أجمل صوت سمعته فى حياتى ( ابراهيم خيرى )

[KAREEM]

أخوانى وأخواتى وأحبائى أعضاء المنتدى الكرام

طبعا كلنا فى رمضان بنحب نروح نصلى التراويح
وكتير منا بيحب يروح مساجد معينة
وزى ما عارفين فى مساجد مشهورة أوى
بشيوخها اللى أصواتهم عذبة
* زى جامع القائد ابراهيم فى محطة الرمل ( الشيخ حاتم فريد )
* وزى جامع الحديد والصلب بالبيطاش ( الشيخ محمد الصاوى )
وفى مساجد تانية برضو فيها أصوات حلوة ومش مشهورة
منهم جامع فى محطة مصر فى شيخ اسمه وليد عاطف صوته شبه
الشيخ أحمد ابن على العجمى

انا عن نفسى بحب أروح المساجد اللى فيها أصوات زى دى
ومن ضمن المساجد الى رحتها وعجبتنى جدا
مسجد اسمه الجمعية الخيرية فى بحرى
فى شاب هناك عنده حوالى 33 سنة بيصلى صوته روعة جدا
هو صوته تحس انه كبير بس خاشع جدا
والصلاة وراه بصراحة متعة

أنا عارف ان فى ناس كتير غاوية تصلى ورا الناس اللى زى دى
عشان كدا النهاردة جيبت لكو تسجيل كنت مسجله بموبايلى
ركعتين من التراويح للشيخ ابراهيم خيرى والصوت واضح
عشان السوندات فى المسجد دا جميلة جدا
وأحلى حاجة فى المسجد دا انه مفيهوش زحمة للدرجة الجامدة
يعنى تقدر تصلى براحتك وورا شيخ جميل زى دا

** أنا رأيى الشخصى ان الشيخ ابراهيم خيرى ممكين يكون
أفضل من الشيخ حاتم وممكن يكون أحسن من الشيخ محمد الصاوى
فى التلاوة والخشوع وعدم الزحمة وحتشوفو بنفسكم ودى مسألة أذواق

يعنى بتختلف من شخص للتانى

دا اللينك بتاع التحميل
DOWNLOAD

http://rapidshare.com/files/28820274...03400.awb.html
MD5: 1FD4D31C7E1F7660248FB0EEAAE9B1FF

يارب التسجيل ينال اعجابكم
ومستنى رأيكم بعد ما تسمعوا
عشان لسه عندى دعاء جميل ليه ....