بسم الله الرحمن الرحيم
زملائى الافاضل هذا السوال كثيرا ما كنا نتناقش فيه وفى كل مكان واردت ان اطرح عليكم هذا السؤال بهدف تعميق الفكر والرؤى الموضوعيه
فمن خلال اجاباتكم يمكننا ان نجمع اكبر قدر ممكن من المعلومات عن ذلك الموضوع
اريد من حضراتكم الاجابه على سوال محدد ما هى الاسباب فى رايك التى ادت الى عدم التقدم المصرى
هل هو الاقتصاد ام التعليم ام غياب الوعى والثقافه ام انتشار الافكار الخاطئه وغيرها وارجو من حضراتكم الاجابه لتعم الافاده
شكرا جدا لكم
انا يا اسلام مممكن اقول ان السبب فى ده غياب الوعى و انتشار الافكار الخاطئه اذا كان لحد دلوقتى الستات يروحوا لدجال عشان تربط جوزها جنبها يبقى ازاى يبقى فى تقدم اجتماعى و انا بقول ان انتشار الافكار الخاطئه و المعتقادات الخائطه هى اكبر ضربه تم توجيها الى مصر من ايام الضربه الجويه فى نكسه 67 و شكرا
سؤال حلو يا اسلام واحنا ممكن نلاقي اسباب كتير اوي لعدم التقدم المصري ده بس يارب نوصل كمان لحلول ليها
انا من راءي ان سبب من الاسباب هو ان احنا عايشين علي انجازات الماضي قاعدين جنب الاهرمات ونقول الفرعنه بنوا واكتشفوا واخترعوا
طيب لو سئلنا نفسينا طيب احنا في عصرنا ده عملنا ايه واكتشفنا واخترعنا ايه حنلاقيها حجات قوليله جدا جدا جدا بالمقارنه بالدول التانيه الي سبقتنا بمراحل دلوقتي وخليتنا من دول العالم التاني
حتي يوم مابنفرح ان في عالم من بلدنا نفتخر بيه نلاقيه في لحظه اتهاجم والدنيا قامت عليه ومحدش يساعده عشان يكمل انجازه فبيضر انه يخرج بره البلد ويستفيد بعلمه وخبرته ناس غيرنا
طبعا في اسباب تانيه بس ان شاء الله نتفائل ان الامور تتحسن
ولو عايز حل مبدئ للمشكله دي
هي لو الواحد ربنا كارمه باموال طبعا حيقدر يكفي مشوار البحث والعلم لحد مايقدر ينجز
اما لو حد مش متوفر معاه قداموا حالين الاول / انوا يستني معونه الدوله ودي طبعا عارف حتوصله لفين
الحل التاني /ان لو في رجال اعمال يقدروا يتبنوا الافكار والحجات دي يبقي كويس قوي ودي الحمد االله يعني بدات اشوفها في تذايد شويه والحمد الله
والتفاءل موجود هناك بصيص من النور نحو الاحسن عم نقول يارب اكيد دي بلدنا نتمنلها الاحسن اكيد
شكرا لحضراتكم جدا جدا على الاهتمام والرد
واسباب حضراتكم فعلا ليها تاثير كبير وملحوظ فى الموضوع ده
ولو قدرنا نجمع كل الاسباب فى تفكير علمى سليم من الممكن بسهوله نوصل لحل المشكله بالعزيمه والاراده القويه
والتفكير السليم المنطقى
شكرا على دخولكم
العفو يا اسلام موضوعك شيق و جميل
شكرا ليك جدا يا سولوم
الجهل العلمي يا اسلام هوة السبب الوحيد
مش مشكلة انك جاهل
مش مشكلة انك مبتعرفش تقرى و تكتب
المشكلة انك تكون متعلم و جاهل في نفس الوقت
الكسل هوة السبب
شكرا يا سلم
عندك يا ايمن فى جهله كتير ممكن يقروا ويكتبوا بس عندهم جهل اهم وهو جهل فكرى
الجهل الفعلى بامور الحياه الضروريه وامور الدين
الف شكر على اهتمامك ودخولك يا اخى الفاضل الكريم
موضوع جميل يا سلم بس الحايه من وجهه نظري قله وعي وكمان عدم احساس الفرد انه عنصر فعال
شكرا ليك
شكرا جدا يا سمسم على تفاعلك
انت بجد عضو فعال جدا لا يخفى دوره
يا جماعة يتهىئلى ان فى مجموعة اسباب طبعا زى ما قولتم
بس ممكن يكون السبب الرئيسى هو ان الناس مشغولة اساسا
يعنى الناس اتلهت دلوقتى بموضوع اكل العيش و مبصوش لموضوع التقدم على انه الطريق الوحيد اللى من خلاله هنقدر نعيش كويس
عندك حق يا احمد دى مجموعه من الاسباب متشابكه ومترابطه
بس الناس مش مشغوله بمزاجها ؟ دى حاجه غصب عنها ليها ابعاد كتير جدا
تسلم يا سلم على موضوعك الجميل ده 0
ربنا يكرمك يا اشرف
بس انت مقلتش رايك
[لسبب سهل وبسيط جرب تعمل بحث جديد في اي مجال و روح قدمه و بعدها بفتره صغيره يجى 5 سنين اسأل عليه و شوفوا راح فين
حتلاقى الورق دخل اعاده تصنيع وبقى باكو مناديلSIZE="6"][/SIZE]
صح بجد والله , حضرتك لفت نظرنا لنقطه فى غايه الاهميه
البيروقراطيه من جهه والروتين والمحسوبيه الوساطه والنمط الحكومى وكافه العوامل التى تؤدى الى التخلف وعدم التقدم
شكرا لحضرتك جدا على دخولك وفكرك الصائب
انا فى رئى الكسل
الموجود عن المسؤلين
وعدم الثقه
فى قدره ابنئها
لان ياما موجودين
وهما عباقره
لكن
محدش بينظر ليهم
الا لما يتخطفوا بره مصر
الف شكر على رايك الجميل والمعلومات القيمه ا محمود
شوف يا سيدى
1/ الامية
2/ غياب الوعى القومى
3/ البعد عن الدين (وده امر مهم جدا لان اذا تركوا القوم دينهم اذلهم الله)
4/ كثرة الفساد وانتشاره
5/ الاعتماد على الغير فى قضاء حوائجنا
6/ ــــــــــــــــــــــــــــــــــــــــــ
7/ ـــــــــــــــــــــــــــــــــــــــــــ
وهكذا الخخخخخخخخخخخخخخخخخخخخخخخخخخخخ
وكل نقطة يا باشا طبعا ليها شر حها
اولا انا بشكرك يا اسلام علي موضوعاتك الهادفة وانا شايف ان اهم سببين لعدم تقدمنا حاجتين مالهمش تالت الفوضي في كل المجالات واللامبالاة برضه في كل حاجة غير بقي حبه فهلوة علي شويه عدم وعي غير انى حاسس ان مفيش حد بقي قلبه علي البلد دى وربنا يتولانا
موضوع ممتاز يا اسلام
من وجهة نظري المتواضعه انه مش سبب واحد بالعكس مجموعة اسباب متشابكه كونت حلقه صعب فكها
ومش هتكلم علي الاهمال والفساد في اجهزة ونظام الدوله بانواعه المختلفه
لكن علي الفرد العادي اللي مبقاش همه غير العيش ليومه واهتمامه بنفسه وبس
يعني بلاقي الناس بترمي الورق والزباله في الارض طيب شيلها من الارض لا فيه غيري هينضف ويشيل منتهي الكسل وعدم المسؤليه كانها مش بلدهم
ده مثال بسيط
اسفه للاطاله
اقتباس:
المشاركة الأصلية كتبت بواسطة eesa
الف شكر ليك يا عيسى
وهو فعلا مش سبب واحد
دى منظومه مكونه من اسباب كتير ادت الى نتائج متشابكه
الف شكر ليك يا احمد
وعندك حق
الفوضى ولا مبالاه تكفى لتدمير كل شى
اقتباس:
المشاركة الأصلية كتبت بواسطة lolaa fahmy
الف شكر لحضرتك
ووجهه نظر سليمه جدا
هى فعلا اكتر من سبب
اسباب عديده جدا
أهم الاسباب الاهمال وعدم ايتقان العمل
الف شكر ليك على المشاركه يا حجاج
عندك حق فعلا والله
عارف يا اسلام
انا اكتشفت حاجة تانية مهمة كمان
وهى
اننا مش عارفين احنا عايزين ايه...
بجد حضرتك عندك حق وده سبب مهم
عدم وضوح الهويه والهدف من اكبر المشكلات اللى تقابلنا
وبجد احنا كل اللى بتعمله نضع خطط وتفشل ثم نعيد الكره ونفشل لاننا لا نعرف هدف تلك الخطط
الف شكر لحضرتك جدا على المشاركه