ميعاد اخر محاضرة حاسب الى (تنبيه هام)

السلام عليكم



الدكتور محمد راشد قال اليوم 7-5-2009 أنه اخر محاضرة ستكون يوم السبت الساعة 4 وستكون بمثابة لقاء عام



وأن اخر ميعات لتسليم الأسكتش والأبحاث يوم السبت ومعاد أمتحان العملى يوم الأربعاء.

قشطه يا مان بس كمان قال عمل 3 ابحاث مش 2 زى ما قالت مى يعنى علينا كمان بحث

وربنا يسترها معانا :cool:

ماشى يا جماعه البحث و الاسكتش ده عارفينه
بس امتحان ايه الى يوم الاربعاء يا ريت يا سيد توضيح لو سمحت
و شكرا جدا على مجهودك

اولا

الله ينور ياسيد على اهتمامك دة والله بجد ربنا يباركلك يبنى انت بوب من يومك :D
بص ياديزل هو قال اعملوا التلاتة بس فى ناس قالتلوا تلاتة كتير وكدة فرجع قال انا عايز اشوف شغل وخلاص مش مهم واحد اتنين اى حاجة المهم انه عايز يشوف شغل
الامتحان ياديرو حيبقى من السكشن اللى بناخده فى وحدة نظم المعلوماات تحت دة ومن المحاضرات تقريبا

فى اى استفسااار ااااااخر؟؟

انا كنت عايز اعرف الابحاث اللى عايزها الدكتور ايه هى

شكراً ليك يا ديزيل ويا dero فعلاً فى 3أبحاث
1-العلاقة النفعية بين الحاسب الالى وعلم الجغرافيا
2-أجيال الاحاسب الالى
3-واحد من الثلاثة:1-تكنولوجيا المعلومات ، 2-صور الأقمار الصناعية ودورها فى رسم الخرائط

والأسكتش بتاع المحاضرات.

وبخصوص الأسكتش أنا شخصياً كلمت الدكتور راشد وقلت له أنى بحضر المحاضرات بس مكتبتش ولا كلمة علشان أنا فاهم كل الكلام ده

قالى أنا قولت كل شغلك يعنى الأبحاث والأسكتش.

وفعلاً الأمتحان العملى يوم الأربع وأى حد أن شاء الله هيحلة والدكتور قال متقلقوش فى أمتحان العملى.

وطبعاً يا يوسف يا حبيب قلبى أنته منور الموضوع والله

شكراً على المداخلة الجميلة دى

وأنا قلت الأبحاث يا woooooooooody وشكراً على المداخلة الجميلة دى

وربنا يوفق الجميع

أيه أخبار الفرعونية

والله أنا حاسس أنى فى قسم تاريخ مش جغرافيا

ايه ياسييييد عديها على خير بقى ;)حلو القسم يعم زى الفل ههههههههههههههههطبعا الفرعونى انا كان عندى فكرة ان كل واحد مننا نقسم بعضنا مجموعة كدة وكل واحد يمسك جزء فى الكتاب يلخصه ونوزع الورق ع الدفعة كلهاايه رايكم؟

شكرا ليك يا يوسف وانت بجد انسان محترموشكرا كمان مره

وشكرا جدا ليك يا استاذ سيد على التنبيه ده
وانا مش عارف اقولك ايه بصراحه انا لولاك مكنتش عرفت الحاجات دى

ياووودى متقولش كدة احنا خوووواااات المهم بقى ياريس تجيب معاك بوكرة محاضرات للحاس الالى عشان حصورها منك اوكى؟

بس كده يا يوسف
انت تؤمر اناهجيب معاي الاسكتش كله تاخده تصوره تاخده تثدمه انت وانالا مش مشكله لو عايزينى اجبهولك دلوقتى فى اى مكان وتصوره انا معنديش مانع خالص والله

شكرا جدا يا يوسف ولا شكرا مفيش اى استفسار تانى

شكرا يا سيد على اضافتك
و على فكره فكره يوسف جميله جدا يا ريت لو نعملها؟؟؟؟؟

فعلا والله صدقت الدكتورة شويكار مصعباها علينا شوية بس ان شاء الله ربنا معانا عشان احنا ملناش ذنب فى اللى بيحصل.

يا جماعه انا سمعت ان الامتحان يوم السبت مش الاربعاء
ياريت حد يقولى هو الاربعاء ولا السبت ولا ايه بالظبط

انا سالت ياوودى وعرفت ان الامتحان حيبدا من يوم السبت استاذة سحر حتبتدى تمتحن مجموعات يوم السبت الاول فى يومها ولو اتبقى وقت حتمتحن باقى المجموعات
يعنى احنا كلنا نكون متواجدين يوم السبت ونشوف اية اللى حيحصل لو فى امتحان كان بها لو مفيش يبقى حصل خير بس اعمل حسابك على انة فى امتحان وتعالى يوم السبت الساعة9

ميرسى جدا ليكى يا امل
وبجد انا بشكرك جدا
لان موضوع الامتحان ده كان معكننى جدا جدا
وانا انشاء الله هكون موجود الساعه 9 انتى تؤمرى انتى والدكاتره

ميرسي ليكوا جدا ي جماعة وع التعاون بينا
يارب يفضل ع طول مستمر
بس امتحان الحاسب الالي كل واحد
ف المجموعة بتاعته والدكتور راشد قال متقلقوش
من الامتحان هيكون كويس

على فكره يا جماعه انا امتحانت انهارده فى المجموعه بتاعتى
وعلى فكره الامتحان تافه جدا جدا امتحان لا يذكر يعنى ومتقلقوش خااااااااااااااااااااااااااااالص من الامتحان

طب كويس يا وودى و ان شاء الله باقى الامتحانات تيجى سهله

انشاء الله الامتحانات تجيلكم سهله وكلكم تعدو السنه دى

الحمد لله يا جماعه انا كمان امتحنت و الامتحان كان كويس

'طب كويس الحمد لله
عقبال الباقى انشاء الله
وربنا معاكى فى باقى الامتحانات

ياجماعة الامتحان سهل جدا جدا والمطلوب سهل اوى
وحاجات كلها عارفينها واى حد ممكن يجاوبها
ربنا معاكم انا امتحنت والحمد لله تماااااااااااااااااااااااااااااام

طب تمام يا جماعه الحمد لله
يا رب باقى الامتحانات تكون كويسه ان شاء الله