موضوع تايه .. .. ياولاد الحلال

[Mimi]

بصي ياموها ياقلبي انا رأيي الشخصي ان مفيش حاجة في الدين تكون بالزام تكون في نفس الوقت تعبد

ليه باه ؟

لأنك ساعتها هتأديها خوف مثلا او بلاش ، ممكن ضميرك يأنبك لو مدخلتيش كل يوم الموضوع دا وحطيتي الصلاة على الرسول عليه الصلاه والسلام او التسبيح او التحميد او او او

سيبك ياموها من كل الحوارات دي ، هقولك على حاجة

لو عندك ايميل ياهو .. مش ساعات بيجيلك مسجات اوف لاين مثلا بعنوان

أستحلفك بالله ان تنشرها لت كل اللي عندك ،،، او مثلا أقسم بالله العلي العظيم سوف ارسلها ويقولك انت اقسمت اهو لازم تبعتها

تفتكري الموضوع دا صح ؟ لما تروحي تبعتي الكلام دا عشان خايفة من الذنب او العقاب ، الموضوع باه هنا الزامي مش ديني ترغيبي

تحبي انزل حكم في فتوى عن الرسايل اللي بتيجي في الياهو دي كمان ؟

يمكن الموضوع ساعتها هيبقى واضح

انتي بس ضميرك بيأنبك لانها حاجة كويسة بس دا ظاهريا فقط ، منا ممكن وانا بكلمك دلوقتي اصلي على النبي عليه افضل الصلاة والسلام 100 مرة ، الاعمال بالنيات لكن لا الزام في الدين ودي طرق ووسائل متبعة بتبتدي بكدا

يعني انا حابة اذكر ربنا اذكره ، حابه ادعي هدعي ، حابة اصلي على النبي هصلي ، لكن بدون ما حد يلزمني بكدا

في موضوع عن المسجات اللي بتيجي بالشكل دا في الايميلات ليها فتوى يمكن توضح الضورة اكتر ليكي ياموها لو تسمحيلي بس هنزلها بعد اذنك وبعد اذن وايلد

بس متنسيش ياموها ان اعداء الاسلام عرفو اخيرا الطريقة اللي يعادو بيها المسلمين ويغسلو بيها عقولهم هي عن طريق الدين ، فبلاش على النت كل حاجة عن الدين تأثر فيكي

عايزه اقولك كمان في احاديث منتشرة على لسان الرسول عليه افضل الصلاة والسلام كاذبة ولم ينطقها لسانه مع انها احاديث واعظة وجميله بس مينفعش ننسبها للرسول عليه الصلاة والسلام

لو حابة ننبه على المواضيع دي كلها انا معنديش مشكلة ومستعدة اعمل ليها توبيك شامل

[Wild_Angel]

والله انا احترت زيك يا مها ولكن مادام الامر فيه حيره يبقى المستحب اننا نتركه احسن

وانما الاعمال بالنيات فلنكثر الصلاه على نبينا الكريم محمد صلى الله عليه وسلم فى كل الاوقات
ابتعادا عن اى شبهه سواء كانت من البدع او لا فى المنتديات

وربنا يجازينا خير
وجزاك الله خير يا جودى ربنا يكرمك

[Wild_Angel]

حكون سعيده يا جودى لو ضيفتى موضوع زى ده وخاصة انى ساعات بحس بذنب من موضوع الرسايل
اه بحب ابعتها بس ساعات مش بيكون عندى وقت
وشكرا ليكى على طول تاعبينك معانا
ربنا يجازيكى ويجازينا خير

[ميرا مار]

باشكرك جدا يا ميمى

وانجل

ربنا يكرمكم ويجازيكم كل خير باذنه تعالى

اللهم امين

[كنزى22]

الصلاه على النبى امرلايحتاج لفتوى وفيكم ترجعو للاحاديث التى حدثنا عنها النبى ومنها فيما معناه حينما احد من الصحابه ساله من البخيل قال البخيل من سمع اسمى ولم يصلى على وانا اعوكم دلوقتى كل من يقرا ردى هذا بالصلاة على النبى