المذموم لما يقع صاحبيه فى ما يخالف شرع الله فيقول احدكم (ان الحب ليس بيدى ولا املك ان اتحكم فى قلبى فى وقوعى لحب هذه الفتاة والعكس بالنسبة للفتيات) فاقول له نعم هذا فعلا ليس بيدك ولكن الذى بيدك هو انك تبتعد اصلا عن هذا الا وهو الاختلاط بين الجنسين الذى حرمه الله ورسوله منعا للوقوع فى الفتنة وهذه هى الفتنة (الحب) او فعل المحرمات ولكن اذا فعلت هذا ووقعت ايضا فى الحب فماذا عليك ان تفعل ..كل ما هو عليك ان تبتغى الطريق الصحيح وهو الزواج فيقول احدكم (اتزوج الان فى هذا السن المبكر ) فعليك ان تستعفف الى ان تكون قادر على الزواج اما بالنسبة للفتاة التى ليس بيدها اى شئ اذا وقعت فى ميل تجاه شاب فلا ينبغى لها ان تذهب وتقول له فهذا لا يجوز وانما عليها ان تبلغ وليها وهو الذى يقرر ماذا يفعل

فال النبى صلى الله عليه وسلم قال" يا معشر الشباب من استطاع منكم الباءة فليتزوج فإنه أغض للبصر واحفظ للفرج ومن لم يستطع فعليه بالصوم فإنه له وجاء " <متفق عليه>

وده رابط لاحدى مواضيعى بالمنتدى
http://www.mesa7a.com/forum/showthread.php?t=3081

وارجو الا اكون اطلت عليكم

وجزاكم الله خير

شكرا يا اسلام لمرورك للتوبيك دا بجد وفعلا انا بحترم وجهة نظر كل واحد للموضوع بشكرك