عرض للطباعة
- لو أنتا ماشى فى الشارع ولقيت 1000 جنيه0
- لو واحد صاحبك خانك0
- لو شوفت أسد بيهجم على الى بتحبو0
-لو عندك صحاب كتير وتعبت ومحدش سأل عليك0
-لو بتعمل حاجه وتعبت فيها وراحت منك0
-لو بتحب حد أوى ومش عارف تتكلم وتقول 0
-لو نفسك وبتحلم بحاجه ولقيتها قدامك مره واحده0
لو أمكن الرد بعد تفكير دى رساله مسجله وشكراااا0
انا جيت بعد غيااااااااااااااااب :)
مبدأيا الموضوع حلو اوى وفنفس الوقت صعب بس هفكر وارد
لو أنتا ماشى فى الشارع ولقيت 1000 جنيه0
اسلمها لاقرب قسم شرطه
- لو واحد صاحبك خانك0
امممممممممممم اتعب شويا بس صعب اندم عليه وسهل انى انسى بسرعه لان هو اللى خان وهو اللى خسران
- لو شوفت أسد بيهجم على الى بتحبو0
اجرى عليه طلقائى بدون تفكير
-لو عندك صحاب كتير وتعبت ومحدش سأل عليك0
اشيل فنفسى اووووووووووووووى ومعاملتى لوحدى هتتغير ليهم بدون قصد لانى من النوع اللى مش بيعرف يتجمل ويدارى لو شايل من حد
-لو بتعمل حاجه وتعبت فيها وراحت منك0
الخيرة فيما اختاره الله وربنا هو اللى كاتبلى كدا
-لو بتحب حد أوى ومش عارف تتكلم وتقول 0
بيما انى بنوته فالبنت لازم يكون عندها حياء وكبرياء فالبتأكيد مش هتتكلم
-لو نفسك وبتحلم بحاجه ولقيتها قدامك مره واحده0
احمد ربنا كتييييييييييييييير
لان دا هيكون من فضله عليا انه وهب ليا اللى كنت بحلم بيه ونولهولى
نرجو ان نكون قد اسعدناكم بعد التفكير رد على الرساله المسجله بتاعت اشرف :D
شيمووووووووووووووووووووووووووووو وحشتنيىىىىىىىىىىىى اوووووي يامفعووووصة
موضوووع رائع يااشرف اجاباتي نفس شيمو ومتهيألي كل الاجابات هتبقى زيها هههههههههههههه
اصل مين اللي هيقولك هاخد الالف جنيه حتى لو هياخدها ولا مين اللي هيقولك لو لقيت حاجة بحلم بيها هرميها ورا ضهري هههههههههههههههه
1/ طبعا هصرفها
2/ابعد اعنه
3/طبعا هسيبه واجرى يا روح ما بعدك روح
4/افضل تعبان لحد ما يجو
5/قدر الله وما شاء فعل
6/ بجد معرفش اعمل ايه
7/ممكن مصدقش واسيبها وامشى
اخبارك ايه يا بشمهندس اشرف يارب تكون بخير.
بجد الاسئله جميله جدا واسمحلي اكون اول حد يجاوب عليها.......
بالنسبه للسؤال الاول
انا لو لقيت 1000جنيه في الشارع طبعا في الاول هحاول اوصل لصاحب المبلغ ده في خلال 3 ايام ولو ماقدرتش اوصله هقسم المبلغ ده علي كذا جزء وهفرقه علي الناس المحتاجه وبكدا هكون كسبت ثواب انا وصاحب الفلوس.
اما السؤال الثاني.
لو احده صاحبتي خانتني اكيد طبعا هتوجع جدا واحتمال اتعقد لاني مش من النوع اللي عنده اصحاب كتير و بجد اقل حاجه ممكن ترضيني واقل حاجه ممكن تاثر فيا بس يارب مايجيب خيانه ابدا
اما السؤال الثالث.
لو شوفت اسد بيهجم ع اللي بحبه طبعا لو بحبه هفديه بروحي بس انا شايفه الموقف صعب جدا لاني لو الاسد كلني انا الاول هيعيش هو بتانيب الضمير واكيد هيزعل عليا وانا مايرضنيش اني اكون سبب في زعل حد حتي ولو كنت موت اما بقي لو الاسد كله هو الاول اكيد طبعا هحاول اكل الاسد هههههه بس الحمد لله انا بعيد عن كل المواضيع دي لما ابقي ارتبط ابقي اقول للي هحبه هل ليك اي صله بالاسود..؟
اما السؤال الرابع.
لو عندي اصحاب كتير وتعبت ومحدش سأل عليا....لو الموقف ده حصل يبقي هما من الاول مش اصحاب وانا اختياري ماكنش صح بس دا لو كانوا عارفين اني تعبانه اما لو مكنوش عارفين اكيد طبعا هعزرهم ومش هجيبلهم سيره اني كنت تعبانه خاالص.
اما السؤال الخامس.
اكيد طبعا هزعل وهكتئب شويه ولما اروق اكيد هفكر في ان لو كان ليا خير فيها كانت هتكمل واكيد ربنا هيعوضني باحسن منها.
اما السؤال السادس.
لو بحب حد اوي ومش عارفه اتكلم واقول.......انا اكيد طبعا مش هتكلم واقول لاني بنت بس هستناه لحد مايقولي اعتقد يعني ده دور الولد مش البنت لاني من رايي انها هتبقي مش ظريفه لو البنت هي اللي ابتدت.
اما السؤال السابع.
لو نفسي في حاجه وبحلم بيها ولقتها قدامي مره واحده اكيد طبعا هتمسك بيها جدا ومس هسيبها تضيع مني ابدا لان صعب جدا في الزمن ده ان حد يلاقي حاجه نفسه فيها وهقول مره تانيه اكيد طبعا
هتمسك بيه ومس هسيبه......
وبجد مرسيييييييييييييييي جدا ع الموضوع التحفه ده بجد اسئله جميله
علي فكره انا والله اول واحده مجاوبه بس الكلام اتحمل في وقت طويل بس الحمد لله انه وصل
وكل سنه وحضرتك طيب
طبعا بشكر كل قال رأيه فى الموضوع ده شيمو الى مفتقدها فى المواضيع الجامده وبشكر جودى وزورو مع أنه زملكاوى بس مفيش مشكله وبشكر أولا مش أخرا شيماء0 وأنتى طيبه يا شيماء 0
مرسيييييييييييييييييييييييييييييي جدا يا بشمهندس اشرف وربنا يخليك
اولا خلينى واقعى معاك ازاى حلاقى الف جنيه فى الشارع المصرى دى مصر كلها بتجرى ورا 50 جنيه
و لكن فرضا لو لقيت انا حاجه زى دى حدور على صاحبها و زى السنه ما بتقول 3 ايام ماحدش سال تبقى دى بتاعتى لكن لو وديتها القسم الضابط حياخدها فى جيبه
لو صاحبى خانى و ده حصل لى فعلا حقول قدر الله و ما شاء فعل و ماحدش بيتعلم بالساهل و هى دى الحياه
لو اسد بيهجم على اللى بحبه ححط روحى مكانه بس هو يعيش
لو تعبت و ماحدش سال على من اصحابى اعرف على طول ان دول عالم واطيه
لو انا بعمل حاجه و تعبت فيها و راحت منى و ده حصل من كام يوم عادى جدا اقلب الدنيا عليها واطيها لحد ما ارجع اللى راح منى
لو انا بحب واحد اوى و مش عارف اقول يبقى اعرف انى مش بحبه اصلا لان الحب فى نظرى ارتياح يعنى لو انا بحب واحده بجد اروح اقول لها على طول
لو انا بحلم بحاجه و لقيتها امامى استغل الفرصه لانها بتيجى مره واحده
--------------------------------------------------------------------------------
- لو أنتا ماشى فى الشارع ولقيت 1000 جنيه0
اكيد هتتصرف على اهل الخير لاني لا اعرف مصدرها وانما الاعمال بالنيات ولكل امريء ما نوى
- لو واحد صاحبك خانك0
اصعب شيء في الكون الخيانه وانا من الناس اللي الخيانه دي ممكن تقضي عليا
- لو شوفت أسد بيهجم على الى بتحبو0
انا مقدرش اقول اهجم عليه لان ده تهور ويبقى كده الله يرحمنا احنا الاثنين
بس اكيد في الموقف هلاقي الحل ايا كان ايه ولو فشلت يبقى قضاااء الله
-لو عندك صحاب كتير وتعبت ومحدش سأل عليك0
الغالب اني هزعل بس الاكيد اني هسامح وهما دول الاصدقاء لابد من روح التسامح
-لو بتعمل حاجه وتعبت فيها وراحت منك0
الخيره فيما اختاره الله
ولا يفيد الندم على اللبن المثكوب
-لو بتحب حد أوى ومش عارف تتكلم وتقول 0
لازم اقوله هو مش هيعضني يعني لو صارحته ممكن اسمع كلمتين قاسيين بس هرتاح بعد كده
وهو وجع ساعه ولا كل ساعه
-لو نفسك وبتحلم بحاجه ولقيتها قدامك مره واحده
طالما مش انا اللي تعبت لما جيبتها يبقى مش عايزها ايا كانت والله
وبتوفيق الله انا اللي هجيبها ولو قابلتني مليون مره
اقتباس:
المشاركة الأصلية كتبت بواسطة samomran
يعني مصر مافيهاش 1000 جنيه بس فيها اسد صح
هههههههههههههههههههههههههههه
لا بجد واقعي اوي
انا امزح يامان هههههههههههه
انا معاك فى دى تصدقا فاتت منى دى بس عادى انا برضه عند موقفى يا مان
]شكراااا على تعليقك الجميل والصريح 0
مستنى تعليق باقى الزمله0
ايه الموضوع الجامد دة..
هالف لفة بس وارجع ارد فى روقان
1/ حلعب بيهم بلاي ستيشن (يعني هو حد ممكن يلاقي1000ج)
2/حصل وان خاني صديق عمري وحاولت اسمحه واصالحه لكن هو اتعوج
3/لو انا متأكد من حبه ليا ذي مبحبه حوصي الاسد ميكلموش
4/انا لسه خارج من تعب لكناللي كان بيعرف كان بيسأل عليه
5/حزعل شويه واكيد هنسي لكن الحمد لله تعبت ودخلت المساحه
6/انا بحب واحد او وحده وكانت خايف عليـ.ومش قادر اصارح اللي بحبه غير كده هو مش مهتم بيه
اسلام عمران جبت لنفسك الكلام وخلاص
بجد الموضوع شيق اوى ولذيذ جدا الله ينور يا اشرف
لو انت ماشى ولقيت 1000 جنيه ؟
اكيد ححاول اسال بتاعت مين ومش حصرفها غير على اللى محتاجين مساعده
لو واحد صاحبك خانك؟
اللى يخون مره يخون اتنين وتلاته بس ده ميمنعش اننا ممكن نسامح ولكن بحدود
لو شفت اسد بيهجم على اللى بتحبو؟
اكيد ححاول اتصرف باى طريقه رغم ان الواحد فى المواقف دى مبيعرفش يفكر لكن اكيد حلجا للى بأده المساعده وقتها
لو عندك صحاب كتير وتعبت ومحدش سأل عليك؟
اكيد بظروفهم لانهم لو صحابى بجد حيكون اللى منعهم عنى الشديد وبعدين انا مبتفرقش معايا الحاجات دى
لو بتعمل حاجه وتعبت فيها وراحت منك؟
اكيد لو كانت حاجه نفسى فيها حتأثر وقتيا لكن الاكيد انى مش حيكون ليا نصيب فى الحاجه دى لان ربنا مبيخترش لحد حاجه وحشه
لو بتحب حد ومش عارف تتكلم ؟
مش لازم التسرع كل حاجه بتيجى بوقتها والصبر مطلوب
لو بتحلم بحاجه واتحققت مره واحده؟
اكيد لو كانت حاجه نفسى فيها ححمد ربنا طبعا وححاول احافظ على الحاجه دى على قد ما اقدر
شكرا بجد يا اشرف
شكراا على المشاركه يا جماعه ومستنى مهندسه مها وحسن ورانيا وأحمد يكو طبعا طبعا وباقى المنتدى0