لازم كلنا نتعاون علشان ننجح

:)

بسم الله الرحمن الرحيم
ياجماعة احناا نعمل حاجة كويسة علشان كلنا ننجح بس ايه هي الحاجة دي ده المهم
احنا نمسك مثلا مادة من المواد اللي عندنا ونقسمها فصول وكل واحد يمسك فصل يزاكرو جدا ويلخصوا لينا وبكدة احنا وهو هنستفيد بس علي شرط لاننا قربنا علي امتحانات مش هنمشي ببطأ لا احنا هنمسك كزا مادة في وقت واحد يارب توافقو عالفكرة وانا مستعدة اعمل كدا اول واحدة واللي شايف نفسه في مادة كويس فيها ممكن نجمع بعض جروبات ونروح المكتبة يشرح لينا ونتناقش بجد والله المعلومة كدا تثبت مش نحفظ نحفظ ونروح نحط في الورقة واول مانخرج من الامتحان ننسي

والله ياميرو انا كنت بفكر فى كدة بس فى مادة التاريخ على اساس انى انتساب وانتو انتظام والمادة مشتركة بيننا
فقلت نشوف مجموعة نعملها مبيننا كدة وكل واحد يمسك جزء يلخصه ونصور التلخيصات دى كلها ونصورها للدفعة كلها

طيب ده كويس اوى يا يوسف بس المهم التنفيذ لان 75% من الدفعة متعرفش عن المادة حاجة ولازم اللي يعرف حاجة يقولها لزميله لان لو حد نجح مش هياخد من درجات التانى ده اللي لازم نفهمه يارب ننظم الموضوع بسرعة الامتحانات عالابواب

عندك حق يا اميره انا واحد من الناس معرفش اى حاجه عن اى ماده وبجد ربنا يستر

حلوة اوى الفكره يا ميرو بس تقريبا فكره التلخيصات مش هتنفع غير فى ماده التاريخ عشان هى تقيله شويه و نظرى و محدش بيعرف يكتب حاجه فى المحاضره. و يا ريت بقى فى باقى المواد نتجمع يوم و اللى مش فاهم جزء اى حد منا يشرحه و هكذا
ايه رأيكوا يا جماعه؟؟؟؟؟؟
و يا ريت نتفق بسرعه لان مفيش و قت

فكرة حلوة يا ديرو وياريت نحدد يوم ونساعد بعض بسرعة عشان الوقت وياري كل واحد يقول المعاد الي يناسبه
وميرسي ليكي اميرة فعلا الموضوع حلو وفيه ناس كتيرة بتبقي مش عارفة تتصرف ف المواد المليانة دي
واكيد هتستفاد من فكرنك

ربنا معااااااااااااااااااااااااااااااااااااااااااكوا التاريخ علي فكرة سهل جدااااااااااا خدوه قراية وهاتفهموه خااااااااالص وعلي فكرة دكاترة التاريخ معظمهم بيحبوا الكلام كتييييييير لان انا تاريخ وعارفة وسالوا الدفعة اللي قبلكم علي طريقة الدكتور وبيحب ايه في الحل وربنا معاااااااااااكوا وانتو عليكوا تاريخ ايه؟؟

تاريخ فرعونى وبطلمى يالولو

خلاص ياجماعة ابداو التنفيذ كل واحد يكتب هنا هو حيبخص انهى جزء ونقسم الكتاب علينا هنا وان شاء الله نتجمع يوم هنا على المنتدى وكل واحد ياخد جزء من الكتاب ها حنتجمع امتى هنا بقى

ربنا معاكوا ويوفقكوا لما بشوف التعاون اللى بينكم ده بفرح جدااااااااااااااااااا
وفكرة جميلة بجد
وان شاء الله تنجحوا كلكم

البطلمي جميييييييييييل جدا والفرعوني برده بس الفراعوني الاسماء غريبة شوية بس برده جميل وسهل جداااااااا اقروا البطلمي كأنه حدوتة وهتلاقوا نفسييكم بتحلوا حلو جدا بأذن الله في الامتحان
ربنا معاااااااااااااكم ويوفقكم

أفكار جميلة جدا ياجماعة بس ياريت نبدأ فعلا حتى لو بالتاريخ بس لانها مادة تقيلة جداجدا وكل أما أذاكرها ارجع
ولا كانى فتحتها وخلاص الوقت تقريبا شبه انتهى واللى عارف يذاكره ياجماعة ارجوه ما يبخلش علينا بطريقة مذاكرته
ربنا يجازيه عنا كل خير.

الله ينور احنا كنا بنعمل كده فعلا وجابت نتيجه كويسه ربنا معاكم كلكم يارب ولو عزتم اى مساعده احنا معاكم باذن الله

كلام جميل جدا يا ميرو بس لازم نسرع فى ده
لانى معرفش اى حاجه عن موادنا خالص