***ازيــك حبيبتى والله وحشـــانى ***
ازيك حبيبتى والله وحشانى يا حلوه يا شملوله
لسه الكل بيهينك وانتى عامله فيها خجوله
ولا شعبك ده انا نفسى اشوف له قرار او حتى قومه
متزعليش اوى انا برده شايل اسمك وعلى كتافى بنطط فيه
يمكن نطه غلط كده من تانى تقدر تعليه
اخبارك حبيبتى والله وصلانى وصورك هى هى متعاده من تانى
كلام كبير واشعار مجنونه واغانى تعبت والله من كتر ما بسد انا ودانى
الكل بيهلل ماهو طرشى ومخلل فى بحر كبير بتغرقى فيه
شكلك اتغير ومبقتش انا صغير عشان وضعك انا اقبل بيه
بينك وبينى ساعتين وطياره وفنجان قهوه وسيجاره
ولا اجيلك فى عباره اااااااااااااه ماهو ده يا خلبوصه الى بتحلمى بيه .
