السلام عليكم ورحمة الله وبركاته
ارجو من اي عضو او مشرف او اي دكتور في المنتدي ان يقوم بقراءة الخريطة لسيناء قراءة كاملة لان هاتيجي في الامتحان بتاعي وبصراحة هي اسهل خريطة في رسمها فعايزة قراءة عنها قراءة صحيحة
وجزاكم الله كل خير واهي الخريطة بس ياريت قبل يوم السبت لان السبت عليا الامتحان
http://www2.0zz0.com/2009/06/03/19/959136282.jpg
وجزاكم الله كل خير
لولو انا مش فاهمه انتى عايزه ترجمه ولا ايه
ولا عايزه قراءة مثلا ده طريق دى كحافظه ده وادى
وضحى شويه عشان اللى يدخل يساعدك
وكمان حروح ادورلك فى جوجل خريطه بالعربى زيها واحاول اساعدك شويه
بصوا يا جماعة انا عندي حاجة اسمها قراءة الخريطة وقراءة الخريطة
1- القراءة المباشرة
2- قراءة مابين السطور (تفسير)
3- قراءة ماتثيره الخريطة من تساؤلات (نتائج)
كده فهمتوا ولا ؟؟؟؟؟
بصراحة يا لو لو انا كمان مش فاهم
طيب انتي تقصدي مثلا انه هيجي يقول لك حللي لي نتيجة وجود الجبال هنا ايه
أو مثلا وجود الظواهر الطبيعية مثلا؟
أو ممكن يكون قصدك ان الخريطة هينطلب منك فيها الأثار المترتبة على الموقع والموضع والظواهر الطبيعية والبشرية مثلا؟
السؤال بيقول امامك اطلس او اي كتبا للجغرافيا وانتقي اي خريطة وطبق مفهومك لقراءة الخريطة التي اخترتها؟؟؟؟ظ
لولو بصراحه مفهمتش انا قريت ومفهمتش برضه زى وايلد مطلوب ايه بالتحديد .. لو فهمت ممكن اخلصها لك بسرعة باذن الرحمن
بس حددى ايه المطلوب .. قراءة ما بين السطور دى مش ماشية خالص .. دى خريطة مش كلام وما تثيرة من تساؤلات ممكن يتعمل فيها رسالة دكتوراه .. وضحى لو ممكن لانى ممكن لما اشوفها اتكلم عن سيدنا موسى ويهود مصر ومدينة طور سيناء وممكن اتكلم عن سيناء ارض الفيروز و الثروة المعدنية فى مصر وممكن اشوف اسرائيل اتكلم عن الصراع العربى الاسرائيلى ..الخ
اما بالنسبة لقراءة الخريطة فدى ببساطة خريطة طرق شبه جزيرة سيناء اللون الاحمر هى الطرق المرصوفة الرئيسية واللون الرمادى (او البيج مش شايف) دى طرق اسفلت برضه بس ثانوية
لو عاوز اسماء المدن اللى عليها بالعربى ماشى سهلة
اتمنى لك التوفيق
أعتقد أن قراءة الخريطة يقصد بها مفتاح الخريطة من معالم على الطبيعة
كحدود الأراضى / والتفاصيل الداله على ذلك ألخ ...
طيب باختصار عشان ما اطولش عليكي وهقولك اللي فاكرة
أولاً: توصفي الحريطة كأنك بترسميها بالكلام
1- الموقع الفلكي.
2- الموقع الجغرافي.
ثانيا: الظواهر الطبيعية:
1- الجبال.
2- الهضاب.
3-التلال.
4-السهول.
5-الأودية.
6- المسطحات المائية سواء ملحة او عذبة.
ثانيا: الظواهر البشرية.
1- توزيعات السكان ان وجد
2- المباني والامتدادات العمرانية
3- الطرق البرية والسكك الحديدية.
السدود والقناطر والكباري.
وهكذا هذا بالنسبة للظاهرات الطبيعية والبشرية الموجودة على الخريطة.
ثالثا: علاقة التأثير والتأثر بين الظواهر بصفة عامة
1- علاقة المسطحات المائية بالمناخ .
2- علاقة المسطحات المائية بالنشاط الاقتصادي.
3- علاقة الجبال والمرتفعات بالمناخ.
4- علاقة المرتفعات بالنواحي الاقتصادية سواء تعدين او سياحة.
5- علاقة السهول بالزراعة والاستقرار.
6- علاقة المجاري العذبة بالاقتصاد والزراعة والاستقرار.
7 علاقة الطرق بالتمدد العمراني والصناعي.
8- مواقع المدن والمناطق الصناعية مثلا بالنسبة للمناطق السكنية كناحية بيئية.
9- موقع الخريطة من نطاق المناخ العالمي مثلا كأن تكون في نطاق الاشعاع الشمسي الكثيف فبالتالي تكون مهيأة لبناء مزارع استخراج الكهرباء من الشمس.
وهكذا ويا رب اكون فدتك بحاجة وربنا يوفقك
والله كلام محمد معقول جدا
بس انا مشفتش اسئلة كده .. ربنا يعينك
ربنا يخليك يا كبييييير
كان عندنا مادة الخرايط العالمية للدكتور محمد رمضان في دبلومة عين شمس
المقصود هنا والله اعلم
الطالب يتعود على قراءة الخريطة وتحليلها مش قرائتها وبس
عشان يقدر يعمل ربط بين الظواهر الموجودة على الخريطة والاحداث المستقبلية
الله ينور عليك انك لسه فاكر هههههههه
ومشكور طبعا لمساعدتك زميلتنا العزيزة
يارب يفى هذا بالغرض
ميرسي خاااااااااااااااااالص لانة يعتبر زي ما قاله البشمهندس محمد الفرارجي بالضبط
شكرا انا هاضيفها علي اللي انا جبته
وهاحط اللي انا عندي علشان معلومة لكل اللي حابب يعرف ازاي
بس شكرا كتيييييييييير يا بشمهندس محمد
شكرا لحضرتك بشمهندس محمد هاشم علي اهتماما حضرتك
الحمد لله الذى بنعمته تتم الصالحات
بارك الله فيكم جميعا
اولا : القراءة المباشرة :
1- المساحة
2- العاصمة
3- عدد السكان
4- معدل النمو السكاني
5-العملة
6- العنوان
7- مقياس الرسم
8- الالوان
9- شبه جزيرة سيناء يمثل شكلها علي شكل مثلث قاعدته العريش في الشمال والتيه في الوسط والطور في الجنوب
ثانيا : قراءة ما بين السطور :
1- الموقع الفلكي : تقع عند خط طول 25-37 شرقا
وعند دائرة عرض 29.5-33.5 من الشمال
2- الموقع الجغرافي : يحدها من الشمال البحر المتوسط
يحدها من الجنوب البحر الاحمر
يحدها من الشرق البحر الاحمر
يحدها من الشرق الاردن وفلسطين والبحر الاحمر
3- أهمية الموقع الجغرافي : تعتبر بوابة مصر الشرقية وتعتبر همزة الوصل بين اسيا وافريقيا
4- أهم المراكز العمراينة : في شمال سيناء : رفح - العريش - بيرالعبد - الحسنة - الشيخ زويد - نخل
في جنوب سيناء : العين السخنة - الطور - دهب - شرم الشيخ - رأس سدر - طابا - ابو زنيمة - ابو ردوس
5- اهم المراكز الجمركية : نويبع
6- أهم المركز السياحية : دهب - الطور - العريش
7- أهم البحيرات الموجودة بحيرة البردويل
8- أهم المحميات : محمية الزرانيق - محمية رأس محمد
قراءة ما تثيره الخريطة من تساؤلات :
1- ما هي اسباب اقبال السياح علي العريش ودهب وطابا وشرم الشيخ ؟
2- ما النتائج التي ترتبت علي اطالتها علي البحر المتوسط ؟
3- ما هو مناخ سيناء ؟
4- ماهي اهم الموارد القتصادية ففي سيناء ؟
ماهي علاقة الجبال والمرتفعات بالمناخ ؟
الحمد لله انك وجدت غايتك انا سعيد
ربنا يوفقك
طب كنتى قولتيلى يا لولو كنت قرأتهالك
بس خلاص بقى الناس العسل اللى هنا ساعدوكى
بس لما تيجى تقرأى فى الامتحان اقرئيها بصوت واطى
لحسن حد يسمعك هههههههههههههه
اقتباس:
المشاركة الأصلية كتبت بواسطة Mohamed Hashem
الحمد لله
بجد بشكر حضررررررتك كتييييييييييييييير
وبشكر كل من قام بمساعدتي
اقتباس:
المشاركة الأصلية كتبت بواسطة Marwa Mahmoud
متقلقيش هامسك مايك واقراها
هههههههههههههههههههههه
شكرا يا مرمر
ربنا يكرمك يا لولو وبالنجاح والتوفيق
تصدقى انى بجد استفدت جدا من الموضوع ده والله
لانى فى الكليه مكنش عندنا موضوع قراءة الخريطه ده بس طلع الموضوع ساهل الحمد لله
وشكرا لباشمهندس محمد الفرارجى أنه وضحلنا الموضوع
أشكركم
أشكركم
أشكركم
انا مش عارف اقول لكوا ايه
كلكوا زي اولادي واحفادي
دا العادي بتاعاعنا يعني ولا مؤاخذة
يا جدعان انا عامل زي ما بأكون بأربط على انفار من على القهوة
ما تيلا ياض انت وهوه وهيه عشان نكمل المشروع بقى
محدش كده بعت وقال بالروح بالدم نفديك يا مشروع
والا حد بعت قال نموت نموت ويحيا المشروع والا الحاجات بتاع ثورة تسعتاشر دي؟
عموما ربنا يوفقكوا وشكرا جدا لكل اللي عقب ورد
والشكر الكبير
للكبير
سلام عليكم
وتحت امركم
بجد أنا طول ما بقرأ الموضوع
فرحان جدا بروح التعاون الموجودة بين أعضاء المنتدى
والروح العاية دى
لا وكمان وصلنا نتيجة كويسة فى الاخر
وانا عن نفسى والله استفدت جدا
واعتقد ان كل اللى قرا الموضوع استفاد
وبكرر أحلى حاجة الروح العالية والتعاون الموجودين دول
وربنا يوفق الجميع يارب
آآآآآآآآآآآآآآمين
شكرا بجد لكل من ساهم في الموضوع
جزاكم الله كل خير
وجعله في ميزان حسناتكم
الحمد لله يا لو لو
أظنك قرأتى الخريطة النهاردة لما قولتى يا بس
ها يا جميل عملت ايه النهارده
طمنيني
اقتباس:
المشاركة الأصلية كتبت بواسطة محمد الفرارجي
اسكتو اسكتو
الامتحان كان غبييييييييييييييييي غبييييييييييييييييييي
ربنا يسترها معانا
اما قراءة الخريطة الحمد لله كانت كويسة
ربنا يسترها ان شاء الله
وموفقه بإذن الله