معلومات بسيطة فى شغل الطرق

السلام عليكم ورحمة الله وبركاته

إليكم
معلومات بسيطة عن شغل المساح فى الطرق



اول حاجة بتستلمها فى الموقع control point منها تتاكد ان النقط صح xyz وفى نفس الوقت
بتشيك على الجهاز بتاعك سواء توتال او ميزان

*شيك على نقطتين او ثلاثة من واقفة واحدة وشوف المناسيب مظبوطة ولا لأ.......اكرررر

مهم جدااااااا انك تتاكد ان منسوب النقط الثابتةZ بيقفل على بعض بدون فرق شيك على كل النقط متستلمش الاحداثيات على ورق بس.... لان بعد كده اى خطأ انت اللى مسئول عنه والغلطة فى المناسيب بجوون
____________________________
اى نقطة هترميها بعد كده شيك عليها مرة واتنين مش هتخسر حاجة
لو النقط مش على اعمدة انارة او اى شئ ثابت ...زى سيخ حديد مثلا خلىيها فى خرسانة

_______________________________________
لو انت شايف ان النقط مش كفاية زود نقط قبل الشغل عشان بمجرد ماتبدأ هيكون فى معدات ووجع دماغ وطبعا المقاول مش عايز المعدة تقف دقيقة وخصوصا الجريدر طول ماهو موجود انت مبتتحركش من على الميزان
_______________________________________________
حاول توقع حدود الطرق قبل وجود المعدات بالموقع لان التوقيع بياخد وقت وخصوصا لو المساعد لسه اول مرة يمسك بريزم.
__________________________________
وقف الجهاز بعيد عن المعدات لو متاح لك وقفة على اسفلت او وقفة على رمل اقف على رمل وثبت حوافر الرجل"السيبيا "كويس عشان معى الوقت الجهاز بيريح

لو على اسفلت بيتاثر بحرارة الاسفلت فبيريح

https://fbcdn-photos-b-a.akamaihd.ne...14305559_o.jpg

بعد استلام الموقع بتقدم shop drawing للمالك او للاستشارى وبعد الapprove
بتقوم بالتوقيع لحدود الطريق +center line

التوقيع بيكون سياخ حديد او اوتاد خشب ....بتوقع xyz وبتكتب على كل station
محتاجة ردم او قطع "±"قد ايه على شريط بتربطه على السيخ وفى نفس الوقت مكتوب عليه رقم المحطة عشان متتلخبطش"حساب كميات حفر وردم"

وخلى بالك لو فى كرڤات او صوانى cul de sac كثف النقط على قد ما تقدر

بالنسبالى الطريق 4 مراحل
1_مرحلة تمهيد فيها بيتم تحديد ملامح الطريق غالبا بدون ميول جانبية
2_مرحلة تهيئة طريق "الفيرمة"عبارة عن تربة بيتم وضعها بسمك قد يكون 20 سم حسب مايراه المصمم وفيها بيتم تشكيل الميول الجانبية قد تكون 1.5%
3_وضع الدقشوم "السن" والدمك جيدا
4_المرحلة الرابعة وهى طبقة الفنش سواء كانت اسفلت او انترلوك

#من الممكن وضع كل ستيشن فى الحدود على بعد متر عشان المعدة متضربهاش

https://scontent-mxp1-1.xx.fbcdn.net...fd&oe=56614C50

فى المرحلة الاولى قد يكون هناك قطع فى تربة صخرية فتلجأ لاستخدام حفار شاكوش يوميته 1200 وراضى السواق بيعمل فى اليوم تقريبا 65 متر مكعب

https://fbcdn-photos-b-a.akamaihd.ne...83974937_o.jpg





لو الطرق جوانبه صخرية بتم عمل ما يسمى بالارنكه وهى جعل حافة الطريق قائم تماما اسفل الطريق مثل قمته
______________________________
بعد انهاء عمل الشاكوش بيتم عمل اللودر لتمهيد الشغل للجريدر وبإنهاء عمل اللودر دى بتكون نهاية المرحلة الاولى وبتقدر تعمل او مستخلص

"المستخلص والمقاول عشق لاينتهى "

فى المرحلة الاولى زى ما قلنا مفهاش ميول جانبيه فيها ميل طولى فقط

قد تكون دقة المناسيب ±سم10 حسب الاتفاق فى العقد

المحطات على اللوح ممكن تكون على بعد 25متر كل محطة عن اللى بعدها واللى قبلها فكل لما بتقلل المسافة الشغل بيتظبط اهم من الشغل ظبط الشغل

https://fbcdn-photos-b-a.akamaihd.ne...13814682_o.jpg


مرحلة الفيرمة subgrade
اهم حاجة فى المرحلة دى انك تكون مظبط حدود الطريق عشان ميبقاش عندك هالك كتير

ترقيم المحطات مهم جداااااا لو اتلخبطت فى ترتيب محطة الشغل كله بااااظ اكتب على كل محطة اسمها ....خلى بالك من المساعد الا يفوت محطة station

...لقيت واحد بيشيل سيخ بتاع محطة بقوله بتعمل ايه يا حاج قالى ياباشمهندس كل يوم بتطلع شمس جديدة grin emoticon

https://scontent-mxp1-1.xx.fbcdn.net...fb&oe=56627BB5

ممكن يسلمك المالك داتا الطريق على شكل بروفيل وموجود نسبة الميل وانت توزع فى جدول
او ممكن تستلم جدول زى ده
وتختصره فى اسكتش هنا فى الجدول محطوط المناسيب كل متر عرضى انت ممكن تشتغل كل 2 متر تاخد قراءة على الكروس سيكشن العرضى
يعنى لو طرق عرضه 9 متر تاخد فيه قراءة على السنتر وقرايتين يمين وقرايتين شمال

ركز جداااااااااااا انت بتقرأ على الجنب الشمال ولا اليمين من الطرق

لو مش عارف شمال الطريق من يمينه ممكن تسأل المالك او الاستشارى
خصوصا فى الصوانى ..مش عيب أنك تسأل لان وقت ما هتغلط هتشيل ليلتك لوحدك..وانت بتختصر الجدول راجع على بياناتك مرة واتنين خصوصا لو نسبة الميل مش ثابته فى الطريق كله

https://fbcdn-sphotos-h-a.akamaihd.n...81794588_o.jpg



ركز قووى وانت بتحسب م س م لو شكيت فى لحظة فى حاجة غلط راجع على النقطة الثابته ...التفاهم بينك وبين سواق الجريدر والمساعد مهم جداااا

https://scontent-mxp1-1.xx.fbcdn.net...0e&oe=56ABCEEF

سيب 2 سم زيادة على المنسوب للهراس او حسب التربة اللى انت شغال بيها مراعاة لهبوطها
https://fbcdn-sphotos-d-a.akamaihd.n...a9277e9b1cf81c

زى ما قلت قبل كده لو شغال فى cul de sac اتأكد يمين الطريق فين وشماله فيين .. واتاكد دايما ان حدودك موجودة مفيش حاجة اتضرب منها
كثف نقطك فى الكرفات والصوانى على قد ما تقدر عشان asbuilt يكون مظبوط ..اهم من الشغل ظبط الشغل

https://scontent-mxp1-1.xx.fbcdn.net...4f&oe=565F8252


لو شغال فى صينية "cul de sac" وموجود على اللوحة مثلا ليها 5 محطات قسم انت المسافات بيت المحطات وحط مناسيبهم عشان تقدر تتحكم فى المعدة

زى الخطوط اللى لونها اخضر على اللوحة دى"محطات مساعدة"

https://fbcdn-sphotos-c-a.akamaihd.n...39e022afe96e33



على قد ماتقدر ظبط مناسيبك من المفترض يكون فى نسبة سماح "tolerance"
فى الفيرمه "±"2سم
حاول متخليش حاجة واطية فى الفيرمه لانك هتعوضها "سن" دقشوم
"عدس بترابه وكله بحسابه"
وعلى حظى كان المالك والاستشارى بيحبو يستلمو بالتوتل

لو بتسلم مناسيب بالتوتل جيب اى حاجة حطها تحت كعب البار عشان ميغرزش من المساعد "وربنا يوعدكم بمساعدين بتفهم"

https://scontent-mxp1-1.xx.fbcdn.net...58&oe=569C979B

شكل طريق اثناء الشغل فيه
وانت شغال فى الطريق لو فى "طبان"رصيف بتشكله معاك عشان يسهل عليك تفنيشه بتكون محدد العرض بتاعه
لو العرض زيادة مصلحة ليك ...بدل ما يكون اقل ويعمل هالك فى السن "الدقشوم"

https://fbcdn-sphotos-e-a.akamaihd.n...e65512432c66d6


صورة توضيحية لقطاع عرضى بالطريق يشمل الطبان والقدمة

https://fbcdn-photos-h-a.akamaihd.ne...3654d3edf84ff6



ده الجدول اللى كنت بعمله وانا شغال وفى كل خانة فيها منسوب بتكتب ردم ولا قطع وتبلغ سواق الجريدر

_________________________
والمرحلة الجاية هى المرحلة التالته ...اعذرونى لو قصرت فى حاجة او قلت حاجة غلط
كان نفسى ارفع فيديوهات بس للاسف النت مش مساعدنى


https://scontent-mxp1-1.xx.fbcdn.net...b1&oe=56A464AB


المرحلة التالته وهى مرحلة السن "الدقشوم"قبل البدء فى المرحلة نقوم بحصر الكمية المطلوبة والحصر هنا اسهل من حصر الفيرمه لانك بتنزل طبقة بسمك واحد فى اجمالى المساحة اللى بتحددها من اللوح او من خلال رفعك السن سمكه ممكن يكون 20 سم ممكن الاستشارى يطلب انه ينزل على طبقتين
بتراعى التشيون يكون فى كل مكان على حسب الكمية المطلوبة فيه لمراعاة عدم النقل "استهلاك للمعدات وكل ده بفلووووس" ومن المفترض بتكون عارف كل جرار حجمه قد ايه ومن الافضل انك تكعبه بنفسك للتأكد من حجمه

الجريدر بيقوم بفرد وتقليب السن بالمياه حسب الكمية المناسبه
https://scontent-mxp1-1.xx.fbcdn.net...97&oe=565D018F


بتخلى منسوب السن اعلى 2سم لان الجريدر بيمسح الطرق قبل شغل الاسفلت او الانترلوك وكمان الهراس ممكن اثناء الدك يقل المنسوب 2سم

دى صورة اثناء تقليب السن حتى تتلاحم مكوناته من بدره وسن وتكون مادة صلبة

https://scontent-mxp1-1.xx.fbcdn.net...7c&oe=566F2042

اهم حاجة تكون حدودك كلها موجوده مفيش حاجة فيها اتضرب
هبقى ارفع صوره وفيديوهات اثناء شغل الجريدر
_________________________________
المرحلة اللى بعديها هتكلم عن القدمه والبردورة والطبان

بعتذر لو فى اى معلومة خطأ