ماذا يعنى لك البحر

[Mohamed Hashem]

الله الله عليكى يا مروة
بجد موضوع هااااايل جدا جدا
اصلك جيتى لى فى الحته بتاعتى
ماذا يعنى لك البحر ؟؟؟؟؟؟؟؟ يانهااااااااااار
يعنى ليا حاجات كتير قوى قوى
عارفه .. انا مش شاعر اقدر اقول كلام حلو زيك كده
لكن عارفه اغنية المطربة اسمها ايه دى اللى بتقول انا بعشق البحر زيك ياحبيبى حنون وساعات زيك مجنون
هههههههههههههههههههه
تقدرى تقولى عليا كده زى البحر ساعات مجنون وساعات حنون والكلام دا كله
انا قضيت فى البحر فترات طويلة جدا جدا
لدرجة انى اخدت على عاداته وكلام البحاره وأكلات الصيادين

كل شغلى فى البحر
كل هواياتى الصيد من البحر
كل نجاحاتى حققتها فى البحر
وكل الغالى عندى ضاع فى البحر
حتى مخلوقاته وقاعه .. برغم انى عمرى ما غطست بنفسى
لكن - سبحان الله - شغلى فى الـ ROV أتاح لى أتفرج على كتير
من أعماقه .. وصخوره .. وبتروله هههههه

بس خلو بالكم .. الكل اتكلم عن البحر اللى بتشوفوه من الشط
وانت واقف على الكورنيش وتشوف احلى منظر للميه والموج
او لو انت قاعد على الرمله البيضا غارز رجليك فى الميه
ساعتها المنظر يخليك شاعر وتقول احلى كلام

محدش شافه وانت فى حضنه .. هناك فى عرض البحر .. بين ايديه ..
حيث كل شئ حولك أزرق × أزرق
وتقعد جواه شهر واتنين وتلاته ..
محدش شافه وهو غضبان والريح 60 عقدة بتلعب بمركب وزنها ألفين طن حديد زى الورق
والموج كالجبال .. ويأتيهم من كل جانب ..
ومع ذلك .. بحبه وبموت فيه
فى علاقة غريبة بيننا .. كأنها هدنه أو ممكن تقولى زى المتزوجين لما يتعاركو
صوتهم يعلى .. ممكن .. لكن ما يفترقوش ..
ويرجعوا تانى يتصالحوا .. لكن مش ممكن نتفارق
انا حتى بيتهيألى ان النهايه حتكون معاه هههههههه

شكرا جزيلا لكى لأتاحه الفرصه أعبر ولو قليلا

عن حبى لذلك العميق الأزرق
وتقبلى مرورى