يا ريت نكون ايجابيين فى حياتنا

بسم الله الرحمن الرحيم
انا هتكلم معاكو بصراحه انا عايز اعرف ليه البنات فى قسم الجغرافيا عايزا تدخل شعبه المساحه
يعنى لو فرضنا انى 100 فرد انشاء الله دخلو شعبه المساحه 50 منهم بنات و 50 منهم رجال و اتخرجو باءذن الله
هل البنات هيشتغلو فى المساحه
هل هيستحملو الشمس و الصحراء
هل يضمنو باءذن الله ازواجهم يسمحو بهذا الشغل
ياريت البنات يردوا على هذه الاساله ولو هيقدرو عليها يبقى من حقهم انهم يدخلو شعبه المساحه
انا عندى تجربه شخصيه عندى اختى كانت فى شعبه المساحه واتخرجت والحمد لله ومعاها كتييييييييييير من اصحابها البنات و مفيش ولا واحدا فيهم اشتغلت فى المساحه والله العظيم بجد معظمهم عمل تربوى و اشتغل مدرس والى اتجوزت يعنى فى النهايه مفيش حد فيهم عمل حاجه بالمساحه
فى النهايه نشوف النتائج معظم البنات الى دخلت المساحه لم يشتغلو فيها
وضيعوا فرصه لواحد انه يدخل شعبه المساحه
والله انا شايف انى الرجاله يشوفو فرصتهم احسن
ولو فى بنوته شايفه انها هتنجح فى شعبه المساحه ربنا يوفقها فيه
انا شايف انى الشعبه العامه للبنات اسهل من شعبه المساحه بكتير وممكن من خلالها انهم يعملو تربوى ويكونو مدرسين ناجحين
وارجو منكم المشاركه الجاده وبكل صراحه

مع احترامى لرايك بس هما من حقهم دخول شعبه المساحه وكمان الفرصه متكافاه الدكاتره بتاع اعلى درجات مش شرط 50 و50 المهم الاعلى ممكن كلهم بنات وممكن كلهم شباب وانا عن نفسى
مع احترامى لكل الولاد لو البنات تجيب اعلى منى يبقى من حقها تبقى فى مساحه وانا لا

منا فاهم وانا مع رايك بس البنات الى مش هيشتغلو بالمساحه من دلوقتى يسيبو الفرصه لحد تانى حتى لو بنت علشان دخول المساحه محدود بعدد
وكمان انا كنت بقول لو فردنا 50 من البنات دخلو المساحه و 50 من الشباب
وشكرا يا munchi على مشاركتك

مع احترامى لكل الاراء انا نفسى ادخل مساحة لانى ان شاء الله ناوية اشتغل فيها لانى حبيت الموضوع ونفسى اوصل لحاجات اكتر من مجرد مساح وانا برضة مش معنى كلامى انى معارضاك بالعكس انا معاك جدا وان البنت اللى مش ناوية تشتغل فى مجال المساحة تسيب الفرصة لاى شاب تانى شكرا وده كان رأيى

الموضوع مكرر يا محمد

راجع موضوع داخلين مساحة تعملوا ايه فى قسم قضايا واراء

شكرا ليكى يا roory ويارب تدخلى المساحه
وشكرا انك فهمتى قصدى وعلى المشاركه الجميله دى

والله يا ميرا مار انا لسه عضو جديد فى المنتدى ولسه معرفشى كل المواضيع الى فى المنتدى العظيم دا
sooooooooooooooooooooooooooooooooooooooooory

ايوة صح ممكن بنات كتييييييير اوى بعد ما تدخل مساحه متشتغلش و انا واحده منهم لو ان شاء الله ربنا وفقنى و دخلت مساحه مش هشتغل. بس انا لو دخلتها هدخلها عشان هدف كان نفسى يتحقق بس القدر بقى الحمد لله. يعنى انا و غى غيرى كتييير تعبنا اوى فى الثانوى و فى المذكره و خاصه الرياضه و الفزياء وكان نفسنا ندخل هندسه و محصلش بس بنحاول نحقق حاجه من احلامنا على قد تعبنا . وعلى العموم فى الاول و الاخر هو نصيب و قدر و الحمد لله

انا معاكي يا ديرو بجد الحكاية كلها نصيب
وربنا بيحط كل واحد ف المكان الي يستحقه
ومادام البنت جابت اعلي من الولد يبقي حقها
وده مكانها ممكن الولد الي مش دخل بدلها ودخل شعبة عامة
يعمل وينجح ويشتغل احسن منها وممكن العكس

فعلا ياديرو احنل تعبنا جدا فلازم على الاقل نسمع كلمة يا بشمهندسة طبعا احساس تانى بس اناحلمى مش بس انى ادخل مساحة أحلامى أكتر من كده بكتير ولو كان على الحلم فكل الناس بتحلم بس الفرق بينهم اللى يحقق والله المستعان.

بجد يا جماعة انا بشكركم على التوبك الجميل دة بس القضية مين حيشتغل ومين لا والبنات والولاد دا موضوع الكلية متحكمة فية وبعدين انا اعرف خرجيين مساحة لسة مشتغلوش واللى يدخل شعبة عامة ياخد كورس مساحة برة وكدا تبقى اتحلت .....

اسف لو كلامي هايبقى قاسي شويه .. بس صراحه لازم يتقال
لو ولد عايز يدخل شعبة مساحه يذاكر و يشد حيله و يطلع من اواءل القسم و بعدها شعبة مساحه هي اللي هتتحايل عليه مش هو اللي هيتحايل عليها
و بعدين زي ما قال اليكس لو حد ما عرفش يدخل شعبة مساحه و دخل شعبه عامه ياخد كورس مساحه برة و تبقى اتحلت