لم اجد العنوان الذى يعبر عن مابداخلى(بــــــدون عنوان)

بكره حياتى ومافيها
بكره الدنيا وماعليها
بكره نفسى اللى عايشة بيها
بكره دنيتى
بكرة ضحكتى
بكره بسمتى
بكره الارض ..بكره السما..بكره المية..بكره الهوا
بكره قلبى اللى انكوى
لية يارب منختارش الموت بايدينا
لية نعيش كارهين اراضينا
لية نعيش لناس مش لينا
حياة ومش حياة
عيشة ومش عيشة
عايشة عشان الجراح
عايشة عشان الالم
عايشة عشان الآه
تايهة فى دنيا فانية
نفسى الاقى شط ليها
نفسى الاقى بر فيها
نفسى الاقى حاجة تانية ارمى حمولى عليها

اتمنى انها تنول اعجابكم
واللى مش عجبباة ياريت يقولى ملاحظاتة

بصى يا ايمى هى كلماتها جميلة
بس ايه كمية التشاؤم دى
انتى مالك كارهة الدنيا كده
امال فين الامل بقى يا امل
تسلم ايديك


أختـــــــــــــــ نهله ــــــــــــــك

جميله حقيقى ايمى الكلمات والله

بس كنتى تهدى اللعب كده فى النص شويه مش طلقات الرصاص الى فوق دى

يعنى مثلا بكره ضحكتى وبكره بسمتى ومبقتش حابه دنيتى الى ياما محسسانى بالوحده فيها وغربتى

بس بجد والله حقيقى جميله انتى عارفه انا مش بجامل خاصة انى بحب شعر العاميه البسيط اوى

تسلمى امل وتقبلى مرورى

لالالالالالا
انا ما كنتش فاكرك كده خالص
ابا بكره جدا التشاءم والكأبه حتي لو في حاجه غلط ما فيش مبرر لكده
انا يستفزني جدا لما اشوف واحد واخد الحياه من المنطلق ده انا اسف بس كده يبقي العيب منه
دي وجهه نظري ماتزعليش بس مش عجباني طريقه تعاملك مع الحياه
انا عارفك بتهزري ياما ودمك خفيف جدا ما تصورتش تكون ديه نظرتك للحياه
عن طرقتي انا لما تحصل حاجه حتي لو كانت شديده جدا لازم يكون فيها جانب ايجابي او حاجه مفيده ليا بدور عليها وانسي الباقي
ممكن اسأل سأل ليه كده ايه في الدنيا ممكن يخلي واحد يزعل او يضايق / اكيد مافيش
علي فكره انا كلامي مش بيزعل مش كده ولا ايه
ونصيحه مني لو في حاجه مضيقاكي متكبريش الموضوع مهما كان الموقف كبير

إيه ياحبيبتى كل ده

سلامتك وسلامة قلبك من الكره

ربنا يحفظك ويحفظنا منه

بس حقيقى كلماتك صادقة ومعبرة جدا بس بلاش الحزن والتشاؤم ده مفيش حاجه فى الدنيا تساهل اننا نعيش كره جوه قلوبنا

تسلم ايدك يا اموله

بس انتى كده خلتينى اقول

الدنيا مبقاش فيها خير خلاص

حرام يا حببتى الى يبات نار يصبح رماد

ان شاء الله الى جى يبقى احسن من النهرده

خلى عندك امل يا امل ولا ايه؟

ربنا يخليكى يا نهلة ما خلاص بققى الامل راح لحالة

ميرسى جدا يا ماهرو ربنا يخليك بس هى الدنيا كدة بجد الف شكر لمرورك الموضوع زاد قيمة بمرورك

اولا الف شكر لمرورك يا يوسف ومش معنى انى بهزر وبضحك يبقى مفيش حزن ف حياتى بالعكس اللى بيهزرو دول اكتر ناس شايلة هموم وبتحاول تداويها بالهزار وادعيلى ان ربنا يفكها علية ميرسى يا يوسف

ميرسى يا سوسو الكلام طالع من جوايا بجد ميرسى ع مرورك

جميله اوى يا ايمى
تسلم ايدك
بس انا عايزة اقولك
ان ما فيش حاجه فى الدنيا دى تستاهل تخليكى كدا
خليكى دايما متفأله و عندك امل يا امل
لان ربنا دايما بيبقى رايد لنا الخير

اقتباس:

---

المشاركة الأصلية كتبت بواسطة Marwa Magdy

جميله اوى يا ايمى
تسلم ايدك
بس انا عايزة اقولك
ان ما فيش حاجه فى الدنيا دى تستاهل تخليكى كدا
خليكى دايما متفأله و عندك امل يا امل
لان ربنا دايما بيبقى رايد لنا الخير

---

بحاول والله يامروة
بجد مش قادرة اكبر دماغى
الحمد لله على كل حال
ميرسى اوى ياحبيبتى على مرورك

بوصى بقى يا امل الكلمات زى الفل بس يا بنتى والله مفيش حاجة تستاهل يا ماما عيشى حياتك ومتحطيش فى دماغك محدش بينفع حد وانتى اللى هتخسرى فى الاخر صلى على النبى واهدى الدنيا متستهلش الدنيا حلوة بس احنا نعشها زى ماقال ربنا وهى هتكون جميلة والله صدقينى

الله ياامل ايه الكلام الجامد ده

والاحساس العالي المؤثر ده

رغم انه حزين ومعقد شويه وخايف تكوني معقده

هههههههههههه

بس بصراحه كلام جميل ومرتب ورتم جميل

جزاكي الله كل خير

اقتباس:

---

المشاركة الأصلية كتبت بواسطة roory

بوصى بقى يا امل الكلمات زى الفل بس يا بنتى والله مفيش حاجة تستاهل يا ماما عيشى حياتك ومتحطيش فى دماغك محدش بينفع حد وانتى اللى هتخسرى فى الاخر صلى على النبى واهدى الدنيا متستهلش الدنيا حلوة بس احنا نعشها زى ماقال ربنا وهى هتكون جميلة والله صدقينى

---

علية افضل الصلاة والسلام
اية الكلام الجامد دة يارورى
ميرسى اوى ياقمر
هاحاول والله
ميرسى جداااا يامروة لمرورك الجميل
نورتينى ياقمر

اقتباس:

---

المشاركة الأصلية كتبت بواسطة KARMO_RX

الله ياامل ايه الكلام الجامد ده

والاحساس العالي المؤثر ده

رغم انه حزين ومعقد شويه وخايف تكوني معقده

هههههههههههه

بس بصراحه كلام جميل ومرتب ورتم جميل

جزاكي الله كل خير

---

انا معقدة؟
انا معقدة؟
انا معقدة؟
ماشى ماشى
زعلانة منك ياعلى
هههههههههههههههههههه
بهزر
ربنا يخليك ميرسى جداااااااا
ميرسى عالمرووووووووووووووور

على فكرة بقى مع احترامى لكل واحد رد على الكلاك دا طبعا الكلام الى انتى كتباه فوق الرائع واحساسه حلو اوى يحسه بس اللى محطوط فى الموقف دا او حاسس الاحساس دا انه وحيد ومش لاقى حد جمبه عشان كدا بيكون متشاءم ومعندوش رغبة فى الحياة ودى بتكون فترة طبعا وفى الاخر ربنا سبحانه وتعالى مش بيرضى يشوف عبده كدا عشان كدا ربنا بيكون جمبنا وبيخرجنا من همننا لانه قادر على كل شى وبجد موضوع جميل وانا معاكى فى كل كلمة كتباها جميله بجد يا امل واكيد فترة وراحت لحالها ان شاء الله

اقتباس:

---

المشاركة الأصلية كتبت بواسطة زمان كان فى حب

بكره حياتى ومافيها
بكره الدنيا وماعليها
بكره نفسى اللى عايشة بيها
بكره دنيتى
بكرة ضحكتى
بكره بسمتى
بكره الارض (ازاي وهي اللي بتخرج الحزن)..بكره السما (لو حاولتي تبصي ليها بعين فنان هتبقي حاجه تانيه)..بكره المية(تيجي ازاي وهي رمز النقاء!)..بكره الهوا
بكره قلبى اللى انكوى!(الشاعر لو كره قلبه ممنك يروح يبيع ..)
لية يارب منختارش الموت بايدينا(اظن ان حضرتك مسلمه علشان كده احب اعرفك ان كده حرام لمجرد التفكير)
لية نعيش كارهين اراضينا
لية نعيش لناس مش لينا
حياة ومش حياة
عيشة ومش عيشة (البيت ده واللي قبله مش جيين علي بعض)
عايشة عشان الجراح
عايشة عشان الالم
عايشة عشان الآه
تايهة فى دنيا فانية
نفسى الاقى شط ليها
نفسى الاقى بر فيها
نفسى الاقى حاجة تانية ارمى حمولى عليها(عمر الحب مهما كان يستطيع بني ادم يرمي حموله عليه)

---

اخيرا ارجو ان حضرتك متزعليش مني علي رايي لاني بصيت من وجهه نظر صح

اقتباس:

---

المشاركة الأصلية كتبت بواسطة جوليت الحب

على فكرة بقى مع احترامى لكل واحد رد على الكلاك دا طبعا الكلام الى انتى كتباه فوق الرائع واحساسه حلو اوى يحسه بس اللى محطوط فى الموقف دا او حاسس الاحساس دا انه وحيد ومش لاقى حد جمبه عشان كدا بيكون متشاءم ومعندوش رغبة فى الحياة ودى بتكون فترة طبعا وفى الاخر ربنا سبحانه وتعالى مش بيرضى يشوف عبده كدا عشان كدا ربنا بيكون جمبنا وبيخرجنا من همننا لانه قادر على كل شى وبجد موضوع جميل وانا معاكى فى كل كلمة كتباها جميله بجد يا امل واكيد فترة وراحت لحالها ان شاء الله

---

الحمد لله على كل حال
ميرسى جدا ياحبيبتى على ردك
ربنا يخليكى يارب
ويخليلنا مشاركاتك الجميلة

اقتباس:

---

المشاركة الأصلية كتبت بواسطة qupeed

اخيرا ارجو ان حضرتك متزعليش مني علي رايي لاني بصيت من وجهه نظر صح

---

كل انسان بيقول كلام بيفتكر ان راية هو الوحيد اللى صح
ومش معنى ان راى حضرتك كدة يبقى حضرتك بس اللى صح
وانا مش شاعرة ولا حاجة انا يادوب بس كنت فى موقف ما ولقيت قدامى ورقة وقلم ونقلت احساسى عن لحظة معينة
الف شكر لمرور حضرتك

ايمى يا حبيبتى الكلام جمييييل جدا واحساسك باين اوى فيه

وان شاء الله ربنا يرفع عنك الشعور الوحش ده واكيد ان كل واحد فينا بيجىله وقت ويحس

انه متضايق لدرجه مخلياه يحس انه بيكره كل حاجه كان نفسى اقولك تفائلى وخلى عندك امل يا امل وكل الكلام

الجميل اللى اتقال بس بكل اسف انا قريت كلامك وانا اصلا حسه باحساسك ده

ههههههههههههههههه معلش بقى بس يا ايمى المره الجايه

لا بجد ربنا كبير ومبينساش حد واكيد ديه فتره وهتخلص ان شاء الله

براااااااااااااااافو عليكى الكلام فعلا رائع

اقتباس:

---

المشاركة الأصلية كتبت بواسطة sweet girl

ايمى يا حبيبتى الكلام جمييييل جدا واحساسك باين اوى فيه

وان شاء الله ربنا يرفع عنك الشعور الوحش ده واكيد ان كل واحد فينا بيجىله وقت ويحس

انه متضايق لدرجه مخلياه يحس انه بيكره كل حاجه كان نفسى اقولك تفائلى وخلى عندك امل يا امل وكل الكلام

الجميل اللى اتقال بس بكل اسف انا قريت كلامك وانا اصلا حسه باحساسك ده

ههههههههههههههههه معلش بقى بس يا ايمى المره الجايه

لا بجد ربنا كبير ومبينساش حد واكيد ديه فتره وهتخلص ان شاء الله

براااااااااااااااافو عليكى الكلام فعلا رائع

---

ميرسى ياحبيبتى
الف شكر لمرورك والحمد لله انها عجبتك وربنا يزيل الهموم عننا جميعا