السلام عليكم ورحمه الله وبركاته
**************
الموضوع اكثر من رائع يالولو فعلا وعشان نديه حقه في النقاش يبقى هياخد الوقت كله مش خمس دقايق بس وبرده مش هنلاقي اجابات مقنعه 100%
وفعلا مشكلتنا دلوقت وفي كل وقت اننا بقينا نلجا للغريب اكتر من القريب والمشكله دي عند كل الناس مع اننا لو فكرنا بعقل اكتر هنلاقي انه مهما كان
قربنا من اصدقائنا فمستحيل يكونو بيحبونا اكتر من اخواتنا ودا مش معناه ان الاصدقاء مش محل ثقه او انهم ممكن يكونو مبيحبوناش او بيخافو علينا بالعكس الصحاب بجد بيبانو في الازمات اكتر بس المشكله انه دلوقت محدش بيعرف اللي قدامه دا وفي ولا غادر هيرفعك للسما ولا هيردمك في التراب عشان كده بقول الاخوات هم اكتر الناس اللي ممكن نثق فيهم
هحاول اجاوب على اسئلتك ياالاء عشان يمكن نقدر نوصل لحل :......
ليش تنعدم مشاعر الحب والحنان بين الأخوان ؟
مش في كل الحالات في اخوات كتيييييير بيبقو مع بعض زي الصحاب واكتر والحمد لله انا واخواتي كده بس يمكن يكون السبب في انعدام الحب والحنان بين الاخوه ان كل واحد فيهم يكون مشغول بحياته الخاصه زياده عن اللزوم لدرجه انه يكون لاغي اللي حواليه في البيت
ليش الفراغ والقسوة الموجودفي بعض الأخوان ؟
الفراغ دا طبيعي بين الاخوات خصوصا انهم مش بيحكو كل حاجه لبعض الا اذا كانو متعودين دايما انهم يتكلمو في كل حاجه مع بعض عشان ياخدو براي بعض.
ليش الجفاف في المعاملة وإنعدام فن الحوار ؟
نفس الاجابه تقريبا وهيا قله الكلام والحوار والمناقشه بينهم
ليش نبخل على قول (آســـف)عند سوء التفاهم بيننا وعند أختلافناا ؟؟؟
دي حقيقه فعلا ان كتييير الاخوات بيتشاكلو وبيختلفو وللاسف الغلطان مش بيعتذر للتاني بس على اساس انهم هيرجعو تاني يكلمو بعض من جديد فمفيش داعي للاسف والمشكله دي مش موجوده بين الاخوات بس لا دي بين الصحاب والمعارف حتى عالبا الغلطان عمره مابيعترف بغلطه ابداااا
طيب ليش نلجاءلصديق أو زميل للكلام معه
عن عاطفتنا وحبناا
يمكن عشان بنحرج نتكلم مع اخواتنا وخصوصا ان الاخ او الاخت مش هيتقبلو كلامنا او رد فعلهم مش هيكون زي الاصدقاء .
رغم وجود الشخص القريب إلا يستحق أن نتكلم ونروي له الأخ/الأخت؟؟
نفس الاجابه السابقه وهيا الاحراج وكل واحد عنده سر بيخاف يقوله لاخوه او اخته.
لماذا اتمنا أن اعانق صديقتي بحرارة وبالمقابل لاأرغب بذلك مع أخي/أختي؟؟
بعدنا عن بعض وعدم احساسنا بمشاكل بعض خلانا نقسى على بعض.. غير كده اننا اكمننا على طووووول في البيت مع بعض عمرنا مابنشتاق لبعض.
لماذا ابث وأبوح بااسراري وبكل وثوق لــ صديقتي ومع أختي/أخي اتخد سبيل الكتمان
والحفاظ على كل مواقفي والتزم الصمت؟
الاحراج برده
.
.
.
.
.
المعاناة موجودة في كل مكان وفي كل منزل ..لكن هناك أمور تزيد عن حدٍها المعقول فاتصبح كارثة على المجتمع وعلى الأسرة ......
فعلا المعاناه موجوده في كل مكان بس بادينا احنا نغير كل المعاناه دي ونصاحب اخواتنا مش لازم نقولهم كل اسرارنا بس نحسسهم بوجودنا جنبهم
تقبلي تحياتي ومروري ويارب اكون افدتك وافدت الكل باجاباتي ورايي
