تعالو نتكلم بصراحة

[KAREEM]

دى اسئلة عجبتنى فقولت اجبها ويا ريت تجوبو عليها بصراحة


حقيبه اسرارك عند من تضعها؟

عند اقرب الاصدقاء ليا واعزهم عندى
لانى ممكن استئمن صديقى على كل حاجة

الى اين تأخذك ذروة الغضب؟
وكيف تعبر عنها؟

يعنى ممكن اطلع غضبى فى اى حاجة اودامى
ممكن ارمى موبايل ريموت او اى حاجة
بس المهم انى مطقش من الغيظ
ودا طبعا عيب وبحاول دايما انى بقلل منه
انى اوقع نفس تحت اختبارات غضب صعبة
واعتقد انى نجحت كتير فى كدا

متى يعاندك النسيان؟
فى الامتحاااااان طبعا
لما اكون مذاكر حاجة كويس جدا
وانسى العناصر الرئيسية او اهم عنصر فيهم

هل حدث ان انتصرت على نفسك يوما واحصيت عيوبك؟
حصلت بس مش كتير والواحد بيحتاج كل فترة طبعا انه يراجع نفسه
ويقف وقفة مع النفس ويحاول يصلح بس مع الوقت بننسى ونرجع تانى
وبعد كدا تتكرر الوقفة مع النفس وهكذا
هى كدا الحياة .. لازم كل يوم نفتح صفحة جديدة
مع نفسنا ومع اهلنا وقبل كل دا مع ربنا

متى يقسو قلبك؟
زى ما قال مشارى لما انشد قصيدة قريح القلب
قريح القلب من وجع الذنوب .. نحيب الجسم اشبه بالنحيب
بس علاجه بسيط اوى وفى حديث النبى - عليه الصلاة والسلام -
فيما معناه انك لما تتصدق كتير وتمسح على رأس اليتيم بيحن قلبك


ماذا تحب فى حياتك؟ وماذا تكره فيها؟
احب فى حياتى : بساطتها واتمنى ان تكون " حياتى كلها لله "
أكره فيها : اظن لو الواحد كره حياته حينتحر
موصلتش للدرجة دى الحمد لله

متى تخجل من نفسك؟
ساعات الواحد ممكن يعمل حاجة غلط عشان محدش شايفه
ويكسف يعملها لو حد يعرفه معاه حتى لو ابن اخته قاعد جنبه
فبقول : ياااااااه !! يعنى خايف من الطفل ومش خايف من ربنا

ما هو هدفك فى هذة الحياة؟
" قل ان صلاتى ونسكى ومحياى ومماتى لله رب العالمين "
لآمين يارب العالمين ارزقنا الاخلاص
* طبعا الحياة كلها امتحان عشان الاخرة
فبسأل ربنا انى امشى فى حياتى فى طريق مستقيم
عشان يوم القيامة يهدنا الصراط المستقيم

صفة فيك تحبها؟ وصفة تكرهها؟
صفة احبها : التسامح والنسيان بسرعة " مبشيلش من حد يعنى "
صفة اكرهها : انى ممكن استفز بسهولة " بحاول اغيرها "

اكثر شىء بيعصبك؟
انى اتظلم حتى لو فى حاجة بسيطة

من مثلك الاعلى؟
شقيقى الكبير

تجربه مريت بيها وتتمنى تكرارها؟
السؤال مش واضح اى تجربة
فانا حختار طبعا تجربة " الاعتكاف "
احلى حاجة الواحد بيعملها طول السنة
وبجد بيربى النفس وبينقى القلب

اعظم شىء فقدته؟
شىء ولا شخص
لو تقصد شخص
فاكيد والدى -الله يرحمه-
توى السنة اللى فاتت زى الايام دى

اعظم جرح دفنته؟
مفيش الحمد لله

(يا........مي ن علمك تجرح) لمن تهديها؟
انا جاوبت والحدق يفهم

ماذا تقول لمن ظلمك؟
حسبى الله ونعم الوكيل

كتاب حياتك بماذا تصفه فى كلمات معدودة؟
تناحة _ براءة _ لا مسئولية _ شطارة _ انفتاح _ ........

المال-الحب-الصديق-المستقبل المهنى-العائلة رتبهم حسب اهميتهم عندك
الصديق - العائلة - الحب - المستقبل - المال

وفى النهايه اتمنى انه يكون عجبكو ويا ريت تجاوبو على الاسئلة بصراحة

أسئلة جمييييييييييلة جدا
وخلتنى افكر فى حاجات كتير
واطلع حاجات كتيييييييير مكنتش عايز اطلعها