اولا ازيكم طبعا كل واحد فينا كانت ليه احلام كتيره ومش كل اللى بنحلم بيه او بنتمناه بيتحقق
السؤال هو : ايه اكتر حلم نفسك فية ومتحققش ؟
وايه هو الحلو اللى حلمتو وسعيت لحد ما حققته ؟
وايه هى احلامك المستقبليه ؟
عرض للطباعة
اولا ازيكم طبعا كل واحد فينا كانت ليه احلام كتيره ومش كل اللى بنحلم بيه او بنتمناه بيتحقق
السؤال هو : ايه اكتر حلم نفسك فية ومتحققش ؟
وايه هو الحلو اللى حلمتو وسعيت لحد ما حققته ؟
وايه هى احلامك المستقبليه ؟
شكرا يا رانيا على الموضوع الحلو ده وزى ما أحنا متعودين منك وعوده قويه أنشاء الله0
السؤال هو : ايه اكتر حلم نفسك فية ومتحققش ؟
هو حلم مش عارف صعب ولا أيه نفسى أشوف الخير والصحه والسعاده للحوليا كلهم0
وايه هو الحلم اللى حلمتو وسعيت لحد ما حققته ؟
أكون ناجح دراسيا والحمد لله مع أن السنه الى فاتت حصل دروب بسيط بس الحمد لله ربنا سلم0
وايه هى احلامك المستقبليه ؟
نفسى أعمل حاجه للوالدتى 0
نفسى أعمل فى مجال المعمار أو المساحه البحريه لأنى بحب البحر جداا0
أسئلة جميلة اوي يارانيا بس احنا هنستنى اجابتك بردو ماشي؟
اكتر حلم كان نفسي فيه وراح .. هو اني كنت عايزه أدرس في طب الأسنان ومحصلش نصيب والحمد لله على كل شئ
الحلم اللي حسيت اني حققته .. هيا حاجة كبيرة اوي والله يارانيا بس انا محبش التفاخر وربنا يحفظنا منها
أحلامي المستقبلية : نفسي أكون محترفة في كل برامج الرسم وأعمل دراسات عليا في تخصص دراستي
حبيت بس أعلق على حاجة في رد أشرف اذا بيسمحلي ، مينفعش نقول انشاء الله ياجميل
السبب : كلمة انشاء معناها صنع أو خلق ، ومفيش حد صنع أو خلق أو أنشأ ربنا والعياذ بالله
الصح : انك تقول ان شاء الله ، ومفيش ذنب ان شاء الله على اللي قالها بدن قصد
شكرا لمروركم جودى واشرف
انا حبقى اخر واحده تجاوب يا جودى بعد كل اصحابنا ما يجاوبو
الحلم الى كان نفسى احققه ومتحققش: هو انى كان نفسى ادخل هندسه وربنا ماردش انى ادخلها وعموما الحمد لله على كل شئ.
الحلم الى اتحقق هو :انى بحب الرياضه والمحاسبه فدخلت كلية تجاره.
الحلم الى نفسى احققه فى المستقبل هو :انى اشتغل فى تخصصى واحقق ذاتى واسعد كل الى حوليا.
الحلم الي نفسي احققه ومتحققش : هما اتنين واحد صعب المنال شويه والتاني يمكن يكون في طريقه للتحقيق
الحلم الي اتحقق: الحمد الله اتخرجت وده يمكن مش كبير اوي لان الناس كلها بتتخرج عادي بس بالنسبالي كان رئيس القسم ناوي للدفعه نيه وحشه جدا بسا لحمد الله بفضل ربنا ودعا الوالدين الحكايه عدت وبتقدير جيد والحمد الله
الحلم الي نفسي احققه في هو : اني اشتغل ومكان نفسي في حاجه تحفه شويه متضحكوش انا نفسي اعمل مشروع كبير اوي والمشروع ده يسمح باني اشغل فيه كل الي اعرفهم ويكون جزء كبير اوي منوا خيري وبيخدم الناس معرفش ليه بحلم بكدا بس يمكن لان اهلي معظمهم مسافرين بعيد عني عشان كده نفسي اعمل المشروع ده يجمعنا وفي نفس الوقت حاجه مفيده يستفيد منها الناس
موضوعك جميل يا رانيا .. دايما ان شاء الله
يا جودى بالراحة يا جميل على اشرف .. واضافة جميلة
وباقول لاشرف ماتقلقش انما الاعمال بالنيات ..
لالا والله ياموها مش قصدي ابقى قاسية في الرد انا بس بقدم نصيحة
وأكيد انما الاعمال بالنيات وانا قلت في الاخر مفيش ذنب اللي اللي بيكتبها كدا بدون قصد
لم اقصد حقآ
ايه اكتر حلم نفسك فية ومتحققش ؟
انى اكمل فى كلية الهندسة بس الحمد لله ربنا بيكتب للانسان الافضل
وايه هو الحلو اللى حلمتو وسعيت لحد ما حققته ؟
انى اتعين فى الكلية و دة جاء بعد اربع سنين من التخرج
وايه هى احلامك المستقبليه ؟
بيت صغير - زوجة صالحة - الدرجات العلمية المختلفة فى دراستى- اسافر و الف الدنيا
شكرا مهندسه مها لانضمامك بس ليه مجاوبتيش على الاسئله
واستاذنا الكبير منورنا والله شرف ليا ان حضرتك تعلق غلى موضوع من مواضيعى شكرا