تعالو فعلا نخلى رمـــضــــان ع المنتدى

[Zooma]

اهلا بيكم جميعا عاملين ايه ؟
اكيد طبعا زعلانين عشان خلاص رمضان ماشى وهسيبنا :(:(

بس الزعل متفاوت بين الناس وناس ليـــــه ؟
لان ف ناس استغلت الفرصه ومسكت فيها بايداها
وسننها وطلعت فايزة ف الاخر ""اذا تقبل الله منهم""
دول من الناس ايلى زعلانين عشان رمضان هيخلص بس.

اما النوع التانى م الناس ايلى هما معملوش حاجه ف رمضان
ومستغلوش الفرصه زى ماجه زى ماهيروح ودول زعلهم اكبر
لان الوقت اخدهم ولما حسوا بالوقت بس للاسف مش هيلحقوا يعملوا حاجه.
بس برضه قدامنا كلنا التلت الاخير م رمضان مع ان
ف يوم منهم عدى بس دى فرصه اخيرة للى ملحقش يعمل حاجه.

معلش المقدمه كانت طويله شويه ولغايه دلوقتى
معرفتوش ايه هى فكرة الموضوع الفكرة بكل بساطه
اننا اكيد قرينا قرآن ف رمضان وايلى مقراش اكيد سمع قرآن
ف صلاه التروايح واكيد برضه ف آيات علقت معانا واثرت فينا
وبدأنا نفكر فيها وغيرت فينا صح ولا انا غلط ؟ !

فبكل بساطه انا عايز كل واحد قرا قرآن او سمع آيــه وهو بيصلى
اثرت فيه علقت معاه .... الخ يدخل هنا ويكتبها ولو عايز يعلق ليه الآيه دى
يعلق مش عايز كل واحد حر ومش شرط آيـــه واحد حطوا ايلى
انتو عايزينه الآيـــات ايلى اثرث فيكوا .
" مع توضيح اسم السورة ورقم الآيــــه "

واحد يجى يقول طب ايه الهدف من الموضوع ده ؟ !
اقوله ان اى حد يدخل يقرا المقدمه هيحاول يعمل حاجه
لما ينزل تحت شويه ويقرا الآيات ممكن الآيات دى تغيير منه
تحسن منه ياعالم !!!

ع فكرة انا احترت كتير ف اسم الموضوع
فكرت ف اسمه اكتر من لما كتبت الموضوع :D
بس عينى جت بالصدفه ع اسم القسم قولت
مانخليه كده فعلا .

ياربت تكون فكرة الموضوع واسمه عجبتكم
وياربت الاقى مشاركات وتفاعل عشان نستفاد كلنا