دبلة ومحبس وخاتم * مـالـهـم حـلـوين وزي الـفـل شــــــاركــــــونــــي
http://t0.gstatic.com/images?q=tbn:A...7L1KbKbMkA&t=1
ازيكم يا بنوتات يا حلوين
النهاردة عايزة اكلمك فموضوع مهم اوي وعايزة كل واحدة تقولي ايـــــــــــــــــــه رأيـهـا .
انا والله مرارتي اتفقعت من بنات كتير بسبب بعض الاراء الغريبة.
طبعا انتو عارفين ان موضوع الجواز مبقاش زي زمان بسبب الظروف المادية ومفيش شقة ومفيش وظيفة ومفيش حاجات كتير.
المهم دلوقتي هحكيلكم الاول موقفين عكس بعض عشان تفهمو كلام اكتر.
الموقف الاول :
كنت قاعدة مع بعض الزميلات اتنين مخطوبين وانا وهواحدة كمان مش مخطوبين
فكنا بنتكلم علي موضوع الجواز وسعر الدهب والشبكة وكده
فالبنت المش مخطوبة بتقولنا ايه دا انا جالي عريس محترم وكويس وعنده شقة بس موافقتش
قولنا لها ليه كده يا بنتي
قالت اصله عايز يجيبلي شبكة رمزية (دبلة ومحبس وخاتم ) فانا رفضت طبعا عشان مش انا اللي ميجيليش شبكة
مع العلم انها بنت عادية جدا انا مبعبش فيها يعني اهلها ناس بسطاء وعاديين جدا هي باصة ان اشمعنا صاحبتها دي جالها ودي ودي وهي يجيلها حاجة بسيطة.
الموقف التاني:
بنت معرفة اتقدم لها واحد برضه محترم وكويس والشقة موجودة بس مش هيقدر برضه يجيب شبكة كبيرة عشان يعرف يفرش الشقة كويس وهيجيب حاجة رمزية
البنت ربنا يبارك لها وافقت وقالت طالما هو انسان كويس خلاص ولما ربنا يكرمه يجيبلها.
شوفوا بقي الفرق بين البنتين الاولي اهم حاجة عندها المظاهر هيجيب ايه وهيعمل ايه ومظهرها هيبقي ايه ادام صحابها.
التانية فضلت الانسان المحترم المتدين الكويس عن اي حاجة تانية.
اللي انا عايزة اقوله ان احنا لازم نيسر ولا نعسر طالما هو كويس ربنا هيرزقك بكل خير وهيوسع عليكم انتو اكيد عارفين الظروف دلوقتي وسعر الدهب بقي كام يعني الدبلة والمحبس والخاتم ممكن يوصلو لـ5 الاف واكتر يعني مبلغ برضه.
والمبلغ اللي هتجيبي بيه شبكة ممكن تعملي بيه حاجة فبيتك تنفعك اكتر.
قد قال صلى الله عليه وسلم: " إذا جاءكم من ترضون دينه
وخلقه فزوجوه إلا تفعلوه تكن فتنة في الأرض وفساد كبير "
رواه الترمذي وغيره.
مش عايزة كل بنت وانا اولكم طبعا نبص دي جالها ايه وانا لازم يجيلي اكتر من اي بنت فالعايلة عشان ابقي جالي وكده لا
وفعلا ليس كل ما يلمع ذهبا ممكن تشوفي واحدة جالها شبكة بكتير وتلاقي عريسها مش كويس او مطلع عينها او يجيب وبعد فترة يقولها بيعيها عشان محتاج الفلوس فبلاش نبص لحد كل واحد له ظروفه وامكانياته واللي هتحسن اختيارها ربنا هيبارك لها في حياتها.
انا بعلنها ادامكم اهو انا مش معترضة علي الشبكة الرمزية وهقنع اهلي بيها كمان.
عايزاكم كلكم تشاركوا برأيكم اياكم ثم اياكم ثم اياكم تدخل واحدة وماتسيبش رأيها
منقوووووووول
